Fréttablaðið - 04.03.2004, Blaðsíða 47
47FIMMTUDAGUR 4. mars 2004
G Æ Ð A F R A M K Ö L L U N U M A L L T L A N D
TVÍHÖFÐI
Þessir gaurar koma við sögu í nýju teiknimyndaþáttunum Tvíhöfða sem Hugleikur Dags-
son hefur gert fyrir þá félaga Sigurjón Kjartansson og Jón Gnarr. Fyrsti þátturinn verður
sendur út á PoppTíví í kvöld.
Bókmenntaelítan klórar sér nú íhausnum yfir úthlutunum úr
Launasjóði rithöfunda. Ekki er
laust við að það
hafi vakið nokkra
hneykslan og gott
ef ekki gremju að
þeir Hallgrímur
Helgason og Einar
Kárason skuli hafa
verið lækkaðir nið-
ur í sex mánaða
laun á þessu ári. Hallgrímur hef-
ur verið með frjórri og hug-
myndaríkari rithöfundum þjóðar-
innar á síðustu árum og Einar
var í hópi metsöluhöfunda fyrir
síðustu jól með bók sinni Storm-
ur. Úthlutunarnefnin var að
þessu sinni skipuð þeim Ármanni
Jakobssyni formanni, Ástráði Ey-
steinssyni prófessor, og Kristínu
Ástgeirsdóttur. Þeir sem eru
móðgaðastir fyrir hönd rithöf-
unda telja nærtækustu skýring-
una á lækkun þeirra vera þá að
báðir hafa þeir átt í ritdeilum við
Ástráð þar sem ekki verði hægt
að halda framtaks- eða iðjuleysi
gegn þeim.
Guðmundur Páll Ólafsson, Ingi-björg Haraldsdóttir, Kristín
Ómarsdóttir og Sjón fengu að
þessu sinni 3 ára
rithöfundalaun.
Ingibjörg hlaut Ís-
lensku bókmennta-
verðlaunin, í flokki
fagurbók-
mennta,
fyrir ljóða-
bók sína,
Hvar sem ég
verð, í fyrra
en Sjón var tilnefndur í ár fyrir
hina stuttu en feykigóðu bók
Skugga-Baldur, rétt eins og Einar
fyrir Storm. Hallgrímur hlaut
verðlaunin árið 2001 fyrir Höf-
und Íslands og Guðmundur Páll
vann til Íslensku bókmenntaverð-
launanna í flokki fræðirita árið
áður fyrir hálendi Íslands.
Það er því nokkuð ljóst að þaðer ekkert sérstakt samhengi
milli tilnefninga
til bókmennta-
verðlaunanna og
goggunarraðar-
innar þegar það
kemur að úthlut-
un starfslauna en
hinn margverð-
launaði Guðjón
Friðriksson lækkaði einnig niður
í hálft ár að þessu sinni.
Fréttiraf fólki
Það hrundu allir netþjónar hjáokkur og símkerfið gaf sig
þannig að ég varð að kaupa voða
flotta símstöð til að taka við allri
eftirspurninni,“ segir Einar Bárð-
arson hjá Concert, sem auglýsti
nýlega eftir stúlkum á aldrinum
18 til 26 ára í áheyrnarprufur fyr-
ir „spennandi sumarverkefni“.
Einar segir að hugmyndin sé að
setja saman stelpuband og hér sé
því um kjörið tækifæri að ræða
fyrir stúlkur sem vilja koma sér á
framfær og starfa við tónlist.
Stelpubönd njóta mikilla vinsælda
um þessar mundir og sagan segir
að hugmyndin sé að búa til ís-
lenskar Sugababes sem eiga að
trylla lýðinn í sumar. Einar gefur
ekkert út á þann orðróm en leggur
áherslu á að allar stúlkur sem
uppfylla ákveðin skilyrði eigi
möguleika. „Við viljum ekki gefa
neitt upp um það nákvæmlega á
eftir hverju við erum svo stelp-
urnar fari ekki að útiloka sig fyr-
irfram á einhverjum forsendum.
Við viljum bara sjá sem flestar.“
Vinsældir Idol stjörnuleitar
sýna svo ekki verður um villst að
það er hægðarleikur að fá söng-
elskt fólk til að daðra við frægð-
ina en þar komust færri að en
vildu. „Ég vona bara að við sjáum
sem flestar stelpur úr Idol auk
annarra sem hafa áhuga. Þær
þurfa bara að vera tilbúnar til að
syngja eitt lag, án undirleiks, fyr-
ir lítinn hóp fagmanna úr tónlist-
argeiranum.“
Áheyrnarprófið hefst klukkan
10 á sunnudaginn og eru áhuga-
samar beðnar að koma á Nordica
Hótel fyrir þann tíma. Prufan
sjálf fer fram í aðalsal Nordica en
fordyri aðalsalarins verður nokk-
urskonar æfinga- og biðrými
þennan dag.
Þrjár til fjórar stúlkur verða
valdar úr hópi umsækjenda og
strax í kjölfarið verður hafist
handa við æfingar og tónlistar-
upptökur. ■
Frægð
EINAR BÁRÐARSON
■ auglýsir eftir söngkonum á aldrinum
18- 26 ára. Þrjár til fjórar þeirra sem
mæta í áheyrnarprufu á sunnudaginn
verða fengnar til að setja saman stelpu-
sveit undir handleiðslu fagfólks í tónlist-
arbransanum.
Leitin að íslensku
sykurgellunum
EINAR BÁRÐARSON
Segir að þessi aðferð við að hafa upp á til-
vonandi poppstjörnum geti gefið góða
raun. „Þetta er alls ekki eina leiðin en
þetta er leið sem getur verið gott að fara.“
SUGABABES
Concert leitar að íslenskum hliðstæðum stúlknasveitarinnar og útilokar ekkert þegar kem-
ur að því að velja í fyrsta íslenska stelpubandið.
FR
ÉT
TA
B
LA
Ð
IÐ
/Þ
Ö
K