Fréttablaðið - 22.02.2004, Qupperneq 12
Hagnaðartölur banka og ann-arra stórfyrirtækja hafa ver-
ið að detta inn og út úr umræðunni
undanfarið. Það má sjálfsagt lengi
velta þeim tölum fyrir sér en þær
eru hins vegar orðnar svo fárán-
lega háar í augum hins almenna
launamanns að hann veit varla
hvað hann á að halda um þær.
Helstu áhrif þessara talna á
daglaunaþrællinn sem hangir á
horriminni eru þau að þær fylla
hann tortryggni; það hljóti að
vera maðkur í þessari gróðamysu.
Eru þessi fyrirtæki kannski að
hluta þessara peninga af mér?
spyr hann sig á meðan hann dælir
bensíni sjálfur á bílinn sinn og
kaupir Prins Póló fyrir hagnað-
inn.
Ímyndarsmiðir þeirra sem
liggja á gróðanum hafa komist að
því að það borgar sig að henda
nokkrum molum af gnægtaborð-
inu og kjósa oftast að láta ein-
hverja aðila sem aldrei geta skil-
að gróða en vinna þjóðþrifaverk
njóta gjafanna. Milljón í þetta
íþróttafélag, hundraðþúsund kall í
hitt og reytingur handa langveik-
um börnum og einstæðum mæðr-
um.
Þeir sem vildu selja stofnfé
SPRON ætluðu til dæmis að rétt-
læta viðskiptin með sjóði sem
myndi úthluta um 300 til 400
milljónum króna árlega í hitt og
þetta í menningunni.
Gott og vel. Engin ástæða til
að amast við göfugri viðleitni til
að láta gott af sér leiða en af
hverju ekki að ganga skrefið til
fulls og gera hlutina með stæl
svo um munar? Landsbanki, Ís-
landsbanki og KB banki högnuð-
ust samanlagt um 16,3 milljarða
á síðasta ári. Væri ekki ráð að
setja tíund af þessum peningum í
menningu, íþróttir og eitthvað
sem fær fólk til að hugsa og
hreyfa sig?
Þetta væri vitaskuld viðsnún-
ingur á viðskiptahugmynd kirkj-
unnar, sem gengur út á að smæl-
ingjarnir greiði hinum stóra tíund
launa sinna, en er samt ekki svo
galið.
Meirihluti tekna hins almenna
borgara fer hvort sem er í það að
smyrja tannhjól peningamaskín-
unnar á einn eða annan hátt
þannig að þetta yrði bara falleg
og skemmtileg hringrás. Það yrði
að vísu meira líf og fjör í tilver-
unni, en líklega hentar það hags-
munum þeirra sem ráða og
græða best ef fólk situr hugsun-
arlaust fyrir framan sjónvarpið
alla daga. ■
Smáa letrið
ÞÓRARINN ÞÓRARINSSON
■ veltir fyrir sér hvort tíundargreiðslur
stórfyrirtækja til almennings myndu
gera lífið skemmtilegra eða bara
flóknara.
12 22. nóvember 2004 SUNNUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Skaftahlíð 24, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Rafpóstur auglýsingadeildar:
auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu, Suðurnesjum og Akureyri. Einnig er
hægt að fá blaðið í völdum verslunum á lands-
byggðinni. Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
ISSN 1670-3871
Ráðherra lofar skeini úr
heimabyggð
„Valgerður Sverrisdóttir iðnaðar-
ráðherra hámaði í dag í sig lakk-
rís og rúsínur og fór síðar á sal-
ernið í Laugardalslaug frammi
fyrir kastljósi fjölmiðla er hún tók
þátt í kynningu á framleiðsluvör-
um nýrrar verksmiðju, Valco, í
heimabyggð hennar á Grenivík.
