Tíminn - 13.05.1972, Blaðsíða 3
Tr f. r * V *r'
Laugardagur 13. mai 1972.
TÍMINN
„Stromp-
leikur”
afmælis-
verk
Leikfélags
Akureyrar
SB-Reykjavik
Leikfélagi Akureyrar þótti vcl
fara á aö taka til sýningar verk
eftir llalldór Laxness, um þessar
mundir, þvi eins og alþjóö mun
kunnugt, átti skáldið afmæli fyrir
skenimstu og nokkrum dögum
áður varö Leikfclag Akureyrar 55
ára. „Strompleikur” verður þvi
frumsýndur á Akureyri á laugar-
dagskvöldið og er liann þriðja
verkefni höfundarins, sem félagið
tekur til sýningar.
A 55 ára ævi félagsins hefur það
sýnt 142 verkefni og þar af
45 eftir islenzka höfunda.
Sýningar á þessum árum eru alls
orðnar 1496 og mun þvi Stromp-
leikurinn fylla 15. hundraðið.
Leikstjóri er Maria Kristjáns-
dóttir. Leikmynd gerði Ivan
Török. Hlutverk eru 18 og með
helztu þeirra fara Guðlaug Her-
mannsdóttir, Kristjana Jóns-
dóttir, Aðalsteinn Bergdal,
Jóhann ögmundsson, Július
Oddsson, Gestur Einar Jónasson,
og Þráinn Karlsson.
33 krónur
fengust í
Grimsby
ÞÖ-Reykjavik
Skuttogarinn Barði frá
Neskaupsstað, seldi 113 lestir af
þorski i Grimsby i gær. Þessar
113 lestir seldust fyrir 16.264
sterlingspund eða 3.7 milljónir
króna. Meðalverðið er 33 krónur.
Talar um
útsaumslist
Bjarnfriður Einarsdóttir sýnir
myndir og flytur skýringar um
útsaumslist i I. kennslustofu
Háskólans I kvöld, laugardags-
kvöld, kl. 20:30. Allir velkomnir
meðan húsrúm leyfir.
Tók sæti á
Alþingi
EB-Reykjavik.
Magnús H. Gislason, 1. vara-
þingmaður Framsóknarflokksins
i Norðurlandskjördæmi vestra,
tók i gær sæti á Alþingi fyrir Ólaf
Jóhannesson forsætisráðherra.
UPPSTEYTUR I LOFTLEIÐAVEL
SJ-Reykjavik.
Töf varð á brottför Loft-
leiðavélar frá Keflavikurflug-
velli i gær vegna uppsteyts
meðal nokkurra farþega frá
Bandarikjunum, sem neituðu
að hefja ferðina án félaga sins,
sem orðið hafði strandaglóp-
ur. Menn þessir virtust i
annarlegu ástandi.
1 gær kl. 07.45 kom þota
Loftleiða til Keflavikurflug-
vallar frá New York. Þessi
flugvél, sem var á leið til
Luxemborgar, fór frá flug-
stöðvarbyggingunni eftir 45
minútna viðdvöl. Við prófun
tækja fyrir flugtak kom i ljós
að súrefniskerfi farþegasalar
virtist bilað. Var þá ákveðið
að snúa aftur til flugstöðvar-
byggingarinnar og farþegum
skýrt frá, að gert væri ráð
fyrir hálfs annars klukkutima
töf. Farþegar fóru svo úr flug-
vélinni inn i flugstöðvarbygg-
inguna.
Viðgerð súrefniskerfisins
tók skemmri tima en reiknað
hafði verið með, og voru far-
þegar þess vegna beðnir að
ganga um borð rétt fyrir
klukkan 10. Eftir að þeir voru
seztir kom i ljós að einn far-
þeganna vantaði. Nafn hans
var kallað i hátalarkerfi flug-
stöðvarinnar, og hans leitað
inni i byggingunni. Er leitin
varð árangurslaus var ákveð-
ið að leggja af stað eftir að
a.m.k. 10 minútna töf hafði
orðið vegna týnda farþegans.
