Fréttablaðið - 29.02.2004, Blaðsíða 8

8 29. febrúar 2004 SUNNUDAGUROrðrétt
SAMEINUÐU ÞJÓÐIRNAR Richard
Butler, fyrrum yfirmaður vopna-
eftirlitssveita Sameinuðu þjóð-
anna í Írak, segir að að minnsta
kosti fjögur lönd hafi hlerað sím-
töl hans á árunum 1997 til 1999.
Yfirlýsing Butlers kom í kjölfar
fullyrðinga Clare Short, fyrrum
þróunarráðherra í bresku ríkis-
stjórninni, um að breska leyni-
þjónustan hefði njósnað um Kofi
Annan, framkvæmdastjóra Sam-
einuðu þjóðanna. Tony Blair, for-
sætisráðherra Breta, segir að
ásakanir Short séu afar óábyrgar
en Sameinuðu þjóðirnar hafa lýst
því yfir að það sé ólöglegt að njós-
na um framkvæmdastjórann.
Butler fullyrðir að Bandaríkja-
menn, Bretar, Frakkar og Rússar
hafi komið fyrir hlerunarbúnaði í
höfuðstöðvum Sameinuðu þjóð-
anna og því hafi mikilvægustu
samtölin farið fram í mötuneyt-
inu, niðri í kjallara eða í Central
Park.
Crispin Tickell, fyrrum sendi-
herra Breta hjá Sameinuðu þjóð-
unum, segir að það komi sér ekki
á óvart að stórveldin fjögur hafi
stundað njósnir innan höfuð-
stöðva S.Þ. Boutros Boutros-
Ghali, fyrrum framkvæmdastjóri
Sameinuðu þjóðanna, tekur í sama
streng. Hann segist hafa verið
varaður við því þegar hann hóf
störf hjá S.Þ. að líklega hefði ver-
ið komið fyrir hlerunarbúnaði á
skrifstofu hans og heimili. ■
Dagforeldrar segja neyðarástand
blasa við vegna nýrrar reglugerðar
Dagforeldrar gera alvarlegar athugasemdir við drög að nýrri reglugerð um daggæslu barna í
heimahúsum. Sex til sjö hundruð dagforeldrar af landinu öllu hafa verið boðaðir til fundar á
þriðjudag. Þeir telja að breytingin sé ávísun á neyðarástand í dagvistarmálum í haust.
DAGFORELDRAR „Við hefðum viljað
taka þátt í breytingum á reglu-
gerðinni og fórum fram á það á
sínum tíma en á það var ekki
hlustað. Við fengum bara drögin
til umsagnar og erum ekki sátt,“
sagði Inga Hanna Dagbjartsdóttir,
dagmóðir og ein talsmanna dag-
foreldra í Reykjavík.
Félagsmálaráðuneytið hefur
um nokkurt skeið unnið að endur-
skoðun reglugerðar um daggæslu
barna í heimahúsum og er henni
ætlað að koma í stað reglugerðar
sem sett var árið 1992.
Samkvæmt drögunum verður
hverju dagforeldri aðeins heimilt
að hafa fjögur börn í gæslu í stað
fimm eins og nú er. Þá eru hertar
reglur um leiksvæði hjá dagfor-
eldrum og skal
leiksvæði fyrir
hvert barn inn-
andyra vera að
lágmarki 3 fer-
metrar eða sam-
tals 12 fermetr-
ar fyrir fjögur
börn. Þá skal
leiksvæðið vera
í sérherbergi.
S a m k v æ m t
drögunum verð-
ur dagfor-
eldrum ekki
heimilt að leigja
sérhúsnæði und-
ir daggæslu heldur ber að gæta
barnanna í eigin íbúðarhúsnæði.
Mörg dæmi eru um að dagforeldr-
ar leigi sérstakt húsnæði eða
kaupi fyrir daggæsluna en búi þar
ekki. Slíkt verður ekki heimilt
samkvæmt nýrri reglugerð, að
sögn dagforeldra.
Reglugerðardrögin hafa verið
send dagforeldrum til umsagnar.
Athugasemdafrestur var fram-
lengdur að kröfu dagforeldra og
hafa þeir nú frest til 10. mars. Nú
eru að minnsta kosti 600 dagfor-
eldrar starfandi á landinu öllu,
þar af eru um 300 í Reykjavík.
Ætlunin er að nýja reglugerðin
taki gildi 1. apríl næstkomandi en
dagforeldrar segja að það verði
þá í fullkominni ósátt við hundruð
dagforeldra. Margir þeirra muni í
framhaldinu snúa sér að öðrum
störfum.
„Við sjáum fram á mikla fækk-
un dagforeldra og jafnvel að nýir
bætist ekki í hópinn. Við höfum
heyrt að dagforeldrar ætli hrein-
lega að hætta ef ekki nást fram
breytingar á reglugerðardrögun-
um. Þetta er 20% skerðing á tekj-
um okkar og munar um minna.
