Fréttablaðið - 22.02.2004, Qupperneq 8
8 22. febrúar 2004 SUNNUDAGUR
■ Asía
Óræð skilaboð
„Við erum samt ekki talsmenn
kláms sem slíkir.“
Talsmaður SMS-Private.com, sem opnað
hefur nýja klámsíðu á Netinu,
í Fréttablaðinu 21. febrúar.
Loftkastalar
„Loforð út á óraunsæjar bjart-
sýnisspár um bullandi hagvöxt
vegna stóriðjuframkvæmda án
nokkurra frádráttarliða á móti,
svo sem ruðningsáhrifa í at-
vinnulífinu, voru loftkastalar.“
Steingrímur J. Sigfússon, formaður
Vinstrihreyfingarinnar - græns framboðs,
í Morgunblaðinu 21. febrúar.
Með rýting í baki
„Mér finnst mjög ódrengilegt og
ómaklegt af Halldóri [Ásgríms-
syni] að reka svona rýting í bak-
ið á Valgerði [Sverrisdóttur].“
Magnús Reynir Guðmundsson, um
togstreitu innan Framsóknarflokks
vegna raforkulaga, í DV 21. febrúar.
Orðrétt
ATLANTSOLÍA „Við teljum að rík
ástæða sé fyrir því að undanþága
sé veitt enda hefur nýtilkomin
verðsamkeppni lækkað verð á
dísilolíu til atvinnubílstjóra um
13%. Við óskum eftir tímabund-
inni undanþágu og teljum að jafnt
skuli ganga yfir öll olíufélögin,“
segir Hugi Hreiðarson, markaðs-
stjóri Atlantsolíu.
Atlantsolía hefur óskað eftir
því við eftirlitsaðila að fá fimm
vikna undanþágu til að selja
dísilolíu frá bensínstöð sinni við
birgðastöð fyrirtækisins í Hafn-
arfirði, en það hefur ekki selt
eldsneyti eftir að Umhverfis-
stofnun og Heilbrigðisstofnun
Hafnarfjarðar lokuðu fyrir olíu-
sölu fyrir nokkru þar sem undan-
þága fékkst ekki veitt. Hugi er
bjartsýnn á að málið leysist í
næstu viku, þar sem birgðastöðin
uppfylli öll skilyrði um hollustu-
hætti og framkvæmdir við bens-
ínstöðina séu á lokastigi. Atvinnu-
bílstjórar í Hafnarfirði hafa þeg-
ar safnað undirskriftum og skora
á yfirvöld og ráðherra að veita
undanþáguna.
„Það er mikið í húfi. Atlants-
olía seldi lítrann á 35 krónur á
meðan hin olíufélögin seldu hann
á 36 krónur. Og daginn eftir að
Atlantsolíu var gert að stöðva
söluna hækkuðu félögin elds-
neytisverðið upp í 38 krónur,“
segir Benedikt Benediktsson,
framkvæmdastjóri Sendibíla-
stöðvar Hafnarfjarðar. ■
TEHERAN, AP Íslamskir harðlínu-
menn og aðrir andstæðingar um-
bótasinna unnu stóran sigur í
þingkosningunum í Íran á föstu-
daginn. Á hinn bóginn virðist sem
kosningaþátttakan hafi verið mun
minni en í síðustu kosningum,
sem telst þrátt fyrir allt ákveðinn
sigur fyrir umbótasinna.
Þegar talið hafði verið upp úr
kjörkössum í meira en helmingi
héraða landsins var kosningaþátt-
takan aðeins 43,29 prósent, sem er
mun minna en þau 67,2 prósent
sem tóku þátt í síðustu þingkosn-
ingum árið 2000.
Harðlínumenn voru búnir að
tryggja sér meira en 110 þingsæti
eftir talningu 60 prósent atkvæða
og ættu því auðveldlega að ná
þeim 146 þingsætum sem þarf til
að vera með meirihluta á þinginu.
Umbótasinnar voru komnir
með 49 þingsæti, þrátt fyrir að
mörgum helstu stjórnmálamönn-
um þeirra hafi verið bannað að
bjóða sig fram, og óháðir fram-
bjóðendur voru komnir með 10
þingsæti.
Umbótasinnar hvöttu lands-
menn til að hunsa kosningarnar,
þar sem harðlínuklerkarnir höfðu
bannað fjölmörgum umbótasinn-
um að bjóða sig fram til þings.
Komi í ljós að stór hluti lands-
manna hafi farið að þessum til-
mælum umbótasinna gæti staða
þeirra orðið mun sterkari en ella
þrátt fyrir tap í kosningunum.
„Að meira en helmingur kosn-
ingabærra manna skuli hafa neit-
að að kjósa ber með sér mikilvæg
skilaboð til íhaldsmanna, sem
skipulögðu ósanngjarnar, ólögleg-
ar og ófrjálsar kosningar,“ segir
Ali Shakourid, einn þeirra fulltrúa
stærsta flokks umbótasinna sem
ekki fékk heimild harðlínumanna
til að bjóða sig fram.
