Fréttablaðið - 26.02.2004, Blaðsíða 10
10 26. febrúar 2004 FIMMTUDAGUR
■ Eyjaálfa
TÍSKA NÆSTA VETRAR
Haust- og vetrartíska Enricos Coveri var
kynnt á tískusýningu í Mílanó á Ítalíu
í fyrradag.
Írakskar konur stofna samtök:
Berjast fyrir
rétti sínum
BAGDAD, AP „Lýðræðið færir okkur
smá glufu sem við getum notað til
að koma kröfum okkar á framfæri,“
segir Samira Hussein, félagi í
Kvennabandalaginu, samtökum
írakskra kvenna sem vilja tryggja
að þær njóti meiri réttinda í vænt-
anlegu Íraksríki en þau sem þær
hefðu ef lögin byggja að mestu eða
öllu á því sem stendur í Kóraninum.
Mörg samtök kvenna hafa
sprottið upp eftir fall ríkisstjórnar
Saddams Hussein sem krefjast
frelsis, lýðræðis og eigin málsvara
á væntanlegu íröksku þingi og í rík-
isstjórn.
„Við viljum geta tekið þátt í
kosningum, talað opinskátt, valið
eiginmann. Ég vona að lögin verði
frjálslynd,“ segir Raja al-Khuzaei,
sem er í framkvæmdaráðinu og
yfirlýstur málsvari kvenréttinda.
Hún segist reyna að komast á alla
fundi ráðsins til að berjast fyrir
kröfum kvenna, þeirra á meðal því
að 40 prósent ráðherra verði konur
og að tilskipun framkvæmdaráðsins
um að einstakir trúflokkar geti beitt
eigin trúarlögum á landsvæði sínu
verði felld úr gildi.
Þrátt fyrir að konurnar krefjist
réttinda hika þær við að krefjast
fulls jafnréttis. Með því gengju þær
gegn Kóraninum þar sem konum er
í mörgu lýst sem hálfdrættingum
karla. ■
Innflutningur á
fuglakjöti bannaður
Guðni Ágústsson landbúnaðarráðherra hefur gripið til aðgerða vegna
fuglaflensunnar erlendis. Gott hjá ráðherra, segir Össur Skarphéðinsson.
Nú skilur Össur að landbúnaðarráðuneytið er mikilvægt, segir Guðni.
ALÞINGI Guðni Ágústsson landbún-
aðarráðherra greindi frá því á Al-
þingi í gær að sérstök ástæða
væri til að varast þá dýrasjúk-
dóma sem borist geta í menn í
gegnum snertingu við dýr og
neyslu matvæla. Guðni minntist í
því sambandi á fuglaflensuna,
sem geisar bæði í í Asíu og í
Bandaríkjunum, og fleiri dýra-
sjúkdóma sem hafa verið skæðir,
eins og til dæmis gin- og klaufa-
veiki, svínapest
og kúariðu.
„Ég hef að
höfðu samráði
við yfirdýra-
lækni og sér-
fræðinga gripið
til auglýsinga og
bannað innflutn-
ing á ýmsum
matvælum sem fyrirtæki flytja
inn til landsins frá Asíu og Banda-
ríkjunum. Þetta snýr mest að
fuglum vegna fuglaflensunnar. Ég
er með þessu að minna á að við
þurfum að fara hér varlega, út af
heilsu manna og ekki síður út af
þeirri miklu auðlind sem við eig-
um í heilbrigðum dýrum og góð-
um landbúnaði,“ sagði Guðni.
Viðbrögð þingmanna við til-
kynningu landbúnaðarráðherra
voru góð. Þeir töldu mikilvægt að
standa vörð um fólkið og landbún-
aðinn með því verjast dýrapestun-
um, því ekki væri allt fengið með
ódýrum innflutningi.
„Það skiptir miklu máli hvern-
ig staðið hefur verið að þessum
málum á Íslandi áratugum saman.
Það hefur ekki verið heimilaður
óheftur innflutningur á dýrum og
við höfum verndað landið gegn
þeim pestum sem geisa erlendis
og eru mjög skæðar. Þetta undir-
strikar það hversu mikilvægt það
er að halda vörnum áfram hér-
lendis og hlúa að landbúnaðinum,“
sagði Drífa Hjartardóttir, Sjálf-
stæðisflokknum.
Össur Skarphéðinsson, Sam-
fylkingunni, tók undir með land-
búnaðarráðherra um að gera yrði
allt til að koma í veg fyrir að
fuglaflensan bærist hingað til
lands, en varaði menn við því að
ganga of langt í þeim efnum.
„Ég er því fylgjandi að gripið
verði til þeirra ráða sem þarf til
að hindra að ófögnuður eins og
þessi berist til Íslands. Ég vara
hins vegar við því að beita banni
óhóflega og ég veit að landbúnað-
arráðherra mun ekki gera það.
Það sem vakir fyrir honum er
fyrst og fremst að vernda heilsu
landsmanna og íslenskan land-
búnað,“ sagði Össur.
Landbúnaðarráðherra þakkaði
þingmönnum fyrir að sýna málinu
skilning og hann beindi orðum
sínum sérstaklega að Össuri. „Nú
skilur hann að landbúnaðarráðu-
neytið er mikilvægt,“ sagði
Guðni.
bryndis@frettabladid.is
Tuttugu ára fangelsi:
Sveik út 4,5
milljarða
HONOLULU, AP Dómstólar á Havaí
hafa dæmt 59 ára bandaríska
konu í tæplega tuttugu ára fang-
elsi fyrir að svíkja út sem svarar
um 4,5 milljörðum íslenskra
króna með því að laða til sín þús-
undir fjárfesta á fölskum forsend-
um.
