Fréttablaðið - 03.03.2004, Blaðsíða 2

2 3. mars 2004 MIÐVIKUDAGUR
Já, ég bið alltaf um frest.
Brynjar Emilsson sálfræðingur sagði í Fréttablað-
inu í gær að margir mikluðu fyrir sér að skila
skattskýrslunni á réttum tíma. Best væri hins veg-
ar fyrir fólk að drífa sig strax í málið.
Spurningdagsins
Brynjar, hefurðu frestað skilum
á skattskýrslu?
■ Evrópa
KJARAVIÐRÆÐUR Tilboð atvinnurek-
enda um launahækkanir á samn-
ingstímanum, sem kynnt var full-
trúum stéttarfélaganna á sunnu-
dag, kom eins og köld vatnsgusa
framan í samningamenn verkalýðs-
hreyfingarinnar og við lá að slitn-
aði upp úr viðræðunum.
Ríkissáttasemjari hélt samn-
inganefndum atvinnurekenda og
Starfsgreinasambandsins og Flóa-
bandalagsins við efnið alla helgina
og miðaði vel. Gengið var frá öllum
sérkjarasamningum einstakra hópa
og var tekið til við að ræða launalið-
inn. Um miðjan dag á sunnudag
lögðu atvinnurekendur fram hug-
myndir um beinar launahækkanir á
almennum markaði næstu fjögur
árin.
„Þeir voru með hugmyndir sem
við gerðum þeim strax grein fyrir
að myndu ekki ganga upp í okkar
umhverfi. Við teljum að samning-
arnir eigi að gefa meiri hækkanir
en þarna voru nefndar,“ sagði Sig-
urður Bessason, formaður Eflingar
stéttarfélags.
Samkvæmt upplýsingum Frétta-
blaðsins hljóðaði tilboð atvinnurek-
enda upp á 2,3% hækkun við undir-
ritun nýrra kjarasamninga. Um
næstu áramót áttu laun að hækka
um 2,15% og loks um 2% árin 2006
og 2007. Samtals gerir þetta 8,45%
hækkun á samningstímanum.
Launakröfur stéttarfélaganna
nema hins vegar 18,00% á samn-
ingstímanum og breytingar á
launatöflu gefa að meðaltali 1%
hækkun, annars vegar við undirrit-
un og hins vegar árið 2006.
Það er því himinn og haf milli
hugmynda deiluaðila um launalið
nýrra samninga. Þetta útspil at-
vinnurekenda varð meðal annars til
þess að frekari viðræðum var
frestað til föstudags. Miklu skipti
einnig að fundur fulltrúa verka-
lýðshreyfingarinnar með ráðherr-
um í ríkisstjórn á laugardag skilaði
engu.
„Vissulega hefðum við viljað
heyra ákveðnari svör af þeirra
hálfu. Við verðum að bíða og sjá
hvort ekki rætist úr og vonandi
fáum við skýr svör frá þeim um
næstu helgi um atvinnuleysisbætur
og lífeyrismál,“ sagði Sigurður
Bessason.
Ætlunin er að ræða framhald
samningaviðræðna á almennum
markaði næstkomandi föstudags-
morgun.
the@frettabaldid.is
Líkfundurinn í Norðfjarðarhöfn:
Kafarar fundu hníf í slíðri
LÍKFUNDUR „Það fannst meðalstór
hnífur í slíðri í sjónum fyrir utan
höfnina,“ sagði Arnar Jensson, að-
stoðaryfirlögregluþjónn hjá emb-
ætti ríkislögreglustjóra.
Kafarar Landhelgisgæslunnar,
sem hafa leitað í sjónum við Nes-
kaupstað síðustu tvo daga að lag-
vopni í tengslum við líkfundinn
þar, fundu hnífinn um hádegisbil í
gær. Hnífurinn var um það bil þrjá-
tíu metra frá landi út frá netagerð-
arbryggjunni.
„Það er nokkuð ljóst að hann er
ekki búinn að liggja í mjög langan
tíma í sjónum. Við fyrstu sýn lítur
hann út eins og það áhald, sem not-
að var til að stinga fjögur göt á lík-
ið, en það er óstaðfest og þarf að
rannsaka betur,“ sagði Arnar.
Gæsluvarðhaldsúrskurður þre-
menninganna sem eru í haldi vegna
rannsóknarinnar rennur út í dag.
Arnar Jensson segir að ákvörðun
um frekara gæsluvarðhald verði
tekin með morgninum.
