Tíminn - 20.06.1972, Blaðsíða 3
Þriöjudagur 20. júni 1972.
TÍMINN
3
Tveiraf starfsmönnum Steinsmiöju S. Helgasonar, Kristbjörn Daniels-
son og ólafur Þorbjörnsson, að llma reitina á taflboröiö, sem notaö
veröur i heimsmeistaraeinviginu. (Timamynd G.E.)
Taflborðið að
verða tilbúið
Klp-Reykjavik.
1 gær var unnið af fullum krafti
hjá Steinsmiðju S. Helgasonar,
við að setja saman hina 64 reiti,
sem verða i taflborðinu, er notað
verður i heimsmeistaraeinviginu
iskák milli Spasskis og Fischers.
Var þá búið að finna efni i hvitu
reitina, en það fannst loks úti i
Hrappsey á Breiðafirði. Þegar
það var fundið, var hafizt handa,
en fyrir nokkru var búið að finna
efni i svörtu reitina, sem að visu
eru grænir á þessu taflborði.
Reitirnir, sem urðu að vera úr
islenzku málmgrýti, eru limdir á
mikla og stóra plötu, sem siöan
verður lögð á borð úr mahogny en
það mun verða tilbúiö i dag.
Grátleg
forsmán
ÓV., OÓ., J.H.-Reykjavik.
Aldrei hefur sóðalegri sam-
koma, kennd við þjóðhátið,
verið haldin en sá þáttur
hátiðahaldanna 17. júni, er
fram fór i miðborg Reykjavik-
ur að kvöldi þjóðhátiðardags-
ins. I nistandi nepjunni óðu
svinfullir unglingar, ekki
komnir af barnsaldri, fram og
aftur, veifandi brennivins-
flöskum af öllum gerðum, org-
andi og hvinandi, þuklandi og
klipandi hitt kynið, og fleygj-
andi flöskum i allar áttir, jafn-
óðum og þær tæmdust.
Sjá mátti ungar stúlkur
berjast innbyrðis og lumbra á
karlkyninu, og kornungir
drengir veltust um i áflogum
eins og hundar i bendu, þó of
máttvana til þess að geta látið
að sér kveða. Svo að segja allt
þetta fólk virtist innan tvitugs,
þar á meðal ófermd börn, og
engu minna af dauðadrukkn-
um smátelpum en drengjum.
A stangli innan um voru svo
fáein drukkin gamalmenni og
litiðeittaf miöaldra fólki, sem
æddi um með vinglös i hönd-
um, komið út af börunum i ná-
grenninu.
Út úr hverju skoti við
Austurstræti runnu þvag-
straumar eins og lækir undan
fönn i leysingu, og mátti þó
glöggt sjá, að ekki hafði öllum
enzt timi eða máttur til þess
að bjarga brókum sinum.
Nokkuð margir urðu fyrir
likamsmeiðingum, en þó
kannski færri en efni stóðu til.
Milli klukkan þrjú og fjögur
um nóttina varð blaðamaður
Timans til dæmis vitni að þvi,
er tveir unglingar börðust i
skoti i Austurstræti. Þegar
annar lá fallinn i blóði sinu,
sparkaði sigurvegarinn i
höfuöið á honum, svo að það
skall i húsvegg. Þetta endur-
tók ofbeldismaðurinn þrisvar,
en fimm eða sex unglingar
horfðu á og höfðust ekki að.
Þegar lögreglan kom á vett-
vang, voru blóösletturnar upp
um allan vegg.
Þessi unglingalýður óö uppi
með fádæma frekju og hrakti
yfirleitt alla þá, sem voru meö
ráði og rænu úr miðborginni.
Viðkvæðið var, ef einhverjir
voru svo djarfir að fara inn á
yfirráðasvæöi skrilsins:
— Viktu úr vegi, þú ert eldri
en ég.
Margir unglingar voru al-
gjörlega ósjálfbjarga, og
reyndi lögreglan eftir megni
að forða þeim burt. — Við
höfðum ekkert pláss fyrir allt
þetta fólk, sagði Bjarki Elias-
son, yfirlögregluþjónn. —
Margir gátu ekki sagt til nafns
eða heimilisfangs, og urðum
við að raöa máttvana ung-
lingunum upp eins og Iikum i
fangageymslunum. Eitthvað
kom af fólki, sem var að leita
barna sinna, og höfðum við
ekki önnur ráð en láta foreldr-
ana lita yfir hópinn til að finna
sina. Annars var ekki mikiö
um að foreldrar spyrðu eftir
börnum sinum. En við spurð-
um mikið um foreldra þeirra,
sem við komumst að hvað
hétu og hvar áttu heima. En
það gekk ekki alltof vel að fá
svör, og i mörgum tilfellum
var lika erfitt aö ná I fólk i þvi
ástandi, að það gæti tekið viö
börnum sinum.
