Tíminn - 07.01.1972, Síða 2
TÍMINN
FÖSTUDAGUR 7. janúar 1972
Ný, ítarleg hand-
bók um söluskatt
EJ—Reykjavík, miðvikudag.
Skattstofa Reykjavíkur hefur
gefið út ítarlega „Handbók um
söluskatt“, þar sem er að finna
allar upplýsingar um söluskatt og
álagningu hans, og er þetta nauð-
synleg handbók fyrir alla þá aðila,
sem þurfa að greiða söluskatt.
I formála bókarinnar er skýrt
frá því, hvert sé efni bókarinnar.
Kemur þar fram, að í handbók-
inni eru lög og reglugerðir um
söluskatt, og auk þess allir úrskurð
ir, sem felldir hafa verið um túlk-
un á einstökum greinum og leið-
beiningar í sambandi við þær.
Einnig eru birtar reglugerðir um
söluítkatt, yfirlit um söluskatts-
skyldar innfluttar vörur og undan-
þágur og ýmislegt annað, sem við
kemur álagningu söluskatts og
söluskattsskyldu. Er bókin miðuð
við þau ákvæði, og þá úrskurði,
sem fyrir hendi voru 1. október
síðastliðinn.
Bókin er þannig uppsett, að hver
grein reglugerðar nr. 169/1970 um
söluskatt er birt út af fyrir sig og
með hverri grein fylgja síðan úr-
skurðir og leiðbeiningar við hverja
grein.
Bókin skiptist í sjö meginkafla.
1. kaflinn er um söluskatt. 2. kafl-
inn er um söluskattsskylda aðila
og tilkynningaskyldu. 3. kaflinn
fjallar um söluskattsskylda sögu.
4. kaflinn er um tilhögun bókhalds,
fylgiskjöl og gjaldstofna. 5. kafl-
inn er um framtöl, gjalddaga, inn-
heimtu, dráttarvexti, kærur og úr-
skurði. 6. kaflinn er um eftirlit,
upplýsingaskyldu og viðurlög, og
7. kaflinn um ýmis ákvæði (um
gildistöku og fl.). Þá eru í honum
fylgiskjöl, en þau eru þessi:
1) Lög um söluskatt nr. 10/1960
með áorðnum breytingum, miðað
við 1. okt. 1971. Þessar breytingar
eru: framlengingar á bráðabirgða-
ákvæði frá 1960, 1961, og 1962,
niðurfelling innflutningssöluskatts
frá 1963, hækkun söluskatts úr
3% í 5.5% frá 1. janúar 1964,
hækkun söluskatts úr 5.5% í 7.5%
frá 1. jan. 1965,breyting á 11. tölu-
lið 7. greinar laganna, og hækkun
söluskatts úr 7.5% í 11% frá 1.
marz 1970 ásamt breytingum á
innheimtuákvæðum o.fl.
2) Meginefni 33. greinar reglu-
gerðar nr. 15/1960 um söluskatt
og nokkrir úrskurðir varðandi þá
grein.
3) Sérstök ákvæði um innfluttar
vörur.
4) Auglýsing um notkun heim-
ilda skv. 21. tölulið 3. gr. tollskrár-
laga nr. 1, 11. febrúar 1970.
Loks fylgir svo bókinni atriðis-
orðaskrá, þar sem orðtekin eru
helztu atriði í reglugerð, úrskurð-
'um og leiðbeiningum með tilvitn-
un til greinar og blaðsíðutals.
isienzka skeytið
bæði til Fischers og
ÞÓ—Rcykjavík, fimmtudag.
Svar FIDE við skeyti ís-
lenzka skáksambandsins barst
til landsins í morgun og seg-
ist FIDE liafa sent athuga-
semdir íslendinga athugasemda
laust til Fischers og Spasskys.
Guðmundur G. Þórarinsson,
forseti skáksambandsins, sagði
í viðtali við blaðið, að hann
teldi að þetta væri góðs viti.
