Fréttablaðið - 23.02.2004, Blaðsíða 2
2 23. febrúar 2004 MÁNUDAGUR
„Nei, ég er rosalegur klaufi á skíðum. En
það mun ekki koma að sök þar sem ég
hyggst verja tíma mínum sem forseti í
merkilegri hluti en sprikl á skíðum.“
Ástþór Magnússon býður sig fram til embættis
forseta Ísland en skíðaferð Ólafs Ragnars Gríms-
sonar á dögunum dró dilk á eftir sér.
Spurningdagsins
Ástþór, heldurðu að þú sért nógu
góður á skíðum?
■ Lögreglufréttir
Sprengdi sig í
strætisvagni
Níu manns fórust og nærri 60 slösuðust í sjálfsvígsárás í Jerúsalem í gær-
morgun. Alþjóðadómstóllinn í Haag fjallar í dag um lögmæti varnar-
múrsins sem Ísraelsmenn eru að reisa.
JERÚSALEM, AP Palestínumaður
sprengdi sjálfan sig í loft upp í troð-
fullum strætisvagni í Jerúsalem í
gærmorgun. Níu manns létust, að
meðtöldum sprengjumanninum, og
59 slösuðust.
Skæruliðahreyfing svonefndra
Al Aksa-píslarvotta lýsti yfir
ábyrgð á árásinni, en hún er laus-
lega tengd Fatah-hreyfingu Yassers
Arafat. Jafnframt nafngreindi
hreyfingin árásaramanninn. Hann
hét Mohammed Zool, var 23 ára
gamall og bjó í þorpinu Hussan,
sem er skammt frá Betlehem.
Stuttu eftir árásina umkringdu
ísraelskir hermenn Betlehem.
Palestínska lögreglan yfirgaf síð-
an stöðvar sínar í borginni.
Sprengingin varð um hálfníu-
leytið að ísraelskum tíma, einmitt
þegar mesti annatíminn er í um-
ferðinni. Strætisvagninn var
staddur rétt hjá bensínstöð í mið-
borg Jerúsalem.
„Þetta var eins og jarðskjálfti,“
sagði Ora Jarov, sem var staddur
á bensínstöðinni þegar sprengjan
sprakk. „Bensínstöðin fylltist af
glerbrotum og tægjum úr manns-
holdi.“
Ísraelsk stjórnvöld segja árás
af þessu tagi ekki hafa átt sér stað
ef búið væri að reisa varnarmúr
utan um Jerúsalem.
„Þessi árás sannar bara hve
áríðandi það er að byggja girðing-
una,“ sagði Silvan Shalom utanrík-
isráðherra.
Árásin var gerð degi áður en
Alþjóðadómstóll Sameinuðu þjóð-
anna í Haag tekur til meðferðar
lögmæti múrsins, sem Ísraels-
menn eru komnir vel á veg með að
reisa utan um Vesturbakkann.
Ísraelsmenn segja múrinn nauð-
synlegan til þess að verjast árásum
af þessu tagi. Palestínumenn gagn-
rýna hins vegar harðlega að múrinn
nær víða langt inn á landsvæði
Palestínumanna. Framkvæmdirnar
valdi fjölmörgum Palestínumönn-
um verulegum óþægindum, og sé þó
ekki á erfiðleikana bætandi.
Ísraelsmenn virðast sjálfir
vera farnir að átta sig á að eitt-
hvað sé hæft í þessari gagnrýni
Palestínumanna. Í það minnsta
byrjuðu þeir að rífa niður um-
deildan átta kílómetra langan
kafla af múrnum aðeins fáeinum
mínútum áður en sprengjan
sprakk í gærmorgun. ■
Unglingum bjargað í Helgafelli:
Lentu í sjálfheldu
BJÖRGUNARAÐGERÐIR Tveimur
unglingspiltum sem lentu í sjálf-
heldu ofarlega í Helgafelli í
Kaldárbotnum síðdegis í gær
var bjargað af fjallabjörgunar-
mönnum. Piltarnir höfðu þá beð-
ið í nokkrar klukkustundir eftir
hjálp.
