Fréttablaðið - 01.03.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Ábyrgð?
Í Bretlandi er núna allt komið íháaloft út af Íraksstríðinu enn
eina ferðina. Blöð þar í landi full-
yrða að tíu dögum áður en innrásin
var gerð í Írak hafi breskir herfor-
ingjar harðneitað að mæta með sína
menn til þátttöku í því gríni og beðið
að heilsa Tony Blair og George Bush
og sagst ekki hafa áhuga á því að
láta draga sig fyrir stríðsglæpadóm-
stól fyrir þátttöku í ólöglegu árásar-
stríði. Og nú segja blaðamenn að
dómsmálaráðherrann breski, Gull-
smiður lávarður, hafi verið ræstur
upp úr rúminu og skipað að úr-
skurða að heilagt stríð gegn hinum
syndum spillta skálki Saddam
Hússein og sonum hans væri löglegt
svo að hershöfðingjarnir gætu hætt
að hafa áhyggjur af stríðsglæpa-
dómstólnum og farið að pakka niður
vopnum, herklæðum og sólarolíu.
AUÐVITAÐ skiptir það máli að vita
nákvæmlega hvernig það ber að
höndum þegar þjóðir sem kenna sig
við lýðræði taka upp á því einn góð-
an veðurdag að ráðast með vopna-
valdi á vanþróað og þjakað einræðis-
ríki í fjarlægri heimsálfu og her-
nema landið og öll gögn þess og
gæði frá úlföldum til olíulinda.
ÞAÐ væri því afskaplega fróðlegt
og þarft að fara bráðum að fá upp-
lýsingar um það hvernig á því stóð
að Ísland, vopnlaust og friðsamt
land að eigin sögn, þusti inn á dans-
gólfið þegar Bush Bandaríkjaforseti
byrjaði að spila Írakspolkann. Hver
úrskurðaði um lögmæti þess að Ís-
land lýsti yfir stuðningi sínum við að
gera innrás í Írak? Hvaða stofnun
eða embættismenn á Íslandi töldu
sig hafa umboð frá þjóðinni til að
gerast styrktarmeðlimir í þessu um-
deilda stríði? Og hvernig lítur það
umboð út?
STYRJALDIR eru ekkert barnaspil,
og það er því bæði hollt og nauðsyn-
legt fyrir þjóðir sem í þær raunir
rata að athuga gaumgæfilega ferli
sem leitt hafa til ófriðar. Þeir Blair
og Bush hafa í nógu að snúast um
þessar mundir við að útskýra fyrir
sínu fólki af hverju það var nauð-
synlegt fyrir heimsfriðinn að hlera
símann hjá aðalritara Sameinuðu
þjóðanna. Hér á Íslandi þyrftum við
hins vegar að fara að fá útskýringu
á því hver það var sem kom því til
leiðar að landið okkar var bendlað
við þetta ólögmæta innrásarstríð. ■