Fréttablaðið - 17.05.2004, Blaðsíða 10
10 17. maí 2004 MÁNUDAGUR
FÁNAR BRENNDIR
Íranskir nemar brenndu þjóðfána Banda-
ríkjanna, Bretlands og Ísraels fyrir framan
breska sendiráðið í gær. Nemarnir mót-
mæltu gjörðum hernámsliðsins undir
stjórn Bandaríkjanna í Írak.
Sumarlokanir verða
lengdar um helming
Sumarlokanir á lyflækningasviði Landspítala - háskólasjúkrahúss verða lengdar um helming
í sumar. Valaðgerðum í hjartaþræðingum verður hætt á meðan og jafnvel lengur.
Sex sérfræðingar sviðsins hætta störfum. Ráðningarbann ríkir á öllum spítalanum.
HEILBRIGÐISMÁL „Við munum loka í
tvo mánuði í stað eins mánaðar, og
jafnvel enn lengur,“ sagði Guð-
mundur Þorgeirsson, sviðsstjóri
lyflækningasviðs Landspítala -
háskólasjúkrahúss, um sparnað-
araðgerðir á sviðinu. Rekstrar-
kostnaður þess hefur farið fram
úr fjárheimildum og stefnir í 200
milljóna króna halla á rekstrinum
í lok árs, ef ekki verður að gert.
Þar vegur þyngst stöðug fjölgun
sjúklinga í hjartaþræðingu og
blóðskilun, en fjárveitingar hafa
ekki verið í takt við þá aukningu.
„Á deildina, sem við lokum í
sumar, koma hjartaþræðingar-
sjúklingar, sjúklingar í ýmsar
aðrar rannsóknir, svo sem melt-
ingarannsóknir og sjúklingar í
lyfjagjöf sem tekur einn dag eða
svo. Við munum reyna að troða
þessari þjónustu að einhverju
leyti inn á aðrar deildir,“ sagði
Guðmundur. Hann sagði, að þrír
sérfræðilæknar á taugadeild,
hjartadeild og nýrnadeild væru
hættir störfum og aðrir þrír
myndu hætta á næstunni. Ráðn-
ingarbann væri á spítalanum,
þannig að ekki yrðu ráðnir læknar
í stað þessara sex, sem væru að
hætta fyrir aldurs sakir.
„Við erum með mjög stífa end-
urskoðun í gangi um notkun á öllu
aðkeyptum hlutum, svo sem lyfjum
og lyfjanotkun,“ sagði Guðmundur
enn fremur. „Þetta má flokka undir
hagræðingarmál, en skerðing á
framvindu hluta eins og hjarta-
þræðinga er hrein þjónustuskerð-
ing. Hjartaþræðingarnar eru blan-
da af bráðainngripum og valað-
gerðum og við munum stoppa val-
aðgerðirnar meðan sumarlokanir
standa yfir og jafnvel eitthvað
fram á haustið, ef annað dugir ekki
til, eftir þau skilaboð sem við höf-
um fengið. Valþræðing er gerð
þegar hjartasérfræðingur metur
sjúkling svo að það þurfi að gera
hjartaþræðingu til að meta ástand
kransæðanna. Þessum aðgerðum
verðum við að hætta í sumar og
setja fólk á biðlista.“
Guðmundur sagði, að fulltrúar
sviðsins hefðu hitt Jón Kristjáns-
son heilbrigðisráðherra, kynnt
honum stöðuna og afhent honum
gögn um þróun hjartaþræðinga og
blóðskilunar í starfi sviðsins.
Guðmundur kvaðst eiga von á því
að þessar upplýsingar kæmu inn í
síðari ákvarðanatöku um hvernig
brugðist yrði við.
jss@frettabladid.is
LÍN Grunnframfærsla hækkar um
2,6%, úr 77.500 í 79.500 krónur á
mánuði samkvæmt endurskoðuð-
um úthlutunarreglum Lánasjóðs
íslenskra námsmanna sem sam-
þykktar voru á föstudag. Þá var
hlutfall tekna sem kemur til lækk-
unar námsláni lækkað um 2%, úr
35% í 33%.
Gert er ráð fyrir að á næsta ári
verði um 10.000 nemendum veitt
námslán að heildarupphæð 7.500
milljónir króna. Áætluð aukning
námslána milli ára er 940 milljón-
ir króna, eða 14,4%.
