Fréttablaðið - 26.02.2004, Blaðsíða 2

2 26. febrúar 2004 FIMMTUDAGUR
„Jú, það er á hreinu.“
Sigurður Geirdal er bæjarstjóri í Kópavogi. Kröfu-
gerð ríkisins vegna þjóðlenda á Suðvesturlandi
hefur mætt harðri gagnrýni sveitarfélaga á höfuð-
borgarsvæðinu.
Spurningdagsins
Sigurður, ertu ekki örugglega með
þinglýst afsal af húsinu?
Höfnuðu indversk-
um starfsbróður
Læknafélag Íslands hefur neitað að skrifa upp á atvinnuleyfi fyrir indversk-
an lækni sem heilbrigðisráðuneytið hafði veitt tímabundið lækningaleyfi.
Hann hugðist gegna starfi heilsugæslulæknis á Suðurnesjum í 3 mánuði.
ATVINNUMÁL „Læknar sem eru utan
Evrópska efnahagssvæðisins geta
ekki fengið lækningaleyfi á Ís-
landi nema þeir hafi sannað kunn-
áttu sína fyrir læknadeild,“ sagði
Sigurbjörn Sveinsson, formaður
Læknafélags Íslands. Félagið hef-
ur hafnað beiðni um að skrifa upp
á tímabundið atvinnuleyfi fyrir
Vikas Vakants Pethkar, indversk-
an lækni sem
hugðist starfa á
H e i l b r i g ð i s -
stofnun Suður-
nesja í þrjá mán-
uði.
„Hins vegar
hafa menn af
svæðum utan
EES fengið at-
vinnuleyfi þegar
þeir hafa verið
að mæta brýnni
þörf hérlendis,“
sagði Sigur-
björn. „Þessir
menn hafa farið
inn á stofnanir
og starfað í
skjóli og á ábyrgð þeirra lækna
sem þar eru. Þessi umræddi lækn-
ir hefur starfað hér á ferða-
mannapassa frá því fyrir jól en sá
passi er nú útrunninn.“
Sigurbjörn sagði að rök
Læknafélagsins í málinu væru
þau að á skömmum tíma hefðu
aðstæður á vinnumarkaði lækna
hér á landi gjörbreyst með sam-
drætti og uppsögnum á heilbrigð-
isstofnunum. Nýr árgangur
unglækna kæmi á vinnumarkað-
inn í vor. Þá hafi ekki verið aug-
lýst eftir almennum læknum á
Heilbrigðisstofnun Suðurnesja í
nær heilt ár.
„Ég gat ekki horft framan í kol-
lega mína og skrifað upp á atvinnu-
leyfi fyrir þennan mann nema
reynt hefði verið til þrautar hér
heima og síðan á Evrópska efna-
hagssvæðinu að fá menn til að fylla
þessi störf sem hann átti að gegna.
Öll framganga Læknafélagsins er
málefnaleg að þessu leyti.“
Í umsögn um málið gerði
Læknafélagið athugasemd við
veitingu heilbrigðisráðuneytisins
á lækningaleyfi til indverska
læknisins, þar sem ekki væri
lagaskilyrði fyrir þeirri veitingu.
Hlyti landlæknir að hafa mælt
með þeirri ráðstöfun. Í ljósi
vensla landlæknis og fram-
kvæmdastjóra Heilbrigðisstofn-
unar Suðurnesja væri ráðuneyt-
inu óheimilt að fara að meðmæl-
um hans vegna vanhæfis hans.
„Því hlýtur ráðuneytið að hafa
sett sérstakan landlækni til að
taka afstöðu til þess hvort mæla
ætti með því að Vikas fengi tíma-
bundið lækningaleyfi, ef ekki þá
er leyfisveitingin markleysa,“
segir í umsögn Læknafélagsins.
Þessu til skýringar skal tekið
fram að landlæknirinn og fram-
kvæmdastjórinn eru hjón.
Hvorki náðist í Sigríði Snæ-
björnsdóttur, framkvæmdastjóra
Heilbrigðisstofnunar Suðurnesja,
né Sigurð Guðmundsson land-
lækni vegna málsins.
jss@frettabladid.is
Guantanamo:
Birta fyrstu
ákærurnar
WASHINGTON, AP Bandaríska varnar-
málaráðuneytið hefur ákært tvo
fanga í Guantanamo-herstöðinni á
Kúbu fyrir samsæri um stríðs-
glæpi. Mennirnir tveir eru sagðir
fjármálastjóri al-Kaída hryðju-
verkahreyfingarinnar og maður
sem sá um áróður fyrir hana.
