Fréttablaðið - 06.03.2004, Blaðsíða 6
6 6. mars 2004 LAUGARDAGUR
■ Ísrael
■ Ísrael
GENGI GJALDMIÐLA
Bandaríkjadalur 71.4 -0.03%
Sterlingspund 129.86 -0.53%
Dönsk króna 11.69 0.09%
Evra 87.09 0.09%
Gengisvísitala krónu 121,61 0,41%
KAUPHÖLL ÍSLANDS
Fjöldi viðskipta 610
Velta 11.809 milljónir
ICEX-15 2.562 -0,05%
Mestu viðskiptin
Pharmaco hf. 371.493
Kaupþing Búnaðarbanki hf. 225.578
Landsbanki Íslands hf. 176.398
Mesta hækkun
Fjárfestingarfélagið Atorka hf. 3,85%
Samherji hf. 1,92%
Kaldbakur, fjárfestingarfélag hf 1,74%
Mesta lækkun
Líf hf -6,31%
Medcare Flaga -5,61%
Straumur Fjárfestingarbanki hf -2,34%
Erlendar vísitölur
DJ* 10.588,3 0,0%
Nasdaq* 2.049,9 -0,2%
FTSE 4.547,1 -0,3%
DAX 4.126,1 -0,2%
NK50 1.455,7 -0,2%
S&P* 1.155,5 0,1%
*Bandarískar vísitölur kl. 17.00
Veistusvarið?
1Hvað leggur íslenska ríkið til miklafjármuni í uppbyggingarstarf í Írak?
2Hvaða knattspyrnulið rak GuðjónÞórðarson þjálfara í vikunni?
3Hvaða alþingismaður sagði: HerraBjörn Bjarnason þér eruð enginn
Bruce Willis?
Svörin eru á bls. 54
Héraðsdómur Reykjaness:
Bónusræningjarnir
sættu málsmeðferð
DÓMSMÁL Meðferð í máli tveggja
ræningja, vitorðsmanns og byssu-
eiganda var í Héraðsdómi Reykja-
ness í gær. Ræningjarnir ruddust
inn í Bónusverslun í Kópavogi
vopnaðir haglabyssum. Ógnuðu
þeir starfsfólki og neyddu einn
starfsmann til að opna peninga-
skáp sem innhélt rúmlega 600 þús-
und krónur.
Ræningjarnir tveir komu inn í
vöruafgreiðslu verslunarinnar eft-
ir lokun með hulin andlit. Hvor um
sig var vopnaður afsagaðri hagla-
byssu og ógnuðu þeir fjórum
starfsmönnum verslunarinnar
með byssunum og skipuðu inn á
kaffistofu. Þar á meðal var vit-
orðsmaður þeirra og var honum
skipað niður á hnén eins og sam-
starfsmönnum hans. Þeir veifuðu
byssunum og hótuðu fólkinu lífláti.
Einum starfsmannanna var skipað
inn á skrifstofu til að opna pen-
ingaskáp og afhenda poka sem
innihélt peningana. Ræningjarnir
héldu á brott og hafði verið ráð-
gert að vitorðmaðurinn fengi hluta
ránsfengsins.
Ræningjarnir og vitorðmaður-
inn eru allir á tuttugasta aldursári.
Sá sem lánaði ræningjunum afsög-
uðu haglabyssurnar er átján ára. ■
Nauðgaði fyrrum
sambýliskonu
Þrítugur maður var dæmdur í þriggja og hálfs árs fangelsi í Héraðs-
dómi Reykjavíkur fyrir að nauðga og beita fyrrum sambýliskonu sína
ofbeldi. Hann hélt henni nauðugri í nokkrar klukkustundir.
DÓMSMÁL Þrítugur maður var
dæmdur í þriggja og hálfs árs fang-
elsi í Héraðsdómi Reykjavíkur í
gær fyrir kynferðisbrot og ofbeldi
gegn fyrrverandi sambýliskonu
sinni sem er ellefu árum yngri en
hann. Maðurinn var einnig dæmdur
til að greiða konunni um fjórtán
hundruð þúsund í skaðabætur.
Maðurinn var sakfelldur fyrir
að hafa svipt þáverandi sambýlis-
konu sína frelsi í fimm og hálfa
klukkustund í maí í fyrra. Hann
bæði hótaði og beitti hana líkam-
legu ofbeldi og ógnaði henni með
hnífum. Meðan á frelsissviping-
unni stóð þröngvaði maðurinn kon-
unni til samræðis með ofbeldi eða
hótunum. Í öll skiptin beitti hann
hnífi til að hóta konunni. Maðurinn
kom í veg fyrir að konan gæti
hringt á lögregluna í nærliggjandi
íbúð sem hún hafði leitað í. Hann
réðst á hana með líkamlegu ofbeldi
í stigagangi hússins og dró hana
aftur inn í íbúðina á hárinu. Þar tók
hann konuna hálstaki og ógnaði
henni með hnífi.
Maðurinn neitar sök að öllu
nema hann viðurkennir skemmdir
sem hann olli á húsmunum konunn-
ar. Hann reif í sundur fatnað henn-
ar og stakk meðal annars hníf í
sófa og dýnu. Eina skýring hans á
hnífsstungum í rúmdýnu voru að
hann hefði verið vondur. Hann byg-
gði vörn sína meðal annars á því að
hann og konan hefðu átt samskipti
eftir atburðinn. Dómurinn taldi það
ekki draga úr trúverðugleika kon-
unnar.