Björgunarsveit Hafnarfjarð-
ar og Hjálparsveit skáta í Kópa-
vogi voru kallaðar út um
hálfsexleytið. Tíu fjallabjörgun-
armenn voru sendir á vettvang
þar sem piltarnir biðu aðstoðar.
Aðstæður voru erfiðar á svæð-
inu, klettabelti á báðar hendur.
Rigning var og því erfitt að fóta
sig á hálum klöppum í fellinu.
Einnig voru lausar moldarskrið-
ur í hlíðum þess varasamar.
Eftir að björgunarmennirnir
komu að piltunum þurftu þeir að
síga með þá niður 70-80 metra
þar til komið var á öruggt svæði
í fellinu. Piltarnir voru þá orðnir
kaldir, enda illa búnir til fjalla-
ferða á þessum árstíma. Að öðru
leyti varð þeim ekki meint af
volkinu. ■
Aðstoðuðu ökumann:
Sat fastur í
tíu tíma
LÖGREGLUFRÉTTIR Ökumaður
jeppabifreiðar sat fastur í tíu
tíma á fjallveginum Öxi en
björgunarsveitir frá Egilsstöð-
um og Breiðdalsvík komu hon-
um til aðstoðar aðfaranótt
sunnudags. Maðurinn hafði lagt
af stað frá Egilsstöðum á hádegi
á laugardegi og ætlaði til
Djúpavogs. Um nóttina var far-
ið að óttast um hann og var lög-
regla látin vita. Leit hófst um
fjögurleytið og fundu björgun-
arsveitirnar manninn og aðstoð-
uðu hann við að koma bílnum til
baka. Manninum varð ekki
meint af. ■
Þrír menn handteknir:
Með
amfetamín í
bílnum
LÖGREGLUFRÉTTIR Þrír menn voru
handteknir aðfaranótt sunnudags
eftir að lögreglan á Akranesi fann
15 grömm af amfetamíni við leit í
bifreið þeirra. Bifreiðin var stöðv-
uð við hefðbundið umferðareftirlit
og vaknaði grunur um að mennirn-
ir væru með efni með sér. Þeir
heimiluðu leit í bifreiðinni og þegar
amfetamínið fannst viðurkenndi
einn þeirra að eiga það. Mennirnir
voru handteknir en sleppt að lokn-
um yfirheyrslum. Málið telst upp-
lýst, að sögn lögreglu. ■
FIMM STÚTAR Fimm ökumenn
voru teknir fyrir ölvunarakstur í
Reykjavík aðfaranótt sunnudags.
Töluverð ölvun var í miðbænum
um helgina að sögn lögreglu en
ekki var tilkynnt um neinar al-
varlegar líkamsárásir.
BÍLVELTA Engin slys urðu á fólki
þegar bifreið valt við Bæjarháls í
gærmorgun. Bifreiðinni hafði
verið ekið á umferðareyju með
þessum afleiðingum.
ÖLVUNARÓLÆTI Nokkur erill var
hjá lögreglunni á Selfossi aðfara-
nótt sunnudags, en tveir þurftu
að gista fangageymslu eftir ölv-
unarólæti á veitingastaðnum
Pakkhúsinu. Þá voru tveir teknir
fyrir ölvun við akstur.
TVEIR Í FANGAGEYMSLUR Tveir
menn gistu fangaklefa í Keflavík
aðfaranótt sunnudags, annar
vegna heimilisófriðar og hinn
vegna ölvunarláta á samkomu í
Garðinum. Þá voru skemmdar-
verk unnin á tveimur stöðum,
brotnar rúður á verkstæði og
afturrúður í bifreið.
Kjaraviðræður:
Þolinmæðin
þverrandi
KJARAVIÐRÆÐUR Sigurður Bessason,
formaður Eflingar, segir engin
stór tíðindi hafa
orðið í kjaravið-
ræðum um
helgina en þó
hafi þokast í
rétta átt og
ýmis mál klár-
ast. Þó á enn
eftir að ræða
um stærstu
málin; lífeyris-
mál, launainn-
röðun og launa-
tölur.
