Fréttablaðið - 23.02.2004, Blaðsíða 4
4 23. febrúar 2004 MÁNUDAGUR
Hefur þú áhyggjur af komum
flóttamanna til Íslands?
Spurning dagsins í dag:
Finnst þér að leggja eigi niður
embætti forseta Íslands?
Niðurstöður gærdagsins
á www.frett.is
23%
70%
Nei
7%Hef ekki hugleitt það
Já
Kjörkassinn
Farðu inn á frett.is og segðu þína skoðun
frétt.is
Forsetakosningarnar í Bandaríkjunum:
Nader býður sig fram sjálfstætt
AP, WASHINGTON Ralph Nader, tals-
maður neytendasamtaka í Banda-
ríkjunum, tilkynnti í gær að hann
ætlaði að bjóða sig fram til forseta
Bandaríkjanna. Hann kallaði Wash-
ington „hernumið svæði af stór-
fyrirtækjum“ og að lítill munur
væri orðinn á Demókrata- og
Repúblíkanaflokknum.
Margir demókratar vilja kenna
framboði Naders fyrir fjórum árum
síðan um ósigur Al Gore í kosning-
unum gegn George W. Bush. Nader,
sem fagnar sjötugsafmæli sínu síð-
ar í vikunni, segist hafa íhugað að
setjast í helgan stein en að hann hafi
hætt við það vegna þeirrar stöðu
sem bandaríska þjóðin er í.
„Þessi þjóð er að glíma við fleiri
vandamál og meira óréttlæti en hún
á skilið,“ sagði Nader í tilkynningu
sinni sem sjónvarpað var beint á
NBC. Þar sagðist hann ætla að ögra
tveggja flokka einokun sem sé við
lýði í bandarískri pólitík. „Það er of
mikið vald og auður í höndum fárra.
Þeir hafa yfirtekið Washington,“
sagði Nader.
Aðspurður um hvort hann
myndi draga framboð sitt til baka
ef skoðannakannanir sýndu að
framboð hans myndi tryggja
George W. Bush áframhaldandi
setu í Hvíta húsinu sagðist Nader
ætla að svara þeirri spurningu ef
sú staða kæmi upp. ■
VIÐTAL Móðir Vaidas Jucevicius seg-
ir í viðtali við litháenska dagblaðið
Lietuvos Rytas að hún eigi erfitt
með að trúa að sonur hennar hafi
smyglað fíkniefnum og með þeim
hætti sem komið hefur í ljós. Hún sá
son sinn síðast þriðja febrúar. Hann
sagði henni þá að hann þyrfti að
fara í burtu í fjóra daga, sagðist
þurfa að gera við bíl. Daginn eftir
sagði unnusta Vaidas móðurinni að
hann hefði farið úr landi. Eftir það
hafði hann aðeins einu sinni sam-
band við unnustu sína og bað hana
að skila því til móður sinnar að hann
kæmi fljótlega.
Móðir Vaidas er viss
um að sonur sinn
hefði ekki sagt unn-
ustu sinni hvað hann
væri að aðhafast
þannig að hún gæti
ekki sagt öðrum.
Þegar Vaidas
kom ekki heim á
þeim tíma sem hann ætlaði óttaðist
móðir hans að eitthvað slæmt hefði
gerst. Hún segist hafa haft grun um
að eitthvað vont væri yfirvofandi,
hann væri einhvers staðar í útlönd-
um. Meðal þess sem hún óttaðist
var að til stæði að selja úr honum
líffæri. Hún vonaðist að hann
kæmist undan.
Heyrði í útvarpinu
Hún heyrði fyrst um dauða
sonar síns í útvarpinu þegar frétt
af líkfundinum í Neskaupstað
var lesin í fréttatíma. Þá var að-
eins talað um þjóðerni þess látna
og aldur. Hún sagðist hafa fund-
ið á sér að verið væri að tala um
Vaidas. Í fréttinni var sagt að sá
látni hefði verið klæddur í þunn-
an bol með litháenskum merkj-
um og við það varð hún enn
sannfærðari, lýsingin átti vel
við son hennar. Síðar fékk hún
staðfestingu hjá lögreglunni að
það væri sonur hennar sem
hefði fundist látinn. Hún segir það
hafa verið mikið áfall og að líf henn-
ar hafi hreinlega stöðvast.
Lífið hefur ekki leikið við móð-
ur Vaidas Jucevicius. Í seinni
heimsstyrjöldinni var hún í Síber-
íu. Hún skildi við mann sinn þegar
synir hennar voru fjórtán og tutt-
ugu ára og hefur frá því séð ein
um sig og sína. Hún vann lengst á
bókasafni með lág laun sem hún
lét duga til framfærslu, enda ekki
um marga kosti að ræða.
Fékk ekki vinnu
Í níunda bekk hóf Vaidas nám í
rafmagnsfræðum en hætti því fljót-
lega. Þá fór hann að vinna sem bar-
þjónn í bænum Siauliai en vegna
veikinda í maga ákvað hann
að flytja aftur í heimabæinn og
reyna að fá vinnu þar sem barþjónn.