Málið verður rekið fyrir her-
dómstóli, þeim fyrsta sem er skip-
aður frá lokum síðari heimsstyrj-
aldar. Verði mennirnir fundnir sek-
ir geta þeir verið dæmdir til ævi-
langrar fangelsisvistar. Sönnunar-
færsla fyrir herdómstóli þykir hag-
stæðari fyrir ákæranda en sak-
borninga. ■
NÁÐU ÁRÁSARMANNINUM Lög-
reglan hafði í gær hendur í hári
manns sem réðst á starfsmann
Verslunarskólans á þriðjudag.
Maðurinn, sem er á tvítugsaldri,
hefur gengist við brotum sínum
en hann fór inn í skólann og stal
þaðan skjávarpa. Hann réðst á
starfsmanninn sem sá til hans, en
hljóp síðan á brott. Málið telst
upplýst.
LÖGREGLA ÓSKAR EFTIR UPPLÝS-
INGUM Í fyrrinótt var brotist inn
í sjö bíla í Teiga- og Túnahverfi í
Reykjavík og unnin á þeim
skemmdarverk . Lögreglan biður
íbúa og aðra sem hugsanlega
gætu veitt upplýsingar um málið
um að hafa samband við varð-
stjóra í síma 569-9013.
EKIÐ Á LJÓSASTAUR Ekið var á
ljósastaur við Sólbakka í Borgar-
nesi í gær. Ekki urðu slys á fólki
en bíllinn er óökufær eftir. Er
þetta í fjórða skipti sem ekið er á
þennan ljósastaur frá því síðasta
sumar og má búast við að hann
verði fjarlægður eftir óhappið í
gær.
Fyrrum framkvæmdastjóri:
Fékk 28 millj-
ónir í bætur
DÓMSMÁL Aco Tæknival var dæmt
til að greiða Bjarna Þorvarði Áka-
syni, fyrrverandi framkvæmda-
stjóra Aco, 28 milljónir króna í bæt-
ur fyrir lán á hlutabréfum í hans
eigu til tryggingar bankaláni.
Árið 2000 keypti Aco tækja- og
fagtækjadeild Japis en skuldir
fyrirtækisins reyndust vera gjald-
fallnar. Nauðsynlegt var fyrir Aco
að greiða háa skuld við aðalbirgi
Japis. Bjarni notaði eigin hlutabréf í
Aco til tryggingar fyrir láni hjá
Búnaðarbankanum sem notað var
til að greiða skuldirnar.
Niðurstaða dómsins var sú að
stjórn Aco hefði lofað að greiða
Bjarna þóknun fyrir að leggja fram
eigin hlutabréf í félaginu sem hand-
veð og við það beri að standa. ■
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Beinharðir peningar fyrir punkta
Fram til 29. febrúar geta Vörðufélagar innleyst Landsbanka -
punktana sína fyrir beinharða peninga og lækkað þannig
bankakostnað sinn milliliðalaust. Þannig gefa til dæmis 10
þúsund punktar 5 þúsund krónur.
Þú getur óskað eftir innlausn bankapunkta á www.landsbanki.is
Í
SL
EN
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
ALÞINGI Jón Kristjánsson heilbrigð-
isráðherra greindi frá því á Alþingi
að kostnaðarhlutdeild sjúklinga
hefði almennt aukist frá því fyrir
15 árum, en hins vegar yrði að hafa
allan varann á þegar um væri að
ræða athuganir yfir svo langt tíma-
bil. Þetta kom fram í svari ráðherra
við fyrirspurn Jóhönnu Sigurðar-
dóttur, Samfylkingunni, um kostn-
aðarhlutdeild sjúklinga í sjúkra-
tryggingum. Heilbrigðisráðherra
benti á að hlutur sjúklinga í greiðsl-
um vegna læknisþjónustu væri
mjög mismunandi og færi eftir
þjónustunni sem væri veitt.
Fram kom að á sama tíma og
neysluverðsvísitala hækkaði frá
1997 til 2003 um tæplega 29
prósent lækkaði tilkostnaður
sjúklinga við heimsókn til heimil-
islæknis og var þá 94 prósent af
því sem hann var árið 1997. Hlut-
ur sjúklings í greiðslum fyrir
heilsugæslu almennt hafði hins
vegar aukist á sama tímabili um
rúmlega 31 prósent, samkvæmt
Hagstofu Íslands. Þá hækkaði
hlutur sjúklinga í kostnaði við
heimsókn til sérfræðilækna mun
meira á þessum tíma. Heilbrigð-
isráðherra benti á að tæknilegar
framfarir í læknisfræði leiddu til
aukins kostnaðar sjúklinga, með-
al annars vegna þess að aðgerðir
flyttust út af sjúkrahúsunum og
sjúklingar ættu kost á fjölbreytt-
ari þjónustu. ■
LANDLÆKNISEMBÆTTIÐ
Læknafélagið gerði athugasemd við veitingu heilbrigðisráðuneytisins á lækningaleyfi til
indverska læknisins, þar sem ekki væri lagaskilyrði fyrir þeirri veitingu. Hlyti landlæknir að
hafa mælt með þeirri ráðstöfun.
