Tíminn - 14.07.1972, Blaðsíða 6

6
TÍMINN
Föstudagur. 14. júll 1972
Ráðleggingar
frá gömlum vini
Opið bréf
til íslenzku þjóðarinnar
BRETLAND hóf fiskveiðar i hafinu við Island fyrir um 300
árum, og þótt sambúðin hafi ekki ætið verið snurðulaus,
hefur eðlilega þróazt vinátta á milli þjóða okkar. Nú hefur
þessum vináttutengslum verið stofnað i alvarlega hættu
með þeim aðgerðum ykkar, sem felast i þeirri viðleitni að
færa út fiskveiðilögsögu Islands i 50 milur.
VIÐ ÁLÍTUM, að þið séuð á rangri leið i þessu máli og —
sem gömlum vinum — finnst okkur að við höfum rétt til að
bregða upp réttri mynd af þvi sem um er að ræða.
í FYRSTA LAGI er það ólöglegt sem þið eruð að gera. Við
gerum okkur grein fyrir, að þetta er umbúðalaus fullyrð-
ing, en sönn engu að siður. Við gerðum bindandi samning,
sem kvað svo á, að sérhverjum ágreiningi yrði skotið til
Alþjóðadómstólsins i Haag. Við erum fúsir til að gera
þetta. Þið eruð það aftur á móti ekki.
ENN FREMUR höfum yið beðið ykkur um að biða,þar til
væntanleg ráðstefna Sameinuðu þjóðanna hefur fjallað um
allt það er varðar alþjóðalög þessu máli viðkomandi.
Þessu hafnið þið lika, jafnvel þótt stungið hafi verið upp á
sérstökum ráðstöfunum er myndu ná yfir þann tima sem
þetta tæki.
ÞIÐ HAFIÐ SAGT að aðgerðir ykkar miðuðu að þvi að
vernda fiskistofnana. Er það nú rétt? Og er þetta bezta
leiðin til þess? Minna má á, að það var ekki Bretland sem
svo að segja tortimdi sildinni ykkar. Og ef loðnunni er
hætta búin, stafar þeirri hættu ekki frá okkur. Ekki eru það
heldur brezkir fiskimenn, sem ógna þorskinum með veið-
um á hrygningarsvæðum hans — svæðum, sem einungis
eru nýtt af íslendingum.
VIÐ HÖFUM alveg eins mikinn áhuga og þið á að varð-
veita þessi stórvægilegu fiskimið. Við erum fúsir til sam-
vinnu á tvennan hátt. Við myndum sjálfviljugir takmarka
það fiskimagn sem við sækjum hingað, og við höfum boðizt
til að halda okkur frá vissum svæðum á vissum árstimum
og vissum svæðum á öllum timum, þegar verndunar-
sjónarmið krefjast þess, til þess að varðveita fiskistofn-
ana.
SAMEIGINLEGA gefa þessi tilboð til kynna að við óskum
eftir þvi að taka mjög mikið tillit til fiskveiðihagsmuna ís-
lendinga, en ekki á kostnað réttinda okkar og lifsviðurvær-
is. Að öllu samanlögðu vitum við að málstaður okkar er
traustur. Og hjá okkur eru lifshagsmunir i veði. Hjá okkur
eru heil bæjarfélög sem eru beint eða óbeint háð fiskveið-
um á hefðbundnum fiskimiðum okkar, sérstaklega á
miðunum við tsland. En ekki myndu fyrirætlanir ykkar
einungis hafa óheillavænleg áhrif á gervallan fiskiiðnað
okkar. Þær myndu lika skaða skyldan iðnað og, þegar allt
kemur til alls, þjóðarbúskap okkar allan. Þar af leiðandi
verðum við að tjá ykkur, að við munum nota öll tiltækileg
ráð til þess að sjá til þess að réttindi okkar séu ekki eyði-
lögð.
SEM gamlir og góðir vinir vildum við tjá ykkur þetta milli-
liðalaust.
Birt sem upplýsingar fyrir almenning af
Hagsmunasamtökum brezka fiskiðnaðarins