„Það má segja að eftir því sem
málinu vindur fram, því meira
styrkist grunurinn gegn þremenn-
ingunum,“ sagði Arnar.
Starfsmenn fíkniefnadeildar
Lögreglunnar í Reykjavík koma nú
að rannsókninni, auk rannsóknar-
lögreglumanna Ríkislögreglu-
stjóra.
Sýslumaðurinn á Eskifirði, sem
hefur haft forræði í málinu frá
upphafi, óskaði formlega eftir því í
gær að Ríkislögreglustjóri tæki við
rannsókn málsins.
„Meginþungi og framkvæmd
rannsóknarinnar hefur færst hing-
að suður. Hér eru sakborningar og
brotavettvangur sömuleiðis. Það
var því eðlilegt að færa forræðið,“
sagði Arnar Jensson. ■
Heimahjúkrunardeilan enn í strandi:
Boltinn hjá Heilsugæslunni
HEIMAHJÚKRUN Ekki hafði verið
boðaður fundur í deilu Heilsu-
gæslunnar og starfsfólks heima-
hjúkrunar þegar blaðið fór í
prentun í gærkvöld. Þórunn
Ó l a f s d ó t t i r
hjúkrunarfor-
stjóri Heilsu-
g æ s l u n n a r
sagði, að allt
væri óljóst með
f r a m h a l d i ð .
Ekkert nýtt
hefði komið
fram sem gæfi
til kynna breytta
stöðu málsins.
Elsa B. Frið-
finnsdóttir formaður Félags ís-
lenskra hjúkrunarfræðinga sagði
að stjórn Heilsugæslunnar hefði
verið gefinn kostur á fundi í
fyrradag, en forstjórinn hefði tek-
ið sér frest til að svara hvort hann
vildi hitta fulltrúa heimahjúkrun-
ar. Boltinn væri nú hjá Heilsu-
gæslunni.
„Við vildum fara einu sinni enn
yfir þau atriði sem við teljum
vera lausn á málinu,“ sagði Elsa.
„Einnig viljum við sýna að það
stendur ekki á okkur að ræða við
Heilsugæsluna og leita leið til
lausna.“
Elsa sagði að gengið hefði ver-
ið mjög langt til móts við Heilsu-
gæsluna með þeim tillögum sem
varpað hefði verið fram af hálfu
heimahjúkrunarfólks. ■
Brotist inn í heimahús:
Vaknaði
við lætin
LÖGREGLUFRÉTT Karlmaður braust
inn í heimahús við Skólavörðu-
stíg um klukkan hálf sex í gær-
morgun. Maðurinn braut rúðu
til að komast inn. Þegar hann
skreið í gegn skar hann sig til
blóðs í leiðinni. Húsráðandinn
var heima þegar innbrotið var
framið. Hann vaknað við lætin
og hringdi í lögregluna sem kom
fljótt á staðinn.
Maðurinn var handtekinn
inni í íbúðinni og var fluttur á
lögreglustöðina. Honum var
sleppt að loknum yfirheyrslum
og að sögn lögreglu á hann yfir
höfði sér ákæru. ■
FRÁ SANDGERÐISHÖFN
Lögreglan segir innbrot í báta erfið að eiga.
Innbrot á Suðurnesjum:
Stálu lyfjum
úr bátum
LÖGREGLUMÁL Brotist var um borð í
bátinn Benna Sæm þar sem hann lá
við Sandgerðishöfn í fyrrinótt. Lás
var spenntur upp og stolið verkja-
lyfjum úr lyfjakistu sem var um
borð. Lögreglan í Keflavík segir
ástandið slæmt. Innbrotið í Benna
Sæm sé það ellefta í röðinni frá
september á síðasta ári. Í öllum til-
fellum var verkjalyfjum stolið úr
jafnmörgum bátum sem lágu bæði
við Sandgerðis- og Njarðvíkurhöfn.
Lögreglan segir þessi mál erfið
að eiga við þrátt fyrir að eftirlit sé
við hafnirnar á Suðurnesjum. Svo
virðist sem menn svífist einskis til
að ná í lyf. Þá segir lögreglan skip-
stjórnarmenn í sumum tilfellum
skilja lyfjakistur eftir opnar og taka
með sér verkjalyfin. Hætta sé á að
það gleymist að koma með lyfin aft-
ur um borð sem geti haft slæmar af-
leiðingar verði slys um borð. ■
Röng sjúkdómsgreining:
Drap konu
sína og syni
INDLAND, AP Indverji á fertugsaldri
drap eiginkonu sína og tvo unga
syni og reyndi að svipta sig lífi eftir
að honum hafði, fyrir mistök, verið
sagt að hann væri með alnæmi.
