Fréttablaðið - 07.03.2004, Blaðsíða 21

SUNNUDAGUR 7. mars 2004
Þeir Joey Santiago auglýstu eftir
bassaleikara í dagblaði og sögðust
vera undir áhrifum frá rokksveit-
inni Hüsker Dü og þjóðlagasveitinni
Peter, Paul & Mary, sem var upp á
sitt besta í upphafi sjöunda áratug-
arins. Kim Deal svaraði og var ráð-
in. Hún hafði þá áður spilað í bíl-
skúrssveitinni The Breeders ásamt
tvíburasystur sinni Kelly. Það var
svo Kim sem stakk upp á David
Lovering á trommur en hann þekkti
hún lítillega.
Nafnið „Pixies“ fann Joey af
handahófi í orðabók en orðið þýðir
smáálfar á íslensku. Hetja Charles
var Iggy Pop og var hann því
snemma ákveðinn í að taka upp
listamannsnafn. Charles bjó til
Black Francis út frá hugmynd afa
síns, sem hafði stungið upp á nafn-
inu Frank Black.
Sveitin gat sér fljótt gott orð á
tónleikasenunni í Boston og komst í
feitt strax snemma árs 1987 þegar
hún hitaði upp fyrir Throwing
Muses. Þar sá umboðsmaðurinn og
upptökustjórinn Gary Smith þau á
sviði og bauðst til þess að taka upp
nokkur demó. Átján lög voru hljóð-
rituð á þremur dögum og var þeim
komið í hendurnar á öllum helstu
lykilmönnum senunnar í Boston. Til
þess að gera langa sögu stutta heill-
aðist Ivo Watts, yfirmaður 4AD í
Englandi, svo mikið af demóinu að
hann flýtti sér að gera samning við
sveitina og gaf svo út átta laga
þröngskífuna Come on Pilgrim
nokkrum mánuðum síðar. Upptök-
urnar þar eru af hinu upphaflega18
laga demói og sagan segir að ekkert
hafi verið fiktað í þeim fyrir útgáf-
una.
Snjóboltinn óstöðvandi
Fyrsta breiðskífa Pixies, Surfer
Rosa, kom út um vorið 1988 og
höfðu Pixies beðið sérstaklega um
liðsinni upptökustjórans Steve Al-
bini sem þá var þekktastur fyrir
vinnu sína með indie-rokksveitinni
Big Black. Platan fékk góða dóma,
sérstaklega í Bretlandi, og komst í
spilun á bandarísku háskólastöðv-
unum. Vinsældirnar í Bretlandi
urðu strax töluverðar og platan
komst inn á lista yfir söluhæstu
plötur landsins það árið.
Eftir stanslaust tónleikaferðalag
í átta mánuði var farið beint inn í
hljóðverið og breiðskífan Doolittle
hljóðrituð ásamt breska upptöku-
stjóranum Gil Norton. Platan var
öllu léttari í yfirbragði og lög eins
og „Monkey Gone to Heaven“ og
„Here Comes Your Man“ urðu til
þess að auka hróður sveitarinnar.
MTV og aðrar meginstraumsstöðv-
ar treystu sér þó ekki til þess að
setja lögin í dagspilun.
Pixies átti alltaf meiri vinsæld-
um að fagna í Evrópu en í Banda-
ríkjunum. Sveitin þótti afbragðs
tónleikasveit þó að liðsmenn hafi
aldrei þótt neitt séstaklega líflegir á
sviði. Black Francis stóð iðulega
grafkyrr á sviðinu á meðan Kim
Deal átti það til að skjóta bröndur-
um til áhorfenda á milli laga. Kímni
liðsmanna skilaði sér þó iðulega til
aðdáenda með furðulegum uppá-
tækjum, eins og endurspeglast í
þeirri staðreynd að Pixies átti það
til að flytja lög sín í stafrófsröð á
tónleikum.
