Fréttablaðið - 26.02.2004, Blaðsíða 30
26. febrúar 2004 FIMMTUDAGUR
Spurs tók á móti Houston Rockets í NBA:
Duncan stigahæstur
KÖRFUBOLTI Tim Duncan skoraði 27
stig og tók 13 fráköst fyrir San
Antonio Spurs sem vann Houston
Rockets 86-77 í NBA-deildinni í
fyrrakvöld. Manu Ginobili skor-
aði 21 stig til viðbótar fyrir Spurs
í leiknum.
Rockets hefur ekki unnið
Spurs á útivelli í sjö ár og engin
breyting varð á því núna. Kín-
verjinn Yao Ming, sem skoraði 41
stig fyrir Rockets á dögunum,
setti 20 niður gegn Spurs. „Þeir
spila mjög góða vörn,“ sagði Ming
eftir leikinn. „Við komum boltan-
um ekki inn í teiginn í síðari hálf-
leik og gátum lítið gert.“
Spurs, sem eru núverandi
NBA-meistarar, eru í öðru sæti
miðvesturriðils á eftir Minnesota
með 38 sigurleiki og 19 töp.
Rockets er aftur á móti í fimmta
sæti sama riðils með 32 sigra og
24 töp. ■
Stærri keppni en áður
Keppni í Formúlunni hefst um aðra helgi.
Keppt verður í Barein og í Kína í fyrsta sinn.
FORMÚLA 1 Keppnistímabilið í For-
múlunni hefst á Albert Park
brautinn í Melbourne um aðra
helgi. Keppnin í ár verður um-
fangsmeiri en áður. Keppt verður
á átján brautum og eru tvær þeir-
ra nýjar, í Kína og Barein, auk
þess sem keppt verður í Belgíu að
nýju. Hins vegar verður ekki
keppt á A1-Ring í Austurríki en
þar Formúlan verið háð árlega frá
1997.
Keppnin í Ástralíu hefur verið
upphafsmót Formúlunnar frá
1996. Önnur keppnin í ár verður í
Malasíu en þar á eftir verður
komið að fyrsta mótinu í Barein.
Fyrsta keppnin í Evrópu verður
San Marínó kappaksturinn í Imola
en keppnirnar í Bandaríkjunum
og Kanada verða með viku milli-
bili um miðjan júní. Keppnin í
Indianapolis í Bandaríkjunum fór
fram í september í fyrra.
Í lok ágúst verður keppt í Belg-
íu en síðasta keppnin í Evrópu fer
fram í Monza á Ítalíu 12. septem-
ber. Í lok september verður keppt
í Kína í fyrsta sinn en keppnis-
tímabilinu lýkur í Sao Paolo í
Braslíu 24. október.
Keppnin í Ástralíu fer fram 7.
mars. Hún hefst klukkan fjórtán
að staðartíma, eða sex að morgni
að íslenskum tíma. Áætlað er að
keppnin standi yfir í eina klukku-
stund og 40 mínútur.
Gerðar voru lítilsháttar breyt-
ingar á brautinni fyrir þetta
keppnistímabil en breytingarnar
gætu samt haft umtalsverð áhrif.
Brautin inn á viðgerðarsvæðið er
styttri og beinni en fyrr. Auk þess
hefur FIA hækkað hámarkshrað-
ann á svæðinu úr 80 kílómetrum í
100.
Þetta ætti að leiða til þess að
hvert stopp verði þremur til fimm
sekúndum styttra en hingað til og
það gæti breytt keppnisáætlun
liðanna. Árið 2003 kusu flestir að
taka aðeins tvö viðgerðarhlé en
vegna breytinganna gætu þrjú
viðgerðarhlé verið betri kostur.
Lokaæfingin fyrir keppnina í
ár fór fram á Imola-brautinni á
þriðjudag í rigningu og snjókomu.
Þar voru bílar helstu liðanna sam-
an í keppni í fyrsta sinn en Ferr-
ari liðið hefur verið sakað um
feluleik í aðdraganda keppninnar.
Michael Schumacher hefur harð-
neitað þessum ásökunum og sagt
að það sé miklu skynsamlegra að
reyna nýja bílinn á heimavelli en
að fara til Spánar eins og önnur lið
hafi gert.
Michael Schumacher varð í
öðru sæti á Imola-brautinni en
Ralf bróðir hans sigraði. Tíminn
sem Ralf fékk var ekkert sérstak-
ur, enda aðstæður ekki góðar, en
allir sigrar á Michael skipta Ralf
miklu máli. Rubens Barrichello
varð þriðji og David Coulthard
fjórði. ■
Áttu vini í Færeyjum?
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
-F
LU
1
96
63
04
/2
00
4
Innifalið: Flug til Færeyja, flugvallarskattur og tryggingargjald.
Takmarkað sætaframboð
Sími: 570 3030
Tengiflug, 50% afsláttur með FÍ frá Akureyri, Ísafirði og
Egilsstöðum vegna Færeyjaferðar (hafið samband við
sölufulltrúa þegar flug til Færeyja hefur verið bókað á netinu).
Einstakt tilboð á flugi,
aðeins 7.500 kr.
UNDIR KÖRFUNNI
Yao Ming, í miðjunni, í harðri baráttu undir
körfunni við Tim Duncan, Hedo Turkoglu
og Rasho Nesterovic, leikmenn San Anton-
io Spurs.
RALF
SCHUMACHER
Hafði betur gegn
Michael bróður sín-
um á Imola-brautinni
á þriðjudag.
MÓTIN ÁRIÐ 2004
7. mars Melbourne Ástralía
21. mars Kuala Lumpur Malasía
4. apríl Barein Barein
25. apríl Imola San Marínó
9. maí Barcelona Spánn
23. maí Mónakó Mónakó
30. maí Nurburgring Þýskaland
13. júní Montreal Kanada
20. júní Indianapolis Bandaríkin
4. júlí Magny-Cours Frakkland
11. júlí Silverstone Bretland
25. júlí Hockenheim Þýskaland
15. ágúst Budapest Ungverjaland
29. ágúst Spa-Francorchamps Belgía
12. sept. Monza Ítalía
26. sept. Shanghai Kína
10. okt. Suzuka Japan
24. okt. Sao Paulo Brasilía