Fréttablaðið - 11.03.2004, Blaðsíða 16
16 11. mars 2004 FIMMTUDAGUR
FORSETINN AFLAR FJÁR
George W. Bush Bandaríkjaforseti veifar til
blaðamanna á flugvellinum í Waco í Texas.
Bush fór til Dallas og Houston í gær til að
safna fé í kosningasjóð sinn.
HEILBRIGÐISMÁL Heilbrigðisráðu-
neytið og Landlæknisembættið
vilja að hugað verði sérstaklega að
tilfinningalegum og geðrænum
vanda barna og unglinga, að því er
fram kemur í nýrri og yfirgrips-
mikilli skýrslu fagráðs embættis-
ins og heilbrigðisráðuneytisins um
áherslur til heilsueflingar, sem
kynnt var í fyrradag.
Embættið vill að leitað sé skipu-
lega að einstaklingum í áhættu og
úrræði sköpuð til að leysa vanda-
málin áður en í óefni sé komið.
Í heilbrigðisáætlun 2010 er
áætlað að 22 prósent Íslendinga
eldri en fimm ára þjáist af geð-
röskunum af ýmsu tagi. Eitt af að-
almarkmiðum heilbrigðisáætlun-
arinnar er að draga úr tíðni sjálfs-
víga um 25 prósent.
Bent er á að hvetja þurfi ríki og
sveitarfélög til að marka sér
heilsueflingarstefnu og beita heil-
brigðismati við undirbúning allra
ákvarðana sem varða líf og heilsu
íbúanna. Markviss fjölskyldu-
stefna og skipuleg fjölskylduvernd
séu þar mikilvægir þættir.
Enn fremur er bent á að stuðn-
ingur við skólakerfi, kennarastétt-
ir og menntun séu líklegri leið til
að bæta heilsu og vellíðan, heldur
en efling heilbrigðiskerfisins.
Nauðsynlegt sé að efla þekkingu á
lýðheilsu í landinu. Eitt af for-
gangsverkefnum heilbrigðisyfir-
valda ætti að vera að efla heilsu-
gæsluna sem máttarstólpa heilsu-
verndar og forvarnarstarfs. ■
TILLÖGUR Í MENNTAMÁLUM
Fulltrúar Heimdallar, félags ungra sjálf-
stæðismanna, afhentu Þorgerði Katrínu
Gunnarsdóttur menntamálaráðherra
tillögur félagins í menntamálum í fyrradag.
Tillögur Heimdallar:
Skólagjöld
jákvæður
kostur
MENNTAMÁL „Með tilkomu sam-
keppni í háskólaumhverfinu hef-
ur það komið á daginn að ríkisrek-
inn háskóli er að verða undir í
baráttunni um nemendur, þjón-
ustu og aðstöðu.“
Svo segir í aðfaraorðum
Heimdallar, félags ungra sjálfs-
ræðismanna, að tillögum í
menntamálum, sem afhentar voru
menntamálaráðherra í fyrradag. Í
tillögunum er víða komið við í
skólakerfinu, m.a. fjallað um
skólagjöld, faglegt frelsi, stytt-
ingu náms til stúdentsprófs, fjár-
hagslegt frelsi og verknám.
Í tillögunum eru skólagjöld
talin jákvæður kostur og með
þeim fjárfesti einstaklingurinn í
eigin framtíð. Lögð er áhersla á að
námskrá grunnskóla þurfi að taka
mið af einstaklingsþörfum, þan-
nig að hæfileikar hvers og eins
séu sem best ræktaðir. Hvað varð-
ar samræmd próf þurfi þau að
vera í öllum greinum eða engri,
svo komist verði hjá því að mis-
muna nemendum. Alltof oft gerist
það að mjög greindir nemendur á
öðrum sviðum en slík próf taki til
búi við brostna sjálfsmynd vegna
lágra einkunna á samræmdu
prófi. Þá sé áhyggjuefni að sam-
ræmd stúdentspróf geti steypt
framhaldsskólana í sama mót.
Loks er undirstrikað að auka beri
tækifæri til verknáms, ekki síst á
grunnskólastigi – með frelsi. ■
Ferju saknað:
Yfir 100
um borð
MADAGASKAR, AP Ferju með á annað
hundrað manns innanborðs hefur
verið saknað síðan á sunnudag
þegar fellibylur gekk yfir Madaga-
skar. Ferjan Samson fór frá
Comoros-eyjum á sunnudag og átti
að koma til Madagaskar á mánu-
dag.
Staðfest hefur verið að að
minnsta kosti átján manns hafi lát-
ist af völdum fellibyljarins Galifo
og yfir 50.000 misst heimili sín.
Yfirvöld á Madagaskar hafa óskað
eftir alþjóðlegri neyðaraðstoð en
mikill skortur er á tjöldum, mat-
vælum og lyfjum auk farartækja
til að flytja gögn til afskekktra
héraða. ■
HEILBRIGÐISYFIRVÖLD
Heilbrigðisráðherra og landlæknir kynntu áherslur til heilsueflingar á fundi
með fréttamönnum í fyrradag.
