Fréttablaðið - 06.03.2004, Blaðsíða 34

bílar o.fl.
Vikulegur blaðauki Fréttablaðsins um al l t sem viðkemur bí lum
Ritstjórn: sími 515 7500 – netfang: bilar@frettabladid.is. Auglýsingar: sími 515 7500 – netfang: auglysingar@frettabladid.is.
Sæll Jón Heiðar!
Ég heiti Kristín og á í vandræð-
um með bílinn minn. Hitamælir-
inn rís stundum óvenju mikið í
bílnum, sérstaklega þegar ég er
búin að keyra langar vegalengdir.
Hvað heldur þú að sé að bílnum
mínum?
Blessuð og sæl Kristín!
Bílar sem eiga það til að of-
hitna við mikið álag eða á lang-
keyrslu en virðast vera í góðu lagi
þess á milli eru lýsandi dæmi um
bíla með tærða vatnskassa.
Það sem gerist er að kæliblöðin
á milli vatnsganga í vatnskassan-
um tærast og detta úr og þegar
kæliblöðin eru farin verður lítil
sem engin kæling á vatninu sem
rennur um vatnskassann. Þegar
svona er komið er nauðsynlegt að
skipta um vatnskassa eða fara
með hann í viðgerð á vatnskassa-
verkstæði og fá þá til að skipta
um kælihluta vatnskassans (ele-
mentið). Það kostar langoftast
minna en að fá nýjan vatnskassa.
Eitt gleymist stundum að skoða
þegar vandamál koma upp í kæli-
kerfum bíla. Það er að skoða tapp-
ann á vatnskassanum. Tappinn er
í lykilhlutverki þegar bíllinn fer
að hitna, því hann er eins konar
þrýstiventill og sér um að þrýst-
ingurinn á vatnskerfinu sé réttur.
Ef tappinn stendur á sér getur
myndast of mikill þrýstingur í
kerfinu, sem aftur veldur leka á
óheppilegum stöðum.
Vantar þig góð ráð? Sendu Jóni
Heiðari póst á bilar@fretta-
bladid.is
Góð ráð
JÓN HEIÐAR
ÓLAFSSON
■ segir hitamæli
sem hátt rís lík-
lega eiga sér or-
sakir í tærðum
vatnskassa.
Allt sem bíllinn þarf fyrir veturinn
Michelin • Cooper • Loftbóludekk
• Ódýr jeppadekk • Bremsuklossar
• Bremsuviðgerðir
Smur, bón og
dekkjaþjónustan
Sætúni 4, sími 562 6066
Opið virka daga frá kl. 8-18
UMFELGUN OG
BALANSERING
VETRARDEKK
Þvottur og bón • Olís smurstöð
• Rúðuþurrkur • Allar perur
• Rafgeymar
Vinnuvélanámskeið
Kvöldnámskeið.
Námskeiðsstaður, Þarabakki 3.
109 Reykjavík (Mjódd).
Verð 39.900.-
Upplýsingar og innritun í síma: 894-2737
Flest verkalýðsfélög styrkja nemendur á vinnuvélanámskeið, einnig atvinnuleysistryggingasjóður
Hvenær á að skipta um tímareim?
Handbók bílsins hefur svörin
Það fréttist aðeins of oft af bif-reiðaeigendum sem lenda í
því að bíllinn gefist upp án sýni-
legrar ástæðu. Eftirköst eru þá
oftar en ekki hressileg fyrir
pyngjuna þegar bíllinn þarf á
spítala í flókna viðgerð með til-
heyrandi kostnaði. Eina helstu
ástæðu þessa er oft að finna í út-
runnum líftíma tímareimarinnar,
en því miður átta sig ekki allir á
því hvað tímanum líður eða þá
kílómetrafjöldanum, sem annars
er strangt til tekinn í fyrirmæl-
um handbókar bílsins. Í handbók-
inni er uppgefinn endurnýjunar-
tími tímareimar viðkomandi bíla-
tegundar og þá annað hvort í ára-
fjölda eða kílómetrafjölda. Al-
geng fyrirmæli eru 60 þúsund
kílómetrar eða þrjú ár. „Þó verða
bíleigendur alltaf að hafa í huga
hversu mikið bíllinn er keyrður
miðað við aldur,“ segir bifvéla-
virkinn Jón Pétursson í Bílaverk-
stæðinu Knastási í Kópavogi. „Sé
bíll lítið keyrður en kannski orð-
inn fimm, sex ára og handbókin
uppgefur kílómetrafjölda vegna
tímareimarskipta, er nauðsyn-
legt að skoða ástand tímareimar-
innar. Hún eldist og slitnar af elli
þótt bílinn sé ekki mikið keyrð-
ur.“
Tímareimar eru tenntar og
flatar, gerðar úr trefjastyrktu
gúmmíi, og knýja kampás bílsins
frá sveifarásnum. Þegar tíma-
reim er komin á tíma má búast við
að hún slitni, sem nær undantekn-
ingarlaust veldur alvarlegum
skemmdum á vélinni þegar
stimplarnir rekast upp undir opna
ventlana og brjóta þá eða beygja.