Ekki var um annað að ræða
en skipta unglingunum niður á
hverfi til að koma þeim heim.
Fram eftir morgni þann 18.
voru lögreglumenn að aka
heim þeim unglingum, sem
rönkuðu við sér og gátu sagt til
nafns og heimilisfangs. Þau
yngstu, sem hafa þurfti af-
skipti af vegna ölvunar, voru
13 ára börn. En meirihlutinn
var á aldrinum 14 til 20 ára.
Margot Fonteyn Miðasala hefst í dag
ÓV-Reykjavik
Eins og skýrt hefur verið frá I
fréttum, þá dansar hin heims-
kunna ballettdansmær Dame
Margot Fonteyn i Reykjavik á
þriðjudag og miðvikudag i næstu
viku. Miðasala á sýningarnar I
Þjóðleikhúsinu hefst i dag kl.
13.15, og er verð miða, eins og áö-
ur hefur verið skýrt frá, kr. 900 i
sal og á neðri svölum, en 500 á efri
svölum.
Dame Margot Fonteyn er fræg-
asta ballettdansmær i heimi og
hefur veriö gifurlega eftirsótt i
þrjá áratugi, en hún er nú 53 ára
gömul. Hér á landi dansar hún
hluta úr Svanavatninu, Rómeó og
Júliu og Don Quixote og sjó-
ræningjunum.
Rannsóknarstofnun
vitundarinnar
í Norræna húsinu
Rannsóknarstofnun vitundar-
innar mun efna til fundar um
hugleiðslu og jóga i Norræna hús-
inu i kvöld.
Þessi fundur hefst klukkan hálf-
niu. Sýndar verða tvæf hálftima-
kvikmyndir, sem samanburðar-
trúfræðingurinn Houston Smith
hefur látið gera — hin fyrri um
súfisma, dulspeki skylda mú-
hameðstrú, en hin seinni um ti-
bezkan búddisma og tibezkar
iógaaðferðir.
Borgfirzka hannyrðasýn
ingin hlýtur vinsældir
SJ-Reykjavik
Sýningin á borgfirzkum hann-
yröum i kjallara Glæsibæjar hef-
ur verið mjög vel sótt, og hafa yf-
ir 800 gestir þegar skoðaö hana.
Töluvert hefur borizt af nýjum
hlutum^.sem ekki vannst timi til
að ljúká við fyrir föstudag, en þá
var sýningin opnuð. Einnig hafa
ýmsir munir selzt. Sýningin hefur
verið framlengd um einn dag og
lýkur kl. 10 i kvöld, þriöjudag.
Fengu 17 laxa í
Miðf jarðará
Veiðihópurinn, sem hætti
veiði i Miðfjarðará á hádegi i
gær, fékk alls 17 iaxa. Að sögn
Asgeirs Ingólfssonar hjá
Stangaveiðifélagi Reykjavík-
ur er þetta „fyrsta hreyfing-
in” i ánni frá þvi hún var
opnuð 1. júni s.l. Er
þetta i fyrsta sinn, sem áin er
opnuð svo snemma. Alls munu
um 40 laxar hafa veiðzt i ánni
frá þvi hún var opnuð. 6 stang-
ir eru I ánni.
17 punda lax
úr Grímsá
Grimsá var opnuð síðast liö-
inn fimmtudag, en Stanga-
veiðifélag Reykjavikur hefur
sem kunnugt er ána nú á leigu.
Fyrsta hálfan annan daginn
veiddust 9 laxar i ánni á 2
stangir. Af þessum löxum var
einn 17 punda, sem Ingólfur
Ástmundsson veiddi i Kerinu
fyrir ofan Myrkhyl. Hinir
laxarnir voru 11 og 12 pund,
veiddir i Laxfossi, Svarta-
stokki, Lundarhólma og Gull-
berastöðum. 4 stangir eru nú
leyfðar i ánni.
Dauft yfir Laxá í Kjós
og Norðurá
Veiðihópurinn, er veiddi i
Norðurá til hádegis á sunnu-
dag, fékk 44 laxa. Þann dag
veiddust 18 laxar i ánni. Mjög
litil veiði var i ánni fyrir há-
degi i gær, 4 eða 5 laxar munu
þá hafa veiözt. I gær var hita-
stig árinnar 8 gráður.
Það var einnig dauft yfir
Laxá i Kjós i kuldanum i gær.
Fyrir hádegi haföi aðeins
veiðzt einn lax i ánni, 8 eöa 9
punda. Á sunnudaginn veidd-
ust 3 laxar fyrir hádegi og einn
eftir hádegi. 5 laxar veiddust
á laugardag, og einum betur á
föstudaginn.
