Fréttablaðið - 26.02.2004, Blaðsíða 23
Leið Íslendinga hefur um langtárabil legið til Costa del Sol.
Og í ár má búast við að enn fjölgi
þeim sem þangað halda í sumarfrí.
Einn af stóru kostum Sólarstrand-
arinnar með stóru essi er hversu
vel hún er í sveit sett ef ferðalang-
ar hyggjast skoða sig eitthvað um
milli sólbaðanna. Frá Torremolin-
os, þar sem flestir dvelja, er á ein-
um degi hægt að fara á ótalmarga
staði sem gaman er að skoða. Má
þar nefna borgirnar Sevilla,
Granada og Cordoba, auk Malaga,
staði eins og Gíbraltar, endalaus
fjallaþorp og svo auðvitað
Marokkó en þangað er stutt sigl-
ing.
Önnur leið er að fara í dagsferð-
ir. Önnur er að hvílast á ströndinni
í eina eða tvær vikur, leigja sér svo
bíl og leggja svo land undir fót.
Þeir ferðalangar sem gera hóflegar
kröfur til gistingar geta rólegir lát-
ið hverjum degi nægja sína þján-
ingu í slíku ferðalagi og farið bara
að huga að því síðdegis að finna
gistingu, til dæmis ef komið er í
þorp sem hugnast sérstaklega vel.
Þannig er þetta ekki dýr ferðamáti,
ætti ekki að þurfa að fara yfir 100
evrur nóttin fyrir fjögurra manna
fjölskyldu, nema kannski í Sevilla.
Júlí og ágúst eru mjög heitir
mánuðir í Andalúsíu og varla hægt
að mæla með bílferðalögum á þeim
tíma, sérstaklega ekki með börn.
Apríl, maí og júní eru hins vegar
góðir mánuðir og sömuleiðis haust-
mánuðirnir.
Á svona ferðalagi er góð ferða-
handbók nauðsynlegur félagi.
Ástæða er til að benda á og mæla
með Bókinni um Andalúsíu eftir
Dag Gunnarsson, sem Mál og
menning gaf út árið 2002. ■
23FIMMTUDAGUR 26. febrúar 2004
Gunnar og Þórir skrifa ferðapistla úr 120 daga heimsreisu sinni:
Jakkaföt fyrir lítið í Víetnam
Erum komnir til Víetnam eftirskrautlega ferð frá Laos. Við
ókum í gegnum fallega hrísgrjóna-
akra sem teygðu sig til allra átta
svo langt sem augað eygði. Fjöll og
djúpir dalir skildu að litla bæi sem
voru við veginn eins og þeim hefði
verið sleppt úr flugvél. Það var
ekki að sjá að það væri nein sér-
stök regla á þeim.
Á veitingastað sem við vorum á
í fyrrakvöld kom óvæntur gestur
og leit við hjá okkur. Ferfætt
kvikindi sem flestum væri nú illa
við að hafa vappandi um, á eða við
veitingastað. Það var eitt stykki
rotta sem spígsporaði þarna um.
Þegar við bentum veitingahúsa-
eigendunum kurteislega á að það
væri rotta þarna á vappi, þá hlógu
þeir bara og sögðust borða rottur
með hrísgrjónum í Víetnam. Það
þarf náttúrlega ekki að orðlengja
það að við vorum fljótir að koma
okkur burt af staðnum, guð einn
veit hvernig eldhúsið hefur litið
út.
Núna erum við komnir í lítinn
bæ sem heitir Hoi An. Þar er mik-
ill og blómlegur klæðskeraiðnað-
ur, sennilega sá ódýrasti í Asíu.
Gunnar dreif sig til klæðskera
hérna og labbaði út með klæð-
skerasaumuð jakkaföt úr kasmír-
ull og skyrtu. Þetta þurfti hann
bara að borga litlar 2.500 krónur
fyrir! Það er varla fyrir efninu í
jakkafötin. Ætlunin er að fara til
Nha Trang á morgun og skoða Po
Nagar Cham-turnana sem voru
byggðir á 7.-12. öld, ásamt fleiru.
Þaðan förum við til Ho Chi Minh-
borgar (Saigon) og síðan yfir
landamærin til Kambódíu.
Með kveðju frá Víetnam, Þórir
og Gunnar! ■
GUNNAR OG ÞÓRIR
Komnir til Víetnam eftir ferðalag frá Laos.
■ Heimsferð
DÓMKIRKJAN Í SEVILLA
Dómkirkjan og svæðið í kringum hana er
kjarninn í Sevilla. Þar er gaman að ganga
um þröngar götur og anda að sér mannlíf-
inu.
Andalúsía:
Meira en
hvítar strendur
ALHAMBRA
Heimsókn í Alhambra-höllina og Gener-
alife-garðana þar í kring er ógleymanleg.
Útsýnið yfir Granada þaðan er magnað.
LA MEZQUITA
Moskan er tvímælalaust merkasti staður-
inn í Cordoba. Hún hefur verið guðshús
kristinna og múslima bæði samtímis og til
skiptis í margar aldir.
Hvalfjarðarganga:
Laxárvogur-
Hvítanes
Fjórði áfangi HvalfjarðargönguÚtivistar hefst í Laxárvogi í
Kjós og verður gengið með strönd-
inni um Hvammsvík að Hvítanesi í
Hvalfirði. Vegalengdin er fjórtán til
fimmtán kílómetrar.
Í Hvammsvík var birgðastöð
fyrir skotfæri og djúpsprengjur.
Einnig var þar félagsmiðstöð fyrir
hermenn bandaríska flotans og í
Hvammsey var önnur fyrir áhafnir
kaupskipanna. Í Hvítanesi var flota-
stöð Breta. Þar voru birgðageymsl-
ur og verkstæði en einnig íbúða-
skálar, sjúkrahús, verslun og veit-
ingastaður. Lagt verður af stað frá
BSÍ kl. 10.30 á sunnudaginn. ■
Cruise Iceland stofnað:
Aldrei fleiri skemmtiskip
Rúmlega 70 mættu á fyrsta fundsamtakanna Cruise Iceland sem
haldinn var í síðustu viku. Fram
kom að næsta sumar verður það
stærsta hingað til í komum
skemmtiskipa. Til Reykjavikur
koma 68 skip samanborið við 58 í
fyrra og Akureyringar eiga von á 53
skipum í samanburði við 43 í fyrra.
Einnig var fjallað um öryggis-
mál í höfnum en ný lög þar að lút-
andi taka gildi þann 1. júlí í ár og
munu breyta ýmsu við móttöku
skipanna, meðal annars aðgengi al-
mennings að hafnarsvæðum.
Samtökin munu leggja áherslu á
að markaðssetja Ísland sem áhuga-
verðan áfangastað skemmtiskipa í
samvinnu við innlenda og erlenda
aðila.
Hugað verður að möguleikum á
að fá fleiri skip til þess að skipta
um farþega á Íslandi og einnig
verða skoðaðir möguleikar þess
efnis að fá skip til þess að sigla
hringferðir í kringum Ísland sum-
arlangt. ■
SKEMMTISKIP
Í sumar eru væntanleg 68 skemmtiskip til Reykjavíkur.
FRÁ RONDA
Bærinn Ronda stendur á tveimur klettum
og á milli þeirra er þessi magnaða brú.