Að sögn fulltrúa verksmiðjunnar
er um að ræða byltingarkennda
gerð af salernispappír. Pappírinn
er unninn úr þurrkuðum sauða-
görnum og sútuðu blöðruþangi og
er því algjörlega lífrænn. Eigin-
leikar hinnar nýju framleiðslu eru
víst mjög eftirsóttir fyrir pappír af
þessu tagi. Hann er að sögn með
afar háan þurrkstuðul og auk
þess þolir hann 3-5 þvotta og er
því margnota.
Ráðherrann prófaði pappírinn
frammi fyrir miklu fjölmiðlafári
þar sem Flugufóturinn lét sig að
sjálfsögðu ekki vanta. Eftir að
hafa náð pattstöðu við páfann
sagði Valgerður að framleiðslan
væri mikilvæg fyrir íslenskan iðn-
að og stuðlaði að aukinni upp-
byggingu á Grenivík. Lofaði hún
vörurnar að því loknu og líkti
áferð pappírsins við flannel og
sagði áberandi hvað hann væri
vel lyktandi. Flugufóturinn áttaði
sig þó ekki á því í hvað hún var
að vísa með því.
Eftir stutta tölu og ávarp til fjöl-
miðlamanna, var komið að lotu
nr. 2 og í þetta sinnið ætlaði ráð-
herra að sýna fram á að þurrk-
geta pappírsins skerðist sama og
ekki neitt við þvott og er því vel
brúkhæfur aftur. Var ekki laust
við að ráðherra hafi verið furðu-
lostinn að loknu næsta þrátefli.
Valco sem fékk góðan stuðning
frá Byggðastofnun, Iðnaðarráðu-
neytinu og Sparisjóðnum á Greni-
vík bindur miklar vonir við hina
nýja vöru. „Við vonumst til þess
að geta með þessu framtaki skap-
að um 15 ný störf á Grenivík og
jafnvel enn meira ef útflutningur
tekst vel til. En það verður að
miklu leyti undir henni Völu okk-
ar komið og stuðningi ráðuneytis-
ins“, sagði fulltrúi Valco að lok-
um og ekki var laust við að það
kímdi í honum.“
FLUGUFÓTURINN Á DEIGLAN.COM. EN EKKI MUN VERA
FLUGUFÓTUR FYRIR NEINU SEM ÞAR KEMUR FRAM.
■ Af Netinu
Meistarar í aflraunum
Dalvegi 6-8 · 201 Kópavogur
Sími 535 3500 · Fax 535 3509
www.kraftvelar.is
Í blaðinu í gær birtist röng myndmeð viðtali við Guðmund
Bjarnason, bæjarstjóra í Nes-
kaupstað. Er beðist velvirðingar á
þessum mistökum.
■ Leiðrétting
Á fundi í Snælandsskóla 12.febrúar síðastliðinn kynnti
bæjarskipulag Kópavogs nýjar
hugmyndir að skipulagi á Lund-
arlandinu í Fossvogsdal. Þar
komu í fyrsta skipti fram hug-
myndir að skipulagi á svæðinu
eftir að kröftug mótmæli íbúa
neyddu Framsóknar- og Sjálf-
stæðisflokk til þess að leggja
hugmyndir um þétta turna-
byggð til hliðar.
Grátbroslegir forystumenn
Þau vinnubrögð að leggja
skipulagsmál fyrir íbúa á hug-
myndastigi eru til fyrirmyndar
og vonandi verður áframhald á
því hér í bænum. Það var hins
vegar hlægilegt að sjá til Gunn-
ars I. Birgissonar og Sigurðar
Geirdal á fundinum. Þeir keppt-
ust við að sannfæra fundarmenn
um áhuga sinn á íbúalýðræði og
samráði við íbúana. Þegar íbúa-
samtökin Betri Lundur héldu
sinn fjölmenna fund 4. nóvem-
ber 2003 örlaði ekki á þessari
gríðarlegu lýðræðisást og áhuga
á samráði, en þá sýndi enginn
bæjarfulltrúi Sjálfstæðis- eða
Framsóknarflokks íbúunum þá
sjálfsögðu virðingu að mæta til
fundarins. Og sjónarmið Gunn-
ars og Sigurðar um að lítið sé að
marka undirskriftalista – „fólk
skrifar undir hvað sem er“ –
hefur oft komið fram í bæjar-
stjórn og víðar.