Flugvélinni var svo ekið aö
brautarenda. Þegar þangað
var komið risu fimm farþegar
úr sætum sinum, skýrðu frá að
týndi farþeginn væri einn úr
hópi 15 samferðamanna, og
kváðustekki fara fyrr en hann
væri kominn i leitirnar. Birgir
Karlsson, sem var fyrirliði
framreiðslufólks i farþegasal,
skýrði fimmenningunum frá,
að ekki yrði lagt af stað fyrr en
þeir settust, en er þeir höfðu
enn uppi andmæli var af-
greiðslustjóra Loftleiða, Frið-
rik Guðjónssyni, skýrt frá
málinu. Hann talaði þá við
farþegana fimm og skýrði
þeim frá, að Stefán Gislason
flugstjóri myndi ekki leggja af
stað fyrr en eftir að fylgt hefði
verið öllum öryggisreglum, og
myndi lögregla þess vegna til
kvödd, ef farþegarnir vildu
ekki setjast i sæti sin. Þar sem
þeir voru ófáanlegir til þess
komu þrir lögregluþjónar út i
flugvélina, og fylgdu far-
þegarnir þeim mótþróalaust
inn i flugstöðina.
Um svipað leyti hafði toll-
gæzlumaður rekizt á týnda
farþegann, þar sem hann var
á rangli við bifreiðastöð, sem
er i námunda við flugstöðvar-
bygginguna.
Lögreglan tók nú sexmenn-
ingana til bráðabirgða i sina
vörzlu, en svo voru þeir fluttir
aftur i flugstöðvarbygging-
una, þar sem þeir fengu að
borða.
Félagar þeirr niu, sem
héldu ferðinni áfram til
Luxemborgar i gær, kváðust
myndu varðveita farangur
hópsins og biða félaga sinna til
morguns.
öll var framkoma þessa
fólks i gærmorgun svo an-
kannaleg, að ástæða var til að
ætla,að það heföi verið undir
annarlegum áhrifum, en eftir
að það hafði fengið sér væran
hádegisblund gerðist það ljúf-
ara i viðmóti, og var fram-
koma þess óaðfinnanleg upp
frá þvi.
Sexmenningarnir héldu til
Luxemborgar i morgun, og er
ekki annað vitað en þeir hafi
þá verið búnir að læra þá
lexiu, að hlita settum reglum
um oryggi i flugtaki, og halda
sig að öðru leyti að þeim fyrir-
mælum, sem gefin eru þeim
farþegum, sem viðdvalir eiga
i flughöfnum.
Hér var um að ræða 6
Bandarikjamenn á aldrinum
26-35 ára.
j
Kaffisala Kvenfélags
Grensássóknar
Á sunnudaginn efnir
Kvenfélag Grensássóknar til
kaffisölu i Þórskaffi, Brautar-
holti 20. Hefst kaffisalan kl. 3
og stendur fram til kl. 6.
Kaffisalan er til styrktar
byggingu félagsheim ilis
Grensássóknar, en það eru
vonir safnaðarfólksins að
hægt verði að vigja til nota
fyrir söfnuðinn safnaðar-
heimili hans i september n.k.
Kvenfélag Grensássóknar
hefur unnið mjög kappsam-
lega aö fjáröflunarmálum
fyrir söfnuðinn frá upphafi
bæöi með kaffisölu og
bözurum.
Kaffisala í Lindarbæ
Nemendasamband hús-
mæðraskólans á Löngumýri
efnir til kaffisölu i Lindarbæ i
Reykjavik 14. mai n.k.. Efast
þeir ekki um,er til þekkja, að
þar verður góður kaffisopi á
boðstólum, þvi að baki standa
myndarlegar húsmæður. Hef-
ur hópur sá sýnt skólanum á
Löngumýri mikla tryggð og
vinsemd á undanförnum ár-
um. Auk þess hefur hann haft
með höndum margþætta og
skemmtilega fræðslustarf-
semi innan sinna eigin vé-
banda. Hafa þessar fórnfúsu
og duglegu húsfreyjur einnig
oft rétt fjárhagslegar hjálpar-
hendur ýmsum menningar- og
mannúðarmálum, er alþjóð
varðar.
Nú er t.d. ákveðið að verja
hagnaði af þessari væntanlegu
kaffisölu til styrktar Geð-
verndarfélagi Islands, sem
vinnur að merkum mannúðar-
störfum og vill byrgja brunna
áður en börn detta i þá.
Geðverndarfélagið er holl-
vinur heilsufars allra lands-
manna, þess vert að virða það
vel og styrkja eftir föngum.
Kaffisalan hefst kl. 2.30 n.k.
sunnudag. Fjölmennum þang-
að og drekkum þar veizlukaffi
vorsins til stuðnings góðu mál-
efni.
Ingibjörg Jóhannsdóttir
frá Löngumýri.
