Fréttablaðið - 19.05.2004, Blaðsíða 14

14 19. maí 2004 MIÐVIKUDAGUR
HÚS SPRENGT Í KÍNA
22 hæða háhýsi var fellt í borginni
Wenzhou í Zhejiang-héraði í Kína í gær.
Húsið var reist til að hýsa starfsemi Kína-
banka en hefur ekki verið notað síðan árið
1997 vegna galla í byggingunni.
Átökin í Írak halda áfram:
Barist við breskar
og ítalskar hersveitir
ÍRAK, AP Að minnsta kosti 28 Írakar
létu lífið í átökum við breskar her-
sveitir á laugardag. Átökin áttu
sér stað nærri Amarah og er talið
að flestir þeirra látnu hafi verið
uppreisnarmenn.
Þá voru þrjár íraskar konur
sem unnið hafa fyrir bandaríska
herinn skotnar af uppreisnar-
mönnum í suðurhluta landsins í
gærdag. Þar áttu sér auk þess
stað blóðug átök milli uppreisnar-
manna og ítalskra hersveita.
Tveir Írakar létu lífið í átökunum
og sex ítalskir hermenn særðust
nokkuð. Uppreisnarmennirnir
skutu á ítölsku hersveitirnar úr
gluggum sjúkrahúss í borginni
Nasiriyah.
Bandarískur hermaður lést
þegar sprengja sprakk í Bagdad í
fyrrakvöld. Þá hafa 776 banda-
rískir hermenn látist í Írak síðan
ráðist var inn í landið á síðasta
ári. ■
Útvarpsráð fjallaði um synjun Helgu Völu um starf á fréttastofu:
Ráðningarreglur
mjög matskenndar
ÚTVARPSRÁÐ Ráðningarreglur Rík-
isútvarpsins eru mjög mats-
kenndar og óljósar að sögn Svan-
fríðar Jónasdóttur, fulltrúa Sam-
fylkingarinnar í útvarpsráði.
Á fundi útvarpsráðs í fyrradag
óskaði Svanfríður eftir því að far-
ið yrði yfir reglurnar í kjölfar
þess að Bogi Ágústsson, forstöðu-
maður fréttasviðs Ríkisútvarps-
ins, synjaði Helgu Völu Helga-
dóttur um starf hjá fréttastofu
vegna þess að hún hefði tekið þátt
í kosningabaráttu Vinstri grænna
á síðasta ári. Í Fréttablaðinu í
byrjun mánaðar-
ins gagnrýndi
Svanfríður þessa
niðurstöðu Boga
og benti á að Sig-
mundur Sigur-
geirsson, fyrrum
k o s n i n g a s t j ó r i
Sjálfstæðisflokks-
ins í Árborg,
stýrði nú svæðis-
útvarpi Ríkisútvarpsins á Suður-
landi og sem slíkur starfaði hann
líka sem fréttamaður. Þegar Bogi
var beðinn að svara fyrir þetta
sagði hann Sigmund ekki vera
starfsmann fréttasviðs og bætti
við: „Ég er með mínar reglur og
fylgi mínum reglum en svara ekki
fyrir einhverja aðra.“
Svanfríður sagði ljóst að yfir-
menn Ríkisútvarpsins færu ekki
eftir sömu reglum við ráðningar
og legðu ekki sama mat á hluti
eins og pólitíska fortíð umsækj-
enda. Hún setti fram ósk um að
reglurnar yrðu gegnsæjar og öll-
um ljósar. Það væri nauðsynlegt
fyrir trúverðugleika stofnunar-
innar. ■
Ísraelar gera árás á flóttamannabúðir Palestínumanna:
Átján felldir í
Rafah-búðunum
RAFAH, AP Ísraelskar herþyrlur
gerðu umfangsmikla árás á Rafah-
flóttamannabúðirnar á Gaza-
svæðinu aðfaranótt þriðjudags.
Þetta er sögð umfangsmesta að-
gerð Ísraela á svæðinu um árabil.
Ísraelsher segir flesta þeirra
átján sem féllu hafa verið vopn-
aða. Palestínumenn sögðu sex
vera óbreytta borgara. Þeirra á
meðal voru þrettán og sextán ára
systkin. Í gær var gert ráð fyrir
að fjöldi fallinna kynni að hækka
enda særðust 32 og þar af voru
tólf sagðir hættulega slasaðir.
Talsmenn Ísraelsmanna segja að
ástæða innrásarinnar sé að Rafah-
búðirnar, sem eru við landamæri
Egyptalands, séu miðstöð vopna-
smygls og gera ráð fyrir áfram-
haldandi aðgerðum á svæðinu. Al-
þjóðsamfélagið, þar á meðal Banda-
ríkjamenn, hafa gagnrýnt Ísrael
fyrir að leggja um eitt hundrað hús
á svæðinu í rúst í síðustu viku.
Ísraelsmenn segja að eldflaugar
og önnur vopn hafi verið flutt yfir
landamæri á síðustu misserum og
mun herinn því vakta landamærin
af aukinni hörku á næstunni.