„Þetta eru náttúrlega mjög
mikil vonbrigði,“ segir Jarþrúður
Ásmundsdóttir, formaður Stúd-
entaráðs Háskóla Íslands. „Þessi
hækkun tryggir bara það að
grunnframfærslan sem er núna
haldi verðgildi sínu. Aftur á móti
gerði stúdentaráð sér þær vonir
að það yrði gert eitthvað í því að
hækka grunnframfærsluna í átt
að raunverulegum útgjöldum
stúdenta.“ ■
Endurskoðun á úthlutunarreglum LÍN:
10.000 nemendum
veitt námslán
JARÞRÚÐUR ÁSMUNDSDÓTTIR
Formaður Stúdentaráðs Háskóla Íslands seg-
ir endurskoðaðar úthlutunarreglur Lánasjóðs
íslenskra námsmanna valda vonbrigðum.
Jerry Springer:
Velur næsta
forsetaefni
BANDARÍKIN, AP Sjónvarpsþátta-
stjórnandinn umdeildi og fyrrum
borgarstjórinn í Cincinnati, Jerry
Springer, hefur verið valinn sem
fulltrúi á flokksþing demókrata
sem fram fer í sumar en þar verð-
ur forsetaefni demókrata valið
með formlegum hætti.
„Þeir ættu að skammast sín
fyrir þennan mann, en siðgæði
verður augljóslega að víkja fyrir
völdum í flokki Bills Clinton,“
sagði Robert T. Bennett, for-
maður Repúblikanaflokksins í
Ohio.
Springer hefur starfað af mikl-
um krafti fyrir demókrata í Ohio
undanfarin misseri og er talinn
stefna á ríkisstjórastólinn eftir
tvö ár. ■
Sjúkraliðafélagið:
Fjölmiðla-
frumvarp
afturkallað
STJÓRNMÁL Fulltrúaþing Sjúkra-
liðafélags Íslands krefst þess að
frumvarp ríkisstjórnar Íslands
um takmörkun á tjáningarfrelsi
þjóðarinnar verði afturkallað, að
því er segir í ályktun sem sam-
þykkt var á fulltrúaþingi Sjúkra-
liðafélags Íslands, sem haldið var
14. og 15. maí síðastliðinn.
Enn fremur segir, að verði
frumvarpið samþykkt á Alþingi
krefjist fundurinn þess að þjóðin
fái tækifæri til að tjá sig um rétt-
mæti þeirrar ákvörðunar þings-
ins, áður en lögin komi til fram-
kvæmda.
Fundurinn skorar á forseta
lýðveldisins að leggja það í dóm
þjóðarinnar hvort afgreiðsla
þingsins á fjölmiðlafrumvarpinu
verði að lögum. ■
ÞJÓNUSTUSKERÐING
Fulltrúar lyflækningasviðs hafa hitt Jón Kristjánsson heilbrigðisráðherra og kynnt honum stöðuna og afhent gögn um þróun
hjartaþræðinga og blóðskilunar í starfi sviðsins.
FILIPPSEYJAR, AP Útlit er fyrir að
Gloria Arroyo, forseti Filippseyja,
hafi tryggt sér endurkjör í for-
setakosningum. Talning atkvæða
hefur gengið hægt en þegar um
fjórðungur atkvæða hafði verið
talinn hafði Arroyo fengið einni
milljón atkvæða fleira en helsti
keppinautur hennar, Fernando
Poe. Útgönguspár gáfu einnig til
kynna að Arroyo myndi sigra.
Stuðningsmenn Poe segja
Arroyo og hennar fólk hafa staðið
fyrir kosningasvindli og segjast
vera að safna saman sönnunum
um það. Flokkur Poe hyggst
standa fyrir mótmælum ef taln-
ingin sýnir að hann hafi tapað. ■
ÖRMAGNA VIÐ TALNINGU
Eftirlitsmenn fá sér blund meðan á talningu atkvæða stendur.
Forsetakosningar:
Útlit fyrir sigur Arroyo
Háttsettar löggur:
Smygluðu
fíkniefnum
MIAMI, AP Fyrrum yfirmaður lög-
reglunnar á Haití hefur verið
handtekinn í Bandaríkjunum
grunaður um að standa að inn-
flutningi á fíkniefnum. Fyrir var í
haldi fyrrum yfirmaður forseta-
lífvarðar Jean-Paul Aristide, fyrr-
um forseta Haití.
Handtökurnar eru hluti af
rannsókn á fíkniefnainn-
flutningi til Bandaríkjanna sem
háttsettir ráðamenn á Haití
stóðu fyrir. Bandaríkjastjórn
hefur haldið því fram að
Aristide hafi látið spillingu við-
gangast, þess á meðal fíkniefna-
smygl til Bandaríkjanna. ■