Fréttablaðið - 28.02.2004, Page 24

24 28. febrúar 2004 LAUGARDAGUR
Óhætt er að fullyrða að seinnihluti síðastliðins árs og það
sem af er þessu ári hafi verið sér-
stakur tími í sögu félagsins. Hér á
ég að sjálfsögðu við hið óvænta
rjúpnaveiðibann sem sett var á
síðastliðið haust,“ sagði Sigmar B.
Hauksson, formaður Skotveiðifé-
lags Íslands, við upphaf aðalfund-
ar félagsins, þar sem rjúpnaveiði-
bannið var helsta umræðuefnið,
enda eru skotveiðimenn víða um
land allt annað en hressir með
bannið.
„Vissulega má segja að það
hafi nú um nokkurn tíma legið í
loftinu að gripið yrði til einhverra
aðgerða til verndar rjúpunni,“
sagði Sigmar. „Haustið 2002 var
komin sátt í þessu máli sem gekk
út á það að rjúpnaveiðitíminn yrði
styttur um rúma 20 daga og bann-
að yrði að selja rjúpu á frjálsum
markaði. Sölubannið fór ekki í
gegn á Alþingi, eða réttara sagt
fékk ekki formlega afgreiðslu.
Þetta kom okkur öllum nokkuð á
óvart og því má segja að í fram-
haldi af þessari afgreiðslu þings-
ins hafi mátt búast við einhverj-
um aðgerðum af hálfu stjórn-
valda. Það kom okkur hins vegar í
opna skjöldu að gripið var til
veiðibanns og raunar má segja að
undrun okkar verði varla með
orðum lýst þegar við í fundi í
ráðuneytinu hlýddum á starfs-
menn Náttúrufræðistofnunar þar
sem þeir lögðu til að rjúpan yrði
friðuð næstu fimm árin.“
Sigmar sagðist telja að illa hafi
verið staðið að rjúpnaveiðibann-
inu, ekkert tillit hafi verið tekið til
skoðana veiðistjórnunarsviðs Um-
hverfisstofnunar né SKOTVÍS
eða hlustað á aðra merka fugla-
fræðinga eins og prófessor Arn-
þór Garðarsson og doktor Arnór
Þóri Sigfússon. „Þá á ekki að verja
neinu frekara fé til þess að rann-
saka hvaða áhrif veiðibannið hef-
ur á rjúpnastofninn,“ sagði Sig-
mar.
Ýmsu áorkað þrátt fyrir
rjúpnaveiðibann
Sigmar sagði starfsemi félags-
ins á starfsárinu hafa mótast
mjög af rjúpnaveiðibanninu, eins
og gefi að skilja. „En þrátt fyrir
rjúpnaveiðibannið hefur ýmsu
verið áorkað á starfsárinu,“ sagði
hann. „Vildi ég sérstaklega nefna
að breytingar á skotvopnalöggjöf-
inni náðust fram á síðastliðnu ári
eftir hartnær fjögurra ára baráttu
okkar. Í þessu sambandi ber helst
að nefna gott samstarf við emb-
ætti Ríkislögreglustjóra.“
Þá sagði Sigmar að félagið
hefði fylgst vel með umræðu um
stofnun nýrra þjóðgarða. „Þar
skiptir mestu hinn svokallaði
Vatnajökulsþjóðgarður,“ sagði
hann. „Félagið hefur lagt ríka
áherslu á að veiðar verði eftir sem
áður heimilaðar á þessu svæði,
verði af stofnun þjóðgarðsins.
Ekki verður annað sagt en að
nokkur skilningur sé fyrir þess-
um óskum okkar enda er þarna
um að ræða svæði þar sem
rjúpna-, gæsa- og hreindýraveið-
ar eru stundaðar og hreinlega
kemur ekki til mála af okkar hálfu
að veiðar verði þar bannaðar.“
Þá ræddi Sigmar um væntan-
legt námskeið í minkaveiðum sem
til stendur að bjóða félagsmönn-
um upp á. „Minkurinn er
skemmtileg veiðibráð sem nauð-
synlegt er að halda niðri og helst
eyða,“ sagði Sigmar.