Það sér hver maður hvað það þýð-
ir og það geta skapast vandamál
strax í haust. Foreldrar fá ekki
pláss hjá dagforeldrum í haust því
þau pláss verða einfaldlega ekki
til. Og ekki komast börnin inn á
leikskólana,“ segir Inga Hanna
Dagbjartsdóttir.
Barnavistun, félag dagmæðra í
Reykjavík, Samtök dagforeldra í
Kópavogi og félög dagforeldra í
Hafnarfirði og á Suðurnesjum
ætla að efna til fundar dagfor-
eldra á landinu öllu í Gerðubergi
næstkomandi þriðjudagskvöld.
Lögfræðingur dagforeldra hefur
farið yfir drögin og mun kynna at-
hugasemdir sem dagforeldrar
hyggjast gera við reglugerðar-
drögin.
„Við viljum heyra sjónarmið
dagforeldra á landinu, hvort þeir
eru sáttir við fyrirhugaðar breyt-
ingar. Andstaðan er fyrst og
fremst við fækkun barna og
breyttar reglur um húsnæði. Við
verðum með undirskriftalista á
fundinum þar sem fyrirhuguðum
breytingum er mótmælt og breyt-
inga krafist. Listana og athuga-
semdir okkar ætlum við að af-
henda félagsmálaráðherra á
næstu dögum. Ef ekki verður
hlustað á okkur þá eru ekki góðir
dagar framundan,“ sagði Inga
Hanna Dagbjartsdóttir.
the@frettabladid.is
Aukastærðin á Bessastöðum
„Forsetaembættið verður á eng-
an hátt skilgreint sem óhjá-
kvæmilegur þáttur í hinu nýja,
netvædda lýðræði. Ríkisstjórn
og þjóðkjörnir fulltrúar halda á
hinn bóginn velli.“
Björn Bjarnason dómsmálaráðherra, Morgun-
blaðið 28. febrúar
Ja svei!
„Jafnvel hefur verið sagt að rík-
isstjórn Davíðs Oddssonar hafi
komið á stöðugleika í efnahags-
málum. Það er eins og þjóðar-
sáttinni hafi verið stolið frá mér
og minni ríkisstjórn.“
Steignrímur Hermannsson, fyrrum forsætisráð-
herra, DV 28. febrúar
Engin framlenging
„Í dag er ég að komast á marka-
mínútuna. Ég er að verða 44 ára
gamall og ef ég skora ekki núna
er þetta búið.“
Gunnþór Sigurðsson, bassaleikari, KR-ingur og
líkamsræktartröll, Fréttablaðið 28. febrúar
KOFI ANNAN
Talsmenn Sameinuðu þjóðanna segja að
það sé ólöglegt að njósna um fram-
kvæmdastjórann. Það grafi undan starfi
hans á alþjóðavettvangi.
Ásakanir um njósnir koma ekki á óvart:
Fjögur lönd hleruðu
símtöl embættismanna
Fíkniefnasmygl
Laus úr
varðhaldi
FÍKNIEFNI Tveir menn og kona um
tvítugt, sem voru úrskurðuð í átta
daga gæsluvarðhald á fimmtu-
daginn í síðustu viku, eru laus úr
haldi lögreglu.
Þremenningarnir ferðuðust
saman og fundust eitt hundrað
grömm af kókaíni við leit á kon-
unni en hún faldi efnið innvort-
is.
Öðrum manninum var sleppt á
miðvikudag þar sem ekki var tal-
in ástæða til að halda honum
lengur. Hinn maðurinn og konan
losnuðu í gær. Málið telst upp-
lýst. ■
Reykjavík:
Nýr flokkur
leigubóta
HÚSNÆÐISMÁL Nýjar reglur um fé-
lagslegt leiguhúsnæði í Reykjavík
taka gildi um næstu mánaðarmót.
Þá geta Reykvíkingar sótt um
„sérstakar“ húsaleigubætur sem
ætlað er að koma til móts við þarf-
ir einstaklinga sem verst eru sett-
ir.
Sérstakar húsaleigubætur fela
í sér að fólk á almennum leigu-
markaði getur sótt um styrk sem
jafngildir niðurgreiðslu húsaleigu
í íbúðum á vegum Félagsbústaða
hf. Gert er ráð fyrir að þrjú til
fjögur hundruð einstaklingar og
fjölskyldur eigi rétt á sérstökum
húsaleigubótum. ■
AUKIÐ LEIKRÝMI
Samkvæmt reglugerðardrögunum verða
kröfur um leikrými hertar og börnum á
hvert dagforeldri fækkað úr fimm í fjögur.
ÓSÁTTAR VIÐ REGLUGERÐARDRÖG
Dagforeldrar blása til fundar á þriðjudag vegna fyrirhugaðra breytinga á reglugerð um
daggæslu í heimahúsum. Dagforeldrar segja breytingarnar þrengja svo að starfseminni að
fjölmargir muni hætta daggæslu. F.v. Snjólaug Kristjánsdóttir, Kristín Halldórsdóttir og Inga
Hanna Dagbjartsdóttir.
„Það geta
skapast
vandamál
strax í haust.
Foreldrar fá
ekki pláss hjá
dagforeldrum
í haust því
þau pláss
verða einfald-
lega ekki til.