Fréttablaðið - 03.03.2004, Blaðsíða 16

16 3. mars 2004 MIÐVIKUDAGUR
■ Afmæli
■ Andlát
Ég hef ekki einu sinni birt ljóð íLesbók Moggans,“ segir Birna
Þórðardóttir sem gaf út sína fyrstu
ljóðabók á 55 ára afmælinu sínu
þann 26. febrúar. Öll ljóðin í bókinni
eru ort síðasta eitt og hálfa árið að
einu undanskyldu. En á Birna þá
haug af eldri, óbirtum ljóðum ofan í
skúffu? „Ég safna ekki ljóðum í
skúffur, heldur inn á tölvu,“ svarar
Birna óræð á svip. „Annars hef ég,
til þessa, mest ort tækifærisljóð, af-
mælisvísur og þess háttar.“
Ljóðabókin ber þann sérstaka
titil, Birna Birna. „Það er aldrei
bara ein Birna en kannski er ég
bara svona einföld að mér datt ekk-
ert annað í hug en mér fannst „Líf
mitt með Birnu“ og eitthvað í þeim
anda svo hallærislegt.“
Birna er þekkt fyrir vasklega
framgöngu í hinum ýmsu þjóðfé-
lagsmálum og er annálaður her-
stöðvaandstæðingur en kveður við
hvassan tón í ljóðum hennar? „Ég
er svo ljúf,“ segir Birna og glottir,
„og þetta eru ástarljóð af öllu tagi.
Annars kann ég ekki að skilgreina
ljóð, bara njóta þeirra og það er
kannski þess vegna sem þetta eru
allt ástarljóð þar sem maður skil-
greinir ekki ástina, bara nýtur
hennar.“
Birna gefur bókina út sjálf og
það má hafa símsamband við hana
eða panta á Netinu hjá
birna@birna.is, auk þess sem
bókin er seld í Bókabúð Máls og
menningar á Laugavegi.
Birna gaf út hljóðdisk samhliða
bókinni en á honum les hún upp
eitt ljóðið úr bókinni við tónlist
Hilmars Arnar Hilmarssonar.
Flytjendur, auk Hilmars, eru
Birgir Baldursson, Eyþór
Gunnarsson, Jóel Pálsson og
Tómas M. Tómasson. „Þegar
maður gerir eitthvað svona verður
maður að gera það almennilega,
annars er alveg eins gott að sleppa
því.“ ■
Atli Eðvaldsson fótboltakappi er 47 ára.
Þorvaldur B. Þorvaldsson tónlistarmað-
ur er 38 ára.
Ragna Sara Jónsdóttir sjónvarpskona
er 31 árs.
Ólafur Darri Ólafsson leikari er 31 árs.
JEAN HARLOW
Þessi helsta kynbomba Hollywood á fjórða
áratugnum fæddist á þessum degi árið
1911, fyrir 93 árum síðan.
3. mars
BIRNA ÞÓRÐARDÓTTIR
Hefur ekki enn fengið mikil viðbrögð við
bókinni enda er hún rétt nýkomin út.
„Kannski er þetta spurning um að maður
þurfi að ganga með hauspoka en það
verður bara að koma í ljós.“
Hin mörgu andlit Birnu
Fjórir lögreglumenn í Los Ang-eles króuðu blökkumanninn
Rodney King af, eftir nokkurn elt-
ingaleik, en hann hafði ekið of
hratt og ekki virt stöðvunar-
skyldu. Þeir drógu hann út úr bíl
sínum og börðu til óbóta, meðal
annars með stálkylfum.
Vegfarandi sem var að prófa
nýju myndbandsupptökuvélina
sína festi atburðinn á myndband
og lögreglumennirnir voru í kjöl-
farið kærðir fyrir óþarfa ofbeldi
og harðræði. Þeir vörðu sig meðal
annars með því að King hefði veitt
mikla mótspyrnu en ekkert kom
fram á myndbandsupptökunni
sem benti til þess.
King sagðist eftir á hafa reynt
að stinga lögregluna af þar sem
hann rauf skilorð með hraðakstr-
inum og hefði því verið sendur
beint í fangelsi ef lögreglan hefði
haft hendur í hári hans.
Myndbandið var sýnt í sjón-
varpsfréttum úti um allan heim
og vakti hvarvetna almenna
hneykslan og óhug. Mest var reiði
almennra borgara í Bandaríkjun-
um og heitar umræður um ofbeldi
lögreglumanna blossuðu upp í
kjölfarið. Það sauð svo endanlega
upp úr þegar lögreglumennirnir
voru sýknaðir. Þá brutust út mikl-
ar óeirðir í Los Angeles en í kvið-
dómnum sátu 10 hvítir menn og
úrskurðurinn þótti byggja á kyn-
þáttafordómum. ■
■ Þetta gerðist
1875 Óperan Carmen, eftir Bizet, er
frumsýnd í París.
1934 Bankaræningjarnir John Dillinger
og Herbert Youngblood strjúka
úr fangelsi.
1959 Tunglkönnunarfarinu The
Pioneer IV er skotið á loft.
1999 Monica Lewinsky, fyrrum lærling-
ur í Hvíta húsinu, segir frá sam-
bandi sínu við Bill Clinton, for-
seta Bandaríkjanna, í viðtali við
Barböru Walters.
MYNDBANDIÐ FRÆGA
Almenn reiði braut út eftir að myndbandið
var sýnt í sjónvarpi.
Rodney King misþyrmt
RODNEY KING
■ Vegfarandi nær því á myndband þegar
fjórir lögreglumenn berja King til óbóta.
3. mars
1991
Elín B. Brynjólfsdóttir, Seiðakvísl 36,
Reykjavík, lést sunnudaginn 29. febrúar.
