Fréttablaðið - 08.03.2004, Blaðsíða 8

8 8. mars 2004 MÁNUDAGUR
Dapurlegt hlutskipti
„Það er dapurlegt að þurfa að
hafa áhyggjur af fjármálunum
eftir starfslok, sérstaklega ef
heilsan er í lagi og maður er til-
búinn að njóta lífsins.“
Gunnar Baldvinsson, forstöðumaður hjá Íslands-
banka, um lífeyrissparnað. Fréttablaðið, 7. mars.
Hrygg braut
„Hringbrautin er enn á sínum
stað. Senn verður hún hrygg
braut. En það er ekki of seint að
hætta við. Kallið útboðið inn.“
Hallgrímur Helgason rithöfundur, um færslu
Hringbrautar. Morgunblaðið, 7. mars.
.
Skipti konunni
„Ég skipti konunni í tíu parta,
byrja á tánum og helst svo upp
úr.“
Árni Ísleifsson um djasssvítuna „Portrait of a
Woman“. Fréttablaðið, 7. mars.
Orðrétt
Fyrrverandi leigjandi rekstar á Hótel Örk:
Segist tapa 2 til 5 milljónum króna
VIÐSKIPTI „Mér sýnist að við mun-
um tapa 2-5 milljónum króna á
þessu,“ sagði Ágúst Ólason sem
var búinn taka Hótel Örk á leigu til
15 ára ásamt bróður sínum. Þeir
leigðu Hótel Örk af Örk ehf. sem
er í eigu Jónasar A.Þ. Jónassonar,
sem taldi að hann væri búinn að
ganga frá samningum um kaup á
hótelinu. Bræðurnir tóku við
rekstrinum mánaðamótin janúar -
febrúar síðastliðin. Umsamið hafi
verið að ef salan til Arkar ehf.
gengi ekki eftir myndu þeir leigja
reksturinn beint af Jóni Ragnars-
syni veitingamanni. Á þriðjudag í
síðustu viku hafi óvænt birst tveir
menn á hótelinu og bannað sér að
fara um hótelbygginguna nema til
að yfirgefa hana, því búið væri að
selja hótelið öðrum aðilum. „Ég
fékk ekki að fara á salernið nema í
fylgd,“ sagði Ágúst.
Ágúst sagði enn fremur, að þeir
bræður ættu allan lager á hótelinu,
en væru ekki búinn að fá hann upp-
gerðan enn sem komið væri. Þá
hefði ekki verið virtur sex mánaða
uppsagnarfrestur sem þeir hefðu
átt rétt á samkvæmt lögum.
„Ég lenti þarna í bæði vopnuðu
og óvopnuðu ráni á fáeinum dög-
um,“ sagði Ágúst, sem lenti í því
fyrir skömmu að verja hótelið fyr-
ir tveimur ræningjum og var skor-
inn með hníf í þeim átökum. ■
Áttu ekki peninga
til kaupa á hótelinu
Væntanlegir kaupendur Hótel Arkar gátu ekki greitt umsamda útborgun, að sögn Jóns
Ragnarssonar, seljanda hótelsins. Þess vegna hafi hann selt öðrum það. Hann segir
heiðursmannasamkomulag um meðferð kaupsamnings hafa verið brotið.
VIÐSKIPTI „Sannleikurinn í þessu
máli er einfaldlega sá að væntan-
legir kaupendur Hótels Arkar
voru ekki tilbúnir með umsamda
útborgun þegar ganga átti form-
lega frá sölunni, þrátt fyrir að
þeir hafi fengið 20 daga frest frá
þeim tíma sem kaupsamningur
kvað á um,“ sagði Jón Ragnarsson
veitingamaður um fréttir Ríkis-
sjónvarpsins þess efnis að hann
hefði selt tveimur aðilum hótel
Örk í Hveragerði á sama tíma.
Jón sagði algjörlega fráleitt að
fara fram með málið á þann hátt
sem gert hefði verið, með einhlíta
umfjöllun, sem væri í grundvall-
aratriðum röng.
„Samningur um kaup Jónasar
A.Þ. Jónassonar á Hótel Örk var
gerður í janúar,“ sagði Jón. „Sam-
kvæmt honum átti að greiða 82
milljónir króna þann 30. janúar sl.