Hann segir mál vera í eðlileg-
um farvegi en segir að ef samn-
ingar takist ekki í vikunni verði
verkfallsúrræði skoðuð.
Kristján Gunnarsson, formað-
ur Verkalýðs- og sjómannafélags
Keflavíkur, segir að hann vildi
sjá mál hafa unnist hraðar.
„Hægt og bítandi tæmist af
reikningi þolinmæðarinnar,“ seg-
ir hann. ■
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Vor í París 14. - 17. maí
Yndisleg vorferð til Parísar þar sem gist verður á 3ja stjörnu
hótelinu Home Plazza Bastille í þrjár nætur. Íslenskur
fararstjóri er Laufey Helgadóttir, listfræðingur.
Verð: 36.475 kr. á mann í tvíbýli auk 10 þús. ferðapunkta.
Innifalið: Flugvallarskattar og þjónustugjöld. Nánari upplýsingar fyrir ofangreind tilboð hjá
Icelandair í hópadeild, sími 505 0406 eða sendið tölvupóst á groups@icelandair.is ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
FAGNA BLÓÐBAÐINU
Meðlimir í píslarvottasveitum Al Aksa gerðu sér dagamun í gær og dreifðu sætabrauði í
tilefni af sjálfsvígsárásinni í Jerúsalem, sem kostaði nærri tíu manns lífið.
M
YN
D
/A
P
Sundlaugin í Bolungarvík:
Sýndi vinum
myndir
PERSÓNUVERND Persónuvernd telur
að starfsmaður sundlaugarinnar á
Bolungarvík hafi gerst sekur um
brot á lögum um persónuvernd og
meðferð persónuupplýsinga með
því að sýna félögum sínum, sem
ekki voru starfsmenn sundlaugar-
innar, myndir úr eftirlitsvél laug-
arinnar.
Málshefjendur eru tveir
menn sem fóru í laugina ásamt
stúlku utan opnunartíma en sam-
kvæmt frétt Stöðvar 2 í gær-
kvöld munu þau þrjú hafa verið
klæðafá og látið vel hvert að
öðru í lauginni. ■
KOMINN KLAKKLAUST NIÐUR
Piltarnir voru orðnir kaldir, enda illa búnir
til fjallaferða á þessum árstíma.
Breytingar í ríkisstjórninni næsta haust:
Davíð íhugar að verða
dómsmálaráðherra
STJÓRNMÁL Davíð Oddsson forsætis-
ráðherra lét sterklega að því liggja
í fréttaskýringarþætti í Ríkissjón-
varpinu í gærkvöld að hann hefði
hug á því að setjast í stól dóms-
málaráðherra þegar Halldór Ás-
grímsson tekur við embætti for-
sætisráðherra 15. september.
Hann sagðist ekki telja að það
hefði mikil áhrif á stöðu formanns
Sjálfstæðisflokksins í hvaða ráðu-
neyti hann sæti. „Áhrif hans breyt-
ast ekkert við það. Þannig að það
er þá bara spursmál um það hvort
formaður flokksins vilji vera
heima en ekki í utanríkisráðuneyti
þar sem menn þurfa að vera mikið
í burtu. Það myndi ekki hugnast
mér að vera mikið í burtu. Fjár-
málaráðuneytið er ráðuneyti sem
þarf að sinna mjög miklum fundar-
höldum með öðrum ráðherrum og
það er ekki endilega víst að það sé
heppilegt fyrir formann flokks.
Þess vegna kemur ráðuneyti eins
og dómsmálráðuneytið, sem er
ekki eins umfangsmikið og þessi
tvö ráðuneyti en mikilvægt þó,
einnig til greina. Það er hægt að
færa rök fyrir öllu saman,“ sagði
Davíð í viðtalinu við Pál Bene-
diktsson í ríkissjónvarpinu í gær. ■
DAVÍÐ ODDSSON
Gefur til kynna að hann kjósi að setjast í
stól dómsmálaráðherra 15. september.
SIGURÐUR
BESSASON
Segir kjaraviðræður
í eðlilegum farvegi.