Fréttablaðið - 10.05.2004, Blaðsíða 2
2 10. maí 2004 MÁNUDAGUR
„Já, mér fannst hún jafnvel betri
daginn eftir en hefði verið slæm
hefði ég tapað.“
Hörður Ingþór Harðarson varð Íslandsmeistari á
dögunum þegar hann át 535 grömm af jalapeño
á fimm mínútum.
Spurningdagsins
Hörður, var þetta jafn góð hugmynd
daginn eftir?
■ Asía
■ Lögreglufréttir
Baugur kaupir meiri-
hlutann í Goldsmiths
Baugur hefur í félagi við innlenda fjárfesta keypt meirihlutann í bresku
verslanakeðjunni Goldsmiths. Fyrirtækið rekur 165 skartgripaverslanir
og er metið á tæpa 15 milljarða króna.
VIÐSKIPTI Baugur hefur keypt
meirihluta í bresku skartgripa-
verslanakeðjunni Goldsmiths.
Samningar eru samkvæmt heim-
ildum blaðsins frágengnir og er
reiknað með að skrifað verði undir
þá um miðja vikuna.
Kaupverð er ekki gefið upp en
fyrirtækið er metið á 110 milljónir
sterlingspunda, nálægt 14,5 millj-
örðum króna. Árleg velta fyrir-
tækisins er 140 til 150 milljónir
punda eða 18 til 19 milljarðar
króna.
Baugur og tvö önnur íslensk
félög kaupa allt hlutafé eignar-
haldsfélagsins Alchemy Partners
í Goldsmiths, 43,5% og að auki
rúmlega 35% hlut af Jurek S. Pia-
secki, forstjóra og stjórnarfor-
manni Goldsmiths. Piasecki á nú
50,5% hlut í Goldsmiths en sá
hlutur mun lækka í 15%. Hann
mun halda stöðu sinni þrátt fyrir
eigendaskiptin. Sama á við um
aðra lykilstjórnendur Goldsmiths.
Bank of Scotland og Landsbank-
inn fjármagna kapin að hluta, auk
þess sem skoski bankinn kaupir lít-
inn hlut í keðjunni.
Breska blaðið Sunday Times
fjallar ítarlega um kaupin í gær.
Blaðið segir að með þeim hafi
Baugur náð góðri fótfestu á breska
smásölumarkaðnum. Fyrir á Baug-
ur leikfangaverslanakeðjuna
Hamleys og tískuvöruverslana-
keðjuna Oasis, auk hluta í fleiri
verslanakeðjum.
Goldsmith er rótgróið fyrirtæki
og nær saga þess allt til ársins
1778 þegar fyrsta verslunin var
opnuð í Newcastle. Nú er
Goldsmiths önnur stærsta skart-
gripaverslanakeðjan í Bretlandi á
eftir Signet. Goldsmiths rekur 165
verslanir um allt Bretland og er
stærsti söluaðili Rolex og Gucchi í
Bretlandi, svo dæmi séu tekin.
Nýir eigendur Goldsmiths hafa
áhuga á að opna Goldsmiths-versl-
anir á meginlandi Evrópu þar sem
fáar stórar skartgripaverslunar-
keðjur eru starfandi. Ísland er þar
inni í myndinni, ásamt fleiri lönd-
um. Að auki telja nýir eigendur
hægt að fjölga verslunum í Bret-
landi upp í allt að 250.
the@frettabladid.is
Lára Margrét Ragnarsdóttir þekkir vel harðar aðstæður í Tsjetsjeníu:
Hrópa á hjálp alþjóðasamfélagsins
TSJETSJENÍA „Það má segja að
Tsjetsjenía hafi fallið í skuggann af
átökunum sem verið hafa í
Afganistan og í Írak og þetta er
þeirra leið til að minna á að ástand-
ið í landinu er ekki betra en það
var,“ segir Lára Margrét Ragnars-
dóttir, fyrrverandi alþingismaður.
Hún hefur í starfi sínu fyrir Evr-
ópuráðið kynnst Tsjetsjeníu af eig-
in raun og hefur margoft hitt Akh-
mad Kadyrov, forseta landsins, sem
lést í sprengingunni.
„Það er alltaf dapurlegt þegar
gripið er til ofbeldis eða hryðju-
verka af þessum toga en neyð þessa
fólks er slík að það grípur til að-
gerða sem þessara. Kadyrov hitti
ég nokkrum sinnum og hann sagð-
ist alltaf vera að vinna að endurbót-
um í landinu en á mínum ferðum
varð ég lítið vör við framfarir þær
sem hann talaði um.“
Lára segir að hafa verði í huga
að þarna sé allt önnur menning en
við búum við hér á Íslandi og allar
aðstæður séu með erfiðasta móti
fyrir fólkið í landinu. „Íbúarnir eru
engu að síður harðir af sér og segja
má að með þessum aðgerðum sé
verið að hrópa örvæntingarfullt á
hjálp alþjóðasamfélagsins.“ ■
Írak:
Bandarískur
hermaður
fyrir herrétt
ÍRAK, AP Bandarísk hermálayfir-
völd hafa tilkynnt að fyrsti her-
maðurinn sem sakaður hefur
verið um pyntingar á íröskum
stríðsföngum verði dreginn fyr-
ir herrétt þann 19. maí næst-
komandi.
Hermaðurinn sem um ræðir
starfaði sem herlögreglumaður
við Abu Ghraib. Eru ákæru-
atriðin gegn honum þrjú alls og
tengjast öll grimmd gagnvart
föngum innan veggja fangelsis-
ins. ■
Ísrael:
Tveir Palest-
ínumenn
drepnir
GAZA Ísraelskar öryggissveitir á
Gaza-svæðinu drápu tvo Palest-
ínumenn eftir að þeir hófu skot-
hríð á fjölda fólks sem tók þátt
í minningarathöfn um unga
konu og fjögur börn hennar
sem létust í skærum ísraelskra
og palestínskra í síðustu viku.