„Að meira en 70 prósent kjós-
enda í höfuðborginni Teheran og
meira en 50 prósent úti á landi
hafi ekki kosið er mikill ósigur
fyrir íhaldið,“ bætti hann við.
Harðlínumenn fullyrða engu að
síður að þegar lokið verður við að
telja upp úr kjörkössunum muni
koma í ljós að kosningaþátttakan
hafi þrátt fyrir allt verið góð. ■
Aftökuaðferðir:
Hætta að
skjóta fanga
UTAH, AP Öldungadeild ríkisþings-
ins í Utah vill leggja af aftöku-
sveitir í ríkinu og hætta að gefa
dauðadæmdum föngum þann val-
möguleika að vera skotnir til
bana frekar en að vera sprautað-
ir með banvænu efni. Frumvarp-
ið er umdeilt, en frægt er þegar
morðinginn Gary Gilmore var
tekinn af lífi í Utah með
aftökusveit árið 1976.
„Við viljum ekki gera hetjur úr
morðingjum með því að leyfa
þeim að falla í kúlnaregni,“ sagði
demókratinn Ron Allen.
Repúblikaninn Dave Thomas and-
mælti þessu og sagði að aftökur
ættu að vera opinberir viðburðir
til að letja fólk frá morðum. Hann
sagði að banvæn lyfjagjöf væri
auðvelda leiðin til að deyja fyrir
dauðadæmda afbrotamenn. ■
NAUÐGUN GEGN ÓGÆFU Hátt-
settur víetnamskur embættis-
maður hefur verið handtekinn
fyrir að nauðga þrettán ára
stúlku. Að sögn konu sem viður-
kenndi að hafa tælt stúlkuna á
hótel þar sem maðurinn nauðgaði
henni hafði hann beðið konuna að
útvega sér hreina mey til að sofa
hjá svo hann losnaði undan
ógæfu.
NAUÐASAMNINGAR Tetra Ísland hef-
ur enn ekki farið formlega fram á
að félagið fái heimild til að leita
nauðasamninga. Gögn þess efnis
eru tilbúin hjá félaginu en að sögn
Jóns Pálssonar framkvæmda-
stjóra standa vonir enn um sinn til
þess að frjálsir samningar náist
við kröfuhafa. Fram hefur komið
að samningar hafi náðst við flesta
kröfuhafa en enn á eftir að semja
við Símann, sem er stærsti ein-
staki lánardrottinn Tetra Ísland.
„Samhliða þessu ferli okkar
standa yfir viðræður. Síminn hef-
ur komið mjög vel fram við okkur
og sýnt mikla þolinmæði og við
erum að ræða um hvort það sé
hugsanlega hægt að finna ein-
hverja lausn á þessum málum,“
segir Jón.
Hann gerir ráð fyrir því að nið-
urstaða liggi fyrir á næstu dögum
um hvort beiðni um nauðasamn-
ing verði formlega lögð fram.
Tetra Island hefur fengið vil-
yrði fyrir því að stærstu hluthafar,
Landsvirkjun og Orkuveita
Reykjavíkur auki við hlutafé sitt ef
samningar við kröfuhafa nást. ■
Tetra Ísland:
Enn reynt að semja
KLERKUR GREIÐIR ATKVÆÐI
Þessi íranski guðsmaður greiddi atkvæði á föstudaginn í bænum Mashhad í austurhluta Írans.
ATLANTSOLÍA
Fyrirtækið hefur óskað eftir fimm vikna
undanþágu til að selja dísilolíu frá bensín-
stöð sína við birgðastöð í Hafnarfirði.
Atlantsolía vill undanþágu vegna birgðastöðvar:
Atvinnubílstjórar safna undirskriftum
Útgjöld Breta:
Bjór frekar
en grænmeti
BRETLAND Bretar eyða meira fé í
áfengi í viku hverri en þeir eyða í
ávexti og grænmeti, samkvæmt
úttekt bresku hagstofunnar.
Hvert breskt heimili ver að
meðaltali andvirði 760 króna í
áfengi á viku en tæpum 700 krón-
um í grænmeti og ávexti, sem er
álíka mikið og fer í tóbakskaup og
kaup á ólöglegum fíkniefnum.
Meira fé er þó varið til kaupa á
gosdrykkjum og sætindum, tæp-
um 800 krónum.
Bretar eyða þrefalt meira fé í
sjónvarps- og netáskriftir en að-
gangseyri að leikhúsum, lista-
söfnum og bíóhúsum. ■
Skuggi á kosningasigri
Léleg kosningaþátttaka í Íran varpar skugga á yfirgnæfandi sigur harðlínumanna í Írak. Staða
umbótasinna verður þar með sterkari þrátt fyrir tap í kosningunum.
AP
/
K
AM
R
AN
J
EB
R
EI
LI
FRAMKVÆMDASTJÓRI TETRA ÍSLAND
Viðræður við kröfuhafa standa enn yfir en ekki hefur formlega verið farið fram á heimild
til nauðasamninga.
FR
ÉT
TA
B
LA
Ð
IÐ
/G
VA