Madhava Rao hafði farið á
heilsugæslustöð þar sem hann taldi
sig vera með einkenni alnæmis.
Skömmu síðar var honum tilkynnt
símleiðis að hann væri smitaður af
HIV-veirunni. „Mér fannst eins og
heimur minn væri að hrynja“ sagði
Rao. Í örvæntingu sinni braut hann
höfuð konu sinnar og kyrkti syni
sína en sjálfur tók hann inn eitur.
Rao var fluttur á sjúkrahús og fékk
þá að vita að hann væri ekki smitað-
ur af HIV-veirunni. ■
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Vor í París 14. - 17. maí
Yndisleg vorferð til Parísar þar sem gist verður á 3ja stjörnu
hótelinu Home Plazza Bastille í þrjár nætur. Íslenskur
fararstjóri er Laufey Helgadóttir, listfræðingur.
Verð: 36.475 kr. á mann í tvíbýli auk 10 þús. ferðapunkta.
Innifalið: Flugvallarskattar og þjónustugjöld. Nánari upplýsingar fyrir ofangreind tilboð hjá
Icelandair í hópadeild, sími 505 0406 eða sendið tölvupóst á groups@icelandair.is ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
ELSA B. FRIÐFINNSDÓTTIR
Tilbúin í viðræður.
ÞÓRUNN
ÓLAFSDÓTTIR
Ekkert nýtt
í stöðunni.
LAUANLIÐUR NÝRRA
KJARASAMNINGA Á
ALMENNUM MARKAÐI
Kröfur Tilboð
stéttarfélaga atvinnurek.
Við undirritun 5,00% 2,30%
01.01.2005 5,00% 2,15%
01.01.2006 4,00% 2,00%
01.01.2007 4,00% 2,00%
Samtals 18,00% 8,45%
* Að auki eru breytingar á launatöflu metnar
upp á 2,00% á samningstímanum.
Himinn og haf milli
hugmynda um laun
Atvinnurekendur bjóða 8,45% launahækkun á almennum
markaði næstu fjögur árin. Kröfur Starfsgreinasambandsins og
Flóabandalagsins nema átján prósentum.
RÝNT Í TÖLUR
Samningamenn Starfsgreinasambandsins bera saman bækur sínar hjá sáttasemjara.
Byggðastofnun:
Milljónir í
ráðgjöf
ÚTHLUTUN Á þremur árum greiddi
Byggðastofnun fjórar og hálfa
milljón króna vegna ráðgjafar við
úthlutun byggðakvóta. Mest var
borgað fyrir ráðgjöf á árinu 2001,
eða 1.700 þúsund krónur, 1.550
þúsund árið 2002 og tæplega 1.300
þúsund á síðasta ári. Það var ráð-
gjafarfyrirtækið Nýsir sem hafði
viðskiptin við Byggðastofnun. ■
Laun lækna:
Hæst í Nes-
kaupstað
LAUN Læknar á landsbyggðinni
höfðu allt að 70% hærri laun en
læknar á Landspítalanum árið 2002.
Þetta kemur fram í skýrslu Ríkis-
endurskoðunar um launaþróun
nokkurra starfsmanna heilbrigðis-
stofnana. Meðallaun lækna á lands-
byggðinni voru hæst 15 milljónir
króna í Neskaupstað, en á Landspít-
alanum voru þau 9,5 milljónir. Laun-
armunurinn var því um 70 prósent.
Hæstu heildarlaunin voru hins veg-
ar greidd lækni í Vestmannaeyjum
en þau námu 19,6 milljónum króna,
sem jafngildir 1,6 milljóna mánað-
arlaunum. ■
LEITAÐ Í HÖFNINNI
Kafarar Landhelgisgæslunnar fundu um hádegi í gær lagvopn í Norðfjarðarhöfn sem talið
er að hafi verið notað til að stinga göt á líkið sem fannst þar í febrúar.
FR
ÉT
TA
B
LA
Ð
IÐ
/R
Ó
B
ER
T
ÓBREYTT ATVINNULEYSI At-
vinnuleysi hefur haldist óbreytt á
evrusvæðinu síðustu ellefu mán-
uðina. Það mælist 8,8%, nokkru
meira en í Evrópusambandinu í
heild, þar er atvinnuleysi átta
prósent. Mest er atvinnuleysið á
Spáni, rúm ellefu prósent.