Guðmundur sagði, að nú
væri bara að bíða og vita
hvortt ekki kæmi eitthvað í
Ijós í þessu sjónvarpsmáli nú
alveg á næstunni. Skáksam-
band íslands stendur nú í
skeytasambandi við bandarísk-
ar sjónvarpsstöðvar og hefur
haft samband við CBS, NBS og
ABC. Svar hefur þegar borizt
frá einni þeirra, en það er CBS
og segjast þeir hafa mikinn
áhuga á þessu. Þá hefur skák-
sambandið hug á að hafa sam-
band við Tass, BBC og ARD,
en það er v.-þýzka sjónvarps-
stöðin, og athuga hvort þessar
stöðvar hafa áhuiga á að taka
upp sjónvarpsefni af einvíg-
inu, ef það verður háð hér á
landi. Mesta vandamálið í sam-
bandi við sjónvarpssendingar
héðan er, að ekki er hægt að
sjónvarpa beint. Hafa verið
uppi margar tilgátur um,
hvernig fljótlegast muni verða
að koma efninu héðan, og eins
og er, þá er talið líklegast, að
það verði flutt flugleiðis ef
af verður. Eins hefur mönn-
um komið í hug, hvort ekki
væri hægt að staðsetja skip
milli fslands og meginlands-
ins og nota þau sem endur-
varpsstöðvar, þannig að send-
ingin nái til meginlandsins.
Þessa dagana er verið að
ganga frá þeirri upphæð, sem
FIDE fór fram á að íslenzka
skáksambandið setti sem trygg
ingu, að það stæði við tilboð
sitt. Guðmundur sagði, að
FIDE hefði samþykkt að Skák-
samband fslands opnaði reikn-
ing í Seðlabankanum og verður
gengið frá þessu á næstu tvehn
ur dögum.
Samvinnan við hið opinbera,
sagði Guðmundur, að hefði
verið mjög góð, og nú hefur
ríkið hækkað framlag sitt úr
2.5 milljónum í 5 milljónir.
Ekki hefur verið farið fram á
það, að Reykjavíkurborg hækk-
aði framlag sitt.
I haust var haldin alþjóðleig lista
hátíð í Budapest, sém ísland tók
þátt í með sendingu ljósmynda-
og kvikmynda.
Ráðuneytinu hefur nú borizt til-
kynning um, að Ósvaldur Knudsen
hafi hlotið bronspenimg að verð-
launum fyrir kvikmynd sína „Með
sviga lævi“, en hún fjallar eins
og kunnugt er um Surtseyjargos-
ið. Hefur verðlaunapeningurinn,
ásamt viðurkenningarskjali, ver-
ið afhentur Ósvaldi.
Menntamálaráðuneytið,
4. janúar 1972.
Hvar er Alexander?
Vélflug hófst yfir Vatnsmýrinni
svo að segja í upphafi flugaldar.
SíSan höfum við íslendingar státað
af þvj að hafa hlaupið yfir ýms um.
ferðarstig, sem aðrar þjóðir hafa
I orðið að notfaera sér með ærnum
kostnaði. Má í því sambandi minna
á járnbrautir, sem i dag virðast ekki
geta gengið nema ir>e? halla eða þá
á rikisframfæri. Hér á landi var
stigið beint af hestinum upp í flug-
vélar, enda bera margar þelrra nöfn
hesta, að undanskildum Loftleiða.
vélum, sem heita eftir frægu fóiki
úr sögunni, sem aldrei var notað til
ferðalaga. En þótt við höfum á að
skipa flugvélum af nýjustu gerð,
hefur markverðasta þróunin í flug-
inu farið framhjá okkur til þessa, og
kannski sú tegund af flugi, sem
myndi henta okkur bezt, þar sem
flugvellir eru hér víða ófullkomnir,
vegalengdir ekki mlklar, en að sama
skapi erfiðar, jafnvel svo að sumar
leiðir milli byggðarlaga mega frek-
ar teljazt til himinsala en jarðar.
