Fréttablaðið - 12.05.2004, Blaðsíða 10

10 12. maí 2004 MIÐVIKUDAGUR
TYRKIR REIÐIR
Meðan flestar þjóðir létu nægja að senda
Bretum og Bandaríkjamönnum mótmæli
vegna framkomu hermanna þeirra í Írak
flykktust þúsundir Tyrkja á götur út og
sýndu vanþóknun sína í verki með því að
brenna fána þjóðanna tveggja.
Baldur Ágústsson býður sig fram til forseta:
Vill hefja embættið
til virðingar á ný
Baldur Ágústsson tilkynnti ídag formlega að hann hygðist
bjóða sig fram til forseta. Baldur
segir að verði hann kosinn ætli
hann að hefja forsetaembætið á
ný til þeirra virðingar sem því
ber.
Baldur er 59 ára gamall og hef-
ur stundað fasteignaviðskipti
undanfarin ár. Hann hefur ekki
verið flokksbundinn í stjórnmál-
um á Íslandi. Hann segist hafa
brennandi áhuga á þjóðmálum og
látið til sín taka á þeim vettvangi:
„Ég trúi því einlægt að ef við
erum öll fyrst og fremst í þjóð-
félaginu og horfum meira á hags-
muni heildarinnar en sérhags-
munahópa eða stjórnmálaafla, þá
getum við byggt upp betra, örugg-
ara og traustara þjóðfélag, öllum
til heilla,“ segir Baldur.
Hann segist með þessu ekki
vera að gera lítið úr stjórnmála-
flokkum. Þeir hafi stórt og ábyrg-
aðarmikið hlutverk í lýðræðislegu
þjóðfélagi.
„En sem einstaklingar hlýtur
hollusta okkar að vera hvert hjá
öðru sem manneskjum, hjá
bræðrum okkar og systrum í víð-
um skilningi. Ísland og samhygð
okkar sem þjóðar er það besta
sem við eigum.“ ■
Mjólkuriðnaður fær
fjóra milljarða á ári
Ríkissjóður leggur rúmlega 27 milljarða í mjólkuriðnaðinn samkvæmt nýjum samningi
við Bændasamtök Íslands. Útgjöld ríkisins til mjólkuriðnaðar lækka um eitt prósent á ári,
sem er tæplega 40 milljónir.
LANDBÚNAÐUR Ríkissjóður greiðir
tæplega fjóra milljarða til
mjólkuriðnaðar árlega samkvæmt
samningi um framleiðslu, verð-
lagningu og sölu á búvörum. Hann
var undirritaður af landbúnaðar-
ráðherra sem og fjármálaráð-
herra og Bændasamtökum Ís-
lands á Hótel Sögu í fyrradag og
gildir frá 1. september 2005 til 31.
ágúst 2112. Rúmlega 27 milljarðar
verða nýttir til niðurgreiðslu
mjólkurframleiðslu á samnings-
tímanum.
Um 800 milljónum, eða um 20
prósentum af heildarstuðningi á
lokaári samningsins, verður var-
ið í kynbóta- og þróunarstarf-
semi, eflingu jarðræktar og
gripagreiðslur. Með gripa-
greiðslum verða kúabændum
greiddar óskertar hlutfalls-
greiðslur með hverri kú séu þær
færri en fjörutíu. Eigi bóndi
fleiri einstaklingsmerktar kýr
skerðast greiðslurnar með öllum
kúm fram að hundrað og eigi
hann fleiri kýr en það fær hann
ekki niðurgreidd gjöld með
þeim. Séu kýrnar fleiri en 170
fær eigandinn refsistig. Bú með
fleiri en 200 kýr njóta ekki
niðurgreiðslna. Guðni Ágústsson
landbúnaðarráðherra segir þetta
jafnaðarstefnu samningsins.
Ekki verður greitt ákveðið
hlutfall af verði mjólkur eins og
verið hefur heldur verður samið
um fasta heildarupphæð bein-
greiðslna. Guðni Ágústson segir
meginmarkmiðið með breyting-
unni vera að lækka verð á mjólk-
urkvóta. Í samningnum er gert
ráð fyrir óbreyttri framleiðslu-
stýringu við mjólkurframleiðslu
og óbreyttri skiptingu heildar-
greiðslumarks mjólkur niður á
lögbýli í samningnum. Einnig hef-
ur verið ákveðið að verðlagning
mjólkur verði með sama hætti og
verið hefur.
