Fréttablaðið - 27.02.2004, Blaðsíða 14
14 27. febrúar 2004 FÖSTUDAGUR
FORSETI Á FARALDSFÆTI
Rússnesku forsetakosningarnar fara fram
14. mars næst komandi. Í gær var
Vladimír Pútín forseti staddur í borginni
Khabarovsk sem liggur 6.100 kílómetra
suðaustur af Moskvu. Þar leit hann inn á
æfingu í íshokkí og áritaði keppnistreyjur.
Alan Greenspan hvetur til aðgerða gegn fjárlagahalla:
Vill skera niður útgjöld til aldraðra
WASHINGTON, AP Alan Greenspan,
seðlabankastjóri Bandaríkjanna,
lagði hart að þingmönnum í fyrra-
dag að grípa til aðgerða til að
sporna gegn fjárlagahalla í fram-
tíðinni, þegar eftirstríðsára-
kynslóðin fer á eftirlaun. Hann
hvatti til þess að bætur til þessa
fólks yrðu skornar niður frekar
en að þær yrðu fjármagnaðar með
hærri sköttum.
Greenspan hefur áður lýst
áhyggjum af því að sífellt stærri
hluti Bandaríkjamanna komist á
eftirlaun og eigi rétt á bótum og
aðstoð úr ríkissjóði. „Þessi mikla
breyting á aldurssamsetningu
þjóðarinnar mun setja gríðarlega
pressu á ríkisútgjöld, pressu sem
við stöndum ekki undir nema
gripið sé til aðgerða. Af mörgum
ástæðum er best að grípa til
þeirra aðgerða svo fljótt sem auð-
ið er,“ sagði hann í gær. 77 millj-
ónir Bandaríkjamanna sem fædd-
ir eru eftir síðari heimsstyrjöld
fara á eftirlaun á næstu árum.
Áætlað er að fjárlagahalli rík-
issjóðs Bandaríkjanna nemi and-
virði nærri 36.000 milljarða króna
í ár, sá mesti í sögunni. ■
Mikilvægt að stytta
leiðina til Reykjavíkur
Akureyringar kynntu Eyjafjarðarsvæðið sem fjárfestingarkost.
Háskólinn og tryggð íbúa svæðisins eru meðal kosta Eyjafjarðar.
Iðnaðarráðherra er sannfærð um að stóriðja muni rísa á svæðinu.
ATVINNUUPPBYGGING „Ég er sann-
færð um að stóriðja mun koma á
Norðurlandi,“ sagði Valgerður
S v e r r i s d ó t t i r
iðnaðar og við-
skiptaráðherra á
k y n n i n g u
Atvinnuþróunar-
félags Eyjafjarð-
ar á atvinnu- og
fjárfest ingar-
tækifærum í
Eyjafirði. Val-
gerður sagði
mikilvægt fyrir
svæðið að íbúum
fjölgaði og yrðu
á bilinu 25 til 30
þúsund.
S t r a n d h ö g g
var yfirskrift
kynningarinnar. Þorsteinn M.
Jónsson, forstjóri Vífilfells, lýsti
reynslu fyrirtækisins af rekstri á
Akureyri. Hann sagði svæðið búa
yfir miklum kostum. Rík hefð væri
fyrir framleiðslu, skólar væru góð-
ir og þjónustustig hátt. Að mati
Þorsteins ríkir mikil tryggð hjá
Akureyringum. Starfsmannavelta
er lítil og auk þess eru heimamenn
tryggir vörum sem framleiddar
eru í bænum. „Ég get nefnt sem
dæmi að markaðshlutfall bjór-
framleiðslu Vífilfells í ÁTVR á Ak-
ureyri er 70 próesent meðan hún
er 45 prósent á landinu öllu.“
Flutningskostnaður var það
sem var efst í huga Þorsteins þeg-
ar kom að göllum svæðisins. Hann
sagði mikilvægt að ráðast í nýjan
veg sem myndi stytta leiðina til
Reykjavíkur.