Þegar átti að fara að borga sögðu
væntanlegir kaupendur að þeir
væru ekki búnir að afla nægilegs
fjármagns. Þeir sögðust greiða
þetta að mestu leyti næstu daga,
en eigi síðar en 20. febrúar þegar
fullnaðargreiðsla útborgunarinn-
ar myndi eiga sér stað. Ég féllst á
það að gefa þeim þennan frest,
einkum í ljósi þess að þeir ætluðu
að dreifa þessari greiðslu en ljúka
henni endanlega 20. febrúar.“
Jón kvaðst hafa haft samband
við þá af og til á tímabilinu, en
þeir hafi ekki getað útvegað
neina fjármuni á þeim nótum sem
um hafi verið samið. Þeir hafi
boðið lausamuni upp í, þar á
meðal „yfirveðsettar bíldruslur“.
Þann 20. febrúar hafi hann mætt
á fund til að ganga frá samningn-
um og taka við fullnaðarútborg-
un. En þá hafi hvorki fasteigna-
salinn sem sá um kaupin né kaup-
andinn verið mættur. Jón kvaðst
hafa beðið í um klukkustund án
árangurs.
„Síðan fór ég heim og þá hring-
ir fasteignasalinn í mig undir
klukkan sjö um kvöldið og segir
að þeir geti hugsanlega borgað
um það bil helming. Ég sagði að
þetta væri búið og gert, tíminn
væri runninn út og fresturinn
sem þeir hefðu fengið líka. Þeir
hefðu ekki peninga sem samið
hafi verið um og samningurinn
því ekki lengur í gildi. Ég myndi
því selja öðrum kaupendum sem
væru að eigninni.
Ég gekk síðan til samstarfs við
aðra aðila sem voru tilbúnir til að
ganga inn í samninginn.“
Jón kvaðst undrandi á að kaup-
samningurinn við Jónas væri
kominn í umferð ef svo mætti
segja. Hann hafi verið í vörslu
lögmanns fasteignasölunnar, Þór-
arins Jónssonar. Algjört heiðurs-
mannasamkomulag hafi verið
gert milli lögmannaaðila um að
hann yrði geymdur þar og ekki
afhentur nema með samþykki,
beggja og ekki fyrr en búið væri
að greiða umsamda greiðslu, þ.e.
82 miljónirnar.
„En svo afhendir lögmaðurinn
þeim samninginn, án þess að
fullnaðarútborgun hafi verið grei-
dd, sem er vítavert brot á sam-
komulagi,“ sagði Jón. „Þeir fóru
með hann til sýslumannsembætt-
isins og ætluðu að þinglýsa hon-
um. En þá var ég bara búinn að
selja öðrum. Ég gekk frá þeirri
sölu strax daginn eftir að frestur-
inn rann út þann 20. febrúar.“
jss@frettabladid.is
Fór ekki í bað í tíu ár:
Þveginn á
miðju torgi
KENÍA, AP Nágrannar 52 ára
Keníamanns, sem hafði ekki far-
ið í bað í tíu ár, tóku sig til og
þvoðu hann með valdi.
Maðurinn sat bundinn við stól
á miðju torgi á meðan fjórir ná-
grannar hans þvoðu hann með
vatni og sápu.
Að sögn dagblaðsins Kenya
Times tók það um það bil fjórar
klukkustundir að ná af honum
öllum skítnum. Þrátt fyrir
nokkra mótspyrnu var maður-
inn hæstánægður með árangur-
inn af þvottinum og hefur heitið
því að fara framvegis í bað einu
sinni á dag. ■
Héraðskosningar
í Austurríki:
Haider
vann óvænt
VÍN, AP Frelsisflokkur austurríska
þjóðernissinnans Jörgs Haider
vann óvæntan sigur í kosningum í
héraðinu Kärnt-
en.
S a m k v æ m t
fyrstu tölum
fékk Frelsis-
flokkurinn 42,4%
atkvæða og er
Haider því nokk-
uð öruggur um
að geta setið
áfram í embætti
landstjóra í
Kärnten. Þjóðar-
flokkur Wolf-
gangs Schüssel,
kanslara Austur-
ríkis, beið afhroð í héraðskosning-
unum.
