Fréttablaðið - 26.02.2004, Blaðsíða 32

26. febrúar 2004 FIMMTUDAGUR
Jón Arnar meðal keppenda í Búdapest:
Mætir með bros á vör á HM
FRJÁLSAR ÍÞRÓTTIR Jón Arnar
Magnússon tugþrautarkappi segist
alveg eins hafa átt von á því að
verða boðið á heimsmeistaramótið í
Búdapest, en hann hafði ekki náð
lágmarkinu sem þurfti til að
tryggja þátttökuréttinn.
Jón er í sjötta sæti heimslistans
í sjöþraut á árinu með 5.916 stig en
átta keppendum er boðið til þátt-
töku á HM. „Þetta er eitt skiptið
enn,“ sagði Jón Arnar í samtali við
Fréttablaðið. Aðspurður hvort
þetta væri síðasta heimsmeistara-
mótið sitt sagðist hann frekar eiga
von á því. „En maður á aldrei að
segja aldrei,“ bætti hann við. Jón,
sem er í góðu formi um þessar
mundir, mun fínpússa tæknina í öll-
um greinunum sjö fram að móti og
segist ekki leggja áherslu á neina
einstaka grein í þeim efnum.
Jón segist ekki gera sér grein
fyrir möguleikum sínum á mótinu.
„Ef maður hittir á góðan dag verð-
ur maður í efstu þremur sætunum
og ef maður hittir á slæman dag er
maður við botninn.“ Markmið hans
eru engu að síður skýr: „Bara að
mæta með bros á vör og viljann að
vopni. Nú er maður alveg hrikalega
jákvæður.“
Ísland mun eiga að minnsta
kosti tvo fulltrúa á HM að þessu
sinni, því Þórey Edda Elísdóttir
stangarstökkvari hafði áður tryggt
sér þátttökurétt. Þórey er í 10.-13.
sæti heimslistans með 4,50 metra.
Þórey keppir næsta laugardag á
sterku alþjóðlegu móti í Levin í
Frakklandi. Þar verða á meðal
keppenda þær Svetlana Feofanova
heimsmethafi og Jelena Isinbajeva,
fyrrverandi heimsmethafi. ■
Houllier vill ljúka
leiktíðinni með reisn
Fyrri leikirnir í þriðju umferð Evrópukeppni félagsliða verða leiknir í
kvöld. Liverpool, sem hefur legið undir mikilli gagnrýni, tekur á móti
búlgarska liðinu Levski Sofia á Anfield Road.
FÓTBOLTI Gerard Houllier, knatt-
spyrnustjóri Liverpool, er sann-
færður um að leikmenn sínir láti
allar gagnrýnisraddir sem vind
um eyru þjóta og einbeiti sér að
því að ljúka leiktíðinni með reisn.
Markmið hans eru skýr. Hann vill
komast í Meistaradeild Evrópu að
ári og ná árangri í Evrópukeppni
félagsliða.
Liverpool var slegið út úr ensku
bikarkeppninni um síðustu helgi
gegn Portsmouth og margir hafa
viljað reka Houllier í framhaldinu.
„Ég veit hvað er sagt um okkur
utan vallarins en við megum ekki
láta það hafa áhrif á okkur inni á
vellinum,“ sagði Houllier. „Það eru
tvær tegundir af áhangendum. Ein
þeirra gerir sér grein fyrir hverju
við höfum áorkað undanfarin fjög-
ur ár. Við höfum snúið félaginu til
betri vegar, bætt aðstöðuna, unnið
sex titla og komist tvisvar í Meist-
aradeildina. Úrslitin hafa ekki ver-
ið okkur í hag undanfarið en
frammistaða liðsins hefur ekki
verið það slæm. Við eigum svo
sannarlega skilið meira en við höf-
um fengið,“ sagði hann og bætti
við: „Núna verðum við að standa
saman. Við eigum 13 bikarúrslita-
leiki eftir í deildinni ásamt Evr-
ópukeppni félagsliða. Við munum
ná okkar markmiðum.“
Jamie Carragher, varnarmaður
Liverpool, er heldur ekki af baki
dottinn þrátt fyrir slæmt gengi að
undanförnu og ætlar sér góða
hluti í Evrópukeppninni. „Við vilj-
um vinna allar þær keppnir sem
við tökum þátt í. Þetta er sú eina
sem er eftir og um leið sú eina þar
sem við getum unnið til verð-
launa. Ég er viss um að allir strák-
arnir fari út á völlinn staðráðnir í
að vinna,“ sagði Carragher.
Fleiri athyglisverðir leikir
verða háðir í Evrópukeppninni í
kvöld. Meðal annars tekur danska
liðið Bröndby á móti Barcelona og
Rosenborg sækir Benfica heim.
Að auki tekur norska liðið Våler-
enga á móti Newcastle á Ullevaal-
leikvanginum í Osló. Newcastle
verður án þeirra Lee Bowyer og
Jonathan Woodgate, sem eru
meiddir. Leikmenn Newcastle ótt-
uðust um hríð að leikurinn færi
fram á gervigrasi Vålerenga
vegna mikils kulda í Osló en svo
verður ekki. ■
- SPENNANDI VALKOSTUR
Stangarhyl 3
110 Reykjavík
Sími: 591 9000
www.terranova.is
Akureyri sími: 461 1099
8.000 kr.
Bókaðu fyrir 15. mars ogtryggðu þér 8.000 kr. afsláttí valdar brottfarir.
afsláttur ef þú bókar strax.
Beint vik
ulegt
leiguflug
Þúsundir Íslendinga hafa heimsótt þennan heillandi
áfangastað til að njóta sólar og alls hins besta er finna
má á eftirsóknarverðum sumarleyfisstöðum suður Evrópu.
Gylltar vogskornar strendur Algarve eiga fáa sína líka
hvað snertir náttúrufegurð og eru samanlagt 270 km að
lengd. Ánægðir farþegar Terra Nova skipta þúsundum.
Vinsælasti áfangastaður Terra Nova
Frá kr. 43.890
M.v. 2 í studio á Cantinho do Mar, 26. maí
- vikuferð með 8.000 kr. afslætti.
Frá kr. 36.195
M.v. hjón með 2 börn, 2-11 ára á Cantinho do Mar,
26. maí - vikuferð með 8.000 kr. afslætti.
Portúgal
Algarve
32
Dustaðu rykið af draumum þinum!
Bækur sem skipta máli
* Vilt þú losna við þætti sem draga úr gleði þinni?
* Vilt þú samræma viðhorf þín og markmið?
* Vilt þú öðlast aukna vissu um getu þína til að skapa líf þitt?
* Vilt þú upplifa hærra, vitrara og friðsamara sjálf?
* Vilt þú rísa upp yfir hörmungar heimsins og sjá þær í réttu ljósi?
* Vilt þú upplifa það stig meðvitundar sem kallað er uppljómun?
* Þá er Avatar fyrir þig.
Andakt bókaútgáfa www.avatar.is sími 897 7258
■ ■ LEIKIR

