Tíminn - 12.04.1972, Síða 9
Miðvikudagur 12. april 1972.
TÍMINN
y
G GRODURLEYSIS
ÖFN OG HVERAGERÐI
...
Úr TrcsmiAjunni
Hveragerði er með yngstu
bæjum á landinu, eins og
nágrannabæirnir Selfoss og Þor
lákshöfn. Siðastliðið haust átti
Hveragerði 25 ára hreppsafmæli.
Hveragerði hefur svo til að öllu
leyti byggzt upp i kringum
gróðurhúsin, sem þar hafa
sprottið upp á undanförnum
árum, eða frá árinu 1929. Þá er
Náttúrulækningafélagið með
stórt hæli á staðnum og i Hvera-
gerði er elliheimilið Ás. Kringum
báðar þessar stofnanir hefur
skapazt mikil þjónusta.- Það má
kannski segja, að Hveragerði
hafi byggzt upp við vin.
Fá kirkju um hvítasun-
nuna.
Við lögðum leið okkar til þeirra
Guðmundar Wium húsasmiða-
meistara og Þorkels Guðbjarts-
sonar, framkvæmdastjóra ullar-
þvottastöðvar SIS. Þeir sögðu
okkur i upphafi, að litlar fram-
kvæmdir hefðu átt sér stað i
Hveragerði siðasta árið. Helzt
mætti tala um oliumalar-
lagningu á Heiðmörk, hitaveitu-
framkvæmdir, sem þá eru á
byrjunarstigi, og kirkjubygg-
inguna, en hugmyndin er,að kirk-
jan verði vigð um hvitasunnuna.
— Nú eru 30 ár siðan byggð
byrjaði að myndast i Hveragerði,
og 25 ár siðan hreppurinn var
stofnaður. Allan þennan tima
hefur ylræktin verið mikil-
vægasta atvinnugreinin. Hvaða
atvinnugreinar koma hér næst á
eftir?
— Hér i þorpinu eru fá stór fyrir-
tæki, en af þeim sem við eigum,
eru Trésmiðjan og Ullarþvotta-
stöðin langstærst. Þá reka
Náttúrulækningafélagið og elli-
heimilið As, ýmis fyrirtæki, en
okkur finnst það galli á gjöf
Njarðar, að þessi fyrirtæki borga
engin aðstöðugjöld til hrepps-
félagsins.
— Hvað eru ibúar margir i
Hveragerði núna, og hvað eru
margir vistmenn á elliheimilinu
og náttúrulækningahælinu?
— I búar i Hveragerði eru nú um
850, og á náttúrulækningahælinu
og Ási eru þeir um 350 að meðal-
tali, en þessar stofnanir eru yfir-
leitt yfirfullar árið um kring.
— Hvaða framkvæmdir eru á döf-
inni i Hveragerði núna?
— Það ber fyrst að nefna hita-
veituframkvæmdir. Algjörar
endurbætur á hitaveitunni hafa
lengi staðið yfir, Um þessar
mundir er verið að útvega fjár-
magn, en talið er að verkið muni
kosta 27 milljónir kr. Ákveðið er
að kaupa varmann frá Orku-
stofnun, og hefur fengizt loforð
um það.
Þá þarf að fara.gera eitthvað i
skólamálunum en þau eru i al-
gjöru lágmarki. Að visu er hér
ágæt aðstaða fyrir sundið, en
ekkert iþróttahús er hér á
staðnum. Skólahúsið sjálft er
siðan 1950, og er það um leið
barna og gagnfræðaskóli. T.d. er
gagnfræðaskólinn að hluta i
leiguhúsnæði hjá sundlauginni.
Hugmyndin hefur verið sú, að
byggja nýjan barnaskóla og
iþróttahús, og nota gamla skóla-
húsið handa gagnfræðaskólanum.
En það, sem háir hreppsfélaginu
mest, er hvað gjaldendur eru
smáir. Hér er enginn stór
gjaldandi.
— Hvernig er aðstaða fyrir ferða-
menn i Hveragerði?
— Hún er nánast engin. Það
vantar algjörlega staði fyrir
ferðafólk. Aðeins tveir staðir,
Eden og Michelsen, hafa upp á
eitthvað að bjóða. Við höfum litla
aðstoð fengið frá ferðamála-
aðilum, þó svo að vitað sé að
möguleikarnir eru hér miklir.
Mest 520 tonn á ári
Þorkell er framkvæmdastjóri
Ullarþvottastöðvarinnar. Hann
sagði okkur, að stöðin hefði verið
stofnuð á árinu 1964. Fyrstu tvö
árin var lang mest að gera i
stöðinni, og voru þá þvegin 520
tonn af ull árlega, svo fór þetta
minnkandi fram til ársins 1970, er
aðeins bárust um 280 tonn. Árið
1971 fór magnið aftur að vaxa,og
þá var tekið á móti 330 tonnum.
Flestir hafa starfsmenn i
þvottastöðinni verið 20, en eru 14
núna.
— Hvað olli þessari minnkandi
ullarframleiðslu, Þorkell?
— Það hafa sjálfsagt verið
margar ástæður til þess.
Bændum fannst að þeir fengju of
litið fyrir ullina og hirtu ekki um
hana. t öðru lagi fækkaði fé á
þessu timabili. Nú hafa veður
skipazt þannig i lofti, að það
vantar ull, og eftirspurnin hefur
aldrei verið meiri. Um leið hafa
gæðin aukizt hjá bændum, alla
vega á þvi svæði, þar sem við
tökum ullina, eða frá Lómagnúpi
að Hrútafirði.
— Hvaða litir eru vinsælastir um
þessar mundir?
— Það eru allir litir vinsælir, en
þaö kemur aldrei nóg af mó-
rauðu. Það er eins og bændur geti
aldrei átt nóg af mórauðu fé.
Vantar smiöi
Guðmundur Wium er einn af
eigendum Trésmiðjunnar, en
Trésmiðjan er 25 ára gamalt
fyrirtæki. Það var stofnað af
þeim Stefáni Magnússyni, Bjarna
Ey vindssyni og Stefáni G.
Guðmundssyni, föður
Guðmundar. Guðmundur kom
siðan inn i fyrirtækið i stað löður
sins ásamt bróður.
Trésmiðjan er núna i stóru og
nýlegu húsnæði, og Guðmundur
segir, að þaö sé 1750 fermetrar að
stærð og aðeins 4 ára gamalt.
Aðallramleiðsluvörur
Trésmiðjunnar eru innréttingar
og hurðir. Undanfarin ár hefur
fyrirlækið mikið verið með
stórverk, t.d. verið með mikið af
innréttingum i Breiðholtsfram
kvæmdirnar. og núna eru þeir aö
Framhald á bls. 15
Þorkcll Guðbjartssnn
Guðmuiidur VViiiin
Axcl Magnússon
Séð yfir Hveragerði
Þórður Snæbjörnsson