Þagnarbindindi
Ástæðan fyrir því að þeir fé-
lagar breyta um stefnu í málinu
er sú að þeim var bent á með
skýrum hætti að nú færi að
styttast í prófkjör og fólk
myndi trúlega taka höndum
saman um að kjósa ekki áfram
slíka yfirgangsmenn. Það er
rótin að nýfengnum áhuga
Gunnars og Sigurðar á íbúalýð-
ræðinu. Þeir eru að hugsa um
sína hagsmuni öðru fremur. Á
meðan fyrri tillaga var til aug-
lýsingar kom fram hjá þeim fé-
lögum sú nýstárlega skoðun að
þeir tjáðu sig ekki um skipu-
lagshugmyndir meðan þær
væru í auglýsingu. Þetta „þagn-
arbindindi“ er alveg nýtt og
aldrei áður hafa bæjarfulltrúar
meirihlutans setið hjá í um-
ræðu um auglýstar skipulags-
tillögur. Auðvitað var hér um
fyrirslátt að ræða til þess að
reyna að komast hjá erfiðum
umræðum. Ég skora á bæjar-
búa að fylgjast með því hvort
þagnarbindindið verður áfram í
gildi í skipulagsmálum hér á
næstu vikum og mánuðum.
Samstaðan er sigurvegari
Það var samstaða og barátta
íbúanna í bænum sem stoppaði
„turna“-skipulagið. Íbúarnir og
samtökin Betri Lundur eru sigur-
vegarar í málinu. Allir sem búa
munu á svæðinu, nota dalinn til
útivistar og er annt um ásýnd
Kópavogs eiga því kraftmikla
fólki skuld að gjalda.
Á grundvelli nýju hugmynd-
anna á að vera hægt að ná breiðri
samstöðu um skipulagið sem er
bænum til sóma. Það er þó langt
frá því að vera fullunnið og ýmis-
legt sem þarf að bæta og laga.
Hvernig samið verður við erfða-
festuhafa er óleyst mál og það
hefur ekkert breyst með nýju
skipulagshugmyndunum.
Við í Samfylkingunni höfum
undanfarin ár talað fyrir samráði
og samstarfi við uppbyggingu í
dalnum. Við vorum á móti fyrra
skipulagi strax síðastliðið sumar
og höfum barist einarðlega gegn
þessu skipulagsslysi á vettvangi
bæjarins. Við munum halda
áfram að ræða skipulagsmál í
Kópavogi á málefnalegan hátt og
af framsýni þar sem hagsmunir
Kópavogsbúa allra eru hafðir að
leiðarljósi.
Geta þeir lært ?
Vonandi hafa Framsóknar- og
Sjálfstæðismenn lært sína lexíu
um samráð og íbúalýðræði í
þessu máli. Trúlega er nokkuð
seint að kenna Gunnari, Sigurði
og þeirra félögum eðlileg og upp-
lýst vinnubrögð í samskiptum við
fólkið í bænum. Það er örugglega
auðveldara og vænlegra að kjósa
til forystu annað fólk og nýjan
meirihluta. ■
Lundarskipulag á réttri leið
Umræðan
FLOSI
EIRÍKSSON
■ oddviti Samfylking-
arinnar í Kópavogi
skrifar um nýjar skipu-
lagshugmyndir á landi
Lundar og forystu-
menn meirihlutans.
HIÐNÝJA SKIPULAG LUNDARSVÆÐISINS
GAMLA SKIPULAG LUNDARSVÆÐISINS
Tíund