Fréttablaðið - 06.03.2004, Blaðsíða 1

FJÖLMIÐLAR Á hverjum degi les 69,4
prósent landsmanna Fréttablaðið
að meðaltali samkvæmt nýrri fjöl-
miðlakönnun Gallups. Þetta er
meiri lestur en nokkurt dagblað
hefur fengið síðan mælingar
hófust. Til samanburðar þá var
meðallestur Morgunblaðsins 56,3
prósent og DV 17,1 prósent. Öll
blöðin bæta við sig í lestri; Frétta-
blaðið flestum lesendum en DV
hlutfallslega mestu.
Sem fyrr er Fréttablaðið mest
lesið alla daga, af öllum aldurshóp-
um, báðum kynjum og í öllum
landshlutum. 91 prósent landsman-
na lásu blaðið einhvern tímann í
vikunni sem könnuð var og 94 pró-
sent íbúa á suðvesturhorninu.
Meðallestur Fréttablaðsins er
meiri en meðaláhorf ríkissjón-
varpsins. Það eru fleiri sem lesa
Fréttablaðið á hverjum degi en
horfa á Sjónvarpið. Fréttablaðið er
því vinsælasti fjölmiðill landsins.
„Það er ánægjulegt að sjá að
dagblaðalestur eykst,“ segir Gunn-
ar Smári Egilsson, ritstjóri Frétta-
blaðsins. „Mér sýnist aukin sam-
keppni gera blöðin hressari og laða
fleiri lesendur að þeim. Samkeppn-
in á líklega eftir að aukast á næstu
mánuðum lesendum til hagsbóta –
og vonandi ánægju.“
Sjá nánar bls. 4
MEST LESNA DAGBLAÐ Á ÍSLANDI Skaftahlíð 24, 105 Reykjavík — sími 515 7500
Kvikmyndir 50
Tónlist 38
Leikhús 38
Myndlist 38
Íþróttir 49
Sjónvarp 52
LAUGARDAGUR
DAGURINN Í DAG
6. mars 2004 – 65. tölublað – 4. árgangur
HAMLAR ÚTSKRIFTUM SJÚK-
LINGA Heimahjúkrunardeilan er nú farin
að tefja útskriftir sjúklinga af Landspítalanum.
Sáttafundir í gær báru engan árangur. Reynt
verður að leita lausna um helgina. Sjá síðu 2
DÆMDUR FYRIR NAUÐGUN Þrítug-
ur maður var dæmdur í þriggja og hálfs árs
fangelsi í Héraðsdómi Reykjavíkur fyrir að
nauðga og beita fyrrum sambýliskonu sína
ofbeldi. Sjá síðu 6
TÖKUM Á BATMAN LOKIÐ
Hollywoodstjörnurnar og erlendu kvik-
myndagerðarmennirnir sem starfað hafa
hér á landi undanfarna viku hafa nú yfirgef-
ið landið. Alls störfuðu um 200 manns á
tökustað. Sjá síðu 8
KERRY LEITAR John Kerry hefur hafið
leit að varaforsetaefni sínu fyrir komandi
kosningabaráttu. Fjölmörg nöfn hafa þegar
verið nefnd. Sjá síðu 12–13
Sérsveitin í brennidepli
● 43 ára í dag
Sigmundur Ernir:
▲
SÍÐA 16
Fer í leikhús
á Akureyri
● passar ömmubörnin
Guðrún Helgadóttir:
▲
SÍÐA 54
Laugardags-
kvöld
● átti von á þessu
Pétur Jóhann Sigfússon:
▲
SÍÐA 50
Svínasúpan vinsæl
samkvæmt Gallup
Miklar umræður hafa verið um sérsveit lög-
reglunnar undanfarið. En hvað gerir sér-
sveitin og er ástæða til að stækka hana?
▲
SÍÐA 18 og 19
● bílasölusvæði við klettháls
Hvenær á að skipta
um tímareim?
bílar o.fl.
Jón Pétursson:
▲
SÍÐUR 34 og 35
VEÐRIÐ Í DAG
NÝR SKAMMTUR AF HLÝJU
LOFTI Er á leiðinni með tilheyrandi
úrkomu. Því þykknar smá saman upp
þegar líður á daginn, fyrst vestan til og
síðan austan til. Dagurinn í dag er sá
kaldasti í bili. Sjá síðu 6.
Öryggismál:
Klink og bank opnar sig
Hampiðjuhúsið er iðandi af sköpunar-
krafti eftir að því var breytt í vinnustofur
fyrir listamenn. Þar verður opið hús í dag.
FH MÆTIR VAL Þrír leikir verða í
Remax-deild kvenna. ÍBV tekur á móti
KA/Þór klukkan 13, Fram mætir Stjörnunni
klukkan 15.30 og FH sækir Val heim klukk-
an 16. Í Remax-deild karla, 1. deild, tekur
Afturelding á móti ÍBV.
SÍÐA 20
▲
ÓK MEÐ KRANANN UPPI Vegfarendur ráku upp stór augu þegar þeir sáu brotinn vörubíl við Arnarnesbrúnna í gær. Bílnum hafði
verið ekið með áfastan kranann í uppréttri stöðu undir brúna. Ekki vildi betur til en svo að kraninn rakst í brúna og grind vörubílsins
brotnaði við höggið þannig að hús bílsins vísaði upp í loft. Bílstjórann sakaði ekki. Aðeins flísaðist upp úr brúnni.