Við ákvörðun refsingar var
meðal annars tekið mið af því að
Montez Salamasina Ottley neitaði
að gangast við misgjörðum sínum
og sýndi engin merki um iðrun. ■
„Nú skilur
Össur að
landbúnaðar-
ráðuneytið er
mikilvægt.
Leitað að liðsmönnum al-Kaída:
Fangar breyta
framburði sínum
ISLAMABAD, AP Yfirvöldum í Pakistan
hefur gengið erfiðlega að bera
kennsl á þá 25 einstaklinga sem
handteknir voru í aðgerðum hersins
í afskekktum héruðum við landa-
mæri Afganistans í byrjun vikunn-
ar. Að talsmanns ríkisstjórnarinnar
eru fangarnir mjög vel þjálfaðir og
breyta framburði sínum í sífellu.
Pakistanskar öryggissveitir eru
að leita að vísbendingum um dval-
arstað Osama bin Laden og annarra
lykilmanna innan hryðjuverkasam-
takanna al-Kaída. Grunur leikur á
að einhverjir af þeim 25 sem nú eru
í haldi séu liðsmenn al-Kaída og geti
komið yfirvöldum á spor leiðtoga
samtakanna. ■
ÆTLAÐI AÐ LÁTA MYRÐA MANN
SINN Kanadísk kona, búsett í
Ástralíu, sem var dæmd í sjö ára
fangelsi fyrir að reyna að ráða
launmorðingja til að myrða mann
sinn hefur áfrýjað dómnum. Kon-
an reyndi að ráða lögreglumann í
dulargervi til að myrða mann
sinn. Lögmaður hennar vill að
tekið verði tillit til þess að eigin-
maður hennar hafi fyrirgefið
henni.
BEÐIÐ EFTIR TANNLÆKNI
Rúmlega 300 manns reyndu að komast að
þegar tannlæknastofa í Scarborough aug-
lýsti að hún tæki við nýjum viðskiptavin-
um. Sumir mættu fyrir klukkan sjö að
morgni.
Bretlandi:
Skortur á
tannlæknum
BRETLAND Meira en helmingur full-
orðinna og tvö af hverjum fimm
börnum í Bretlandi hafa ekki
traustan aðgang að þjónustu tann-
lækna samkvæmt gögnum breska
heilbrigðisráðuneytisins. Mikill
skortur er á tannlæknum innan
bresku heilbrigðisþjónustunnar og
hefur það orðið til þess að langar
biðraðir myndast þegar það spyrst
út að tannlæknastofur geti tekið á
móti fleiri viðskiptavinum.
Samkvæmt nýlegri skoðana-
könnun treysta um 40 prósent
Breta sér ekki til að leita til tann-
læknis þar sem þeir telja þjónust-
una dýrari en svo að þeir ráði við
hana.
Að því er kemur fram í skoska
blaðinu Evening News kenna sam-
tök tannlækna því um að of lítið sé
um menntunar- og þjálfunar-
úrræði fyrir tannlækna. Þá finnist
mörgum tannlæknum sem þeir búi
við of mikið álag og of lág laun. Því
hafi margir farið út í einkarekstur
frekar en að vinna innan opinbera
heilbrigðiskerfisins. ■
Í FYLGD SYSTRA SINNA
Fjöldi samtaka kvenna hafa mótmælt því að lög byggi á trúarbókstaf. Þessar gengu því
hins vegar til stuðnings.
M
YN
D
A
P
EFTIRLITSSTÖÐ
Pakistanskar öryggissveitir hafa komið sér
fyrir í afskekktum héruðum við landamæri
Afganistan.
SÚLAN EA OG BEITIR NK Í
NORÐFJARÐARHÖFN
Loðnan er frekar blönduð og smá en
hrognafylling er komin í um 17 prósent.
Fjarðabyggð:
80 þúsund
tonnum
landað
LOÐNA Síldarvinnslan hf. í Neskaup-
stað og Eskja á Eskifirði hafa tekið
á móti tæplega 80.000 tonnum af
loðnu það sem af er vertíðinni. Sam-
tals er þetta um 40 prósent þess sem
aflað hefur verið á yfirstandandi
loðnuvertíð. Síldarvinnslan hf. hef-
ur tekið á móti rúmlega 42.200 tonn-
um og Eskja hefur tekið á móti rúm-
lega 36.200 tonnum.
Í fiskiðjuveri Síldarvinnslunnar
hafa verið fryst um 7000 tonn. Búið
er að frysta á annað þúsund tonn á
Japansmarkað en mest hefur verið
fryst á markaði í Austur-Evrópu.
Loðnan er frekar blönduð og smá en
hrognafylling er komin í um 17
prósent. Búast má við að keppt
verði að hrognavinnslu þegar þar að
kemur, en loðnuhrognin fara að
mestu á Japansmarkað. ■
GUÐNI ÁGÚSTSSON
Landbúnaðarráðherra hefur bannað innflutning á fuglakjöti frá Bandaríkjunum og Asíu
vegna fuglaflensunnar. Ráðherra segist með þessu vera að minna á að við þurfum að fara
hér varlega út af heilsu manna og ekki síður út af þeirri miklu auðlind sem við eigum í
heilbrigðum dýrum og góðum landbúnaði.
FR
ÉT
TA
B
LA
Ð
IÐ
/E
LM
A
G
U
Ð
M
U
N
D
SD
.