Elín Davíðsdóttir, Dalbraut 18, Reykja-
vík, lést laugardaginn 28. febrúar.
Fjóla Sigmundsdóttir lést föstudaginn
27. febrúar.
Guðný K. Á. Vigfúsdóttir, Hrafnistu í
Reykjavík, lést sunnudaginn 29. febrúar.
Halldóra Ólafsdóttir, hjúkrunarheimilinu
Grund, lést sunnudaginn 29. febrúar.
Sigrún Pálsdóttir kennari, Grandavegi
47, lést mánudaginn 1. mars.
Svanhvít Ágústa Guðmundsdóttir lést
á dvalarheimilinu Lundi, sunnudaginn
29. febrúar.
13.30 Fríður Jóhannesdóttir, Birkilundi
7, Akureyri, verður jarðsungin frá
Akureyrarkirkju.
13.30 Þorsteinn Hjálmarsson Diego,
Hátúni 10b, Reykjavík, verður
jarðsunginn frá Fossvogskirkju.
15.00 Árný Kolbeinsdóttir, Víðihvammi
2, Kópavogi, verður jarðsungin frá
Kópavogskirkju.
15.00 Elínborg Kristófersdóttir, Suður-
hólum 30, Reykjavík, verður jarð-
sungin frá Garðakirkju.
15.00 Fríður Jóhannesdóttir, Birkilundi
7, Akureyri, verður jarðsungin frá
Akureyrarkirkju.
15.00 Þuríður Billich verður jarðsungin
frá Dómkirkjunni í Reykjavík.
16.00 Gestur Jónsson, frá Vallholti,
Blönduósi, verður jarðsunginn frá
Akraneskirkju.
■ Jarðarfarir
Í fyrra...
... var ég að leika í leikritinu um Mann-
inn sem hélt að konan sín væri hattur
og í leikritinu Jón og Hólmfríður á nýja
sviðinu í Borgarlekhúsinu.
Núna...
... leik ég öllum stundum í Chicago, Línu
langsokki og Draugalestinni og rembist
þess á milli við að reyna að hitta fjöl-
skylduna mína.
Gunnar Hansson leikari.
Breyttirtímar Leitar að afmælis-
gjöf í Perlunni
Það er mikið að gera í bóka-bransanum með stóru bóka-
messuna í Perlunni í algleymi, en
þar má oft rekast á afmælisbarn
dagsins, Ara Gísla Bragason sem
er 37 ára. Ari rekur fornbókasöl-
una Bókavörðuna á Vesturgötu
þar sem margar áhugaverðar
bækur er að finna en hann er að
hugsa um að skoða betur úrvalið á
bókamessunni því þar eru ýmsar
bækur sem hann vildi gjarnan
gefa sér í afmælisgjöf.
„Þar eru til dæmis ljóðasafn
Stefáns Harðar Grímssonar, lista-
verkabók um Júlíönnu Sveinsdótt-
ur og ýmislegt fleira áhugavert
sem ég mun skoða, og kannski fæ
ég afmælisafslátt frá hinum for-
lögunum.“
Ari segir að það sé mikið um að
vera uppi í Perlu og það hafi verið
svo fjölmennt að hann hafi eigin-
lega þurft frá að hverfa þegar
hann var að reyna að raða bókum
í rekka. „Það hefur gengið vel hjá
okkur. Við erum einnig með stóra
hillu sem er meiri sýning á bók-
bandi og frumútgáfum á eldri
bókum. Þetta eru aðallega bækur
á 19.aldar prenti sem eru kannski
meira upp á skraut.“
Niðri í búðinni á Vesturgötunni
er alltaf jafn heimilislegt hjá
þeim feðgum Ara og Braga og enn
er á borðum kaffi handa þeim sem
sleppa í gegnum nálarauga þeirra.
Til að halda upp á afmælið ætl-
ar Ari að fara með Sirrý, konu
sinni, og Ragnheiði Björk, dóttur
sinni, í labbitúr niður á tjörn. „Í
tilefni dagsins stoppum við kanns-
ki einhvers staðar og fáum okkur
smá kaffi og kökur. Ég geri kanns-
ki eitthvað annað næstu helgi,
kannski slæ ég þessu upp í kæru-
leysi á laugardagskvöldið og
skrepp eitthvað eftir öli.“
Þetta afmæli verður því nokk-
uð rólegra en eitt eftirminnilegt
afmæli þegar hann og bernsku-
vinur hans, Björn, héldu sameig-
inlega upp á þrítugsafmælið. „Þá
voru margir góðir vinir og félagar
sem hafa kvatt mættir hressir í
afmælið, eins og móðir mín og
ömmur. Þetta var heilmikil 300
manna veisla sem var haldin í
Fóstbræðraheimilinu.“ Björn er
enn mikill félagi Ara og einn þeir-
ra sem alltaf býðst kaffi í Bóka-
vörðunni. ■
Afmæli
ARI GÍSLI BRAGASON
■ er 37 ára. Er að hugsa um að gefa sér
bók í afmælisgjöf.
Ljóð
BIRNA ÞÓRÐARDÓTTIR
■ gaf út sína fyrstu ljóðabók á
55 ára afmælinu sínu. Bókin heitir
Birna Birna enda er höfundurinn
margfaldur í roðinu.
ARI GÍSLI BRAGASON
Röltir niður að tjörn með konu og dóttur í dag og endar gönguferðina í kaffi og kökum. Hann er að hugsa um að slá þessu upp í kæru-
leysi á laugardagskvöldið og skreppa eftir öli.
FR
É
TT
A
B
LA
Ð
IÐ
/R
Ó
B
E
R
T