Tíminn - 16.05.1972, Blaðsíða 24

Tíminn - 16.05.1972, Blaðsíða 24
Hrópaði „Hæ, George" um leið og Þriðjudagur. 16. mal. 1972 hann skaut að Wallace Tuttugu og fimm ára hvítur maður handtekinn fyrir skotárás ina á Wallace í gærkvöldi NTB—Washington. George Wallace, fylkisstjóra iAlabama, og einum þeirra, sem nú keppa um útnefningu sem forsetaefni Demó- krataflokksins, var sýnt banatilræði i gærkvöldi. Hann var á framboðsfundi i bænum Laurel, sem er i Maryland, 55 km. frá Washington, þegar ungur, hvitur maður snaraðist að honum og skaut fimm skotum úr litilli skammbyssu á Wallace. Þrjú skot- anna hæfðu hann, eitt i kvið, annað i öxl og hið þriðja i fót. Tveir menn aðrir urðu fyrir skotum. Fylkisstjór- inn var fluttur á sjúkrahús og var gerður á honum upp- skurður i gærkvöldi, en óvist var þá talið, hvort tækist að bjarga lifi frambjóðandans. Wallace var nýbúinn a6 ljúka ræöu sinni, þegar árásin var gerð, en það var kl. 20 aö islenzkum tima. Hann gekk niður úr skotheldum ræðu stólnum, fór úr jakkanum og ætlaði að fara að taka i hendur áheyrenda, þegar 25 ára gamall hvitur maður, ljós- hærður skreyttur mörgum merkjum meö myndum af Wallace og kosningaslag- orðum, gekk að fram- bjóðandanum og hrópaði „George, George", vatt sér að honum og dró upp skamm- byssu og hleypti af fimm skotum af stuttu færi. Skyrta Wallace litaðist blóði og hann féll á jöröina. Hélt tilræðis- maðurinn áfram að skjóta á hann, eftiraðhann var fallinn. Tveir menn aðrir urðu fyrir skotum, öryggisvörður, sem særðist alvarlega og lögreglu- maður, sem ekki er talinn i lifshættu. Eiginkonan stóð við hlið hans Eiginkona Wallace, Cornelia, var við hlið manns sins, og kastaði hún sér yfir hann þar sem hann lá. Þegar hún stóð upp, var ljósgul dragt hennar lituð blóði. Mikil hræðsla greip mann- fjöldann, þegar skothriðin hófst og ruddist fólkið æpandi um staðinn. Lögreglumenn og öryggis- verðir héldu mannfjöldanum frá hinum slösuðu og öskruðu á móti, og báðu fólk um að halda sig i hæfilegri fjarðlægð. Kallað var á sjúkrabil, en Wallace blæddi mikið og óttuðust menn, að hann mundi deyja i höndum þeirra, og var hann þvi drifinn upp i Frú Wallace kastaði sér yfir mann sinn, eftir að hann féll til jarðar fyrir skotum árásarmannsins. Hér sést hún grúfa sig yfir hann. Slmamynd. „stationbil" og ekið á móts við sjúkrabilinn. Höfð voru bfla- skipti, þegar bilarnir mættust, og var Wallace fluttur á Holy Cross sjúkrahúsið, þar sem honum var þegar gefið blóð. Nixon fékk fréttirnar strax Maðurinn, sem skaut á Wallace kom á framboðs- fundinn á Kadilakkbil, árgerð 1971. Er hann frá Milwaukee i Visconsinfylki. Meira var ekki vitað um hann I gærkvöldi. Nixon forseta var þegar i stað tilkynnt um tilræðið. Hann fyrirskipaði, að sér yrðu fluttar fregnir af Hðan fylkis- stjórans I alla nótt. Forsetinn fékk fréttirnar beint af árásarstaðnum gegn um öryggisþjónustuna. Hann lét þegar 1 stað senda einn af liflæknum sinum, sem er sérfræðingur i meðferð skotsára, til Holy Cross sjúkrahússins i þyrlu. I sjúkrabilnum lá Wallace I móki, en stundi upp, að hann gæti ekki náð andanum. Lógreglumaður, sem kraup við hlið hans, skömmu eftir að hann varð fyrir skotunum, tók á púls fylkisstjórans, og sagði siðar, að hann fyndist ekki, og að „þeim hefði tekizt það". A sjúkrahúsinu voru margir læknar að bjarga lifi fram- bjóðandans. Blóði var stanzlaust dælt i hann, en blóðmissirinn var mikill. Við rannsókn kom i ljós, að Wallace hafði miklar innvortis blæðingar, og að kúlan, sem lenti" i kviði hans, hafði skaddað mörg liffæri og sat föst i hryggnum, sem einnig var skaddaður. Rétt áður en skurðaðgerð hófst kl. 22.30, eftir islenzkum tima, eða tveimur og hálfri klukkustund eftir tilræðið, gat Wallace sagt nokkur orð við læknana. Var bezt gætt Frá sjúkrahúsinu bárust ekki aðrar fréttir. en að meiðslin væru hættuleg, en læknar vonuðust til að geta bjargaðlififylkisstjórans. Frá Hvita húsinu bárust þær fréttir, að ástandið væri mjög alvarlegt. En fréttamenn virtust hafa greiðari aðgang að fréttum um liðan Wallace þaðan, en frá sjúkrahúsinu, sem var umkringt öryggis- vörðum i gærkvöldi og nótt. George Wallace var bezt gætt allra þeirra frambjóðenda, sem eru i kjöri i yfirstandandi forkosningum. Auk margra óryggisvarða, sem leyniþjónustan lagði til fylgdu honum eigin lífverðir, sem eru úr úrvalsliði Alabamalögreglunnar. Þar til i gærkvóldi hafði hann varast að koma nærri áheyrendum sinum i kosningabaráttunni. Yfirleitt hafði hann haldið fundi innan dyra og umhverfis ræðustóla, sem hann talaði úr hafa jafnan verið skotheld gler. Stóð aðeins höfuð hans og herðar upp fyrir gler- brúnirnar. Fyrr i gær var pipt á fram- bjóðandann á fundum, og fékk hann ekki hljóð til að boða stefnu sina, en á fundinum I Laurel, sem haldinn var I stórri verzlunarmiðstöð, fögnuðu áheyrendur honum, og bar ekki á neinum mótmæl- endum. Þetta mun hafa ýtt undir, að hann varð við kröfum áheyrenda að stiga niður til þeirra og þrýsta hendur kjósenda. Og þá gekk ungi maðurinn frá Wisconsin fagnandi á móti honum og hrópaði „Hæ, George", og skothriðin dundi. Hér liggur Wallace á jöroinni, eftir skotárásina. Slmamynd. Á blaðsíðu 18, er sagt frá stjórnmálaferli Wallace og skoðunum hans Létt Traust Rúmgóð Ferðizt frjáls — hvert sem er— hvenær sem er — og flytjið með yður þak yfir höfuðið. \uniiai Sfy&eiibtxm Lf. Snðuriandsbraut 16 ¦ BeAjavifc - Simnelni: iVolmi - Simi 35200

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.