Listir:
EFNAHAGSMÁL Útlit er fyrir að ríkis-
stjórnin þurfi að grípa til skatta-
hækkana til þess að greiða fyrir
ábyrgð ríkissjóðs í skuldbindingu
lífeyrissjóða ríkis og sveitarfélaga
segir Gylfi Arnbjörnsson, hag-
fræðingur og framkvæmdastjóri
Alþýðusambands Íslands.
Að sögn Gylfa hefur ábyrgðin
aukist um 91 milljarð á stjórnar-
tímabilinu, þrátt fyrir að þegar hafi
60 milljarða afrakstur einkavæð-
ingar verið greiddur úr ríkissjóði
til þess að standa undir skuldbind-
ingum lífeyrissjóðanna.
Hann segir áfallnar skuldbind-
ingar sjóðanna vera 253 milljarða
króna umfram eignir en ef framtíð-
arskuldbindingar sjóðanna séu
teknar með hafi heildarskuldbind-
ingar numið um 317 milljörðum
umfram eignir í árslok 2002. Að
sögn Gylfa er útlit fyrir að ástand-
ið hafi ekki batnað á síðasta ári en
nákvæmar tölur liggi ekki enn fyr-
ir. Helsta ástæðan fyrir þessari
þróun er aukning lífeyrisbyrðar í
kjölfar launahækkana og bendir
Gylfi á að þegar samið verður um
almennar launahækkanir muni
útgjöld sjóðanna aukast enn frekar
sökum tengingar lífeyrisréttinda
opinberra starfsmanna við meðal-
laun. Hann segir greiðslu úr ríkis-
sjóði skref í átt til lausnar á vand-
anum, en ef réttindum verði ekki
breytt og sjóðunum útvegaðar eðli-
legar greiðslur muni hallinn halda
áfram að aukast.
Páll Gunnar Pálsson, forstjóri
Fjármálaeftirlitsins, segir að stofn-
unin hafi í ársskýrslum sínum á
liðnum árum bent á að huga þurfi
að stöðu lífeyrissjóða með ábyrgð
ríkis og sveitarfélaga. Eftirlitið
hafi vakið athygli á að þessir sjóðir
séu ekki undir lagakröfum um jafn-
vægi milli eigna og skulda lífeyris-
sjóða og að huga þurfi sérstaklega
að stöðu þeirra lífeyrissjóða sem
séu með ábyrgð sveitarfélaga sem
standa veikt.
„Við fylgjumst með þessum
sjóðum en þar sem þeir eru ekki
undir þessum lagakröfum eru tak-
mörkuð úrræði í höndum Fjármála-
eftirlitsins,“ sagði hann ennfremur.
Már Guðmundsson, aðalhag-
fræðingur Seðlabanka Íslands,
sagði stofnunina ekki hafa kannað
þetta mál enda séu málefni ein-
stakra sjóða ekki í höndum bank-
ans. Geir H. Haarde fjármálaráð-
herra vill ekki tjá sig um málflut-
ning ASÍ að svo stöddu.
sda@frettabladid.is
Þörf á skattahækkun
Ábyrgð ríkissjóðs vegna skuldbindinga lífeyrissjóða ríkis og sveitarfélaga hefur aukist um 91 milljarð
króna að viðbættum þeim 60 milljörðum sem þegar hafa verið greiddir úr ríkissjóði. Framkvæmda-
stjóri ASÍ telur skattahækkanir eina úrræðið. Fjármálaeftirlitið hefur ítrekað vakið athygli á vandanum.
Fjölmiðlakönnun Gallups:
Fréttablaðið setur Íslandsmet
Osama bin Laden:
Leitin efld
WASHINGTON Sveitir Bandaríkjahers
sem leita að hryðjuverkaforingjan-
um Osama bin
Laden á fjalla-
svæðinu á
l a n d a m æ r u m
Pakistan og
A f g a n i s t a n
setja aukinn
kraft í leit sína á
næstu vikum.
Að sögn
CNN verður
rafrænt eftirlit
með svæðinu
aukið verulega
og njósnaflug
sömuleiðis. Meðal annars verður
notast mikið við ómannaðar
njósnaflugvélar sem bera mynda-
vélar, radar og flugskeyti sem
skjóta má að farartækjum ef leit-
armenn telja sig hafa fundið bin
Laden eða samstarfsmenn hans. ■
FR
ÉT
TA
B
LA
Ð
IÐ
/V
IL
H
EL
M
BIN LADEN
Bandaríkjaher hyggst
setja aukinn kraft í
leitina að hryðju-
verkamanninum.
SKULDIR AUKAST
Þróun áfallinna lífeyrisskuldbindinga gagn-
vart eignum í B-deild Lífeyrissjóðs starfs-
manna ríkisins 1998–2002
HEIMILD: ÁRSREIKNINGUR LSR 1999–2002
137.277
140.745
165.371
169.114
187.021
1998 1999 2000 2001 2002
Dalvík:
Banaslys í
Kalsárdal
SLYSFARIR Banaslys varð í Kalsár-
dal við Dalvík í gærkvöldi. Tutt-
ugu og fjögurra ára brottfluttur
Dalvíkingur lést í vélsleðaslysi í
dalnum sem er um 15 kílómetrum
norðan við Dalvík
Að sögn lögreglunnar var mað-
urinn á vélsleða ásamt tveimur
öðrum þegar hann lenti í sjálfheldu
uppi í fjalli. Félagar mannsins
hringdu í lögregluna um klukkan
18 og voru á annan tug björgunar-
sveitarmanna strax sendir á stað-
inn. Aðstæður voru mjög erfiðar í
dalnum vegna snjós og mikils
klaka og tók það björgunarsveit-
armennina nokkurn tíma að
komast á slysstað. Maðurinn hafði
velt sleðanum og var úrskurðaður
látinn um klukkan 20. ■