Fréttablaðið - 07.05.2004, Blaðsíða 72

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
SM Á A U G L Ý S I N G AS Í M I N N E R 550 5000
Einræði og
skítaveður
Það er slæmur díll sem boðið erupp á hér á skerinu um þessar
mundir. Í löndum þar sem er einræði
er yfirleitt gott veður. Þess vegna
sættir fólk sig hugsanlega við það
aðeins lengur að kallinn í brúnni sé í
stjórnsamara lagi og vilji vera með
puttana í öllu. Fólkið getur þá alla
vega legið úti og verið nokk sama.
Það getur slæpst á ströndinni og
kastað frisbídiskum eða verið í
boltaleik. Okkar þjóðfélag er hins
vegar miklu viðkvæmara fyrir öllum
einræðistilburðum og það er vegna
þess að hér er skítaveður, sérstak-
lega þessa dagana.
EKKI ER hægt að sætta sig við
bæði í einu, skítaveður og einræði.
Hvort tveggja gerir mann bilaðan.
Ef það á að vera einræði, þá er lág-
mark að það sé gott veður til þess að
hafa mann rólegan. Og ef það á að
vera skítaveður, þá verður að vera
sæmilegt stjórnarfar. Annað er
ótækt. Í skítaveðri og vondu stjórn-
arfari endar fólkið samanherpt inni
hjá sér í teygðri lopapeysu með flösu
í hárinu, tuðandi ofan í hálsmálið á
sér. Og það þarf að fyrirbyggja.
AÐRAR skandinavískar þjóðir hafa
komið auga á þessa staðreynd fyrir
löngu. Þar tala menn saman, taka
því rólega í stjórnarháttunum. Ef
menn passa það ekki er hætta á því
að fólkið – sem býr almennt við
skítaveður – breytist í græn
skrímsli sem einn daginn koma ark-
andi út úr húsunum sínum í rokinu,
kolbrjáluð með exi og jafni húsa-
kosti ríkisins við jörðu. Enginn
skyldi vanmeta þann ofsakraft sem
myndast getur hjá fólkinu í einræði
og skítaveðri.
ÞAÐ ER útséð með það að á Íslandi
verði einhvern tímann almennilegt
veður. Hér mun verða skítaveður
þangað til slokknar á sólinni eftir
fimm milljón ár. Það er ekkert við
því að gera. Við getum búið við það.
En af því leiðir að ekkert rými er í
geðheilsu þjóðarinnar fyrir einræð-
istilburði. Ég vil því biðja menn um
að hætta öllu slíku. Röksemdin getur
ekki verið augljósari. Einræði og
skítaveður. Eitt útilokar annað. Það
er útséð með veðrið, en hinu getum
við breytt.
Bakþankar
GUÐMUNDAR
STEINGRÍMSSONAR
VI Ð S EG J U M F R É T T I R