Fréttablaðið - 23.02.2004, Blaðsíða 8
8 23. febrúar 2004 MÁNUDAGUR
■ Evrópa
Erfitt ævistarf
„Almennt með listamenn eru
þeir uppteknir af sjálfum sér og
fullir af sársauka.“
Þorfinnur Guðnason kvikmyndargerðarmaður
í Morgunblaðinu 22. febrúar.
Bakslag
„Það er komið bakslag í jafn-
réttisumræðuna. Það er litið á
hana eins og sérmál sem þurfi
ekki lengur að taka mikið tillit
til.“
Þórhildur Þorleifsdóttir leikstjóri
í Fréttablaðinu 22. febrúar.
Vandræðalegt
„Forsetaembættið er vandræða-
legt embætti sem á sér enga
skýra fótfestu í íslenskri stjórn-
skipan.“
Hannes Hólmsteinn Gissurarson
í Fréttablaðinu 22. febrúar.
Orðrétt
Samgönguráðherra:
Undirbýr fjarskiptaáætlun
FJARSKIPTAÁÆTLUN Samgönguráð-
herra hefur ákveðið að hefja
undirbúning að gerð fjarskipta-
áætlunar fyrir árin 2005 til 2010
en með henni er stefnt að því að
móta heildarstefnu í fjarskipta-
málum á Íslandi. Fjögurra
manna stýrihópi er ætlað að
hafa yfirumsjón með verkefn-
inu.
Formaður nefndarinnar er
Hrafnkell V. Gíslason, forstjóri
Póst- og fjarskiptastofnunar, en
aðrir í hópnum eru Bergþór Óla-
son, aðstoðarmaður samgöngu-
ráðherra, Guðbjörg Sigurðar-
dóttir, verkefnisstjóri í forsætis-
ráðuneytinu, og Karl Alvarsson,
lögfræðingur í samgönguráðu-
neytinu. Starfsmaður stýrihóps-
ins er Þorsteinn Helgi Steinars-
son verkfræðingur.
Markmið fjarskiptaáætlunar-
innar eru meðal annars að leggja
grunn að framþróun íslensks
samfélags með því að bjóða
bestu, hagkvæmustu og örugg-
ustu rafrænu samskiptin með
beitingu fjarskipta- og upplýs-
ingatækni.
Við það er miðað að áætlunin
geri tillögur um aðgerðir á sem
flestum sviðum fjarskipta- og
upplýsingatækni ásamt tillögum
um tímamörk og kostnað við
áætlunina.
Stýrihópnum er ætlað að skila
tillögu að nýrri fjarskiptaáætlun
eigi síðar en 1. september næst-
komandi. ■
Jóhannes Páll páfi:
Ákveðinn í að sameina
kristnar kirkjudeildir
PÁFAGARÐUR, AP Jóhannes Páll II
páfi er harðákveðinn í því að gera
allt sem hann getur til að sameina
kristnu kirkjudeildirnar, það er að
segja rómversk-kaþólsku kirkj-
una, austur-kaþólsku rétttrúnað-
arkirkjurnar og svo mótmælenda-
kirkjur af ýmsu tagi.
Í vikulegu ávarpi sínu til píla-
gríma á Péturstorginu í Róm
sagði hann þetta verkefni sitt
vera „ómissandi köllun“ sem
kæmi frá Guði. Honum væri ætl-
að að „veita öllum kristnum
mönnum þessa sérstöku þjón-
ustu“.
Allt frá því Jóhannes Páll II
tók við páfadómi hefur hann haft
það markmið að sameina kristna
menn í eina kirkju. Honum hefur
þó ekki orðið mikið ágengt, enda
víða mætt andstöðu, ekki síst
meðal rétttrúaðra í fyrrverandi
Sovétlýðveldum.
Í gær átti Alexí II, patríarki
rússnesku rétttrúnaðarkirkjunn-
ar, fund í Moskvu með Walter
Kasper kardinála, fulltrúa Páfa-
garðs, sem er staddur í Moskvu
til þess að reyna að bæta sam-
skipti kirkjudeildanna.
Rússneski patríarkinn notaði
tækifærið til að gagnrýna trúboð
rómversk-kaþólsku kirkjunnar í
Rússlandi. Hann telur Páfagarð
ekki hafa staðið sig vel í því að
líta á rússnesku rétttrúnaðar-
kirkjuna sem „systurkirkju“
rómversk-kaþólsku kirkjunnar. ■
DÓMARI SEGIR AF SÉR Breski
dómarinn Richard George May,
sem hefur verið aðaldómari í
réttarhöldunum yfir Slobodan
Milosevic í Haag, mun láta af
störfum af heilsufarsástæðum í
byrjun júní. Málflutningi sækj-
anda verður þá lokið. Milosevic á
að hefja vörn sína í maí.
RÁÐHERRA TALAR AF SÉR Spænsk
stjórnvöld reyna nú hvað þau
geta til að sannfæra umheiminn
um að tengsl Spánar við Marokkó
séu góð, þrátt fyrir að Federico
Trillo, umhverfisráðherra Spánar,
hafi misst út úr sér ummæli á
föstudaginn sem fóru mjög fyrir
brjóstið á Marokkóbúum.
BLAIR ÆTLAR AÐ BERJAST Tony
Blair, forsætisráðherra Bret-
lands, sagðist
ætla að berjast
fyrir því að ná
kjöri í þriðja sinn
í næstu þingkosn-
ingum, þrátt fyr-
ir að vinsældir
hans hafi dalað nokkuð út af inn-
rásinni í Írak og fleiri umdeildum
málum.
fyrir aðdáendur Hrísmjólkur
Tvær nýjar
Njóttu vel!
Hrísmjólk með hindberjasósu
Hrísmjólk með hnetum og
súkkulaðisósu
Handlyftarar
Dalvegur 6-8 · 201 Kópavogur · Sími 535 3500 · Fax 535 3519
tjorvi@kraftvelar.is · www.kraftvelar.is
Lyftigeta 2,3 tonn
Sterkbyggðir
og öruggir
Standard
Quicklift
kr
kr
48.515,-
55.966,-
m/vsk
m/vsk
Lottó í Bandaríkjunum:
Sextán
milljarða
vinningur
BANDARÍKIN, AP Heppinn lottó-
vinningshafi hafði ekki enn gef-
ið sig fram í Bandaríkjunum í
gær. Vinningshafinn á von á 230
milljón dollurum, tæpum sextán
milljörðum króna.
Vinningurinn er sá næsthæsti
í sögu lottósins í Bandaríkjun-
um. Á jóladag árið 2002 vann
íbúi í Vestur-Virginíu 360 millj-
ónir dollara. Tölurnar sem komu
upp úr kassanum á föstudaginn
voru 1, 13, 20, 21 og 30. Líkurnar
á því að vinna voru einn á móti
135 milljónum. Vinningsmiðinn
var seldur í borginni Stephens í
Virgínu.
Afgreiðslumaðurinn sem
seldi miðann vonast til þess að
eigandi miðans muni eftir sér. ■
STURLA BÖÐVARSSON
Markmið fjarskiptaáætlunarinnar eru
meðal annars að leggja grunn að
framþróun íslensks samfélags með
því að bjóða bestu, hagkvæmustu og
öruggustu rafrænu samskiptin.
FULLTRÚI PÁFA HITTIR PATRÍARKANN Í MOSKVU
Patríarkinn í Moskvu telur Páfagarð ekki standa sig vel í samskiptum kirkjudeildanna, þrátt fyrir áherslu páfa á sameiningu allra kristinna
manna í eina kirkju.