Það gekk ekki eftir, enga vinnu var
að fá. Eftir það lenti hann í vanda.
Móðir hans segist ekki halda því
fram að Vaidas sé saklaus. Hún seg-
ir að kannski hafi hann ekki gert
annað en að leiðast út á ranga braut
þar sem enga vinnu var að fá.
Í grein blaðsins kemur fram að
Vaidas hafi verið bílaþjófur og unn-
ið fyrir gengi sem kallast Vilko.
Vaidas sat í fangelsi í Þýskalandi
fyrir bílaþjófnað. Auk þess sat hann
í Lukiskes-fangelsinu í Litháen í
hálft ár, dæmdur fyrir bílaþjófnað
og handrukkun.
Vaidas átti aftur að mæta fyrir
rétt níunda febrúar. Móðir hans
hafði komið í veg fyrir að hann sæti
í fangelsi fram að þeim tíma, hún
seldi land sem hún átti og
borgaði tryggingu fyrir
Vaidas.
Nú vonast móðir hans til
að tryggingaféð verði endur-
greitt til að hún geti borgað
flutninginn á líkinu og fyrir
útför sonar síns. Hún telur þó
að peningarnir dugi ekki og
veltir fyrir sér hvort hægt
verði að brenna hann á Íslandi
því ódýrara ætti að vera að
flytja öskuna á milli landa, en
móðirin vill fá að jarða son
sinn í sínu heimalandi.
hrs@frettabladid.is
TVÖ FÍKNIEFNAMÁL Þrír voru
handteknir í tveimur fíkniefna-
málum sem komu upp í Borg-
arnesi síðasta föstudagskvöld.
Lögreglan fann, við almennt
eftirlit um 5 grömm af am-
fetamíni og rúm 2 grömm af
hassi í tveimur bílum sem
stöðvaðir voru með stuttu
millibili. Málin teljast upplýst
og var mönnunum sleppt eftir
yfirheyrslur.
FÉLL Í HÖFNINA Maður datt í
höfnina á Húsavík á laugar-
dagskvöldið, en hann var dreg-
inn upp aftur af félögum sín-
um. Lögregla fór með manninn
til eftirlits hjá lækni, enda
mikið frost þegar atvikið varð.
Maðurinn fékk að fara heim að
lokinni skoðun.
Borgarfjörður:
Létust í um-
ferðarslysi
ANDLÁT Stúlkurnar tvær sem létust í
umferðarslysi rétt við Bifröst í
Borgarfirði á föstudag hétu Sunna
Þórsdóttir og Linda Guðjónsdóttir.
Sunna var fædd þann 23. mars
árið 1990. Hún var til heimilis að
Melhaga 16 í Reykjavík. Linda var
fædd 25. apríl árið 1990. Hún var til
heimilis að Dunhaga 11 í Reykjavík.
Stúlkurnar voru báðar nemend-
ur í Hagaskóla í Reykjavík. Minn-
ingarathöfn var haldin um stúlkurn-
ar í skólanum á laugardag. ■
Umferðaróhöpp við
Reykjavík:
Tvær bílvelt-
ur á skömm-
um tíma
LÖGREGLUFRÉTTIR Tveir bílar ultu
með stuttu millibili um sexleytið í
gær og voru alls fjórir fluttir á
slysadeild. Enginn var þó talinn al-
varlega slasaður. Fyrri bíllinn valt
á Suðurlandsvegi við Rauðhóla.
Tveir voru í bílnum en meiðsli
þeirra voru ekki talin alvarleg. Síð-
ari bifreiðin valt á Vesturlands-
vegi við Leirvogsá. Ökumaðurinn
missti stjórn á bílnum í hálku með
fyrrgreindum afleiðingum. Hann
og farþegi bílsins voru fluttir með
sjúkrabíl á slysadeild en meiðslin
voru talin minniháttar. ■
RALPH NADER
Býður sig ekki fram undir merkjum Græns
framboðs, eins og fyrir fjórum árum,
heldur sjálfstætt.
■ Lögreglufréttir
VAIDAS JUCEVICIUS
Fór að heiman þriðja febrúar og nú er kannað hvort hann hafi látist þremur dögum síðar, þá nýkominn til Íslands.
Móðirin segir Vaidas
ekki vera saklausan
Móðir Vaidas Jucevicius segist vilja trúa að sonurinn hafi ekki verið afbrotamaður, en óttast
að hann hafi lent í slæmum félagsskap. Vill fá líkið heim svo hún geti grafið hann í heimalandinu.
Þetta kemur fram í viðtali í litháensku blaði.
DAGBLAÐIÐ LIETUVOS RYTAS
Litháenska dagblaðið Lietuvos Rytas
birti á laugardaginn viðtal við móður
Vaidas Jucevicius.
SUNNA
ÞÓRSDÓTTIR
LINDA
GUÐJÓNSDÓTTIR
■
Auk þess sat
hann í
Lukiskes-fang-
elsinu í Litháen
í hálft ár,
dæmdur fyrir
bílaþjófnað og
handrukkun.