Sigurður Sigurgeirsson, útibús-
stjóri Landsbankans á Akureyri,
fór einnig yfir kosti og galla
svæðsins. Hann taldi mikil tæki-
færi liggja í starfsemi Háskólans á
Akureyri. „Þar má nefna líftækni,
upplýsingatækni og sérhæfingu í
sjávarútvegi og fiskeldi.“ Sigur-
geir sagði að það væri umhugsun-
arefni að á sama tíma og tólf pró-
sent fiskveiðkvótans væru á Akur-
eyri, þá væru 90 prósent starfa hjá
því opinbera tengdu greininni í
Reykjavík. Hann benti einnig á að
samsetning atvinnulífsins á svæð-
inu gerði það að verkum að styrk-
ur krónunnar til lengri tíma gæti
dregið kraft úr greinum eins og
sjávarútvegi og ferðaþjónustu. Þá
taldi hann óvissu um framtíð fisk-
veiðstjórnunar einnig ógna svæð-
inu.
Þorsteinn Gunnarsson, rektor
Háskólans á Akureyri, kynnti
rannsóknarhús og frumkvöðlaset-
ur. Hann sagði markmiðið að efla
og styðja við nýsköpun á svæðinu.
haflidi@frettabladid.is
Hafnarfjörður um
raforkuverð:
Mótmæla
hækkun
RAFORKA Bæjarstjórn Hafnar-
fjarðar skorar á Alþingi að
koma í veg fyrir stórfelldar
hækkanir á raforkuverði og tek-
ur þar með undir með orku-
fyrirtækjum og öðrum sveitar-
stjórnum á höfuðborgarsvæð-
inu.
Bæjarstjórnin telur ósáætt-
anlegt með öllu að nýskipan
orkumála leiði til stórfelldrar
hækkunar raforkuverðs. Komið
hefur fram að ríkisstjórnin tel-
ur ekki að ný orkulög hafi í för
með sér hækkun á raforku-
verði. ■
BRAHIMI Í JAPAN
Lakhdar Brahimi lýsti vantrú á að andstaða
Íraka við bið eftir kosningum sé jafn mikil
og þeir segja.
Kosningar:
Mótmæli
Íraka ýkt
TÓKÝÓ, AP Lakhdar Brahimi, yfir-
maður sendinefndar Sameinuðu
þjóðanna sem kannaði möguleika á
kosningum í Írak, segist hafa feng-
ið á tilfinninguna að Írakar stefni
að því að halda ásættanlegar kosn-
ingar en ekki endilega bestu, frjáls-
ustu og sanngjörnustu kosningar
sem völ er á. Aðalmálið sé að meiri-
hluti landsmanna sé sáttur við út-
komuna.
Brahimi segist jafnframt telja
hörð mótmæli írakskra stjórnmála-
og trúarleiðtoga gegn því að kosn-
ingar fari ekki fram fyrr en eftir
valdaframsal Bandaríkjamanna ýkt
og að þau lýsi meiri andstöðu en sé
í raun og veru til staðar. ■
LEIÐTOGI HRYÐJUVERKASAM-
TAKA DÆMDUR Dómstólar í
Indónesíu hafa dæmt meintan
leiðtoga hryðju-
verkasamtakanna
Jemaah Islami-
yah í þriggja á
hálfs árs fangelsi
fyrir að skjóta
skjólshúsi yfir
einn af höfuð-
paurunum í
sprengjutilræðinu á Balí í októ-
ber 2002. Abu Rusdan segist ætla
að áfrýja dómnum en hann held-
ur því fram að lögreglan hafi
beitt hann pyntingum til að knýja
fram játningu.
MIÐBÆR RAMALLAH
Til átaka kom milli ísraelska hersins og
palestínskra ungmenna í miðborg
Ramallah í gær.
Herinn réðst inn í banka:
Lagt hald á
reiðufé
VESTURBAKKINN, AP Ísraelskar
öryggissveitir ruddust inn í fjóra
palestínska banka í borginni Ram-
allah á Vesturbakkanum og lögðu
hald á reiðufé. Að sögn hersins
var um að ræða peninga sem
sendir höfðu verið frá Íran, Sýr-
landi og Líbanon til að fjármagna
hryðjuverk. Tölvusérfræðingar
úr bönkunum höfðu verið hand-
teknir nóttina áður. Þeir voru látn-
ir aðstoða hermenn við að fara
yfir færslur á hundruðum reikn-
inga en öðru starfsfólki var ýtt til
hliðar.
