Fréttablaðið - 19.05.2004, Blaðsíða 2
2 19. maí 2004 MIÐVIKUDAGUR
„Væri það ekki smekkleysa að
fagna þessu?“
Snorri Már Skúlason er kynningarfulltrúi Þjóð-
minjasafnsins en Smekkleysa veitti safninu
Smekkleysuverðlaunin vegna hugmynda um að
reisa sjö metra sverð á Hagatorgi.
SPURNING DAGSINS
Snorri, stendur til að fagna
verðlaununum?
DÓMSMÁL „Þeirri fullyrðingu
stefnda um að hann hafi rýmri
rétt en hinn almenni borgari til að
meiða æru annars manns í krafti
stöðu sinnar er alfarið hafnað
enda á skjön við öll dómafordæmi
íslenskra dómstóla og Mannrétt-
indasáttmála Evrópu,“ segir í
stefnu Jóns Ólafssonar í meið-
yrðamáli gegn Davíð Oddssyni
forsætisráðherra.
Davíð Oddsson hefur lýst yfir
þingsókn í málinu og mættu hvorki
hann né lögmaður hans við fyrir-
töku málsins í Héraðsdómi
Reykjavíkur á mánudag. Málið var
þingfest í janúar og fékk stefnandi
átta vikur til að skila greinagerð í
málinu. Við fyrirtöku málsins skil-
aði Sigríður Rut Júlíusdóttir, lög-
manni Jóns, inn sókn í málinu þar
sem tólf atriðum úr greinargerð
forsætisráðherra er svarað. Þar er
því hafnað að með ummælum sín-
um hafi Davíð verið að lýsa eigin
hugrenningum. Ekki sé hægt að
líta fram hjá stöðu Davíðs, mennt-
unar hans og áhrifa í íslensku þjóð-
félagi og ummæli hans því alvar-
legri en ella. Í orðalagi Davíðs
felist meðal annars að rannsókn
skattrannsóknarstjóra hafi snúist
um „grunsemdir um að það blasi
við að maður nokkur sé mesti
skattsvikari Íslandssögunnar“.
Þykir lögmanni Jóns það sterkt til
orða tekið að kalla Jón mesta
skattsvikara Íslandssögunnar og
að viðskipti hans hafi brag af því
að vera að kaupa og selja þýfi. Seg-
ir þar enga fyrirvara leysa Davíð
undan ábyrgð af þeim orðum sín-
um. Það skaði alþjóðaviðskipti
Jóns að forsætisráðherra heima-
lands hans kalli hann skattsvikara
og þjóf. Í stefnunni er einnig vísað
til þeirra ummæla umboðsmanns
Alþingis að það kunni að brjóta í
bága við fyrirmæli stjórnarskrár
og mannréttindasáttmála ef hand-
hafar opinbers valds lýsa mann
sekan um refsiverðan verknað
áður en sekt hans hefur verið sleg-
ið fastri með dómi.
Þá er því meðal annars hafnað að
Jón Ólafsson sé opinber persóna
þar sem hann hefur ekki tekið þátt í
stjórnmálaumræðu á opinberum
vettvangi.
hrs@frettabladid.is
Rannsókn á tryggingafélögunum:
Rannsóknin kostaði 32 milljónir
KOSTNAÐUR Rannsókn Samkeppnis-
stofnunar á tryggingafélögunum
kostaði samtals um 32 milljónir
króna, að því er fram kom í svari
viðskiptaráðherra við fyrirspurn
Jóhönnu Sigurðardóttur um niður-
stöðu Samkeppnisstofnunar í máli
tryggingafélaganna. Rannsóknin
hófst haustið 1997 með því að
starfsmenn Samkeppnisstofnunar
gerðu húsleit á skrifstofum Sam-
bands íslenskra tryggingafélaga og
lauk með sátt fyrr í þessum mánuði.
