Fréttablaðið - 11.03.2004, Blaðsíða 8

8 11. mars 2004 FIMMTUDAGUR
Svona er lífið
„Ég hefði nú samt ekki trúað því
fyrir tíu árum að ég ætti eftir að
enda inni á hinu háa Alþingi. En
svona er lífið.“
Jón Kr. Óskarsson, eini löggildi eldri
borgarinn á þingi, Fréttablaðið 10. mars.
Ástfanginn Baski að gefast
upp
„Ég er búinn að hringja í meira
en hundrað Ingunnir bara til
þess að sjá hvort heppnin yrði
með mér en það hefur litlu skil-
að. Ég er við það að gefast upp.“
Javier Santos Garay, ástfanginn Baski í
leit að íslenskri stúlku, DV 10. mars.
Allt í mínus
„Í opinberum rekstri er mögu-
legt að reka allt í mínus, jafnvel
mörg ár í röð, ríkissjóður borgar
hvort eð er reikninginn.“
Kristinn Már Ársælsson, stjórnarmaður í
Heimdalli um frelsi í menntamálum,
Morgunblaðið 10. mars.
Orðrétt
SAMKEPPNISMÁL Samkeppnisstofn-
un er með til skoðunar hvort
starfsemi innheimtufyrirtækisins
Intrum Justitia brjóti í bága við
samkeppnislög.
„Við fengum óformlegar
athugasemdir sem snúa að eignar-
haldi Intrum,“ segir Guðmundur
Sigurðsson, forstöðumaður sam-
keppnissviðs Samkeppnisstofnun-
ar. Að öðru leyti vildi hann ekki
tjá sig um málið.
Intrum er að stærstum hluta í
eigu KB banka, Landsbanka Íslands
og Sparisjóðanna. Athugasemdirnar
snúa að því að fyrirtækið sé hugsan-
lega með einokunarstöðu á svoköll-
uðum millikröfumarkaði. Vegna
eignarhalds síns í Intrum beini
bankarnir þrír öllum sínum við-
skiptum til fyrirtækisins sem
skekki samkeppnistöðuna gagnvart
öðrum innheimtufyrirtækjum.
Samkvæmt heimildum Frétta-
blaðsins leikur einnig grunur á að
óeðlileg tengsl séu á milli Intrum
og Lánstrausts hf. Lánstraust er
eina fyrirtækið á landinu sem gef-
ur upp upplýsingar um vanskil
þannig að öll innheimtufyrirtækin
eru háð Lánstrausti að því leyti.
Samkeppnisstofnun hefur sent
öllum innheimtufyrirtækjum bréf
þar sem óskað er eftir afritum af
öllum samningum sem þau hafa
gert við Lánstraust. Ennfremur
hefur stofnunin óskað eftir árs-
reikningum fyrirtækjanna fjögur
ár aftur í tímann og upplýsingum
um tengsl þeirra við bankana. Ís-
landsbanki mun vera eini bankinn
sem stendur fyrir utan þennan
markað en hann beinir viðskipt-
um sínum meðal annars til inn-
heimtufyrirtækisins Momentum.
Hallgerður Jónsdóttir, fram-
kvæmdastjóri Momentum, segir
engin eignartengsl vera milli bank-
anna og Momentum. Hún segist
vissulega hafa áhyggjur af stöðu
mála á markaðnum. Það komi sér
því ekki á óvart að Samkeppnis-
stofnun sé með mál Intrum til skoð-
unar enda sé mörgum spurningum
ósvarað varðandi stöðu fyrirtækis-
ins á markaðnum.
Auk Intrum og Momentum eru
AM kredit og Premium á meðal
helstu fyrirtækja á innheimtumark-
aðnum. Vegna árshátíðar Intrum í
Danmörku náðist ekki í forsvars-
menn fyrirtækisins í gær.
trausti@frettabladid.is
Fá ekki greidd laun:
Rabbínar í
verkfall
JERÚSALEM, AP Þúsundir ísraelskra
rabbína hófu verkfall í gær til að
mótmæla því að stjórnvöld hafa
ekki greitt þeim laun síðasta hálfa
árið. Þar sem lög krefjast þess að
þeir veiti ákveðna þjónustu héldu
þeir áfram að gefa fólk saman en að-
eins ef fólk væri reiðubúið að giftast
á bílastæðum eða gangstéttum.