Aðeins nokkrir veiðimenn á
þingi
En mál málanna á aðalfundi
Skotveiðifélagsins var vitaskuld
rjúpnaveiðibannið. „Rétt er að
benda á það að aðeins eru nokkrir
skotveiðimenn á hinu háa Al-
þingi,“ sagði Sigmar. „Flestir
þingmenn hafa því litla sem enga
þekkingu á skotveiðum. Ég verð
því að segja að mér til ánægju
varð ég fljótt var við það að vel-
flestir þingmenn höfðu ekki
myndað sér skoðun í þessu máli.
Það hefur því verið okkar helsta
starf í samskiptum okkar við
þingið að ræða við þessa þing-
menn og koma til þeirra upplýs-
ingum sem sýna svart á hvítu að
íslenski rjúpnastofninn er í engri
hættu vegna skotveiða lands-
manna og það er langt frá því að
íslenski fálkastofninn sé í stór-
hættu vegna rjúpnaleysis. Á
þessu stigi málsins getum við lítið
meira gert, við erum búin að
koma þessum upplýsingum
tryggilega til skila.“
Sigmar kvaðst hafa af því
nokkrar áhyggjur að ekki næðist
samstaða í umhverfisnefnd þings-
ins um tillögu sem fæli í sér að
skotveiðimenn gætu stundað tak-
markaðar rjúpnaveiðar árin 2004
og 2005. Það fyrirkomulag kæmi í
stað algjörs rjúpnaveiðibanns.
„Meðal þeirra tillagna sem ég
hygg að nokkur sátt ætti að geta
ríkt um er að veiðitíminn verði
styttur verulega,“ sagði Sigmar.
„Ég tel mig geta fullyrt hér að
meirihluti þingmanna er andsnú-
inn algjöru veiðibanni á rjúpu.“
Sigmar sagði mikinn misskiln-
ing ríkjandi á meðal almennings
um skotveiðar á Íslandi. Til að
mynda væri því haldið fram að
skotveiðimönnum hefði fjölgað
hér á landi, á meðan tölur sýndu
annað. „Fjöldi veiðimanna hefur
verið mjög svipaður nú um
nokkurn tíma,“ sagði Sigmar.
Hann sagði það gleðiefni að yfir-
leitt væru landsmenn jákvæðir
gagnvart veiðum, þó svo að þeim
sem væru andsnúnir þeim hefði
líka fjölgað. „Við vitum það öll
sem hér erum að veiðar eru svo
ótal margt annað en að deyða
dýr,“ sagði Sigmar undir lokin á
ræðu sinni.
Nýr í stjórn félagsins var kjör-
inn Friðrik Friðriksson, spari-
sjóðsstjóri á Dalvík, sem verður
gjaldkeri.
■ Veiðifréttir
Silungsveiði á Grænlandi
Á mánudaginn næsta verður án
efa fróðleg kynning hjá Ármönn-
um, í Árósum, á silungsveiði á
Suður-Grænlandi. Sérstakir gestir
verða Stefán Hrafn Magnússon,
hreindýrabóndi á Grænlandi, Örn
Logi Hákonarson frá Árbót í Aðal-
dal og Bragi Guðbrandsson Ár-
mann. „Okkur langar til að segja
frá afar eftirminnilegri veiðiferð
til Grænlands í fyrrasumar,“ seg-
ir Bragi. „Hápunktur ferðarinnar
var veiði í Miklavatni, á suður-
odda Grænlands, sem er tíu
kílómetrar á lengd. Í þetta vatn
renna ótal lækir og í ósum þeirra
er gríðarmikið af fiski. Það vatn
er eiginlega þekkt fyrir stór-
bleikju, mikla og góða veiði.“ ■
Á veiðum
GUNNAR BENDER
■ skrifar um veiðiskap.