Viðskiptaráðherra segir ýmsa
samverkandi þætti hafa ráðið því
hversu langan tíma rannsóknin tók.
Þar hafi fjárskortur ekki verið ráð-
andi þáttur heldur hafi mannaskipti
og önnur mál orðið til að seinka
lokafrágangi málsins. Þá segir að
svo langur tími til að ljúka málinu
sé bagalegur en slíkt þekkist annars
staðar. Ráðstafanir hafi verið gerð-
ar til að slíkur dráttur á afgreiðslu
mála endurtaki sig ekki. Ráðherra
telur ekki þörf á lagabreytingum í
ljósi þess að samkeppnisyfirvöld
töldu ekki ástæðu til að beita fjár-
sektum við brotum tryggingafélag-
anna vegna þess hversu langan tíma
rannsóknin tók. ■
Sjómaður slasast:
Þyrla send
eftir sjómanni
SLYS Þyrla Landhelgisgæslunnar
var send eftir sjómanni sem
klemmdi hönd sína í vél þegar
verið var að gera að afla í togar-
anum Guðmundi í Nesi á þriðja
tímanum í gær. Togarinn var þá
um hundrað sjómílur vestur af
Látrabjargi og þurfti þyrlan að
taka eldsneyti á Rifi á báðum leið-
um.
Komið var með manninn á
Landspítalann í Fossvogi og gert
að sárum hans þar. Þau reyndust
minni en talið var í fyrstu og gerði
læknir á vakt ráð fyrir að maður-
inn fengi að fara heim síðla í gær-
kvöldi. ■
RÁÐHERRAR RÆÐA SAMAN
Utanríkisráðherrar Spánar, Eistlands, Finn-
lands og Slóveníu stungu nefjum saman.
Stjórnarskrá ESB:
Enn deilt um
stjórnarskrá
BRUSSEL, AP Brian Cowen, utanríkis-
ráðherra Írlands, sem er í forsvari
Evrópusambandsins, sagði árangur
vera að nást í viðræðum aðildarríkj-
anna um stjórnarskrá Evrópusam-
bandsins en viðurkenndi að kalla
þyrfti utanríkisráðherra ríkjanna
til aukafundar í næstu viku ef sam-
komulag ætti að nást áður en frest-
ur til þess rennur út.
Bretar börðust fyrir takmörkun-
um á völdum Evrópusambandsins
og meirihlutakosningu um afbrota-,
félags- og skattamál. Olli það
gremju Frakka og Þjóðverja.
Pólland og Frakkland höfnuðu
atkvæðagreiðslukerfi sem þeim
fannst veita stærstu ríkjum sam-
bandsins of mikil völd. ■
Windsor-höll:
Innbrot hjá
drottningu
BRETLAND Karlmaður á fertugs-
aldri var handtekinn í Windsor-
höll Bretlandsdrottningar eftir að
hann þóttist vera lögreglumaður
og komst þannig um þar sem al-
menningur á ekki rétt á að vera,
að sögn Daily Mail.
Málið hefur orðið til þess að
vekja á ný umræðu um hversu vel
sé gætt að öryggi konungsfjöl-
skyldunnar. Stutt er síðan blaða-
maður Daily Mirror gat farið
nokkurn veginn allra sinna leiða
innan hallarinnar og manni sem
klæddi sig sem Osama bin Laden
tókst að smygla sér inn í 21 árs af-
mæli Vilhjálms prins í fyrra. ■
RÁNDÝRT BENSÍN
Það fór ekki á milli mála á þessu skilti bens-
ínstöðvar að bensínið væri orðið rándýrt.
Olíuverð:
Aldrei hærra
BANDARÍKIN Bandaríkjamenn
þurftu í gær að greiða hærra
bensínverð en nokkru sinni áður.
Verðið á galloninu fór þá í fyrsta
sinn yfir tvo dollara en það jafn-
gildir því að bensínlítrinn kosti 41
krónu og fimmtán aurum betur.
