Fréttablaðið - 08.05.2004, Blaðsíða 24

Ekið í Renault Scenic:
Framúrskarandi fjölskyldubíll
Renault Scenic er fjölskyldubíll
með stóru effi. Hann fer í þann
flokk bíla sem kallaðir eru fjöl-
nota bílar og mun í raun hafa orð-
ið til þegar Scenic kom fyrst á
markað. Það sem einkennir Scen-
ic eru einmitt hinir fjölbreytilegu
notkunarmöguleikar sem hann
býður upp á. Þarna er gott pláss
fyrir alla fjölskylduna (telji hún
ekki fleiri en fimm). Sömuleiðis
er mjög gott geymslurými í bíln-
um og hægt er að breyta sætum,
hverju fyrir sig, í flutningsrými
með einföldum hætti. Bíllinn er
þrátt fyrir þetta mjög nettur -
einn af þessum bílum sem eru
stærri að innan en þeir virka að
utan.
Hönnunin á Renault Scenic er
til fyrirmyndar, bíllinn er fallegur
og öll smáatriðin eru vel útfærð.
Sóllugan á toppi bílsins gerir hann
að mjög bjartri vistarveru en ef
sólin er of sterk er hægt að draga
fyrir, ekki bara sóllúguna heldur
eru innbyggð sólartjöld í aftur-
gluggunum.
Í þessum bíl fá allir eitthvað
fyrir sig. Ökumaðurinn fær lipran
og skemmtilegan bíl og vel fer um
alla farþega, ekki síst þá yngri
sem sitja í aftursætinu. „Þetta er
eins og í flugvél,“ sagði einn far-
þegi í aftursæti um leið og hann
dró upp borð aftan á framsætun-
um. Geymslurýmið er líka mikið,
til dæmis undir sætum og á milli
framsæta. Þar er færanlegur mið-
stokkur, mjög rúmgóður, og
hanskahólfið er sérlega stórt og
þar að auki hægt að fá það með
kælibúnaði, sem er skemmtilegur
aukabúnaður í sumarferðunum.
Bíllinn er raunar afar vel hannað-
ur til ferðalaga.
Renault Scenic er mjög þægi-
legur í akstri. Bílstjórinn situr
hátt og sér því vel yfir. Bíllinn er
þýður, þægilegur í stýri og liggur
vel á veginum. Allar aðstæður
ökumanns eru eins og best er á
kosið, mælaborðið aðgengilegt og
skýrt, fjarstýring á útvarpi í stýri
og handbremsa sem fer sjálfkrafa
af þegar tekið er af stað, svo að-
eins nokkur dæmi séu tekin.
Þegar á heildina er litið er bíll-
inn alveg til fyrirmyndar.
sigridur@frettabladid.is
steinunn@frettabladid.is
Hyundai hefur aldrei fyrr framleitt eins mikinn fjölda bíla í verk-
smiðjum sínum í Kína, Indlandi og Tyrklandi eins og í mars síðast-
liðnum. Allar þrjár verksmiðjur Hyundai utan Suður-Kóreu settu
framleiðslumet í mars og ganga nú fyrir fullum afköstum að því er
fram kemur í fréttatilkynningu B&L.
Kostir:
Ökumaður og farþegar sitja hátt og sjá því vel
Einstaklega þægileg sæti sem styðja vel við án þess að vera hörð
Fótarými farþega í aftursæti er mjög gott (engin hæð í miðju gólfi)
Mikið geymslupláss – þarna er hver kimi nýttur
Gallar:
Svolítið þunglamalegur í beygjum
Verð*
Beinskiptur: 2.190.000
Sjálfskiptur: 2.340.000
*Ýmiss konar aukabúnaður er fáanlegur.
Falleg hönnun og gott
rými fyrir alla fjölskylduna.
! HÚSRÁÐ: BÍLAR BÓNAÐIRÞumalputtareglan er að bóna einu sinnií mánuði yfir vetrartímann og á tveggjamánaða fresti á sumrin.