Aðalfundur Skotveiðifélags Íslands:
Rjúpnaveiðibannið
helsta umræðuefnið
Maður að mínu skapi er Svein-björn Jónsson frá Suður-
eyri,“ segir Árni Steinar Jóhanns-
son, landslagsarkitekt og fyrrum
þingmaður. „Ég er búinn að fylgj-
ast með honum í fjöldamörg ár
þar sem hann hefur, af mikilli
þrautseigju, unnið að máli sem
hann hafði trölla-
trú á, það er að
framleiða beitu á
nýstárlegan hátt.
Nú hefur Svein-
björn sett verk-
smiðju á laggirnar
í gamla Norður-
tangahúsinu á Ísa-
firði þar sem haf-
in er framleiðsla á
hugðarefni hans,
pokabeitu.“
Árni Steinar,
sem starfar nú sem landslagsarki-
tekt að verkefnum fyrir Fjarða-
byggð, fylgist vel með smáiðnaði
og framförum en þannig kynntist
hann Sveinbirni.
„Mér finnst hugmynd hans
dæmi um það sem getur leyst úr
læðingi ef einstaklingar fá að
njóta sín á þeim vígstöðvum sem
hugur þeirra stendur til,“ segir
Árni Steinar. „Draumur Svein-
björns er að geta notað ýmsar af-
urðir, sem hann formar á vélræn-
an hátt, í beitu. Beitan er síðan
sett í poka og notuð í staðinn fyrir
síli eða þvíumlíkt. Hann getur því
notað ýmislegt sem hann formar í
töflur og notar síðan í beitu.“ ■
■ Maður að mínu skapi
SVEINBJÖRN JÓNSSON
Vinnur að því að hanna nýstárlega beitu.
Maður með
tröllatrú
ÁRNI STEINAR
JÓHANSSON
Vinnur nú sem
landslagsarkitekt
að verkefnum fyr-
ir Fjarðabyggð.
Karnival út um
Frægasta karnival í heimi er haldið í Rio de Janeiro í Brasilíu, en það
hófst í vikunni. Þangað streyma þúsundir gesta á ári hverju til að taka
þátt í hátíðarhöldunum. Karnival er þó haldið í mun fleiri löndum. Eins
og sjá má á myndunum hér á síðunni láta Evrópubúar ekki sitt eftir liggja
þegar kemur að því að efna til þessa litskrúðuga húllumhæs.
Jafnvel Íslendingar bregða á leik, á sinn hátt.
SPÁNN
Carlota Hernandez tróð upp á Drottningarkarnivalinu í Tenerife á Spáni.
PORTÚGAL
Á karnivali í Portúgal létu trúðar og aðrir
grínarar ekki sitt eftir liggja. Karnivalið fór
fram í þorpinu Sesimbra, 30 kílómetra fyrir
utan Lissabon.
MAKEDÓNÍA
Makedónskar stúlkur í kanínubúningum stigu
trylltan dans á karnivali í borginni Strumica
rétt fyrir utan höfuðborgina Skopje í vikunni.
Tilefnið var Trimery-dagurinn, frídagur rétt-
trúnaðarkirkjunnar, og að vanda voru illir and-
ar reknir burt með dansi. Dagurinn markar
upphaf föstunnar fyrir páska.
ÖSKUDAGUR Á ÍSLANDI
Íslendingar eiga ekkert eiginlegt karnival. Oft
myndast þó hálfgerð karnivalstemning á
öskudaginn þegar börn klæða sig í ýmis
gervi og syngja fyrir búðareigendur og fá
nammi að launum. Þessir krakkar voru í
góðu stuði ásamt þúsundum íslenskra
skólabarna sem klæddu sig upp í búninga
þennan dag í vikunni.