Fréttablaðið - 10.05.2004, Blaðsíða 4
4 10. maí 2004 MÁNUDAGUR
Er sumarið komið?
Spurning dagsins í dag:
Ertu búin(n) að skipuleggja sumar-
leyfið í ár?
Niðurstöður gærdagsins
á www.frett.is
22%
78%
Nei
Já
Kjörkassinn
Farðu inn á visir.is og segðu þína skoðun
visir.is
Góðir punktar til styrktar langveikum börnum:
Áætla 30 milljónir
á ári til barnanna
AFSLÁTTARSKAFMIÐAR „Sala á afslátt-
arskafmiðunum hófst á fimmtu-
daginn og hafa um 700 miðar ver-
ið seldir síðan,“ segir Guðmundur
H. Bragason, markaðsstjóri Góðra
punkta, sem eru afsláttarskaf-
miðar sem seldir eru til einstak-
linga með tilboðum frá tíu fyrir-
tækjum og þjónustuaðilum í senn
til styrktar langveikum börnum.
Að sögn Guðmundar kostar
hver miði um 1.500 krónur og
veitir handhafa hans mikinn af-
slátt á ákveðinni vöru og þjónustu
í þrjá mánuði. Þá geta miðaeig-
endur einnig skráð sig í pott sem
dregið er úr í lok hvers mánaðar.
Meðal vinninga er Evrópuferð
fyrir tvo og helgargisting á hótel-
um Icelandair.
1.112 börn eru skilgreind hjá
Tryggingastofnun ríkisins sem
langveik. Umhyggja, félag til
stuðnings langveikum börnum,
áætlar þó að fjögur til fimm þús-
und börn á Íslandi megi skilgreina
sem langveik. Með afsláttarmið-
unum stefna forsvarsmenn Góðra
punkta á að styrkja langveik börn
og fjölskyldur þeirra um 30 millj-
ónir á ári. ■
STJÓRNMÁL Togstreita Ólafs Ragn-
ars Grímssonar, forseta Íslands,
við stjórnkerfið, einkum við for-
sætis- og utanríkisráðuneytið,
hefur verið opinbert leyndarmál,
að því er fram kemur í grein eftir
Árna Þórarinsson í Tímariti
Morgunblaðsins þar sem fjallað
er um átta ára embættistíð forset-
ans.
Í greininni segir að alvarleg-
asta uppákoman í samskiptum
forsetans við stjórnkerfið hafi
verið á síðasta ári þegar utanrík-
isráðuneytið hafi talið sig tilneytt
til að grípa inn og fá fundum, sem
forsetinn hafði boð-
að til í Washington
með bandarískum
embættismönnum,
aflýst. Þá kemur
fram eftir öðrum
heimildum að for-
setinn hafi ætlað að
funda með þarlend-
um þingmönnum
og hvorki forsætis-
ráðuneytið né utan-
ríkisráðuneytið hafi verið með í
ráðum. Einn heimildarmannanna
segir utanríkisráðuneytið hafa
þurft að setja forsetanum stólinn
fyrir dyrnar og málið hafi leyst í
góðu þó að forsetinn hafi ekki ver-
ið ánægður með inngripið.
Gunnar Snorri Gunnarsson,
ráðuneytisstjóri hjá utanríkis-
ráðuneytinu, sagðist ekki geta
tjáð sig um málið þegar Frétta-
blaðið hafði samband við hann í
gær. Ekki náðist í Halldór Ás-
grímsson utanríkisráðherra í gær
en aðstoðarmaður hans sagði að
Halldór myndi ekki tjá sig um
þetta mál.
Einnig kemur fram að aðrar
heimildir segi að fundunum hafi
verið aflýst þar sem mannskæður
fellibylur hafi gengið yfir Wash-
ington á þessum tíma og raskað
dagskránni. Ætlunin hafi að
mestu verið að ræða samstarf á
norðurslóðum en ekki samskipti
Bandaríkjanna og Íslands, sem að
sjálfsögðu heyri undir utanríkis-
ráðuneytið.