Lögreglan kom á staðinn eftir
að ofbeldið hafði átt sér stað í
nokkrar klukkustundir. Lögreglu-
mennirnir sáu að eitthvað hefði
gengið á í íbúðinni. Maðurinn var
staddur á staðnum einungis klædd-
ur í þunna peysu og nærbol. Hann
var ölvaður, þvoglumæltur og
óstöðugur á fótunum að sögn lög-
reglu.
Dómurinn taldi manninn ekki
eiga sér neinar málsbætur. Þá seg-
ir að framburður mannsins hafi
verið ótrúverðugur og rangur og
þótti dómnum brot hans vera stór-
felld og hrottafengin. Maðurinn er
síbrotamaður og hefur hlotið 22
refsisdóma frá árinu 1991. Fjórir
dómanna eru fyrir líkamsárásir,
síðast hlaut hann sex mánaða dóm í
mars í fyrra.
hrs@frettabladid.is
Húsasmiðjan og TV:
Dæmd til
greiðslu
DÓMSMÁL Hæstiréttur sneri við
dómi Héraðsdóms Reykjavíkur
og dæmdi Húsasmiðjuna og TV
fjárfestingafélag til að greiða
þrotabúi TL-rúllna, áður Teppa-
landi, tæplega 23 milljónir í
skaðabætur auk 1,5 milljónir í
málskostnað.
TL-rúllur vildu skaðabætur
úr hendi TV og Húsasmiðjurnar
þar sem eignir fyrirtækisins
voru ekki lengur til staðar þegar
búið var tekið til gjaldþrota-
skipta. Talið var að eignum TL-
rúllna hafi verið ráðstafað til
hagsbóta fyrir Húsasmiðjuna og
TV. ■
ÞÉTT Á MIÐUNUM
Loðnuveiði gengur vel þessa dagana og
skipin fljót að fylla sig. Þessi mynd er tekin
í fyrradag á loðnumiðunum
undan Ingólfshöfða.
Loðnuveiði:
Vel veitt við
Ingólfhöfða
SJÁVARÚTVEGUR Góð veiði er á
loðnumiðum undan Ingólfshöfða.
Ægir Sveinsson á Víkingi AK seg-
ir að skipið hafi komið á miðin um
hálfellefu í gærmorgun og verið
komið af stað heimleiðis að Skaga
um fjórum klukkutímum síðar
með fullfermi.
Ægir segir að traffíkin á mið-
unum sé ekki mikil þar sem veið-
in sé góð og skipin fljót að fylla
sig en um miðjan dag í gær voru
26 nótaskip á loðnuveiðum sam-
kvæmt upplýsingum frá Tilkynn-
ingaskyldu skipa. ■
LANDAMÆRUNUM LOKAÐ Ísra-
elskar hersveitir lokuðu landa-
mærunum á Vesturbakkanum og
Gaza-
ströndinni
af ótta við
árásir
palest-
ínskra
vígamanna.
Landamær-
unum verð-
ur lokað á
meðan gyð-
ingahátíðin
Purim
stendur
yfir og verða þúsundir palest-
ínskra verkamanna að sitja
heima.
EVRÓPUSAMBANDIÐ STYRKIR
PALESTÍNUMENN Evrópusam-
bandið ætlar að verja sem svarar
um 87 milljónum íslenskra til að
tryggja aðbúnað um 13.000
Palestínumanna á Gaza-strönd-
inni sem hafa misst heimili sín
vegna aðgerða ísraelskra örygg-
issveita. Síðan í október 2000 hef-
ur ísraelski herinn jafnað við
jörðu heimili um 15.000 Palest-
ínumanna á Gaza-ströndinni.
ANNAR RÆNINGJANNA
Annar ræningjanna í fylgd lögreglu á leið
inn á lögreglustöðina í Kópavogi.
FR
ÉT
TA
B
LA
Ð
IÐ
/H
AR
I
Tryggingafélagið Vörður fær starfsleyfi:
Bjóða lægri iðgjöld
VIÐSKIPTI Viðskiptaráðherra hefur
afhent Verði vátryggingafélagi leyf-
isbréf til starfrækslu á alhliða vá-
tryggingastarfsemi. Félagið byggir á
grunni félags með sama nafni sem
starfrækt hefur verið á Akureyri frá
árinu 1926. Í lok síðasta ár fjárfesti
Hringur, sem er að hluta til í eigu
Baugs Group, í Verði.
Í frétt frá Verði kemur fram að
félagið bjóði heimilum og fyrirtækj-
um upp á almennar skaðatryggingar
og að markmið félagsins sé að lækka
tryggingargjöld heimila og fyrir-
tækja.
Höfuðstöðvar Varðar eru á Akur-
eyri en opnað hefur verið útibú í
Reykjavík að Skaftahlíð 24. Þessu til
viðbótar rekur félagið fimm sölu-
umboð víða um landið. Að sögn Bald-
vins Valdimarssonar, markaðsstjóra
félagsins, er markmið þess að fjölga
viðskiptavinum en ekki endilega
starfsmönnum sem eru tólf. Lítil
yfirbygging sé hluti af því að geta
boðið upp á ódýrari tryggingar. ■
FYRSTA TRYGGINGIN SELD
Sigurður V. Sveinsson, útibússtjóri Varðar í
Reykjavík, afhendir Jóhannesi Jónssyni
fyrsta tryggingaskírteini Varðar hf. í dag.