Fréttablaðið - 08.03.2004, Blaðsíða 10

10 8. mars 2004 MÁNUDAGUR
NAPÓLEON SNÝR AFTUR
Franski leikarinn Pierre Martinez brá sér í
gervi Napóleons Bónaparte í tilefni af því
að 189 ár eru liðin frá því að keisarinn
sneri aftur til Frakklands eftir að hafa verið
í útlegð á eynni Elbu.
Forsetaframbjóðandinn John Kerry:
Hefði sent her til Haítí
NEW YORK, AP Tilvonandi forseta-
efni Demókrataflokksins í
Bandaríkjunum gagnrýnir
George W. Bush Bandaríkja-
forseta harðlega fyrir að hafa
ekki gripið til aðgerða til þess að
vernda Jean-Bertrand Aristide,
forseta Haítí, gegn uppreisnar-
mönnunum sem nú hafa náð
völdum á eynni.
Kerry segir að með aðgerða-
leysi Bandaríkjamanna hafi kol-
röng skilaboð verið send til þessa
heimshluta og það hafi verið
skammsýni af hálfu bandarískra
stjórnvalda að verja ekki lýð-
ræðislega kjörinn leiðtoga gegn
uppreisn. Sjálfur segir hann ekki
mundu hafa hikað við að senda
herlið til þess að skakka leikinn.
Talsmenn forsetans segja
hins vegar að vandi Aristide
hafi verið sjálfsprottinn og hann
hafi sjálfur grafið undan lög-
mæti sínu í embætti.
Kerry lýsti því einnig að
hann teldi að völd utanríkis-
ráðuneytisins væru óeðlilega lít-
il hjá núverandi stjórn og að
Colin Powell utanríkisráðherra
hafi ekki fengið að rækja hlut-
verk sitt á þann hátt sem eðli-
legt væri. ■
Stjórn Orkuveitunnar
vildi ekki rannsókn
Tillögu sjálfstæðismanna um óháða rannsókn í tengslum við mál Tetra Íslands var hafnað í stjórn
Orkuveitunnar. Guðlaugur Þór Þórðarson telur kaup á Irju hafa verið fáránleg.
TETRA ÍSLAND Tillaga fulltrúa Sjálf-
stæðisflokksins í stjórn Orku-
veitu Reykjavíkur um að óháður
fagaðili yrði fenginn til að meta
viðskipti Orkuveitunnar í tengsl-
um við Tetra Ísland var felld. Lagt
var til að gerð yrði sérstök úttekt
á rekstri, viðskiptaáætlunum og
fjárhagslegri stöðu Tetra Íslands,
áreiðanleika þeirra upplýsinga
sem stjórn Orkuveitu Reykjavík-
ur hefur fengið um fyrirtækið og
því hvort stjórn Orkuveitunnar
hafi vísvitandi verið leynd upp-
lýsingum.
Eins og kunnugt er stendur
Tetra Ísland frammi fyrir miklum
rekstrarvanda og hefur stjórn
félagsins samþykkt heimild til
þess að leita formlega eftir nauða-
samningum.
Guðlaugur Þór Þórðarson,
borgarfulltrúi og stjórnarmaður í
Orkuveitunni, segir að því miður
séu viðvörunarorð minnihluta
Sjálfstæðisflokks að koma í ljós.
„Þetta ævintýri allt saman kemur
með beinum hætti niður á við-
skiptavinum Orkuveitunnar, eins
og sýndi sig best þegar OR þurfti
að hækka verð á heitu vatni til að
refsa Reykvíkingum fyrir gott
veður,“ segir Guðlaugur Þór.
Í bókun minnihlutans er fullyrt
að kaup Línu nets á Irju, sem síð-
ar rann inn í Tetra Ísland, fyrir
250 milljónir árið 1999 hafi verið
„í senn óskiljanlegur og ábyrgðar-
laus gjörningur“. Þegar Irja varð
hluti af Tetra Íslandi varð Orku-
veitan hluthafi í félaginu, fyrst í
gegnum Línu net og síðan beint
eftir að hlutur Línu nets var
keyptur til Orkuveitunnar.