Haft er eftir stuðningsmönn-
um forsetans að utanríkisráðu-
neytinu mislíki viðleitni Ólafs
Ragnars að gera forsetaembættið
sjálfstæðara og ekki algjörlega
háð frumkvæði utanríkisþjónust-
unnar. Gagnrýnendur hans innan
stjórnkerfisins segja hins vegar
að sú viðleitni forsetans eigi sér
engar forsendur.
hrs@frettabladid.is
SIGRAÐI KRÓNPRINSINN
Mary Donaldsson, verðandi krónprinsessa,
fagnar hér sigri á mannsefni sínu í
siglingakeppni.
Siglingakeppni
konungshjónaefna:
Mary sigraði
krónprinsinn
DANMÖRK Fjöldi manna fylgdist
með spennandi siglingakeppni
milli verðandi konungshjóna Dan-
merkur fyrir utan Kaupmanna-
höfn í gær. Þar öttu kappi Friðrik
krónprins og hin ástralska heit-
kona hans, Mary Donaldson. Vann
krónprinsinn í fyrstu umferð en
Mary í þeirri næstu. Í æsispenn-
andi lokaumferð kom sú ástralska
sjónarmun á undan krónprinsin-
um í mark og gat þar með hrósað
sigri. Mikil athygli beinist að hin-
um verðandi brúðhjónum og verð-
ur mikið um dýrðir í Danaveldi
þegar þau ganga í það heilaga síð-
ar í sumar. ■
Vél frá American Eagle:
Farþegaflug-
vél brotlenti
PÚERTÓ RÍKÓ, AP Vél frá flugfélaginu
American Eagle brotlenti á Luis
Munoz Marin alþjóðaflugvellinum
í gærkvöldi eftir að eitt dekkið
sprakk um leið og það snerti jörð-
una. Sex manns meiddust.
Tuttugu og tveir farþegar voru
í vélinni, sem valt á aðra hliðina
og rann eftir brautinni. Vélin
lagðist á annan væng vélarinnar
og urðu leifar af honum eftir á
brautinni.
Hinir særðu eru í stöðugu
ástandi en ekki er vitað hversu
mikil meiðsl þeirra eru. Málið er
nú í rannsókn. ■
HERMENN Í HELGUVÍK
Víða í Helguvík mátti sjá alvopnaða
hermenn með talstöðvar.
Helguvík:
Vopnaðir
hermenn
VARNARLIÐIÐ Hermenn varnarliðsins
voru í mikilli viðbragðsstöðu vegna
komu olíuskips á vegum
varnarliðsins í gær, að því er fram
kom á vef Víkurfrétta. Hermenn-
irnir voru vopnaðir rifflum og
skammbyssum í Helguvík og við
kirkjugarð Keflavíkur við Garðveg.
Eldra fólk sem Víkurfréttir
ræddi við var að huga að leiðum ást-
vinar. Átti það ekki orð yfir dóna-
skap hermannanna og fannst þeir
geta valið sér aðra staði en kirkju-
garði til að veifa vopnum sínum. ■
SKIPULAGSMÁL Um 200 manns hafa
skrifað undir áskorun um að
færslu Hringbrautar verði
frestað og málið borið undir at-
kvæði íbúa Reykjavíkur í tengsl-
um við væntanlega forsetakosn-
ingu. Það er Átakshópur gegn
færslu Hringbrautar sem stendur
að undirskriftasöfnunni en hún
hófst sl. fimmtudag.
Dóra Pálsdóttir, einn aðstand-
enda hópsins, sagði í samtali við
Fréttablaðið að fólk virtist telja að
of seint væri að hætta við. „En
það er ekki of seint og því fleiri
sem andmæla, því líklegra er að
hlustað verði á okkar sjónarmið.
Ég hef ekki enn hitt neinn sem líst
vel á þessar fyrirætlanir,“ sagði
Dóra í samtali við Fréttablaðið.
Dóra segir að borgarstjóri hafi
svarað umleitun samtakanna um
að efna til atkvæðagreiðslu um
málið þannig að um væri að ræða
tæknilegt úrvinnsluatriði sem
ekki yrði borið undir atkvæði
íbúa.
