Tíminn - 24.06.1972, Blaðsíða 6
6
TÍMINN
Laugardagur 24. júni 1972
Ný tegund rafreikna fró Burroughs:
Hægt að framkvæma mörg
verk í vélinni á sama tíma
Verölaunahafarnir meö myndir sinar i baksýn. Valgarður, Ragnheiöur, Sara, Hildur Jóna og
Jóhanna. A myndina vantar önnu Haröardóttur.
Þau sigruðu í
teiknisamkeppni
I tilefni af fórnarviku kirkjunn-
ar 19-26. marz sl. efndi æskulýðs-
starf kirkjunnar til teiknisam-
keppni fjölskyldunnar um efnið
„Bróðir minn og ég”. Ætlazt var
til, að fjölskyldan i sameiningu,
foreldrar og börn, hugleiddu efnið
um nauðstadda bróðurinn úti i
heimi, hver væri skylda þeirra aö
hjálpa þessum fjarlæga bróður,
hvernig það væri unnt, og festa
niðurstöður hugleiðinga sinna á
blað i myndaformi.
Margar hugkvæmar og
skemmtilegar myndir bárust á
skrifstofu æskulýösfulltrúa,
Dómnefnd hefur nýlega lokið
störfum, en hana skipuðu: Séra
Bernharður Guðmundsson, æsku-
lýðsfulltrúi, Kristrún Jónsdóttir,
forstöðukona og Þórir Sigurðs-
son, teiknikennari.
Verðlaun voru veitt fyrir þrjár
myndir og viöurkenningar fyrir
þrjár.
Verðlaun hlutu:
Sara Jónsdóttir, 8 ára, Ljós-
heimum 10, Reykjavfk, Ragn-
heiður Sigurðardóttir, 9 ára,
Staðarholti 14, Reykjavik og
Jóhanna S. Sigurðardóttir, 13 ára,
Vesturvallagötu 1, Reykjavík.
Viðurkenningu hlutu:
Valgarður Júliusson, 7 ára,
Jörfabakka 20, Reykjavik, Anna
Maria Harðardóttir, 8 ára, Fells-
múla 17, Reykjavik og Hildur
Jóna Gunnarsdóttir, 10 ára,
Stigahlið 32, Reykjavik.
Teiknisamkeppni þessi leiddi
glöggt i ljós meðvitund fólks fyrir
neyðinni i heiminum og furðu
djúpan skilning barnanna á þvi,
hvernig við á að bregðast.
(Or fréttatilkynningu frá æsku-
lýðsfulltrúa þjóðkirkjunnar).
KB-Iteykjavik
II. Benediktsson h/f, umboös-
fyrirtæki á islandi fyrir
Burroughs Corporation i Detroit,
kynnti á miðvikudaginn nýja
tegund rafreikna, sem verða til
sölu og leigu hérlendis. Þessir
rafreiknar, B 1700, eru þaö
nýjasta frá Burroughs, og voru
þeir kynntir erlendis fyrir aðeins
tveimur vikum.
B 1700 hefur til að bera margar
nýjungar, sem ekki er að finna i
þeim rafreiknum, sem notaðir
eru nú, t.d. er áætlað, að forrit
gert fyrir B 1700 þarfnist 25-30%
minna minnisrýmis en sama for-
rit unnið á hliðstæðan rafreikni.
Þá er sérstakt forrit, sem kallað
er þýðari, notað með öðrum for-
ritum i rafreikninum. Það þýðir,
að hægt er að nota hvaða for-
ritunarmál sem er, og for-
skriftarmenn þjálfaðir á aðra
rafreikna geta skrifað forrit fyrir
B 1700 án frekari þjálfunar.
Jafnframt þvi að nota hefð-
bundin 80 dálka spjöld, getur B
1700 einnig notað nýju 96 dálka
spjöldin. Hægt er að tengja segul-
bönd og seguldiska við B 1700 til
geymslu á upplýsingum. Þá
getur vélin einnig lesið ávisanir
með segulskrift.
Tveir veigamestu kostir B 1700
eru sagöir vera deilivinnsla og
fjarvinnsla. Mun rafreikn-
irinn vera sérstak
lega hannaður með þessi atriði i
huga. Deilivinnsla kallast það,
þegar hægt er að framkvæma
mörg verkefni i vélinni á sama
tima. Slikt mun ekki hafa verið
notað hérlendis áður. Kosturinn
við slikt kerfi er sá, að a' meðan
forrit biður eftir umlestri á upp-
lýsingum til að framkvæma út-
reikninga, getur annaö forrit nýtt
reiknigetu vélarinnar.
Fjarvinnslumöguleikarnir gera
fært að tengja rafreikninn með
simalinu til endastöðva, sem
gætu verið staðsettar hvar sem
er. T.d. gæti banki, sem hefði B
1700 i aðalstöðvum sinum i
Reykjavik haft endastöðvar i úti-
búum úti á landi. Þetta gerir
aðalbankanum og útibúum fært
að skiptast á upplýsingum á
nokkrum sekúndum, i stað þess
að senda þær bréflega.
Kaupverð á B 1700 er frá 8
milljónum króna, en leiguverð
minnstu gerðar þessara véla er
145 þúsund krónur á mánuði.
Vandamál
skólanna
Skólastjórar við barna- og
gagnfræðaskóla borgarinnar
kölluðu blaðamenn á sinn fund
þann 22. þessa ipánaðar. Þar kom
framf að skólarnir eru tvi og
þrisettir að töluverðu marki.
Skortur er á starfsliði,ekki hvað
sizt viðvikjandi sálfræðiþjónustu,
og húsnæði til handavinnukennslu
og iþróttaiðkana vantar við suma
skólana. Vegna húsnæðisskorts
hefur reynzt ógerlegt að koma á
samfelldri stundaskrá viða, sem
hefur leitt af sér sár vandræði á
ýmsum heimilum. 1 þessum
málum rekur hvað sig á annars
horn, en ljóst er, að húsnæðis-
skorturinn er höfuðmeinsemdin
og að stórátaka er þörf i
byggingamálum skólanna.
Ástæða er til að benda á, að enda
þótt nú sé alsiða að taka inn sex
ára börn er aðeins einn skóli á
höfuðborgarsvæðinu, Fellaskóli i
Breiðholti, miðaður við þau.
kaupféug Skagfirðinga
SAUÐÁRKRÓKI
VARMAHLÍÐ - H0FSÓSI
Veitir yður beztu
og öruggustu
þjónustu í öllum
viðskiptum
Það er hagur að
beina öllum
viðskiptum yðar
til kaupfélagsins