Mæðradagurinn
í Kópavogi
Mæðrastyrksnefnd Kópa-
vogs vill vekja athygli á, aö
mæðradagurinn er sunnudag-
inn 14. mai.
Guðþjónusta verður i Kópa-
vogskirkju kl. 2. Séra Arni
Pálsson predikar og eru konur
hvattar til að fara i kirkju.
Kaffisala Mæðrastyrks-
nefndar og handavinnusýning
Kvenfélagasambands Kópa-
vogs verður i Félagsheimilinu
kl. 3-6, einnig verða sýnd mál-
verk eftir Benedikt Gunnars-
son.
Mæðrablómið verður selt i
bænum. Mæður eru beðnar að
hvetja börn sin til að selja
Mæðrablómið, sem afhent
verður laugardaginn 13. mai
kl. 4-5 i Kársnesskóla og Kópa-
vogsskóla. Börn eru beðin að
skila af sér sunnudaginn 14.
mai i þeim skólum, sem þau
fengu Mæðrablómið.
Kópavogsbúar takið vel á
móti börnunum með blómin.
Sýningu Guðmundu
að Ijúka
FB-Reykjavik.
Málverkasýningu Guð-
mundu Andrésdóttur, sem
veriðhefur i Bogasalnum, lýk-
ur á sunnudagskvöldið. Góð
aðsókn hefur verið að sýning-
unni, en á henni eru 20 oliu-
málverk og 6 vatnslitamyndir.
Hafa 9 myndir selzt. Syningin
er opin frá kl. 2 til 10.
Kökubazar í Arbæjarsókn
Hinn árlegi kökubasar kvenfélags
Arbæjarsóknar verður haldinn
sunnudaginn 14. mai kl. 3 siðdegis
1 anddyri Arbæjarskóla
(Rofabæjarmegin) að aflokinni
guðsþjónustu i skólanum. Þetta
er i 3. sinn, sem félagskonur efna
til kökubasars til fjáröflunar fyrir
fjölþætta starfsemi sina til stuðn-
ings safnaðarlifi og til eflingar
hvers kyns framfara- og menn-
ingarmála innan sóknarinnar.
Mæðrablómið í Reykjavík
Sunnudaginn 14. mai er
mæðradagurinn og þá er mæðra-
blómið selt á götum Reykjavikur
á vegum Mæðrastyrksnefndar til
fáröflunar þeirri margþættu
starfsemi, er nefndin hefur með
höndum. Um margra ára skeið
hefur Mæðrastyrksnefnd haft um
2 1/2 mán. sumardvöl fyrir um 50
dvalargesti á dag án nokkurs
endurgjalds.
Blómin verða afgreidd á eftir-
töldum skólum frá kl. 9 1/2 að
morgni sunnudagsins 14. mai.
Langholtsskóla, Melaskóla,
Laugarnesskóla, Hamrahliðar-
skóla, öldugötuskóla,
Alftamýrarskóla, Austurbæjar-
skóla, Breiðagerðisskóla, Isaks-
skóla, Vogaskóla, Arbæjarskóla,
Breiðholtsskóla.
Anddyri Laugarásbiós og skrif-
stofu Mæðrastyrksnefndarinnar
að Njálsgötu 3.
Flóamarkaður í
Laugardalshöllinni
SB-Reykjavik
Flóamarkaður einn mikill
vcrður i Laugardalshöllinni á
sunnudaginn kl. 2. Það eru
Samtök Svarfdæla í Reykjavík
og nágrenni, sem þarna selja
,.a111 milli himins og jarðar”
fyrir 10 til 1000 krónur.
Agóðinn af Flóamarkaðnum
rennur til liknar- og menn-
ingarmála, m.a. mun hluti
ágóðans renna i sjóð Blaða-
mannafélags tslands, sem
safnar nú fyrir fullkomnum
hjartabil i minningu Hauks
Haukssonar blaöamanns, en
Haukur var Svarfdælingur i
báðar ættir.
Blaðamenn heimsóttu
Svarfdælskar konur, er þær
voru að ganga frá mununum,
sem fara eiga á Flóamarkað-
inn. Fyllti dótið einn bilskúr,
eitt meðalherbergi og ótaí
kassa þar fyrir utan Auk þess
voru hundruð muna i hreins-
un, þvi allt á að seljast tandur-
hreint.
Til að nefna eitthvað af þvi,
sem fólki gefst tækifæri til að
eignast á sunnudaginn, eru
þar föt af öllu tagi, einkar
margt heppilegt á börnin i
sveitina, enníremur eitt og
annað til heimilisprýði, mál-
verk, dúkar púðar o.fl. Hattar
eru i hundraðatali og geysi-
mikið af skóm.