Frelsisflokkurinn hefur innan
við tíu prósenta fylgi á landsvísu. ■
Ert þú gæðablóð?
Blóðbankabíllinn verður við Keflavíkurflugvöll
í dag, miðvikudag kl. 9.30 - 17.00.
ÁGÚST ÓLASON
Segist hafa lent í tveimur ránum á skömm-
um tíma, öðru vopnuðu, hinu óvopnuðu.
Þessi mynd var tekin af honum á Hótel
Örk þegar hann var nýbúinn að fást við tvo
ræningja sem fóru ruplandi um hótelið og
særðu hann með hnífi.
HÓTEL ÖRK
Styr stendur um söluna á Hótel Örk. Fyrra kauptilboð gekk ekki eftir, þar sem skorti á umsamda útborgun. Hótelið var því selt öðrum.
JÓN RAGNARSSON
Segir sölu hótelsins hafa verið með
eðlilegum hætti eftir það sem á undan var
gengið.
Sveinn Jónatansson, lögmaður Jónasar A.Þ. Jónssonar:
Íhuga bótakröfur
og kæru
VIÐSKIPTI „Menn telja að þarna sé
verið að vanefna fyrri kaup-
samninginn við Jónas A.Þ. Jóns-
son, sem átti að gilda,“ sagði
Sveinn Jónatansson, lögmaður
Jónasar, um söluferlið á Hótel
Örk.
Sveinn sagði, að kaupsamn-
ingnum við Jónas hafi aldrei
verið rift með formlegum hætti.
„Hafi honum verið rift þá tel
ég það vera með ólögmætum
hætti, þar sem skilyrðum ritun-
ar samkvæmt fasteignakaupa-
lögum hafi ekki verið fullnægt,“
sagði Sveinn. „Þarna er um að
ræða greiðsludrátt upp á einn
dag og vanefnd á greiðslu hluta
kaupverðs sem nemur um það
bil 5% af heildarkaupverðinu.
Ég tel að það myndi aldrei verða
litið á það sem verulega van-
efnd.“
Sveinn sagði að nú væri verið
að skoða réttarstöðu Jónasar
varðandi þetta atriði. Jafnframt
væri verið að athuga hvort sett-
ar yrðu fram bótakröfur á Jón
Ragnarsson, seljanda hótelsins.
Enn fremur væri verið að at-
huga réttarstöðu leigutakanna,
þar sem fyrrum eigandi hótels-
ins hefði verið búinn að taka við
leigu fyrir febrúar og því kom-
inn á leigusamningur. Loks
kæmi til greina að kæra lög-
mann seljanda, Axel Kristjáns-
son, til Lögmannafélags Íslands,
þar sem hann hafi, auk þess að
vinna að hagsmunum Jóns, ver-
ið hagmunagæsluaðili fyrir
Lánasýslu ríkisins í þessu máli.
„Umbjóðandi minn er á því
að þarna hafi samningur verið
brotinn mjög gróflega,“ sagði
Sveinn. „Þarna erum við að tala
um samning upp á 500-600 millj-
ónir.“ ■
MÓTMÆLI
Þúsundir mótmæltu áætlun Sameinuðu
þjóðanna um sameiningu eyjarinnar.
Sameining Kýpur:
Meirihlutinn
ósáttur
KÝPUR, AP Meirihluti íbúa hins gríska
hluta Kýpur er ósáttur við áætlun
Sameinuðu þjóðanna um sameiningu
eyjarinnar, ef marka má skoðana-
kannanir. Margir segjast ekki skilja
út á hvað áætlunin gengur.
Í einni könnun sögðust 63 prósent
aðspurðra mundu greiða atkvæði
gegn sameiningunni þar sem í áætl-
un Sameinuðu þjóðanna væri tekið
meira tillit til hagsmuna íbúa hins
tyrkneska hluta eyjarinnar. Hlutfall
óákveðinna er mjög hátt í flestum
könnunum enda viðurkenna margir
að þeir skilji ekki hvað felist í áætl-
uninni.
Stefnt er að því að halda þjóðarat-
kvæðagreiðslu um sameininguna
fyrir 21. apríl. ■
SIGURVISS
Þjóðernissinninn Jörg
Haider brosti sínu
breiðasta þegar fyrstu
tölur voru birtar.