Fréttablaðið - 07.05.2004, Blaðsíða 60
32 7. maí 2004 FÖSTUDAGUR
ÍSHOKKÍSLAGUR
Hér sjást Finnarnir Janne Ninimaa og Mika
Noronen kljást um pökkinn við Kanada-
manninn Danny Briere í leik þjóðanna í
gær í átta liða úrslitum 68. heimsmeistara-
mótsins í Íshokkí sem fram fer í Tékklandi
þessa dagana. Kanadamenn unnu 5-4 eftir
æsilegan leik sem fór í framlengingu.
Íshokkí
hvað?hvar?hvenær?
4 5 6 7 8 9 10
MAÍ
Föstudagur
Brasilíski körfuboltamaðurinn Oscar Schmidt spilar einn leik í viðbót:
„Heilaga höndin“ heiðruð
KÖRFUBOLTI Brasilíumenn heiðruðu
á dögunum körfuboltagoðsögnina
Oscar Schmidt, sem er án efa
mesta hetja landsins frá upphafi í
þeirri íþróttagrein. Í kjölfarið
ákvað brasilíska körfuknattleiks-
sambandið að halda góðgerðarleik
honum til heiðurs og fer hann
fram í borginni Sao Paulo þann 6.
júní næstkomandi. Þar mun mæta
til leiks sigurlið Brasilíumanna í
Pan-American keppninni árið
1987 og að sjálfsögðu með goð-
sögnina innaborðs. Þar mun hann
stíga sinn hinsta dans. Þó Oscar
Schmidt hafi aldrei leikið í banda-
rísku NBA-deildinni telst hann
samt sem áður einn af merkustu
og bestu körfuboltamönnum allra
tíma. Hann hefði sómt sér vel í
NBA en kaus af einhverjum
ástæðum að leika aldrei þar. Ferill
kappans var í lengra lagi og
spannaði hann um það bil þrjá
áratugi en hann lagði skóna á hill-
una í fyrra orðinn 45 ára gamall.
Margs er að minnast á löngum
ferli en hápunktinum með lands-
liðinu náði Oscar árið 1987 á Pan-
American leikunum sem áður var
vikið að. Þá lögðu Brasilíumenn
Bandaríkjamenn að velli í úrslita-
leik en hér á árum áður töpuðu
Bandaríkjamenn ekki landsleik
nema kannski einu sinni á áratug.
Þá á Oscar Schmidt heimsmetið í
stigaskori en á ferli sínum skoraði
hann hvorki fleiri né færri en
49.737 stig í 1.615 leikjum, en það
gerir tæplega 31 stig að meðaltali
í leik. Þetta eru ótrúlegar tölur en
ennþá ótrúlegri sé haft í huga
hversu langur ferill hans var. Osc-
ar Schmidt gekk undir viðurnefn-
inu „Mao Santa“ í Brasilíu eða
„Heilaga höndin“ eins og það
myndi útleggjast á okkar ástkæra
ylhýra. Hann lék með landsliðinu
á fimm Ólympíuleikum, í Moskvu
1980, Los Angeles 1984, Seoul
1988, Barcelona 1992 og svo Atl-
anta 1996. Hann lék alla leiki liðs-
ins á þessum leikum og varð
þrisvar stigakóngur leikanna.
Makalaus leikmaður sem á góðan
sess skilinn í sögubókunum. ■
Reglubreytingar fram
undan í Formúlunni
Max Mosley, formaður Alþjóða aksturssambandsins, fékk öllum að óvörum flestar hugmyndir
sínar um reglubreytingar samþykktar.
FORMÚLA 1 Nefnd á vegum FIA
og framkvæmdastjórar keppn-
isliðanna hafa í sameiningu lagt
grunninn að umfangsmiklum
reglubreytingum í Formúlu 1
kappakstrinum sem flestar
munu taka gildi árið 2006. Strax
næsta sumar verða þó nokkrar
þeirra teknar í gildi.
Upphaflega átti ekki að ráð-
ast í reglubreytingar fyrr en
eftir fjögur ár en á fundi í
Mónakó í gær var ákveðið að
flýta þeim um tvö ár. Á fundin-
um voru meðal annars þeir
Bernie Ecclestone og Max
Mosley sem er forseti Alþjóða
Aksturssambandsins, FIA, og
hafði hann þetta um málið að
segja:
„Samkeppni mun aukast í
Formúlu 1 kappakstrinum í kjöl-
far þessara reglubreytinga og
mér til nokkurrar undrunar
gekk þetta allt mjög vel upp á
fundinum. Ég átti von á meiri
andstöðu við málið frá fram-
kvæmdastjórum liðanna en sem
betur fer var andrúmsloftið allt
annað – menn unnu saman og
niðurstaðan varð þessi.“
Mosley sagði að nánast allar
hugmyndir hans um reglubreyt-
ingar hefðu verið samþykktar
en þær lagði hann fram í síðustu
viku. Óttuðust margir að sam-
staða um þær yrði lítil og menn
sáu fram á ósætti. Þá lofaði
Bernie Ecclestone að greiða lið-
unum aukið hlutfall af sjón-
varpsréttinum en nokkur lið
hafa hótað að hætta og stofna
eigin mótaröð vegna þess að þau
telja sig ekki fá nægilegan skerf
af þeirri stóru köku.