Sjálfstæðismenn segja í bókun
sinni að ýmsir þeir sem þekkt hafi
til stöðu Irju hafi talið fyrirtækið
um þrjátíu milljón króna virði en á
þessum tíma hafi félagið tryggt
sér samning um rekstur tetra kerf-
is eftir að hafa boðið stórlega
miklu lægra verð í reksturinn en
k e p p i n a u t a r
þess. Guðlaugur
Þór fullyrðir að
þetta undirboð
hafi frá upphafi
verið dæmt til
þess að valda
félaginu stór-
felldum rekstr-
arerfiðleikum.
G u ð l a u g u r
Þór bendir á að
allt fram á síð-
asta haust hafi
fyrirspurnum
m i n n i h l u t a
S j á l f s t æ ð i s -
flokks um stöðu Tetra Íslands ver-
ið svarað með þeim hætti að
reksturinn væri í góðu horfi og
færi batnandi. Þannig hafi fyrir-
spurnum minnihlutans um stöðu
félagsins verið svarað í ágúst síð-
astliðnum með þeim hætti að
„engin ástæða [væri] til annars en
að ætla að félagið [Tetra Ísland]
[myndi] rétta við nú þegar friður
hef[ði] komist á um starfsemina
og stjórnendur félagsins [gætu]
einbeitt sér að uppbyggingu þess
markaðslega.“
„Ég get ekki fundið nein rök
fyrir því af hverju menn keyptu
þetta fyrirtæki á þessu verði. Eng-
in svör hafa komið fram eða nein-
ar röksemdir, hvorki þá né nú,
sem útskýra af hverju farið var út
í jafn fáránleg kaup og raun ber
vitni,“ segir Guðlaugur Þór. ■
Lækningar:
Rafboð gegn
flogaveiki
VÍSINDI Vísindamenn í Frakk-
landi og víðar eru nú að rann-
saka hvort heilagangráður geti
hjálpað til að lækna flogaveiki,
þunglyndi og ýmiss konar
áráttuhegðun.
Washington Post greinir frá
því að rannsóknir hafi verið
gerðar á mönnum. Í rannsókn-
unum hefur litlu raftæki, sem
sendi nákvæm rafboð á ákveðin
svæði í heilanum, verið komið
fyrir undir húðinni. Alim-Lous
Benabid, taugalæknir við Há-
skólann í Grenoble í Frakklandi,
segir að rannsóknirnar gefi vís-
bendingar um að nýtt skeið sé
að renna upp í lækningum á
ýmsum sjúkdómum sem hingað
til hafa verið taldir ólæknan-
legir. ■
FJÖLMENNAR MÓTMÆLAAÐ-
GERÐIR Allt að 80.000 manns
söfnuðust saman í miðborg
Ankara í Tyrklandi til að mót-
mæla áformum ríkisstjórnarinn-
ar um að umbreyta stjórnkerfi
landsins, meðal annars með því
að draga úr miðstýringu. Al-
menningur óttast að breytingarn-
ar muni hafa í för með sér upp-
sagnir fjölda opinberra starfs-
manna.
Báti hvolfdi:
Fjórir ferðamenn taldir af
BALTIMORE, AP Óttast er að allt að
fjórir hafi drukknað þegar báti
með 25 manns innanborðs
hvolfdi nálægt höfninni í Balti-
more í Bandaríkjunum. 22 var
bjargað úr sjónum en í gærkvöld
var þriggja farþega enn saknað.
Ein kona lést á sjúkrahúsi en
tveir aðrir farþegar eru enn í
lífshættu.
Báturinn var í útsýnissiglingu
um einn og hálfan kílómetra frá
landi þegar snörp vindhviða feyk-
ti honum á hvolf. Allir sem um
borð voru féllu útbyrðis en hvor-
ki farþegarnir né áhöfnin voru í
björgunarvesti. Engar líkur er
taldar á því að fleiri eigi eftir að
finnast á lífi þar sem sjórinn var
aðeins um fimm gráðu heitur. ■
JOHN KERRY
Hefði viljað að Bandaríkja-
menn stöðvuðu uppreisnina
á Haítí.
■ Evrópa
ORKUVEITA REYKJAVÍKUR
OR eignaðist hlut í Tetra Íslandi í gegnum kaup Línu Nets á Irju ehf. Það félag rann svo
inn í Tetra Ísland.
GUÐLAUGUR ÞÓR
ÞÓRÐARSON
Vildi óháða rann-
sókn á málefnum
Tetra Íslands.
ÞRIGGJA SAKNAÐ
Björgunarmenn leita að fólki nálægt höfninni í Baltimore.