Fréttablaðið - 10.05.2004, Blaðsíða 22
22 10. maí 2004 MÁNUDAGUR
ÞRÍÞRAUTARDROTTNING
Hin bandaríska Sheila Taormina fagnar hér
ógurlega eftir að hafa komið fyrst í mark í
heimsbikarmóti í þríþraut í Madeira í
Portúgal í gær.
Þríþraut
KÖRFUBOLTI Minnesota Timberwolv-
es jafnaði metin gegn Sacramento
Kings með naumum sigri á heima-
velli í undanúrslitum Vesturdeildar
NBA-deildarinnar í körfuknattleik.
Hræðilegur lokakafli gestanna
gerði heimamönnum kleift að kom-
ast inn í leikinn og klára hann.
Sacramento var með tíu stiga for-
skot þegar fjórar mínútur voru eft-
ir en liðið klúðraði síðustu átta skot-
um sínum og Minnesota tókst að
hanga inni í þessu einvígi enda
hefði það verið hálf vonlaust verk
að halda til Sacramento 0-2 undir.
Sam Cassell skoraði 8 af 19 stigum
sínum á síðustu þremur mínútun-
um og var maðurinn á bak við þenn-
an endasprett. Cassell gaf einnig 7
stoðsendingar. Stigahæstur hjá
Minnesota var þó Kevin Garnett
sem setti niður 28 stig, tók 11 frá-
köst og varði 6 skot. Latrell
Sprewell var með 15 stig og Fred
Hoiberg 13.
„Svona er Sam Cassell,“ sagði
þjálfari Minnesota, Flip Saunders,
og hélt áfram: „Hann vinnur ann-
að hvort leikina fyrir okkur eða
tapar þeim. Hann vill bera
ábyrgðina og hann vill taka mikil-
vægu skotin. Hjá Sam snýst það
ekki um hversu mikið hann skorar
heldur hvenær hann skorar.“ Hjá
Sacramento var Peja Stojakovic
atkvæðamestur með 26 stig og
reif niður 7 fráköst. Chris Webber
var með 21 stig og 7 fráköst og
Doug Christie skoraði 15 stig.
„Menn verða að halda áfram að
spila,“ sagði þjálfari Sacramento,
Rick Adelman, og bætti við: „Við
spiluðum frábærlega í 44 mínútur
en því miður er leikurinn 48 mín-
útur. Það verður að spila vel allan
leiktímann annars fá menn óþveg-
ið eins og kom fyrir okkur í þess-
um leik.“ ■
Lokaumferð ensku 1.
deildarinnar í knattspyrnu:
Wigan sat
eftir með sárt
ennið
FÓTBOLTI Lokaumferð 1. deildar-
innar í knattspyrnu á Englandi
var leikin í gær. Nokkur lið áttu
möguleika á sæti í úrslitakeppni
um laust sæti í úrvalsdeild að ári.
West Ham tryggði sér fjórða sæt-
ið tveimur mínútum fyrir leikslok
í jafnteflisleik gegn Wigan Athlet-
ic og þar með sat Wigan eftir með
sárt ennið. Ipswich og Crystal
Palace voru einnig með lukkuna á
sínu bandi og sæti í úrslitakeppn-
inni er tryggt þrátt fyrir að hvor-
ugu liðinu tækist að landa sigri
um helgina.
Crystal Palace tapaði fyrir
Coventry, 2-1, og Ipswich gerði
jafntefli, 1-1, á móti Cardiff. Þar
með er ljóst að Sunderland og
Crystal Palace munu eigast við í
úrslitakeppninni sem og West
Ham og Ipswich.
Sigurliðin úr þessum viður-
eignum mætast síðan í hreinum
úrslitaleik á þúsaldarleikvangin-
um í Cardiff um laust sæti í úr-
valsdeildinni. Áður hafði Norwich
tryggt sér sigur í 1. deildinni og
WBA var öruggt með annað sætið.
Gillingham hélt sæti sínu í deild-
inni á markamun, var með einu
betra en Walsall, sem ásamt Brad-
ford og Wimbledon verður að
sætta sig við það hlutskipti að
falla í 2. deild. ■
SKAPHEITUR
Muzzy Izzet sést hér með félaga sínum,
Ben Thatcher, taka hraustlega á Richard
Dunne, leikmanni Man. City.
Muzzy Izzet:
Á förum frá
Leicester
KNATTSPYRNA Micky Adams, stjóri
Leicester, viðurkenndi það í gær
að helsta stjarna liðsins, tyrk-
neski landsliðsmaðurinn „Muzzy“
Mustafa Izzet, myndi yfirgefa fé-
lagið í sumar. Izzet lék sinn síð-
asta leik fyrir félagið um helgina
þegar Leicester lagði Portsmouth
á Walker’s Stadium.
„Muzzy var frábær í þessum
leik og við eigum eftir að sakna
hans,“ sagði Adams við blaða-
menn í gær. „Hann kom af velli
undir lokin vegna meiðsla og hann
átti svo sannarlega skilið að
áhorfendur stæðu upp fyrir hon-
um enda búinn að vinna gott starf
fyrir félagið.“
Izzet staðfesti síðan sjálfur að
hann væri á förum: „Ég elska
þennan stað. Það er miður að við
skyldum ekki hanga uppi í úrvals-
deildinni því ég myndi gjarna
vilja spila áfram fyrir félagið.“ ■
Minnesota Timberwolves jafnaði gegn Sacramento Kings:
Sam Cassell frábær
á lokasprettinum
SAM CASSELL
Brýtur hér á Doug Christie, leikmanni
Sacramento Kings. Cassell kláraði dæmið
fyrir Minnesota Timberwolves með frábær-
um leik í lokin þegar allt stefndi í annað
tap liðsins í röð gegn Sacramento Kings á
heimavelli.