Fréttablaðið - 26.02.2004, Blaðsíða 40
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R
Bakþankar
STEINUNNAR
STEFÁNSDÓTTUR
Sterkasta aflið
SM Á A U G L Ý S I N G AS Í M I N N E R 515 7500 Frumsýning 29. feb. - Íslenska óperan
Mér hefur oft fundist gleðinvera vanmetin auðlind,
kannski einhver sú vanmetnasta
sem við eigum. Gleðin bærist nefni-
lega innra með okkur öllum þótt af
ýmsum ástæðum gangi misjafnlega
að virkja hana. Í brjóstum okkar
allra finnst líka reiðin, tilfinning
sem vissulega býr yfir miklu afli
en hefur um leið tilhneigingu til að
blinda okkur sýn.
ÞAÐ er að mínu mati eitt grund-
vallarverkefni foreldra að viðhalda
og styrkja gleðina í brjóstum barna
sinna. Ung börn eru yfirleitt glöð,
svo framarlega sem þau eru hvorki
svöng né þreytt. Mörg hver eru
meira að segja mjög glöð, síhlæj-
andi og skríkjandi við minnsta til-
efni. Þetta er dýrmætur eiginleiki,
eiginleiki sem því miður eldist of
hratt af fólki.
FRAMLAG okkar foreldranna til
þess að elda gleðina af börnunum
okkar er oft drjúgt, allt of drjúgt.
Við hlustum kannski ekki þegar
þau reyna að tjá sig um að þeim líði
ekki nógu vel. Við gerum kröfur til
þeirra sem þau geta ekki staðið
undir vegna aldurs, þroska eða ann-
ars. Við íþyngjum þeim með okkar
eigin áhyggjum og vanlíðan í stað
þess einmitt að nýta alla þá já-
kvæðu orku sem við gætum fengið
frá börnunum. Og gerum kröfur til
þess að þau séu eins og við höfðum
hugsað okkur í stað þess að hlusta á
hvað þau hafa hugsað sér. Við
gleymum því að góð líðan í æsku er
grundvöllur sterkrar sjálfsmyndar
allt lífið.
NÚ er ég ekki að halda því fram að
lífið eigi allt að vera tómt grín. Líf-
ið er ekki þannig. Hins vegar er
orkan sem lífsgleðin gefur okkur
eitthvað það dýrmætasta sem við
eigum þegar kemur að samskiptum
við aðra og þegar við tökumst á við
lífið og litróf þess, tökumst á við
sorg, reiði og aðrar þær þrautir
sem lífið leggur fyrir okkur. Það að
viðhalda gleðinni og virkja hana
merkir ekki heldur að maður eigi
að fljóta í gegnum lífið sinnulaus og
með bros á vör, heldur þvert á móti
að nýta orkuna sem fæst með gleð-
inni til jákvæðra samskipta og
framþróunar.
ÓKEYPIS
LÖGFRÆÐIAÐSTOÐ
á hverju fimmtudagskvöldi
kl. 19.30 til 22.00 í síma 5511012.
ORATOR,
félag laganema við
Háskóla Íslands.