Ekki er að efa, það þeir, sem
leggja leið sina i Laugardals-
höllina á sunnudaginn, geta
gert þar afbragðs kaup, auk
þess að styrkja góð málefni.
Formaður samtaka Svarf-
dæla i Reykjavik er Björk
Guðjónsdóttir frá Skáldalæk.
Austfirðingar stofna flugfélag
JK-Egilsstöðum.
Um þessar mundir er unnið að
stofnun almenningshlutafélags
um rekstur flugvéla á Austur-
landi. Undirbúningsfundur
áhugamanna um stofnun
félg,gsins var haldinn á Egils-
stöðum 16. april s.l. Á fundinum
voru eftirtaldir menn kosnir i
undirbúningsstjórn: Guðmundur
Sigurðsson, héraðslæknir
Egilsstöðum, Guðmundur
Magnússon oddviti, Egilsstöðum,
Steingrimur Ingimundarson
Djúpavogi, Þengill Oddsson,
héraðslæknir, Vopnafirði og
Þorsteinn Sveinsosn
kauptélagsstjóri Egilsstöðum.
Stjórnin fékk Jón Oddsson lög-
fræðing, til þess að gera uppkast
að samþykktum fyrir félagið og
liggur nú uppkastið fyrir. Er þar
stungið upp á heitinu Flugfélag
Austurlands h.f. Tilgangur
félagsins yrði að tryggja öruggar
og greiðar flugsamgöngur á
Austurlandi og við Austurland og
með þvi að kaupa og reka flug-
vélar i þvi augnamiði, svo og til
hvers konar leiguflugs, póstflugs,
og ekki sizt sjúkraflugs. Þá yrði
og tilgangur félagsins hvers
konar þátttaka i rekstri flugvéla
varðandi flugsamgöngur á
Austurlandi og við Austurland.
Áætlað hlutafé nemur 2
milljónum og sjö hundruð þúsund
krónum og skiptist það i 200 eitt-
þúsund króna hluti og 500
fimmþúsund króna hluti. Hluta-
fjáreign einstaklings er ótak-
mörkuð, en atkvæðisréttur hins-
vegar takmarkaður þannig, að
enginn hluthafi geti fyrir sjálfs
sins hönd farið með meira en
1/10 hluta samanlagðra at-
kvæða i félaginu.
Einnig hefur stjórnin fengið
sérfróðan aðila til að gera
kostnaðaráætlun um kaup og
rekstur nokkurra gerða flugvéla
sem til greina kæmi að festa kaup
á. Benda þær áætlanir til að
grundvöllur sé fyrir hendi til
reksturs tveggja til þriggja ára
gamallar flugvélar af gerðinni
Piper Axtec PA 23-250. Vélar af
þessari gerð eru tveggja, hreyfla,
sex sæta, og eru búnar
fullkomnum hreyflum, isvarnar-
tækjum og fullkomnum blind-
flugstækjum. Slikar vélar kosta 4-
5 milljónir króna.
Meðal stofnenda félagsins
verða væntanlega tveir flug-
menn, búsettir á Austurlandi.
Auk reksturs eða þátttöku i
rekstri flugvélar, myndi félagið
samkvæmt tilgangi sinum beita
áhrifum sinum til úrbóta i flug-
vallarmálum og flugöryggis-
málum á Austurlandi en i þeim
málum biða mörg verkefni úr-
lausnar.
Undirbúningsstjórnin hefur i
hyggju að boða til stofnfundar
félagsins að Egilsstöðum fyrir lok
maimánaðar 1972. Fyrir þann
tima hyggst stjórnin kanna
væntanlega hlutafjárþátttólu
meðal almennings á Austurlandi.
Treystir stjórnin á skilning
Austifirðina á nauðsyn virkrar
þátttöku þeirra i rekstri sam-
göngufyrirtækja á Austurlandi.
Guðmundur Sigurðsson, læknir
og Guðmundur Magnússon
oddviti á Egilsstöðum, létu frétt-
ritara þessar upplýsingar i té á
fimmtudag. Undirstrikuðu þeir
nauðsyn þessy að heimamenn
væru virkir aðilar og þátt-
takendur i uppbyggingu flugsam-
gangna i fjórðungnum, og
reynslan hefursýnt, að flugið er æ
þýðingarmeiri og eftirtektar-
verðari þáttur i samgöngumálum
fjórðungsins.