Flugtæki þau, sem við höfum enn
ekki lært að notfæra oxkur tll neinn
ar hlitar, eru þyrlur, hinir einu og
sönnu áburðarjálkar oftsins. Öðru
hverju verða miskunnsamir samveri.
ar af Keflavíkurflugvelli ti! að tæra
okkur heim sanninn um, hvaða Kosta
gripir þyrlurnar eru. Seinast fyrir
tveimur dögum bjórguðu varnarliðs-
menn flugreika manni úr flóanum
og fórst það svo hönduglega að að-
dáun vakti. Fór þar saman gott tæki
og sú færni, sem Bandaríkjamönn.
um er svo lagin. íslenzkir flugmenn
hafa margsinnis sannað færni sína
við erfiðar aðstæður. Þessar aðstæð-
ur er m.a. þahnig, að þegar islenzkir
flugmenn eru sendir utan til að
æfa sig á einhverjar nýjar vélar,
falla æfingar niður vegna storms,
sem þeir telja vera goluþyt einan og
finasta flugveður.
Vestfirðir hefðu not fyrir þyrlu.
Austfirðir hefðu einnlg not fyrir
þyrlu. Landhelgisgæzlan mun vera
að fá þyrlu, og mun hún ekki vera
merkilegt tæki miðað við það, sem
notað var við björgun hins flugreika
manns. Þetta er sögð dýr tæki, og
það er taiið þeim til foráttu. Allt í
einu höfum við ekki efnl á að eign-
ast dýr tæki. Ekki var nú verið að
spyrja um þetta i upphati flugs á
ísiandi. Þá var enginn að heykjast
oní klofið á sér út af nýju tæki. Vlð
höfum alltaf lagt kapp á það að
fylgja þróuninni. Nú er of seint að
taka upp járnbrautarstefnu annar.'a
þjóða. Slikt liggur í augum uppi. Ef
við æftum einhvern Alexander Jó.
hannesson í dag væru eflaust lcornn-
ar margar þyrlur.
Svarthöfði.
Hátíðasýning á Skugga-Sveini
á 75 ára afmæli Leikfélagsins
SJ—Reykjavík, fimmtudag.
Á þriðjudaginn er 75 ára af-
mæli Leikfélags Reykjavíkur.
Þann dag og hinn næsta verða
hátíðasýningar á Útilegumönn-
unum eða Skugga-Sveini eftir
Matthía^ Jochumso^ þvíi/lgijcri^,,
sem oftast hefur verið sýnt á Is-
landi og á-flestum stöðum, og nýt*
ur ávallt hylli leikhúsgesta. Á af-
mælisdaginn verður einnig hátíða-
fundur í Leikfélagi Reykjavík-
ur, kl. 4 síðdegis verður opnuð
sýning á leikmyndum úr sögu fé-
lagsins í Bogasal Þjóðminjasafns-
ins; Almenna bókafélagið gefur
þann dag út bókina Leikhúsið við
Tjörnina eftir Svein Einarsson,
sem er ágrip af sögu LR með
myndum; og einnig verða tilkynnt
úrslit í leikritakeppni félagsins,
en 16 leikrit hafa borizt og verð-
launin eru 200.000 kr.
Útilegumeninrnir voru fyrst
sýndir á leiksviði árið 1862. Höf-
undurinn breytti frumgerð leiks-
j ins tvívegis a.m.k., og sýning Leik-
» féalgsins nú er blanda af þessum
) mismunandi útgáfum. Þetta er í
þriðja sinn að Leikfélagið sýnir
Skugga-Svein. Fyrri sýningarnar
voru 1908 og 1935, og þá sem nú
hefur þeim sið verið haldið að
kona leiki Gvend smala og karl-
maður Grasa Guddu. Að þessu
sinni leika Gísli Halldórsson og
Margrét Ólafsdóttir þessi hlut-
verk. Jón Sigurbjörnsson leikur
Skugga-Svein, en helztu leikend-
ur aðrir eru Steindór Hjörleifsson,
Jknnj? Kristíp; , Arpgjígisdóttir,
Valdimar /Helgason, Kjartan Ragn
arsSon, Jón"Hjartarson, - Karl Guð-
mundsson, Brynjólfur Jóhannes-
son, Guðmundur Magnússon, Har-
ald G. Haralds, Þorsteinn Gunn-
arsson, Þórunn Sigurðardóttir,
Borgar Garðarsson og Daníel
Williamsson. Leikstjóri er Sveinn
Einarsson. Steinþór Sigurðsson
teiknaði leikmyndir og búninga.