Forystumenn rabbína segja að-
gerðir stjórnvalda aðför að trúar-
lífi gyðinga. Á undanförnum árum
hefur myndast gjá milli þeirra
sem telja að trúarbrögð eigi að
ráða miklu um þjóðfélagið og
þeirra sem vilja takmarka áhrif
þeirra á stjórn landsins. ■
Lesbískur barnaníðingur:
Þóttist vera
piltur
BRETLAND Dómstólar í Bretlandi
hafa dæmt lesbíska konu, sem fór í
gervi unglingspilts til að tæla tólf
ára stúlku, í tveggja ára fangelsi.
Kelly Trueman, sem er 23 ára, mis-
notaði stúlkuna kynferðislega eftir
að hafa vingast við hana á skólalóð í
Derbyshire sumarið 2003.
Trueman taldi stúlkunni og vin-
konum hennar trú um að hún væri
sextán ára strákur. Eftir að hafa
vingast við fórnarlambið og for-
eldra hennar fékk hún leyfi til að
gista á heimili fjölskyldunnar. Í eitt
skipti hélt hún því fram að faðir
sinn hefði hent sér út og fékk að búa
heima hjá stúlkunni í fimm daga. ■
LEIFSSTÖÐ
Alls ferðuðust um 66 þúsund farþegar
með flugfélaginu í febrúar
Farþegum Icelandair:
Fjölgar
um 21%
FERÐAMÁL Farþegum í áætlunarflugi
hjá Icelandair fjölgaði um rúm 21
prósent í febrúar síðastliðnum mið-
að við sama tíma í fyrra.
Alls ferðuðust um 66 þúsund far-
þegar með flugfélaginu í febrúar
samanborið við rúmlega 54 þúsund í
fyrra. Farþegum til og frá Íslandi
fjölgaði um rúm 11 prósent en far-
þegum sem flugu með félaginu yfir
Norður-Atlantshafið með viðkomu á
Íslandi fjölgaði um 51 prósent.
Fyrstu tvo mánuði ársins hefur
farþegum fjölgað um 14 prósent
miðað við fyrstu tvo mánuði síðasta
árs. ■
ALÞINGI Halldór Ásgrímsson utan-
ríkisráðherra flutti þingsályktun-
artillögu á Alþingi í fyrradag um
breytingu á EES-samningnum, en
með tillögunni er ríkisstjórninni
falið að staðfesta tilskipun um
ráðstafanir gegn því að fjármála-
kerfið sé notað til peningaþvættis.
Þetta kallar á lagabreytingar hér
á landi, en ekki er um að ræða
breytingar á meginreglum EES-
samningsins. Alþingi samþykkti á
síðasta ári frumvarp viðskipta-
ráðherra um breytingu á lögum
um aðgerðir gegn peningaþvætti.
Samkvæmt eldri tilskipun var
fjármálastofnunum skylt að til-
kynna um grunsamleg viðskipti
og sýna aðgæslu þannig að koma
mætti í veg fyrir að stofnanir
væru misnotaðar til peninga-
þvættis á ólöglegum fjármunum.
Í ljósi fenginnar reynslu hefur
framkvæmdastjórn ESB nú
ákveðið að endurskoða ákvæði
upphaflegu tilskipunarinnar. Það
þýðir að gildissvið hennar er
rýmkað og nær hún nú einnig til
lögfræðinga, fasteignasala og að-
ila sem eiga í viðskiptum með
eðalmálma. Tilskipunin kallar
einnig á breytingar á almennum
hegningarlögum hvað varðar svik
sem beinast að fjárhagslegum
hagsmunum ESB, en slíkar breyt-
ingar eru á forræði dóms- og
kirkjumálaráðuneytisins. ■
Þingsályktunartillaga um aðgerðir gegn peningaþvætti:
Grunsamleg viðskipti tilkynnt
HALLDÓR ÁSGRÍMSSON
Utanríkisráðherra flutti þingsályktun-
artillögu á Alþingi um breytingu á
EES-samningnum sem kveður á um
hertari aðgerðir gegn peningaþvætti
á fjármálamarkaði.
