Fréttablaðið - 23.02.2004, Blaðsíða 9

9MÁNUDAGUR 23. febrúar 2004
ARNOLD SCHWARZENEGGER
Vill breyta stjórnarskránni þannig að inn-
flytjendur, sem búið hafa til langs tíma í
Bandaríkjunum, megi bjóða sig fram til
forseta.
Arnold Schwarzenegger
um forsetaframboð:
Vill breyta
stjórnarskrá
AP, WASHINGTON Arnold Schwarze-
negger, ríkisstjóri Kaliforníu,
sagði í sjónvarpsviðtali í gær að
hann og aðrir Bandaríkjamenn
sem hefðu fæðst í öðrum löndum
ættu að geta boðið sig fram til for-
seta. Hann sagði einnig í sama
viðtali að George W. Bush ætti að
geta unnið sigur í Kaliforníu í kom-
andi forsetakosningum ef hann
gerði meira fyrir ríkið.
Schwarzenegger fæddist í
Austurríki en hefur búið í Banda-
ríkjunum í rúm 20 ár. Hann neit-
aði því svo að hafa velt þeim
möguleika fyrir sér að bjóða sig
fram til forseta Bandaríkjanna í
framtíðinni. Samkvæmt stjórnar-
skrá Bandaríkjanna mega aðeins
þeir sem fæddir eru í Bandaríkj-
unum bjóða sig fram til foseta. ■
VOJISLAV KOSTUNICA
Myndar minnihlutastjórn í Serbíu í næstu
viku.
Verðandi forsætis-
ráðherra Serbíu:
Lætur stríðs-
glæpamenn
óáreitta
BELGRAD, AP Vojislav Kostunica,
verðandi forsætisráðherra
Serbíu, sagði í fyrradag að stjórn
sín myndi ekki gera það að for-
gangsverkefni að handtaka og
framselja grunaða stríðsglæpa-
menn til dómstóls Sameinuðu
þjóðanna í Haag, þrátt fyrir hót-
anir Bandaríkjanna um að draga
úr aðstoð og stuðningi við landið.
Kostunica er fyrrverandi for-
seti Júgóslavíu, þar sem hann
komst til valda eftir að hafa tekið
þátt í uppreisn gegn Slobodan
Milosevic. Hann var tilnefndur
forsætisráðherra landsins á föstu-
daginn og ætlar að mynda minni-
hlutastjórn nú í vikunni. ■
NABLUS, AP Þúsundir Palestínu-
manna tóku þátt í háværum mót-
mælum víðs vegar um Vesturbakk-
ann í fyrradag til þess að mótmæla
múrnum sem Ísraelsmenn eru að
reisa.
Þetta voru ein stærstu fjölda-
mótmæli Palestínumanna gegn
múrnum til þessa.
Ísraelsmenn segja nauðsynlegt
að reisa þennan múr til þess að
hindra byssumenn og sjálfvígsárás-
armenn frá því að komast frá Vest-
urbakkanum yfir til Ísraels.
Múrinn er reyndar ekki eiginleg-
ur múr nema sums staðar. Að stór-
um hluta er þarna um að ræða
gryfjur, gaddavír og girðingar af
ýmsu tagi ásamt varðturnum.
Andstaða Palestínumanna bein-
ist ekki síst að því að víða nær múr-
inn langt inn á það landsvæði sem
Palestínumenn hafa haft til umráða.
Efnt var til mótmælanna í gær,
meðal annars vegna þess að yfir-
heyrslur hefjast á mánudaginn við
Alþjóðadómstólinn í Haag, sem
ætlar síðan að kveða úr um það
hvort múrinn brjóti í bága við al-
þjóðalög. ■
Átök í Tsjetsjeníu:
Sex her-
menn voru
drepnir
RÚSSLAND Sex rússneskir hermnenn
voru drepnir í árás uppreisnar-
manna og með jarðsprengjum í
Tsjetsjeníu í gær. Þrír mannanna
létust í árás uppreisnarmanna á
herbúðir Rússa og átta særðust.
Uppreisnarmennirnir gerðu tólf
skotárásir á 24 klukkustundum.
Tveir hermenn létust þegar upp-
reisnarmenn réðust á herjeppa
þeirra nálægt þorpinu Alkhazurovo
og einn lét lífið þegar hann reyndi
að aftengja jarðsprengju í útverfi
Grosní, höfuðborgar Tsjetsjeníu. ■
Palestínumenn safnast saman:
Fjölmenn mótmæli gegn múrnum
BYSSUMENN TAKA ÞÁTT
Vopnaðir Palestínumenn tóku þátt í fjöl-
mennum mótmælum gegn múrnum víðs
vegar á Vesturbakkanum í gær.