Fréttablaðið - 07.03.2004, Blaðsíða 17

sinn í lífeyrissjóðum. Sjóðirnir
senda virkum sjóðfélögum yfirlit,
en algengt er að fólk hafi á lífsleið-
inni greitt í fleiri en einn sjóð. „Í
bókinni hvet ég menn til að gera
eins og fyrirtæki; að loka einu sinni
á ári vegna birgðatalningar. Skoða
stöðuna.“
Alltaf hægt að gera eitthvað
Það er hægt að fá upplýsingar
frá lífeyrissjóðunum um áunnin
réttindi og færa inn í reiknivélina.
Maður er jú hvort eð er að fara að
taka saman upplýsingar fyrir skatt-
framtalið. „Útgáfutími bókarinnar
var einmitt miðaður við það að nú
eru margir að fara yfir fjármál sín
fyrir skattframtalið.“ Skattframtal-
ið og upplýsingar um lífeyrisrétt-
indi og stöðu sparnaðar ættu að geta
gefið hverjum og einum nokkuð
góða mynd af fjárhagsstöðunni.
„Maður þarf að gefa sér tíma í
þetta.“ Hann bendir á að lífeyris-
sjóðirnir geti aðstoðað fólk við að
afla sér upplýsinga.
Því nær sem dregur starfslokun-
um, því erfiðara verður að breyta
miklu um kjörin á efri árum. Það er
þó alltaf hægt að búa í haginn fyrir
sig. „Þeir sem eiga tuttugu ár eftir
af starfsævinni geta gert töluvert
mikið.“ Gunnar bendir á að á miðj-
um aldri hafi skuldir lækkað og
meira svigrúm skapast til að leggja
til hliðar. Þá skipti máli að skoða
hver staðan sé og skilgreina hversu
mikið þurfi að leggja fyrir til að ná
þeim sparnaði sem menn telja sig
þurfa. Þar kemur reiknivélin að
góðum notum.
Erfiðir tímar og tækifæri
Gunnar hefur unnið við eigna-
stýringu lífeyrissjóða frá 1988.
Markaðirnir sveiflast og veislur
breytast í timburmenn. Árið í
fyrra var fjárfestum gott en þrjú
árin þar á undan voru einhver ver-
stu ár sem þekkst hafa á fjármála-
mörkuðum. „Fyrir langtímafjár-
festa eins og lífeyrissjóði eru
svona sveiflur ekki slæm tíðindi.
Aðalatriðið er að velja eignasam-
setningu miðað við tímalengd.
Niðursveiflan þýðir fyrir lang-
tímafjárfesta að fjárfestingarnar
eru ódýrari.“ Hann neitar því ekki
að tími niðursveiflunnar hafi ver-
ið erfiður. „Þetta var erfiður tími
að ganga í gegnum. Það var sér-
staklega leitt að sjá eignir þeirra
rýrna sem voru komnir nálægt því
að byrja að taka lífeyri. Ég hafði
ekki áhyggjur af þeim sem voru
yngri.“ Gunnar segir ráðlegging-
una til þeirra sem voru með hátt
hlutfall hlutabréfa í eignasafni og
áttu skammt eftir til starfsloka
hafa verið að minnka áhættu í
áföngum. „Þeir sem fóru eftir
þeim ráðleggingum eru ánægðir í
dag. Ávöxtun síðasta árs vann til
baka hluta þess sem tapaðist í nið-
ursveiflunni. Það er enn nokkuð
eftir, en það mun koma.“ Tíminn
er vinur þeirra sem spara reglu-
lega og lengi. Menn þurfa að meta
raunsætt hversu mikla áhættu í
eignasamsetningu þeir eru tilbún-
ir að taka. „Okkar hlutverk er að
leggja kosti og galla á borðið. Við
ráðleggjum fólki að leggja áherslu
á að vanda sig við að skilgreina
fjárfestingarstefnuna. Ráðlegging
okkar er að velja eignasamsetn-
ingu eftir aldri og huga sérstak-
lega að áhættudreifingu, t.d. með
því að velja sjóði. Við gefum ráð-
leggingar en hver er sinnar gæfu
smiður.“
haflidi@frettabladid.is
17SUNNUDAGUR 7. mars 2004