Undirskriftasöfnunin fer fram
á Netinu og er slóðin
www.tj44.net/hringbraut/undirskrift/
Ólöglegar fiskveiðar
Portúgala:
Kanada-
menn æfir
FISKVEIÐAR Kanadísk stjórnvöld
grunar að portúgölsk fiskiskip
stundi ólöglegar fiskveiðar innan
kanadísku fiskveiðilögsögunnar og
hafa leitað svara frá portúgölskum
yfirvöldum. Hefur kanadíska land-
helgisgæslan ítrekað stöðvað
portúgölsk fiskiskip við landhelg-
ina og fundist hafa netadræsur frá
portúgölskum skipum innan land-
helgi. Yfirvöld í Portúgal hafa ekki
formlega svarað Kanadamönnun-
um en sjávarútvegsráðherra lands-
ins hefur lýst því yfir að engar
sannanir séu fyrir ásökunum
Kanadamanna. ■
M
YN
D
/V
ÍK
U
R
FR
ÉT
TI
R
SAMFELLD BYGGÐ FRÁ REYKJVÍKUR-
HÖFN AÐ NAUTHÓLSVÍK
Framtíðarsýn Átakshóps gegn færslu Hring-
brautar. Hópurinn vill setja umferðina í stokk
sem liggur frá Bústaðavegi að Melatorgi.
Undirskriftasöfnun gegn færslu Hringbrautar:
Vilja atkvæðagreiðslu
samhliða forsetakjöri
Fundum forseta
Íslands aflýst
Togstreita Ólafs Ragnars Grímssonar, forseta Íslands, við stjórnkerfið,
einkum við forsætis- og utanríkisráðuneytið, hefur verið opinbert leyndar-
mál, samkvæmt grein eftir Árna Þórarinsson í Tímariti Morgunblaðsins.
ÓLAFUR RAGNAR GRÍMSSON OG HALLDÓR ÁSGRÍMSSON
Í grein í Tímariti Morgunblaðsins segir að heimildamenn hliðhollir forsetanum hafi sagt
ástæðu þess að fundum forsetans í Washington hafi verið aflýst vegna fellibyls sem
raskaði þeirri dagskrá ákveðin hafði verið.
■
Ekki náðist í
Halldór Ás-
grímsson utan-
ríkisráðherra í
gær en aðstoð-
armaður hans
sagði að Hall-
dór myndi ekki
tjá sig um þetta
mál.
Kúba:
Bandaríkin
styðja hryðju-
verkahópa
KÚBA Bandarísk yfirvöld styðja og
halda verndarhendi yfir rúmlega eitt
hundrað mismunandi hryðjuverka-
hópum sem hafa það eitt að mark-
miði að koma Fidel Castro frá völd-
um á Kúbu. Þessu er haldið fram í
kúbverska tímaritinu Bohemia þar
sem bent er á að stjórnvöld í Wash-
ington hafi ítrekað sýnt þessum hóp-
um stuðning í verki. Einnig er bent á
að einn skipuleggjenda tortímingar
flugvélar kúbverska flugfélagsins
Cubana árið 1976 hafi verið gestur
George Bush, forseta Bandaríkj-
anna, í veislum forsetans. ■
Þrastarskógur:
Grillkol
kveiktu í mosa
LÖGREGLA Einn sumarbústaður í
Þrastarskógi var í hættu í gær-
kvöldi eftir að kviknaði í sinu á
sumarbústaðasvæðinu. Fólk sem
dvaldi í einum bústaðanna hafði
verið að grilla og ekki gáð að sér
þegar það skildu kolin eftir í mos-
anum.
Að sögn lögreglunnar á Sel-
fossi logaði eldur á um hálfs hekt-
ara svæði. Slökkviliðið var kallað
út klukkan rúmlega sex í gær-
kvöldi og tók slökkvistarfið um
klukkutíma. ■
GÓÐIR PUNKTAR
Búið er að selja um 700 afsláttarskafmiða
til styrktar langveikum börnum.