22 punda lax úr
Laxá í Þingeyjarsýslu
Sæmundur Stefánsson stór-
kaupmaður i Reykjavik veiddi
22 punda lax á Flösinni i Laxá
i S-Þingeyjarsýslu á sunnu-
daginn. Þann dag veiddust 11
laxar á stöng i ánni, og daginn
áöur voru 8 veiddir þar. Hins
vegar var búið aö veiða 9 laxa
fyrir hádegi i gær, að sögn
önnu Blöndal i veiðihúsinu
þar nyrðra.
Langá lætur ekki
sitt eftir liggja
Sú á, sem vakti einna mesta
athygli vegna góðrar veiöi i
fyrrasumar, var Langá á
Mýrum, en þá munu yfir 2
þúsund laxar hafa veiðzt i
ánni. Veiði i ánni hófst nú 15.
júni. Ætlar Langá ekki að láta
sitt eftir liggja á þessu sumri.
Fyrsta daginn veiddust 26 lax-
ar i henni, 8-13 pund aö þyngd.
—EB
Kaupfélag Eyfirðinga
t forustugrein Dags 7. þ.m.
er rætt um nýafstaðinn aðal-
fund Kaupfélags Eyfirðinga.
Dagur segir:
„Aðalfundur Kaupfélags
Eyfirðinga var haldinn hinn 5.
júni, að viðstöddum fuiltrúum
af öllu félagssvæðinu, ásamt
stjórn og framkvæmdastjóra
og mörgum gestum. Þessi
samtök sex þúsund samvinnu-
manna við Eyjafjörö meö
meginaösetur á Akureyri, er
stærsta viðskiptafyrirtæki á
Norðurlandi, fjölþætt i verzl-
un, þjónustu og framleiðslu og
skilar nú hagfelidasta
rekstraruppgjöri um langt
árabil. Afköst rekstursins
mæld i fyrningum og ágóða
eru meiri en dæmi eru tii,
segir i skýrslu stjórnar.
Astæðan fyrir hinni góðu
niðurstöðu er að sjálfsögðu sú
helzt, að veruleg sölu- og
framleiðsluaukning varð I
flestum verzlunardeildum og
fyrirtækjum, sem nemur
mcira en fimmtungi miðaö við
næsta ár á undan, enda komst
nú heildarveltan upp fyrir tvo
miiljarða króna. Þetta fjöl-
þætta og stærsta fyrirtæki
fólksins hér nyröra, sem byggt
er á bjartsýni á mátt sam-
vinnu og samhjálpar, hefur
notið farsællar forystu frá
upphafi. Hallgrimur Kristins-
son, Vilhjálmur Þór og Jakob
Frimannsson fyrrverandi
kaupfélagsstjórar voru engir
miðluugsmenn I starfi.
Eyfirzkir samvinnumenn hafa
einnig staðiö fast saman um
kaupfélag sitt, og þess ber þá
einnig aö geta, að samvinna
samvinnumanna i sveitum og
höfuðstað Noröurlands hefur
jafnan veriö með ágætum og
án togstreitu og tortryggni.
Síðast en ekki sizt ber svo að
þakka starfsfólki KEA fyrr og
siðar fyrir dyggilega unnin
störf. En fastráðið starfsfólk
er hátt á sjötta hundrað talsins
og launagreiðslur til þess og
lausráöins fólks voru á siðasta
ári 230 milljónir króna, að
meðtöldum launagreiðslum á
Dalvik og i Hrisey. Að sjálf-
sögðu krefjast nýir timar
nýrra viðhorfa i vinnubrögð-
um og menntun starfsfólks, og
fer nú fram sérstök athugun á
þeim málum innan samtak-
anna.”
Baráttutæki til
bættra lífskjara
Að lokum segir Dagur:
„t sveit og bæ munu sam-
vinnumenn gleðjast yfir hag-
stæðu ári I verzlun og viðskipt-
um félags sins, þakka þeim
manni mikil störf, er I áratugi
stjórnaði Kaupfélagi Eyfirð-
inga af festu og hagsýni,
Jakobi Frimannssyni, og á
þessum aðalfundi skipaði sæti
fundarstjóra og fagna um leið
nýjum forystumanni, Val Arn-
þórssyni kaupfélagsstjóra.
Um leið er hollt að minnast
þess, að samvinnustarfiö er
þrotlaust, vettvangur þess
víöfeömur, og að enn og ætið
verður samvinna og samhjálp
aöalsmerki hinnar vökulu al-
þýðu í borg og sveit og
baráttutæki til bættra lifs-
kjara.”
Undir þessi ummæli ber
vissulega aö taka.
Þ.Þ.
Auglýsið
i
Tímanum