Þórólfur Sveinsson, formaður
Landssambands kúabænda, segir
samninginn í samræmi við það
sem stefnt hafi verið að. Samn-
ingurinn er gerður með fyrirvara
um nauðsynlegar lagaheimildir
Alþingis og samþykki kúabænda.
gag@frettabladid.is
– hefur þú séð DV í dag?
Óttaðist um
starf pabba
síns eftir
Davíðsfund
Ungbarnadauði:
Lægstur
á Íslandi
UNGBARNADAUÐI Hvergi í heimin-
um er ungbarnadauði jafn sjald-
gæfur og á Íslandi. Sex drengir
og fjórar stúlkur létust á sínu
fyrsta aldursári á árinu 2003.
Ungbarnadauði á Íslandi er
undir þremur af hverjum 1.000
fæddum börnum samkvæmt
meðaltali undanfarinna þriggja
ára. Á Norðurlöndum eru Norð-
menn næstir á eftir Íslendingum
með 3,4 látin börn af hverjum
1.000 fæddum en Danir eru með
hæstu tíðnina, 4,2.
Burðarmálsdauði er annað
viðmið sem er notað við mat á
heilsufari ungbarna og mæðra
þeirra. Hann er reiknaður sem
fjöldi látinna á fyrstu viku sem
og andvana fæddra frá 22. viku.
Í skýrslum Hagstofunnar segir
að sú tala sé einnig lægst hér-
lendis. ■
Gott uppgjör Marels:
Hagnaður yfir
væntingum
VIÐSKIPTI Hagnaður Marels
fyrstu þrjá mánuði ársins nam
112 milljónum króna. Það er tvö-
falt meiri hagnaður en í fyrra.
Hagnaður Marels var um-
fram spár og væntingar. Hluta-
bréf félagsins hækkuðu um
fimm prósent í kjölfar birtingar
uppgjörsins.
Tekjur jukust um 5,7 prósent
og voru nokkuð í samræmi við
spár. Framlegð félagsins er því
betri en búist var við og félaginu
tekist að hækka tekjur án þess
að kostnaður vaxi á móti. Verk-
efnastaða félagsins næstu mán-
uði er góð að mati stjórnenda
félagsins. Vöxtur hefur verið í
vörum fyrir kjöt og kjúklinga-
vinnslu, en sala til fiskvinnslu
hefur verið róleg. ■
KJARAMÁL Laun flugmanna hjá
Icelandair hækka um tæplega
sextán prósent samkvæmt nýjum
kjarasamningi sem Félag ís-
lenskra atvinnuflugmanna og
Samtök atvinnulífsins, vegna
Icelandair, skrifuðu undir hjá Rík-
issáttasemjara. Samið var til árs-
loka 2007.
Örnólfur Jónsson, varaformað-
ur FÍA, er sáttur. Hann segir
helstu breytingarnar liggja í
ákvæðum um erlent leiguflug,
sem sé í örum vexti. „Það er verið
að rýmka ýmis ákvæði frá því
sem áður var. Það nýtist báðum
aðilum.“
Síðasti samningur rann út 15.
mars og hafa viðræður staðið síð-
an. Þeim lauk síðla mánudags-
kvölds og snæddu samnings-
nefndirnar vöfflur hjá Ríkissátta-
semjara í kjölfarið. Næstu skref
eru að leggja samninginn fyrir
flugmenn til samþykktar. ■
BALDUR ÁGÚSTSSON
Baldur er Reykvíkingur, fyrrverandi flugumferðarstjóri til tuttugu ára, forstjóri og stofnandi
öryggisfyrirtækisins Vara. Hann er kvæntur enskum sálfræðingi, starfsmannastjóra og list-
málara sem heitir Jean Plummer. Þau hjónin halda heimili bæði í Reykjavík og London.
Kjarasamningur flugmanna Icelandair í höfn:
Heildarlaun hækka um 16 prósent
FLUG YFIR HALLGRÍMSKIRKJU
Laun flugmanna hækka í takt við það sem gerist á opinberum markaði, segir Örnólfur
Jónsson, varaformaður Félags íslenskra atvinnuflugmanna.
GEIR H. HAARDE OG GUÐNI ÁGÚSSON
Fjármálaráðherra og landbúnaðarráðherra skáluðu í mjólk í tilefni nýs samnings um starfsskilyrði mjólkurframleiðslu við Bændasamtök
Íslands. Útgjöld ríkisins til mjólkuriðnaðar lækka um tæpar 40 milljónir árlega miðað við eldri samninginn.
FR
ÉT
TA
B
LA
Ð
IÐ
/V
IL
H
EL
M