Tugir Palestínumanna köstuðu
grjóti að ísraelsku hermönnunum
þegar þeir lokuðu fyrir umferð
almennings um miðbæ Ramallah.
Sjö Palestínumen særðust, þar af
þrír alvarlega, þegar herinn tók
að skjóta á hópinn. ■
„HRYÐJUVERKAKENNARAR“
Landssamtök 2,7 milljóna kenn-
ara í Bandaríkjunum krefjast
þess að George W. Bush Banda-
ríkjaforseti reki menntamálaráð-
herra sinn, Rod Paige. Paige kall-
aði samtökin hryðjuverkahreyf-
ingu þegar hann kvartaði undan
baráttuaðferðum samtakanna
gegn nýjum lögum um mennta-
mál.
Osama bin Laden:
Leitað af
meiri ákafa
KABÚL, AP Bandaríski herinn í
Afganistan leggur aukna áherslu á
að hafa hendur í hári Osama bin
Laden sem fyrst en vísar því á bug
að haft hafi verið uppi á leiðtoga al-
Kaída nærri landamærum
Afganistans og Pakistans. Kosning-
ar sem haldnar verða í Afganistan í
júní og liggur því mikið á að efla
öryggi í landinu. Horfa menn eink-
um til svæða utan höfuðborgarinn-
ar Kabúl.
„Sandurinn í stundaglasinu er að
renna niður,“ sagði Matthew
Beevers, talsmaður Bandaríkjahers
í Afganistan. ■
ALAN GREENSPAN
Ólíklegt þykir að þingmenn ákveði að
skera niður bætur til aldraðra á kosninga-
ári þrátt fyrir áskorun Greenspans.
KYNNA KOSTINA
Eyfirðingar lögðu leið sína til Reykjavíkur og kynntu fjárfestum fjölmarga kosti þess að reka fyrirtæki á svæðinu. Framsögumenn töldu
kostina marga og gallana þess eðlis að úr þeim mætti bæta.
„Ég get
nefnt sem
dæmi að
markaðshlut-
fall bjórfram-
leiðslu Vífil-
fells í ÁTVR á
Akureyri er
70% meðan
hún er 45% á
landinu öllu.
■ Bandaríkin
■ Asía
Í ÞYRLU YFIR AFGANISTAN
Bandarískur hermaður horfir yfir Afganist-
an á eftirlitsflugi.
Donald Rumsfeld heimsækir forseta Afganistan:
Talíbanar
úr sögunni
KABÚL, AP Hamid Karzai, forseti
Afganistan, hefur lýst yfir sigri
yfir talíbönum og leitt að því líkum
að það séu glæpasamtök fremur en
uppreisnarmenn sem hafi staðið á
bak við árásir á hermenn, lögreglu
og óbreytta borgara í landinu und-
anfarnar vikur og mánuði.
Donald Rumsfeld, varnarmála-
ráðherra Bandaríkjanna, snæddi
hádegisverð með Karzai í Kabúl í
gær. Að því loknu ávörpuðu þeir
blaðamenn en gáfu engin skýr
svör um það hvort bandarísk og
afgönsk yfirvöld teldu sig vera
komin á spor hryðjuverkaleiðtog-
ans Osama bin Laden.
„Talíbanar sem skipulögð
hreyfing heyra sögunni til,“ sagði
Karzai á blaðamannafundinum.
Hann fullyrti að fjöldi fyrrum
liðsmanna og leiðtoga talíbana
hefði haft samband við stjórnvöld
og óskað eftir leyfi til að snúa
heim. Karzai og Rumsfeld virtust
sammála um að aðeins stafaði ógn
af þeim talíbönum sem væru
einnig liðsmenn al-Kaída eða
hefðu framið hryðjuverk.
Fimm afganskir hjálparstarfs-
menn féllu þegar vopnaðir menn
gerðu þeim fyrirsát á þjóðvegi
skammt frá Kabúl. Tveir aðrir
særðust og eins er enn saknað. ■
DONALD RUMSFELD
Bandaríski varnarmálaráðherrann snæddi hádegisverð með Hamid Karzai í forsetahöllinni
í Kabúl. Rumsfeld heimsótti einnig bandaríska hermenn í borginni Kandahar í suðurhluta
Afganistan.