Slíkum skemmdum fylgir hár við-
gerðarkostnaður, sem auðveld-
lega má forðast með reglulegu
viðhaldi. „Það kostar reyndar
alltaf skildinginn að skipta um
tímareim því í sumum bílum þarf
á sama tíma að skipta um legur og
vatnsdælu, en mjög mikilvægt er
að brýna fyrir fólki að hugsa vel
um bílinn sinn og fylgjast með
fyrirmælum um sína tegund í
handbókinni,“ segir Jón, sem
leggur áherslu á að bílategundir
séu einnig mjög mismunandi þeg-
ar kemur að tímanum til að skipta
um tímareim. „Sumir bílar þola
reyndar að fara aðeins fram yfir,
en aðrir geta skemmst mikið og
jafnvel sungið sitt síðasta ef
tímareimin fer.“ ■
Tærður vatnskassi
JÓN PÉTURSSON BIFVÉLAVIRKI
Algengt er að tímareimina þurfi að endurnýja eftir 60 þúsund kílómetra eða þrjú ár.
SÉÐ OFAN Í SKIPTINGU TÍMAREIMAR
Best að skipta í tíma til að forðast óheyri-
legan viðgerðarkostnað.
BÚIN AÐ VERA
Slitin tímareim þar sem tennurnar eru farnar af.
VOLVO CONCEPT CAR-YCC
Fyrir rúmu ári efndu Volvo-verksmiðjurnar til samstarfs milli hundruða kvenna sem
starfa hjá verksmiðjunum. Verkefni kvennanna var að hanna bíl sem þjónaði þörfum
þeirra. Afraksturinn er Volvo Concept Car-YCC (YCC stendur fyrir Your Concept Car),
sem er 215 hestafla bíll sem er auðvelt að leggja, halda hreinum og eiga við á allan
hátt. Bíllinn var frumsýndur á alþjóðlegri bílasýningu í Genf fyrr í vikunni.
Nýju Evrópusambandslöndin íAustur-Evrópu heyja nú harða
baráttu um að ná til sín fram-
leiðslufyrirtækjum. Til dæmis
kepptu Pólland og Slóvakía um
risabílaverksmiðju Hyundai. Í
fyrra töpuðu Pólverjar baráttu við
Tékka um bílaverksmiðju. Bæði
löndin höfðu meðal annars boðið
skattafríðindi og ókeypis land und-
ir verksmiðjuna en Slóvakía vann á
lægri launa-
k o s t n a ð i .
Raunar eru
launin þar
lægst í
nýju Evrópusambandslöndunum.
Hyundai fylgir hér fordæmi fjöl-
margra bílaframleiðenda sem hafa
reist verksmiðjur í Austur-Evrópu.
Tilgangurinn er að vera nálægt
vesturevrópska markaðssvæðinu
en um leið langt frá launatöxtum
þess. Í verksmiðjunni í Slóvakíu
verða framleiddir meira en 200.000
bílar á ári frá árinu 2006.
Hyundai er meðal stærstu bíla-
framleiðenda heims og í örum
vexti. Í fyrra seldust meira en
milljón Hyundai-bílar og í
ár stefna þeir
að því að
verða með-
al fimm
s t æ r s t u
b í l a f r a m -
l e i ð e n d a
heims. ■
HYUNDAI
TERRACAN
Hyundai reisir
verksmiðju í
Slóvakíu á næstu árum.
Hyundai-verksmiðja til Slóvakíu:
Mun framleiða
200.000 bíla á ári