Því er spáð að bensínverð eigi eft-
ir að hækka eftir því sem líður á
sumarið.
Á einni bensínstöð stóð að
bensínið kostaði „an arm and a
leg“ en það má þýða sem svo að
bensínið sé orðið rándýrt. ■
Glitnir kemur flér í samband
vi› rétta bílinn
– traustur samstarfsa›ili í fjármögnun
OSLÓ, AP Meirihluti Norðmanna er
fylgjandi aðild landsins að Evrópu-
sambandinu, samkvæmt nýrri skoð-
anakönnun. Þetta er í fyrsta skipti
sem stuðningur við aðild mælist
yfir 50 prósentum.
Niðurstöðurnar eru þær að 51
prósent er fylgjandi aðild en 36 pró-
sent andvíg. Þrettán prósent taka
ekki afstöðu.
Kjell Magne Bondevik, forsætis-
ráðherra Noregs, segir að svo kunni
að fara að þjóðaratkvæðagreiðsla
um aðild að Evrópusambandinu
verði haldin á árunum 2005 til 2010.
„Það liggur ekkert á að taka þetta
mál upp aftur,“ sagði Bondevik.
Norðmenn hafa tvisvar fellt
aðild að Evrópusambandinu í
þjóðaratkvæðagreiðslu. Það gerð-
ist síðast fyrir áratug, á svipuðum
tíma og Finnar og Svíar gengu í
sambandið. ■
NORSKIR ÞJÓÐDANSAR
Rúmlega helmingur Norðmanna vill aðild að Evrópusambandinu samkvæmt nýrri könnun.
Í fyrsta sinn vilja meira en 50 prósent Norðmanna í Evrópusambandið:
Meirihlutinn vill aðild
FR
ÉT
TA
B
LA
Ð
IÐ
/P
JE
TU
R
DAVÍÐ ODDSSON
Davíð Oddsson hefur lýst yfir þingsókn í málinu og mættu hvorki hann né lögmaður hans
í fyrirtöku málsins í Héraðsdóm. Greinargerð að hálfu Davíðs hefur verið lögð fram.
JÓN ÓLAFSSON
Í svörum við greinargerð Davíðs segir að
það skaði alþjóðaviðskipti Jóns að for-
sætisráðherra heimalands hans kalli hann
skattsvikara og þjóf.
JÓHANNA SIGURÐARDÓTTIR
Jóhanna spurði viðskiptaráðherra um
niðurstöðu Samkeppnisstofnunar í máli
tryggingafélaganna.
KOSTNAÐUR VIÐ RANNSÓKN Á
TRYGGINGAFÉLÖGUM ‘97-’04
Samkeppnisstofnun 29.347.946
Aðkeypur sérfræðikostnaður 2.643.653
Heildarkostnaður 31.991.599
FR
ÉT
TA
B
LA
Ð
IÐ
/G
VA
Hefur ekki rýmri
rétt til ærumeiðinga
Í greinargerð lögmanns Jóns Ólafssonar í meiðyrðamáli gegn Davíð
Oddssyni forsætisráðherra er því hafnað að Davíð hafi meiri rétt en
hinn almenni borgari til að meiða æru annarra í krafti stöðu sinnar.
Ránið hjá SPRON við
Álfabakka:
Telst upplýst
LÖGREGLUMÁL Pilturinn sem hand-
tekinn var á mánudag vegna
vopnaðs ráns í útibúi SPRON við
Álfabakka hefur viðurkennt
verknaðinn. Pilturinn vísaði á
ránsfenginn en ekki er upplýst
hve mikill hann var. Talið er að
pilturinn hafi verið einn að verki
og telst málið upplýst. Pilturinn
hefur áður komið við sögu lög-
reglu en ekki var talin þörf á að
fara fram á gæsluvarðhaldsúr-
skurð yfir honum og hefur honum
því verið sleppt. ■
ALLAR TÖLUR ERU Í KRÓNUM