Ekki er talið ólíklegt að eftir
tvö ár verði keppnisliðin skikk-
uð til að nota sömu keppnisvél
tvær keppnishelgar en um það
verður rætt í kringum spænska
kappaksturinn sem fram fer um
næstu helgi. Einnig þykir nýja
fyrirkomulagið varðandi tíma-
tökurnar hafa misheppnast og
því gæti verið breytt strax á
næsta keppnistímabili. Síðan
verður væntanlega bannað að
skipta um dekk í miðri keppni
eftir tvö ár en bensínáfylling
áfram leyfð.
Á þeim tíma verður síðan lík-
lega aðeins einn dekkjafram-
leiðandi sem mun sjá öllum
keppnisliðum fyrir sams konar
dekkjum og verður væntanlega
bitist hressilega um þann bit-
ann. ■
Sýn sýnir beint frá
Landsbankadeild karla:
Fimm fyrstu
leikirnir klárir
FÓTBOLTI Sjónvarpsstöðin Sýn mun
sýna í það minnsta átján leiki í
Landsbankadeildinni í beinni út-
sendingu. Hilmar Björnsson,
sjónvarpsstjóri stöðvarinnar,
sagði í samtali við Fréttablaðið í
gær að stöðin hygðist gera ís-
lenska boltanum hátt undir höfði í
sumar. „Við munum hafa klukku-
tíma upphitunarþátt fyrir Lands-
bankadeildina fimmtudaginn 13.
maí kl. 21 þar sem sérfræðingar
munu spá í spilin fyrir mótið. Við
verðum síðan með opnunarleik
deildarinnar, KR-FH á KR-velli, í
beinni útsendingu laugardaginn
15. maí. Í framhaldinu af því hef-
ur síðan verið ákveðið hverjir
næstu fjórir leikir verða,“ sagði
Hilmar. ■
■ ■ SJÓNVARP
16.50 Olíssport á Sýn.
18.10 Trans World Sport á Sýn.
Íþróttir um allan heim.
19.10 Gillete-sportpakkinn á Sýn.
19.40 UEFA Champions League á
Sýn. Fréttaþáttur um meistara-
deild Evrópu.
20.10 Alltaf í boltanum á Sýn.
Vikulegur þáttur um enska bolt-
ann.
20.40 Motorworld á Sýn.
21.10 Supercross á Sýn. Sýnt frá
keppni á Sam Boyd-leikvangin-
um.
23.55 Úrslitakeppni NBA á Sýn.
Bein útsending frá leik Detroit Pi-
stons og New Jersey Nets í úr-
slitakeppni NBA-deildarinnar.
OSCAR SCHMIDT
Sést hér þerra tárin þegar hann tilkynnti á
blaðamannafundi þann 26. maí í fyrra að
hann væri búinn að leggja skóna á hilluna.
Ótrúlegur ferill hjá ótrúlegum leikmanni.
Spilar þó einn leik í viðbót.
MAX MOSLEY
Forseti FIA. Margar reglubreytingar fram
undan í Formúlunni.
SÝN BEINT Í ALLT SUMAR
Sjónvarpsstöðin Sýn mun sýna beint frá
leikjum í Landsbankadeildinni í sumar.
FÓTBOLTI Umboðsmaður hollenska
landsliðsmannsins Jaap Stam,
Hen van Ginkel, sem einnig er
hollenskur, sagði í spjalli við ít-
alska netmiðillinn calciomer-
cato.com að Stam væri á leiðinni
til Ítalíumeistara AC Mílan. Stam
hefur verið leikmaður Lazio allt
frá því að hann var seldur frá
Manchester United árið 2001.
„Félögin hafa náð samkomu-
lagi og fljótlega verður skrifað
undir tveggja ára samning,“ var
haft eftir Ginkel en eins og flest-
um fótboltaáhugamönnum er
kunnugt um er Lazio í gífurlegum
fjárhagserfiðleikum og neyðist til
að selja Stam núna því eftir næsta
keppnistímabil er hann með laus-
an samning og fengist þá ekki
króna fyrir hann.
Jaap Stam hefur undanfarin
fimm til sex ár verið einn albesti
varnarmaður heimsins en hann
vakti fyrst athygli með PSV Eind-
hoven í heimalandinu. Hann var
keyptur til Manchester United
árið 1998 og átti þar frábæran
tíma og vann allt sem hægt var að
vinna. Öll árin hampaði hann
enska meistaratitlinum, enska
bikarnum einu sinni og svo sjálf-
um Meistaradeildarbikarnum árið
1999 eftir ótrúlegan leik við
Bayern München.
Síðan tók kappinn upp á því að
gefa út sjálfsævisögu og lýsti þar
vafasömum vinnubrögðum hjá Sir
Alex Ferguson í sambandi við
komu hans til United og ýmsu
öðru sem hefði líklega verið skyn-
samlegra að bíða með þangað til
keppnisferlinum væri lokið.
Það var ekki að sökum að
spyrja, Ferguson sendi hann með
bögglapósti til Lazio og hefur fer-
ill hans ekki náð hæstu hæðum
aftur og skemmst er að minnast
leikbanns hans vegna lyfjamis-
notkunar. Kannski er í vændum
betri tíð með blóm í haga í
Mílanóborg. ■
JAAP STAM
Á leiðinni til AC Mílan. Sést hér í búningi Lazio í baráttu við Gavilan, leikmann Udinese.
LEIKIR Í BEINNI
KR-FH lau. 15. maí kl. 17
Víkingur-KA fös. 21. maí kl. 20
Fram-ÍA þri. 25. maí kl. 20
Fylkir-Keflavík mán. 31. maí kl. 20
KR-ÍA mið. 9. júní kl. 20
Jaap Stam á leiðinni frá Lazio til AC Milan:
Stam flytur frá
Róm til Mílanó