Fjölmargir sóttu athöfnina en
enginn slasaðist í skothríð
byssumannanna sem voru báðir
dulbúnir sem konur. Íslömsk
öfgasamtök kváðust bera
ábyrgð á verknaðinum. ■
ERFIÐLEIKAR FRAM UNDAN Erik
Solheim, sendimaður norskra
stjórnvalda sem reyna að koma á
friði í Sri Lanka, segir erfiðleik-
um bundið að koma friðarviðræð-
um í gang á ný. Hann segist þó
bjartsýnn á að takist að fá
deilendur til að hefja samninga-
viðræður en það taki tíma og
mikinn undirbúning.
KOMU Í VEG FYRIR FLUGRÁN
Pakistönsk stjórnvöld segjast
hafa bundið enda á undirbúning
að flugráni. Zafarullah Khan
Jamali forsætisráðherra segir
hóp fjögurra til sex manna hafa
ætlað að ræna farþegavél á leið
til Sameinuðu arabísku fursta-
dæmanna. Óljóst er hvað menn-
irnir hugðust gera með vélina.
Dönsk skólabörn:
Óþolandi
munnsöfn-
uður
DANMÖRK Orðbragð danskra skóla-
barna er orðið svo ljótt að bregð-
ast verður tafarlaust við og með
afgerandi hætti. Þetta segir pró-
fessor í uppeldisfræðum í viðtali
við danska blaðið Jyllands Posten.
Kennarar, leiðbeinendur og for-
eldrar ætla að taka höndum sam-
an í baráttunni gegn munnsöfnuði
barnanna. Grunnskóli í Árósum
hefur nú um þriggja mánaða skeið
tekið hart á ljótu orðbragði. Eru
nemendur sem verða uppvísir að
slíku sendir rakleitt heim og fá
ekki að koma aftur í skólann fyrr
en eftir fund með foreldrum,
skólastjóra og kennurum. ■
LÁRA MARGRÉT RAGTNARSDÓTTIR
Segir ástandið í Tsjetsjeníu ennþá vera afar
slæmt og neyðina mikla.
GOLDSMITHS
Fyrirtækið er önnur stærsta skartgripaverslanakeðjan í Bretlandi, rekur 165 verslanir og
veltir rúmlega 19 milljörðum króna á ári.
ÚTRÁS FYRIRHUGUÐ
Nýir eigendur Goldsmiths hafa áhuga á að
fjölga verslunum í Bretlandi og opna
Goldsmiths-verslanir á meginlandi Evrópu
en þar eru fáar stórar skartgripaverslana-
keðjur starfandi.
AFGANISTAN, AP Tveir útlendingar
fundust látnir í lystigarði í miðborg
Kabúl, höfuðborgar Afganistan, í
gærmorgun. Höfðu mennirnir tveir
verið grýttir til dauða en lögregla er
engu nær um hver eða hverjir fröm-
du verknaðinn. Annar útlendinganna
er frá Sviss en lík hins mannsins er
afar illa leikið og hefur enn ekki tek-
ist að bera kennsl á það.
Vegfarendur fundu líkin
snemma í gærmorgun og létu lög-
reglu vita um leið. Rannsókn stend-
ur yfir en ekkert er vitað um tilefni
árásarinnar né heldur hvaða erindi
mennirnir tveir áttu í höfuðborg-
inni. Voru þeir klæddir að sið
heimamanna í löngum kuflum og
talið er víst að þeir hafi komið til
landsins frá Pakistan fyrir níu dög-
um síðan.
Þó að málefni Afganistan fari
mun hljóðar en áður vegna stríðsins
í Írak er ástandið í landinu afar
ótryggt og ekki er langt síðan tali-
banar felldu 14 bandaríska hermenn
úr launsátri nálægt Kabúl. Hafa alls
hundrað hermenn Bandaríkjamanna
fallið á þessu ári í slíkum árásum. ■
REYKSKEMMDIR Á PATREKS-
FIRÐI Töluverðar reykskemmd-
ir urðu á húsi á Patreksfirði í
gær. Húsráðandi gleymdi sjóð-
andi potti á hellu sinni og fór
út. Nágrannar heyrðu í reyk-
skynjurum og hringdu til lög-
reglu. Slökkviliðið kom á stað-
inn og fór inn í húsið.
STOLINN LÖGREGLUBÍLL FANNST Í
BÚÐARDAL Fyrrum lögreglubíl
sem var stolið 2. maí síðastliðinn
af bílasölu á Borgarnesi fannst
við verkstæði á Dalvík á sunnu-
dag. Bíllinn hafði þá staðið þar í
nokkra daga. Hann var skilinn
eftir og er óskemmdur.
24 TEKNIR FYRIR HRAÐAKSTUR
Á FJÓRUM TÍMUM Samstarf á
milli lögreglunnar í Dalvík og á
Ólafsfirði varð til þess að á
fjögurra klukkustunda tímabili
á föstudag voru 24 ökumenn
stöðvaðir og sektaðir fyrir of
hraðan akstur. Sá sem ók hrað-
ast var á 155 kílómetra hraða á
klukkustund.
GRÝTTIR TIL DAUÐA
Lögreglumenn standa við þann stað
þar sem tveir útlendingar voru grýttir
til dauða um helgina.
Tveir útlendingar fund-
ust látnir í Kabúl:
Grýttir
til dauða