„Ég gat ekki
horft framan í
kollega mína
og skrifað
upp á at-
vinnuleyfi fyrir
þennan
mann nema
reynt hefði
verið til þraut-
ar hér
heima...
■ Lögreglufréttir
ÞOKAÐIST LÍTILLEGA Samninga-
menn Starfsgreinasambandsins
og Flóabandalagsins funduðu
með fulltrúum Samtaka atvinnu-
lífsins í allan gærdag. Lítillega
þokaðist. Enn er verið að ræða
um stóru sérmálin í viðræðunum.
HEILBRIGÐISMÁL
Jón Kristjánsson heilbrigðisráðherra
greindi frá því á Alþingi að kostnaðar-
hlutdeild sjúklinga hefði almennt aukist
frá því fyrir 15 árum. Hlutur sjúklinga í
greiðslum vegna læknisþjónustu væri þó
mjög mismunandi og færi eftir þjónust-
unni sem væri veitt.
Greiðslur fyrir heilsugæslu:
Hlutur sjúklinga aukist um 31%
Nauðasamningar Tetra
Ísland:
Lofað 100
milljónum
NAUÐASAMNINGAR Orkuveita Reykja-
víkur og Landsvirkjun hafa hvort
um sig ákveðið að leggja 50 milljón-
ir í Tetra Ísland ef fjarskiptafyrir-
tækinu tekst að tryggja frjálsa
nauðasamninga við lánadrottna sína.
Forsvarsmenn fyrirtækisins, sem
sér um fjarskiptamál lögreglu,
slökkviliðs og björgunarsveita, gera
sér vonir um að samkomulag náist,
án þess að til nauðasamninga komi.
Það hefur átt í miklum fjárhagserf-
iðleikum og hljóða skuldir upp á 750
milljónir. ■
KB banki um Íslands-
bankakaup:
Gagnrýnir
upplýsingar
MARKAÐUR Greiningardeild KB
banka gagnrýnir upplýsingagjöf í
tengslum við stórfelld kaup í Ís-
landsbanka og segir Kauphöllina
hafa birt prýðisyfirlit um eftir-
litshlutverk sitt. „Engu að síður
veldur það áhyggjum að markaðs-
aðilar virðast ekki taka upplýs-
ingaskyldur sínar alvarlega og
virðast hvað eftir annað komast
upp með verri upplýsingagjöf en
lög kveða á um. Það er því spurn-
ing hvort að þessi einkennilegheit
sem við urðum vitni að í dag séu
ekki eðlileg afleiðing þverrandi
virðingar fyrir leikreglum á ís-
lenskum hlutabréfamarkaði,“ seg-
ir í hálffimmfréttum KB banka. ■
■ Kjaraviðræður
HEILBRIGÐISMÁL Tvö börn á leik-
skólanum Álfasteini í Hafnarfirði
hafa sýkst af heilahimnubólgu-
bakteríu. „Bakterían getur oft
valdið heilahimnubólgu og einnig
getur hún valdið alvarlegum sýk-
ingu í blóði, beinum og liðum,“
segir Þórólfur Guðnason, yfir-
læknir á sóttvarnasviði Land-
læknis. Hann segir að börnunum
heilsist ágætlega eftir atvikum og
séu ekki í lífshættu.
Þórólfur segir að ef sýkingin
sé ekki stöðvuð geti hún valdið
mjög hastarlegum einkennum og
dánartíðni sé há. Hann segir að
hér á landi hafi baktería af
c-stofni verið algengust en í lok
árs 2002 voru allir undir átján ára
aldri bólusettir og hefur hún að
mestu dottið niður. Talið er að
þessi bakteríusýking sé af b-
stofni þó að það hafi ekki fengist
staðfest. „Ekkert bóluefni er til
gegn b-bakteríunni en við gefum
bæði sjúklingum og þeim sem
hafa verið í náinni umgengni við
þá sýklalyf til að drepa bakterí-
una. Við erum að bíða eftir sýkla-
lyfjunum, sem koma sennilega til
landsins í dag.“ Aðstandendum
sjúklinganna, börnunum á leik-
skólanum og starfsfólki verða
gefin sýklalyfin fyrir helgi. ■
Tvö börn á leikskóla í Hafnarfirði hafa sýkst af heilahimnubólgubakteríu:
Beðið eftir sýklalyfjum
BARNASPÍTALI HRINGSINS
Börnin sem sýktust eru á Barnaspítala
Hringsins við Hringbraut.