Fréttablaðið - 19.05.2004, Blaðsíða 48

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Bjart alla
nóttina
Með hækkandi sól hef ég alltafhaft tilhneigingu til að líta
bjartari augum á tilveruna en þegar
dagurinn er styttri og dimmari.
Eins fáránlegt og það kann að virð-
ast. Einhvern veginn er eins og
birta, sól og svolítill ylur geti haft
ótrúleg áhrif á sálartetrið. Eiginlega
þannig að maður fyllist ranghug-
myndum. Allt í einu er eins og
áhyggjur heimsins séu á bak og
burt og ekkert framundan nema
skemmtun og alvöruleysi. Einhvern
veginn þannig líður mér þessa daga.
Án þess þó að þessi vorlíðan sé í
nokkrum takti við hinn raunveru-
lega heim. Þvert á móti.
Á SAMA TÍMA og ég ætti að vera
með böggum Hildar yfir afkomu
minni og fjölskyldu minnar og lýð-
ræðinu í landinu er ég að spá í
ferðalög, runna og sumarblóm. Fá-
ránlegt. Ekki er fréttin af mis-
þyrmdu fólki í fangelsum eða fólki
sem hús hafa verið brennd ofan af
fyrr lesin eða flogin í gegnum stof-
una þegar hugurinn reikar á allt
aðrar suðrænar slóðir, þar sem ólíf-
urnar vaxa og sítrónurnar og allt er
með friði og spekt, nú eða vestur á
firði og jafnvel til Akureyrar.
Stundum er ég helst á því að ég sé
ekki með öllum mjalla og finnst í
sannleika sagt hálfskrýtið að vera
ekki þjakaðri yfir öllum þeim
ósköpum sem yfir okkur dynja í
heimsþorpinu öllu. Á hinn bóginn,
hvernig er annað hægt en að vera
glaður þegar sólin skín langt fram á
kvöld og bráðum alla nóttina líka?
SVONA er bara blessað vorið, vill-
ir mönnum aðeins sýn, ofurlítið
óraunsæislegt og úr takti við hið
raunverulega líf. Þó að í sjóndeild-
arhringnum séu blikur á lofti, lýð-
ræðið, lögin og sjálf stjórnarskráin
fótum troðin sem aldrei fyrr og
valdinu misbeitt um allan heim. Það
er auðvitað ekkert vit í að vera bara
í einhverjum sólskinshugleiðingum.
Ekki breyta þær heiminum. Eða
hvað? Sumu má líklega breyta og
bæta með góðu skapi en það er ör-
ugglega ekki hægt að verja lýðræð-
ið með gleðina eina að vopni. Þar
þarf einhver öflugri verkfæri. Þess
vegna er ég helst á því að ekki þýði
annað en að freista þess að hrista af
sér þetta ástand og ganga til verka.
Enda ekki nema rétt rúmur mánuð-
ur í að daginn fari að stytta á ný.
BAKÞANKAR
STEINUNNAR
STEFÁNSDÓTTUR