MILLJÓN DOLLARA SEÐILLINN
Hún var heldur bjartsýn konan
sem dró upp milljón dollara seðil
í stórmarkaði í Suðurríkjum
Bandaríkjanna og hugðist borga
með honum; hún ætlaðist til að fá
afgang upp á nærri eina milljón
dollara, andvirði um 70 milljón
króna. Konan hefur verið ákærð
fyrir seðlafölsun. Hæstu seðlar í
Bandaríkjunum eru hundrað doll-
ara seðlar.
LJÚGA HVERJU SEM ER Þeir sem
komu til greina í val á kviðdómn-
um sem kveður upp úr um sekt
Terrys Nichols sögðust sumir
reiðubúnir að ljúga hverju sem
er til að komast í kviðdóminn.
Þetta sagði einn hugsanlegra
kviðdómenda í málinu yfir vit-
orðsmanni Timothys McVeigh í
sprengjuárásinni í Oklahoma
1995 sem kostaði 160 manns lífið.
DREPINN Í VÍGSLUATHÖFN Nær átt-
ræður maður hefur verið ákærður
fyrir manndráp á vígsluhátíð
frímúrarareglu í Bandaríkjunum.
Maðurinn dró upp byssu sem hann
hélt að væri hlaðin púðurskotum og
skaut í andlit þess sem verið var að
vígja inn í regluna. Byssan reynd-
ist hlaðin alvöru skotum og lést
maðurinn samstundis.
■ Bandaríkin
■ Bandaríkin
Eignarhald banka í
Intrum til skoðunar
Samkeppnisstofnun skoðar samkeppnisstöðu innheimtufyrir-
tækisins Intrum. Athugasemdir hafa verið gerðar við eignarhald
fyrirtækisins. Grunur um óeðlileg tengsl við Lánstraust hf.
FYRIRTÆKI TIL SKOÐUNAR
Guðmundur Sigurðsson, forstöðumaður
samkeppnissviðs Samkeppnisstofnunar, seg-
ir stofnunina hafa fengið óformlega athuga-
semdir sem snúi að eignarhaldi Intrum.
ALÞINGI „Full ástæða er til að vara
við að of geyst sé farið í erlend-
um lántökum með breytilegum
vöxtum. Allt bendir til þess að
þeir hækki þegar fram líða
stundir og vaxtabyrði lánanna
aukist að sama skapi. Við þetta
getur bæst gengisáhætta,“ sagði
Davíð Oddsson forsætisráðherra
í utandagskrárumræðu um
skuldastöðu þjóðarbúsins á
Alþingi í gær.
Steingrímur J. Sigfússon,
Vinstri grænum, benti á að er-
lendar skuldir næmu á annað
þúsund milljarða króna og spurði
forsætisráðherra meðal annars
um mat á þróun þeirra og
greiðslustöðu þjóðarbúsins í ljósi
mikillar útlánaþenslu.
Davíð sagði að erlendar
skuldir viðskiptabankanna
hefðu aukist um 300 milljarða
króna í síðasta ári. Þessi mikla
lántaka hefði farið fram við
óvenju hagstæð vaxtaskilyrði.
„Stór hluti erlendra lána hef-
ur farið í að fjármagna yfirtök-
ur og umbrot á fyrirtækjamark-
aði,“ sagði Davíð og skoraði á
innlánsstofnanir að taka mark á
vinsamlegum og skynsamlegum
ábendingum og aðvörunum
Seðlabankans. Varðandi aukna
lántöku heimilanna í erlendum
gjaldmiðli sagði Davíð:
„Heimilin taka ákvarðanir
sínar um slíkt í ljósi aðstæðna
og væntinga. Það er engu að síð-
ur rétt að vara við slíkri þróun,
þótt það sé líka varasamt að
grípa fram fyrir hendur á fólki
og setja því skorður til láns-
fjáröflunar.“ ■
DAVÍÐ ODDSSON
Í utandagskrárumræðu á Alþingi í gær um
skuldastöðu þjóðarbúsins varaði forsætis-
ráðherra heimilin við of mikilli lántöku í
erlendrum gjaldmiðli, en sagði það einnig
varasamt að grípa fram fyrir hendur á fólki
í þessum efnum.
Davíð Oddsson í utandagskrárumræðum á Alþingi:
Varar við aukinni lántöku