19.15 Haukar og Þór Þorl. leika á
Ásvöllum í Intersport-deildinni í körfu.

19.15 KFÍ keppir við Breiðablik á
Ísafirði í Intersport-deildinni.

19.15 KR mætir Keflavík í DHL-
Höllinni í Intersport-deildinni.

19.15 Tindastóll og ÍR keppa á
Sauðárkróki í Intersport-deildinni .

19.15 Snæfell leikur við Njarðvík í
Stykkishólmi í Intersport-deildinni .
■ ■ SJÓNVARP

19.50 UEFA-bikarkeppnin á Sýn.
Bein útsending frá fyrri leik Liverpool og
Levski í 3. umferð UEFA-bikarkeppninnar.
JÓN ARNAR
MAGNÚSSON
Varð fjórði á
sjöþrautarmóti í
Tallinn á dögun-
um. Hann von-
ast til að bæta
þann árangur á
HM um aðra
helgi.
LEIKIR Í KVÖLD
Vålerenga-Newcastle
Groclin-Bordeaux
Marseille-Dnipro
Spartak Moskva-Mallorca
Gaizantepspor-Roma
Parma-Genclerbirlici
Perugia-PSV Eindhoven
Celtic-Teplice
Auxerre-Panathinaikos
Liverpool-Levski
Galatasary-Villarreal
Club Brugge-Debrecen
Bröndby-Barcelona
Sochaux-Inter
Benfica-Rosenborg
Valencia-Besiktas
SHEARER
Alan Shearer, markaskóngur Newcastle,
verður í eldlínunni gegn Vålerenga í kvöld.
HOULLIER OG OWEN
Houllier lætur allar gagnrýnisraddir sem vind um eyru þjóta og stefnir á að ljúka leik-
tíðinni með reisn.
hvað?hvar?hvenær?
26. FEBRÚAR
Fimmtudagur