Fréttablaðið - 23.02.2004, Blaðsíða 15

Samtök félagsmiðstöðva á Íslandi,reyndu á dögunum að kúga hljóm-
sveitina Mínus til að undirrita yfir-
lýsingu þvert á staðreyndir.
Forsagan: Samfés réði Mínus til
að spila á dansleik 27. febrúar. Síðar
heyrðu fulltrúar Samfés af því að
Mínusmenn hefðu rætt frjálslega við
erlent tímarit um fíkniefnanotkun. Í
kjölfarið var farið fram á að þeir
undirrituðu yfirlýsingu um að þeir
noti ekki ólögleg vímuefni og um-
ræða um slíkt sé „ekki byggð á stað-
reyndum og orðum aukin“.
Mínusar buðust til að undirrita yf-
irlýsingu um að þeir muni ekki vera
undir áhrifum vímuefna á ballinu og
hafi aldrei hvatt til fíkniefnaneyslu.
Kjánaleg afstaða
Fulltrúar Samfés vildu halda sig
við lygarnar og Mínus spilar því ekki
fyrir íslenska æsku á vegum Samfés.
Afstaða Samfés er kjánaleg. Fyrir
það fyrsta hefur þessi fíflagangur
einungis beint athygli íslenskrar
æsku rækilega að því að hugsanlega
fikta liðsmenn helstu rokksveitar Ís-
lands við fíkniefni. Í annan stað er
gengið út frá því að æskan sé dóm-
greindarlaus. Að hún fari hugsunar-
laust að sprauta sig með heróíni ef
hún sér á sviði hljómsveit sem hefur
rætt frjálslega við erlent tímarit um
ólögleg vímuefni.
Útúrdópaðir snillingar
Ég er 47 ára. Hef frá barnæsku
hlustað á Elvis (sem dópaði sig til
dauða), Jerry Lee Lewis og aðra
sukkaða frumherja rokksins; Bítl-
ana, Stóns, Dylan, Byrds, Joplin, Jim
Morrison, Hendrix og allt hippa-
gengið sem synti í sýrunum, Kurt
Cobain og útúrdópaða grugggengið,
Marley og hans hassreykjandi reggí-
hóp og alla dópfíknu djassarana. Ég
hef sótt hljómleika með Trúbroti,
Clash, Nick Cave og Utangarðs-
mönnum, svo örfá dæmi séu nefnd.
Allt lið vel þekkt fyrir dópneyslu.
Aldrei hef ég samt fundið fyrir
löngun til að dópa, frekar en þegar ég
hlusta á norska dauðarokkara sem
kveikja í kirkjum og drepa hvern
annan. Það hvarflar ekki að manni að
taka upp slíka lifnaðarhætti.
Bjóða krökkum upp á lygar
Það er umhugsunarvert þegar
forræðishyggjugemsar æskunnar
meta skjólstæðinga sína þá aula að
þeir muni slást um heróínsprautur og
ópíumpípur ef þeir sjá á sviði bestu
rokksveit landsins, hvað þá þegar
þessir sömu menn vilja neyða unga
listamenn til að ljúga.
Fulltrúi Samfés hringdi í þáttinn
Freysa á X-inu á dögunum og opin-
beraði enn frekar kjánaskap þegar
hann fullyrti að Bítlarnir og Stóns
hefðu gert sínar bestu plötur edrú.
Andri Freyr leiðrétti hann vitaskuld,
enda dópneysla þessara hljómsveita
flestum kunn.
Vissulega væri heppilegt ef allir
bestu og frægustu tónlistarmenn
heims, ljóðskáld, myndlistamenn,
íþróttamenn, stjórnmálamenn
o.s.frv. hefðu aldrei fiktað við eitur-
lyf. Raunveruleikinn er annar - þó að
fulltrúar Samfés reyni að falsa hann.
Fulltrúar Samfés eru vondar fyr-
irmyndir æskunnar. Þeir álíta að
krakkar séu fífl. Þeir bjóða krökkun-
um ekki upp á bestu rokksveit lands-
ins. Þess í stað reyndu þeir að bjóða
krökkum upp á lygar. Og ætla þeir
ekki að bjóða krökkunum upp á Kalla
Bjarna? Ég hef aldrei heyrt hans
músík eða söng og ætla því ekki að
gagnrýna það. Hins vegar sá ég í DV
á dögunum að hann hefur dópað, ver-
ið í afbrotum og svo framvegis. Eins
og Bubbi og margir fleiri sem
skemmt hafa á vegum Samfés. ■
MÁNUDAGUR 23. febrúar 2004
www. lands bank i. is
s ími 5 6 0 6 0 0 0
Árlega veitir Landsbankinn ellefu námsstyrki til virkra viðskiptavina
Námunnar. Umsækjendur verða að vera Námufélagar.
Styrkirnir skiptast þannig:
• 3 styrkir til framhaldsskóla- og iðnnáms á Íslandi, 100.000 kr. hver
• 2 styrkir til háskólanáms á Íslandi, 200.000 kr. hvor
• 2 styrkir til BS/BA-háskólanáms erlendis, 300.000 kr. hvor
• 2 styrkir til meistara/doktors-háskólanáms erlendis, 400.000 kr. hvor
• 2 styrkir til listnáms, 200.000 kr. hvor
Umsóknarfrestur er til og með 31. mars.
Í
SL
EN
SK
A
AU
GL
ÝS
IN
GA
ST
OF
AN
/S
IA
.I
S
L
BI
2
35
95
0
2/
20
04
Námsstyrkir til Námufélaga
Kjörið tækifæri til að fá fjárhagslegan
stuðning meðan á námi stendur
Hægt er að sækja um styrkina
á www.naman.is eða í næsta
útibúi þar sem jafnframt eru
veittar nánari upplýsingar.
Nauðsynlegt er að fylla út
skráningarblað sem fylgja
skal umsókn.
Styrkirnir eru afhentir
í byrjun maí.
Umræðan
JENS GUÐMUNDSSON
■ skrifar um fíkniefnaneyslu hljómsveita.
Kjánaleg afstaða Samfés