Skugga-Sveinn er hið fyrsta af
fimm íslenzkum leikritum, sem
Leikfélagið sýnir í vetur í tílefni
afmælisins, á eftir fylgja í þessari
röð: Atómstöðin, Dómínó Jökuls
Jakobssonar, Dansleikur Odds
Biörnssonar og Kona í hjólastól
eftir Nínu Björk Árnadóttur.
Stjórn Leikfélags Reykjavíkur
skipa Steindór Hjörleifsson, for-
maður, Steinþór Sigurðsson, rit-
ari og Þorsteinn Gunnarsson. f
leikhúsráði eru Steindór Hjörleifs
son, Þorsteinn Gunnarsson, Stein-
þór Sigurðsson, Sveinn Einarsson
og Baldvin Tryggvason.
Alyktun til utanríkísráðherra
Hr. utanríkisráðherra
Einar Ágústsson,
Reykjavík.
Fundur kjördæmisráðs Alþýðu-
bandalagsins í Vesturlandskjör-
daami 2. janúar 1972 lýsir yifir
trausti á einlægum vilja yðar að
framkvæma þann þátt málefna-
samnings ríkisstjómarinnar sem
Athugasemd frá BSRB
Eitt alvarlegasta mishermið,
sem fram kom í ummælum fjár-
málaráðherra á fundi með frétta-
mönnum í gær var, að BSRB hefði
engar sérstakar kröfur gert um
launahækkanir til hinna lægst
launuðu.
Vegna þessa fer hér á eftir
orðrétt kröfugerð BSRB, sem
send var fjármálaráðherra 10.
des. 1971:
„Stjórn bandalagsins ákveður
því að gexa kröfu um eftirfarandi
breytingar á kjörum ríkisstarfs-
manna frá 1. desember 1971:
1. Grunnlaun hinna lægst laun-
uðu starfsmanna ríkisins hækki
samkvæmt reglum þeim, er um
ræðir í 3. gr. samnings frá 4. des.
1971 milli Alþýðusambands ís-
lands vegna aðildarsambands og
aðildarfélaga þess og samtaka
vinnuveitenda.
2. Auk grunnlaunahækkunar
samkv. 1. tölulið hér að framan,
hækki samningsbundin grunnlaun
ríkisstarfsmanna um samtals 14%
sem hér segir:
Frá 1. des. 1971 um 4%.
Frá 1. júní 1972 um 4%.
Frá 1. marz 1973 um 6%.
Eins og menn sjá er það ein-
mitt fyrsta krafa BSRB að grunn-
laun hinna lægst launuðu hækki
sérstaklega umfram laun annarra,
á sama hátt og verkalýðsfélögin
sömdu um í desember. Um þá
kröfu hafa ekki fengizt viðræður
fremur en annað.
Frá Bandalagi starfsmanna
ríkis og bæja.
6/1 1972.
fjallar um utanríkis- og herstöðv-
armál.
Fundurinn álítur þær breyting-
ar, sem orðið hafa á utanríkis-
málastefnu ríkisstjórnarinnar eft-
ir að þér tókuð við embætti, hafa
aukið reisn íslenzkrar þjóðar, og
það er sannfæring fundarins að
jákvæðar aðgerðir ríkisstjómar-
innar í utanríkismálum eigi eftir
að verða enn viðfeðmari og áhrifa-
meiri á vettvangi þjóða.
f.h. Kjördæmisráðs Alþýðu-
bandalagsins í Vesturlands-
kjördæmi.
Ólafur Jónsson.
Ályktun frá Kjördæmisráði Al-
þýðubandalagsins í Vesturlands-
kjördæmi afhent utanríkisráð-
herra þann 6. janúar 1972.
LEIÐRÉTTING
I frétt í Tímanum á miðviku-
ciaginn. um hækkun á vistgjöldum
á dagheimilum var sagt að á laug-
ardögum ætiu leikskólabörn fram-
vegis að koma í ieikskólana, og
fara síðan þaðan í fylgd fóstra á
næsta dagheimili. Hið rétta er,
að sé óskað eftir vist fyrir börn
í leikskólum á laugardögum, eiga
þau að fara beint á viðkomandi
dagheimili, en eirki fyrst í leik-
skólann.