Aðdáendur urðu þó snemma var-
ir við bresti innan sveitarinnar. Það
spurðist snemma út að samstarf
Black Francis og Kim Deal væri
stormasamt og fyrsta staðfesting
þess var snemma árs 1990 þegar
Pixies fór í frí.
Francis gaf Kim Deal sjaldnast
tækifæri til þess að koma lögum
sínum í gegn hjá Pixies og nýtti hún
sér tækifærið og endurlífgaði sveit
sína The Breeders til þess að fá út-
rás fyrir sínar eigin lagasmíðar.
Hún fékk til liðs við sig Tanyu
Donnelly úr Throwing Muses og
bassaleikarann Josephine Wiggs úr
Perfect Disaster. Fyrsta plata sveit-
arinnar, Pod, kom út sumarið 1990.
Smáálfarnir leggjast í dvala
Síðust tvær plötur Pixies eru að
miklu leyti sólóplötur Black Franc-
is. Hann var dolfallinn aðdáandi
brimbrettarokksins og áhrif þess í
Pixies-lögunum urðu enn meiri.
Bossanova kom út árið 1990 og fékk
mjög blendnar móttökur gagn-
rýnenda. Þyngra var yfir plötunni
og minna um vænlega útvarps-
smelli. Spennan á milli Deal og
Francis jókst til muna og á síðustu
tónleikum Pixies í London á tón-
leikaferðinni sem fylgdi í kjölfar út-
gáfunnar lýsti bassaleikarinn því
yfir uppi á sviði að þetta yrðu síð-
ustu tónleikar sveitarinnar. Eftir
það aflýsti sveitin öllum fyrirhug-
uðum tónleikum í Bandaríkjunum
vegna „ofþreytu“.
Eitthvað hefur sambandið þó
batnað því um vorið 1991 var aftur
farið í hljóðverið til þess að hljóð-
rita nýja skífu. Síðasta plata sveit-
arinnar, Trompe Le Monde, fékk af-
bragðs dóma og var sögð afturhvarf
til Surfer Rosa. Aðdáendur söknuðu
þó raddar Kim Deal, sem þurfti að
sætta sig við það að syngja örfáar
bakraddir á allri plötunni. Aftur
fékk hún ekki að koma sínum lögum
að.
Eftir að hafa hitað upp fyrir U2 á
Zoo TV-tónleikaferðinni tilkynnti
Pixies að aftur ætti að fara í frí.
Skömmu síðar sagði Black Francis
frá því í útvarpsviðtali að sveitin
væri hætt. Hann hafði þá ekki sagt
hinum liðsmönnum sveitarinnar frá
ákvörðun sinni.
Kim Deal sneri sér alfarið að The
Breeders og sló aftur í gegn með lag-
ið Cannonball. Black Francis breytti
nafni sínu í Frank Black og hóf sóló-
feril sinn, sem var blómlegur í
fyrstu áður en hann hvarf endanlega
í meðalmennskuna.
Það var svo seint í fyrra sem
endurkoma Pixies var tilkynnt. Þá
höfðu þau Kim Deal og Black
Francis ekki talað saman í rúm 10
ár.
Það er tónleikafélagið Hr. Örlyg-
ur sem flytur Pixies inn. Tónleik-
arnir verða í Kaplakrika þann 26.
maí. Samkvæmt sérstökum óskum
Pixies mun Einar Örn „Ghostigital“
hita upp. Allar upplýsingar um
miðasölu verða auglýstar síðar.
biggi@frettabladid.is
SAMAN Á NÝ
Það var seint í fyrra sem endurkoma Pixies var tilkynnt. Þá höfðu þau Kim Deal og Black
Francis ekki talað saman í rúm 10 ár.
Black Francis stóð
iðulega grafkyrr á
sviðinu á meðan Kim Deal
átti það til að skjóta brönd-
urum til áhorfenda á milli
laga. Kímni liðsmanna skil-
aði sér þó iðulega til aðdá-
enda með furðulegum
uppátækjum, eins og endur-
speglast í þeirri staðreynd
að Pixies átti það til að
flytja lög sín í stafrófsröð á
tónleikum.
,,