Fréttablaðið - 03.03.2004, Blaðsíða 13

13MIÐVIKUDAGUR 3. mars 2004
Náttúrurannsóknarstöð:
Ný stjórn til
þriggja ára
UMHVERFISMÁL Umhverfisráð-
herra hefur skipað nýja stjórn
Náttúrurannsóknastöðvarinnar
við Mývatn til þriggja ára.
Stjórnin er skipuð með vísan
til laga um verndun Mývatns og
Laxár í Suður-Þingeyjarsýslu.
Nýja stjórnin er þannig skipuð:
Davíð Egilsson, forstjóri Um-
hverfisstofnunar, Hörður Krist-
insson grasafræðingur, Hregg-
viður Norðdahl, frá Háskóla Ís-
lands, Jón Benediktsson, til-
nefndur af Landeigendafélagi
Laxár og Mývatns, og Sigbjörn
Gunnarsson, sveitarstjóri
Skútustaðahrepps. ■
KAÍRÓ, AP Bandarísk mannréttinda-
samtök saka yfirvöld í Egypta-
landi um að hafa handtekið og
pyntað hundruð samkynhneigðra
karlmanna sem hafi ekkert unnið
sér til saka.
Samkynhneigð er bönnuð sam-
kvæmt kennisetningum íslam en
að sögn samtakanna Human
Rights Watch hafa Egyptar ítrek-
að lýst því yfir á alþjóðavett-
vangi að samkynhneigð sé lögleg
í landinu. Engu að síður hefur
fjöldi samkynhneigðra manna
verið lögsóttur á grundvelli laga
um siðspillingu. Í skýrslu Human
Rights Watch eru Egyptar hvatt-
ir til að gera breytingar á lögun-
um til að koma í veg fyrir að karl-
menn verði sóttir til saka fyrir
það eitt að stunda kynlíf með öðr-
um karlmönnum. Samtökin for-
dæma þá aðferð lögreglunnar að
mæla sér mót við samkynhneigða
menn í gegnum einkamálasíður á
netinu í þeim tilgangi að hand-
taka þá.
Árið 2001 voru 23 egypskir
karlmenn fundnir sekir um „sið-
spillingu“ og dæmdir í allt að
fimm ára fangelsi. Að sögn Hum-
an Rights Watch hafa hundruð
manna til viðbótar verið áreittir,
handteknir og pyntaðir. ■
Yfirvöld í Egyptalandi sökuð um mannréttindabrot:
Samkynhneigðir
karlmenn ofsóttir
EGYPTALAND
Samtökin Human Rights Watch segja að egypsk yfirvöld ráðist á samkynhneigða karl-
menn til að beina athyglinni frá raunverulegum vandamálum í þjóðfélaginu.
HELGIATHÖFN
Sjíamúslimar í Barein börðu sig til blóðs til
minningar um dauða helga mannsins
Hussein í orustu árið 680.
Helgasti dagur í trúarlífi
sjíamúslima var í gær:
Minnast or-
ustu á 7. öld
ÍRAK, AP Sjíamúslimar minntust í
gær 7. aldar orustunnar þegar hinn
helgi maður Hussein, sonarsonur
Múhameðs spámanns, féll. Klofn-
ingur múslima í tvær fylkingar,
súnní- og sjíamúslima, kristallaðist
í orustunni sem fram fór árið 680.
Ashoura, dagurinn þegar orustunn-
ar er minnst, er helgasti dagur
sjíamúslima og venjan að hundruð
þúsunda sjía komi saman við helgi-
reiti víða í Írak.
Dauða Husseins, 20 árum eftir
að faðir hans Ali var ráðinn af dög-
um, er minnst með margvíslegum
hætti. Leikþættir eru fluttir þar
sem orustunnar er minnst og karl-
menn berja sig til blóðs með keðjum
og sverðum til að tjá sorg yfir dauða
Hussein.
Leiðtogi sjíamúslima, hverju
sinni, er imam, eða helgur maður.
Sjöundi og níundi leiðtoginn eru
grafnir í Kazimiyah helgidómnum í
Bagdad þar sem önnur árásanna í
Írak í gær átti sér stað. ■
MANNSKÆÐAR SPRENGJU-
ÁRÁSIR Í ÍRAK Á ÞESSU ÁRI
17. janúar
Þrír bandarískir hermenn og tveir íraskir
hermenn biðu bana þegar sprengja
sprakk við vegkant skammt frá Bagdad.
18. janúar
Að minnsta kosti 31 lét lífið í sjálfs-
morðsárás skammt frá höfuðstöðvum
bandaríska hernámsliðsins í Bagdad.
31. janúar
Að minnsta kosti níu fórust og 45 særð-
ust þegar bílasprengja sprakk fyrir utan
lögreglustöð í borginni Mósúl.
1. febrúar
109 manns létust í tveimur sjálfs-
morðsárásum á skrifstofum tveggja
kúrdískra stjórnmálaflokka í borginni Ir-
bil.
10. febrúar
53 fórust þegar sprengja sprakk fyrir utan
lögreglustöð í bænum Iskandariyah. Flest
fórnarlömbin voru óbreyttir borgarar.
11. febrúar
47 manns biðu bana þegar bíll var
sprengdur í loft upp við herstöð í mið-
borg Bagdad, innan um hundruð Íraka
sem biðu eftir því að láta skrá sig í her-
inn.
18. febrúar
Að minnsta kosti tíu létu lífið þegar tveir
flutningabílar sprungu í loft upp við póls-
ka herstöð í Hillah. Um 65 særðust, þar
á meðal Írakar, Filippseyingar, Pólverjar,
Ungverjar og einn Bandaríkjamaður.
23. febrúar
Að minnsta kosti átta fórust og 35 særð-
ust þegar bíl hlöðnum sprengiefni var
ekið á lögreglustöð í borginni Kirkuk.