Kofi Annan, aðalritari Samein-
uðu þjóðanna, hefur skorað á Ísra-
elsmenn að láta af eyðileggingu
heimila Palestínumanna og Am-
nesty International segir aðgerð-
irnar flokkast sem stríðsglæpi. ■
Sænskur skiptinemi:
Kynntist
bjarnarhúni
ALASKA, AP Sænskur skiptinemi
kynntist náttúrulífinu í Alaska
mun betur en hann bjóst við þeg-
ar hann kynntist óvænt bjarnar-
húni.
Max Bergman, menntaskóla-
nemi frá Linköping, var í sólbaði
þegar hann fann eitthvað loðið og
mjúkt koma við sig. „Fyrst hélt ég
að þetta væri hundur og reyndi að
ýta honum í burtu,“ segir Berg-
man. Honum brá heldur betur í
brún þegar í ljós kom að hundur-
inn var í raun bjarnarhúnn.
Á fjórum fótum var húnninn
rúmlega metra hár og er talinn
um það bil tveggja ára gamall. ■
Orrustan um Cassino:
Hildarleiks
minnst
ÍTALÍA, AP Sextíu árum eftir að þús-
undir hermanna létu lífið í orrustunni
um Monte Cassino var fjölmenni við-
statt minningarathöfn sem fram fór í
grafreit hermanna sem létu lífið.
Meðal þeirra sem tóku þátt í
minningarathöfninni var Aleksand-
er Kwasniewski, forseti Póllands.
Pólskir hermenn léku lykilhlutverk
í lokabaráttunni um klaustrið í
Monte Cassino og náðu því loks að
morgni 18. maí 1944. Þá hafði það
fyrir löngu verið sprengt í loft upp í
fimm mánaða bardögum. ■
LILJUR DALSINS
Eitt Faberge-eggjanna nefnist Liljur dalsins.
Faberge-egg:
Komin aftur
til Moskvu
MOSKVA, AP Opnuð hefur verið sýn-
ing á fimmtán Faberge-eggjum í
safni í Kreml í Moskvu. Þau eru
hluti listasafns sem rússneski
auðkýfingurinn Viktor Veksel-
berg keypti fyrir andvirði tæpra
átta milljarða króna.
Faberge-eggin þykja með mestu
dýrgripum rússneskrar sögu en
eins og margir aðrir dýrgripir voru
þau flutt úr landi í rússnesku bylt-
ingunni eða seld til útlanda í kjölfar
hennar. Undanfarið hefur verið
unnið að því að flytja slíka dýrgripi
heim á nýjan leik. ■
DEAN VIÐ HLIÐ KERRY Howard
Dean, fyrrum keppandi um út-
nefningu Demókrataflokksins til
forsetaembættisins, tekur nú þátt
í kosningabaráttu John Kerry af
kappi. Dean gagnrýndi Kerry
mjög þegar þeir voru keppinaut-
ar en talið er að stuðningur Dean
við Kerry geti dregið úr líkunum
á því að vinstrisinnaðir kjósend-
ur velji Ralph Nader fremur en
Kerry.
PENTAGON REFSAR HALLIBURTON
Bandaríska varnarmálaráðuneyt-
ið hefur ákveðið að halda eftir
tæpum tólf milljörðum króna
sem það skuldar verktakafyrir-
tækinu Halliburton. Varnarmála-
ráðuneytið telur að um vanefndir
að hálfu Halliburton sé að ræða.
Dick Cheney, varaforseti Banda-
ríkjanna, var forstjóri Halli-
burton áður en hann tók við emb-
ætti.
■ BANDARÍKIN
- SPENNANDI VALKOSTUR
Stangarhyl 3
110 Reykjavík
Sími: 591 9000
www.terranova.is
Akureyri sími: 461 1099
Súpersól til Salou
27. maí
Frá kr. 29.995.-
Salou er einn fallegasti strandbærinn í Suður-Katalóníu héraði á Spáni, einungis
um 100 km frá Barcelona. Frábær dvalarstaður fyrir fjölskyldur og fólk á öllum
aldri. Í Salou er Port Aventura, glæsilegasti skemmtigarður Spánar, gott úrval veit-
ingastaða, fjölbreytt næturlíf og rúmlega kílómeterslöng aðgrunn, gullin strönd.
Bókaðu núna og festu þér Súpersólartilboð. Þremur dögum fyrir brottför færðu
svo að vita hvar þú gistir í fríinu þínu í Salou. Val um viku eða tveggja vikna dvöl.
Verð frá kr. 29,995.- á mann.
m/v 2 fullorðna og 2 börn í vikuferð.
Innifalið flug, gisting og flugvallarskattar.
Ferðir til og frá flugvelli kr. 2.000.- á mann.
Verð frá kr. 39,990.- á mann.
M/v 2 fullorðna í vikuferð.
Innifalið flug, gisting og flugvallarskattar.
Ferðir til og frá flugvelli kr. 2.000.- á mann.
SVANFRÍÐUR
JÓNASDÓTTIR
SKRIÐDREKAR Á GAZA
Ísraelskur hermaður gengur framhjá skriðdrekum á Gaza-svæðinu. Gert er ráð fyrir að að-
gerðir Ísraelsmanna á svæðinu haldi áfram þrátt fyrir mótmæli alþjóðasamfélagsins.
FRÁ ÍRAK
776 bandarískir hermenn hafa látist í Írak
síðan ráðist var inn í landið á síðasta ári.