Heilsueflingarstefna heilbrigðisyfirvalda:
Áhersla á velferð barna og unglinga
FORSÆTISRÁÐHERRAR Skiptar skoð-
anir eru um réttmæti útgáfu bók-
ar ríkisins um forsætisráðherra
Íslands sem gefin verður út í til-
efni 100 ára afmælis heimastjórn-
ar. Ráðgert er að bókin komi út á
síðasta degi Davíðs Oddssonar í
forsætisráðherrastóli 15. septem-
ber. Fréttablaðið hafði samband
við fulltrúa allra stjórnmála-
flokka og fékk þá til að tjá sig um
útgáfustarfsemina. ■
1. Mér finnst skemmtilegt að
heyra að eigi að gefa þetta rit út
og fagna því mjög.
2. Ég held nú að kostnaðar-
áætlun hljóti að liggja fyrir í
stórum dráttum. Menn gera sér
grein fyrir því hvað það kostar
að gefa út svona bækur en
hversu nákvæmt það er er ekki
meginatriði enda hleypur ekki á
stórum upphæðum.
3. Það var mikið um að vera á
afmælisdeginum sjálfum og
komu menn því ekki öllu í verk.
Ég bendi á að árið 1974 var
ákveðið að gefa út Íslandssög-
una en við erum enn að því í
dag.
1. Ég tel tímabært að gefa út
þessa bók enda hafa margir
ágætir menn gegnt þessu starfi
gegn um tíðina. Ég hef þó
áhyggjur af því að kostnaður
verði of mikill.
2. Mér finnst það mjög slæmt
og hef áhyggjur af að þetta
verði alltof kostnaðarsamt. Til
að mynda kostuðu bækurnar
um stjórnarráðið og ráðuneytin
50 milljónir. Eins ættu bækur
sem gefnar eru út á kostnað
almennings að vera seldar á
mjög lágu verði svo fólk geti
notið þeirra eða gera þær að-
gengilegar á Netinu.
3. Það bendir náttúrlega til
þess að Davíð vilji gera sjálfum
sér eitthvað til hátíðabrigða. Ég
vona þó að hann fái ekki stærri
sess en hinir í þessari bók. Þetta
lyktar af því að hann vilji nota
tækifærið og hampa sínum ferli
með tilvísun til ferils annarra en
allir vita að hans ferill er lengst-
ur allra forsætisráðherra.
1. Þar sem ég er mikill áhuga-
maður um sögu fagna ég því að
fá á samanþjappaðan hátt frá
ólíkum sjónarhornum með ólík-
um pennum sögu forsætisráðu-
neytisins á mestu uppgangs-
tímum í sögu þjóðarinnar.
2. Ég trúi ekki öðru en menn
hafi slegið á einhvern kostnað,
gef mér það að menn hafi áætl-
að tiltekna upphæð til verksins.
3. Mér finnst útgáfudagurinn
bara mjög eðlilegur. Það eru
ákveðin tímamót þegar sá for-
sætisráðherra þjóðarinnar sem
lengst hefur setið fer úr stóli.
Þetta eru tímamót í sögu stjórn-
sýslunnar.
1. Ég tel að sagnfræði eigi að
nálgast öðruvísi en á þennan
hátt. Þannig á að skrifa sögu
stjórnmálanna en ekki sögu rík-
isstjórna, hvað þá einstakra for-
sætisráðherra. Til samanburðar
myndum við skrifa sögu heil-
brigðismála en ekki einstakra
heilbrigðisráðherra. Í sögu
stjórnmála undanfarinna ára og
sögu stjórnarráðsins verður ein-
stakra stjórnmálamanna víða
getið og það mun sannarlega
eiga við um Davíð Oddsson, en
það er allt annar handleggur.
2. Það er fráleitt að ráðast í
verkið án þess að slík áætlun sé
gerð.
3. Þetta er eflaust mikill dagur
i lífi Davíðs Oddssonar og ef
mönnum finnst Íslandssagan
standa og falla með sjálfum sér
er eðlilegt að menn velji dag við
hæfi. Hins vegar finnst mér
synd og skömm að Halldór fái
ekki að vera með því þetta
kann að verða eina forsætisráð-
herrasagan sem skrifuð verður.
1. Ég fagna útgófu bóka um
merkileg efni. Mér finnst hins
vegar óþarft að ríkið sé að
stofna bókaútgáfu. Það er eitt
furðulegt við þessa bók. Forsæt-
isráðherra var fyrst til 1917
þannig að það embætti á ekk-
ert afmæli núna á þessu ári. Ef
menn eru að fagna 100 ára
setu innlendra ráðherra væri við
hæfi að gefa út bók um alla
ráðherrana.
2. Ég trúi ekki að það gerist.
Ég lagði inn fyrirspurn til forsæt-
isráðherra 12. febrúar þar sem
ég spurði meðal annars um
kostnað og kostnaðaráætlun.
Það hefur tekið hann mánuð að
undirbúa svarið.
3. Hvað finnst þér?
Einar Oddur Kristjánsson,
þingmaður Sjálfstæðisflokksins:
Skemmtilegt
framtak
Magnús Þór Hafsteinsson,
þingmaður Frjálslynda flokksins:
Til hátíðabrigða
fyrir Davíð
Hjálmar Árnason,
þingmaður Framsóknarflokksins:
Fagnar framtakinu
Ögmundur Jónasson,
þingmaður Vinstri grænna:
Vitlaus nálgun
Mörður Árnason,
þingmaður Samfylkingarinnar:
Ekki afmælisár
forsætisráðherra-
embættisins
sda@frettabladid.is
Fimm stjórnmálamenn voru spurðir eftirfarandi:
1. Finnst þér þörf á að gefa út bók um forsætisráðherra Íslands?
2. Hvað finnst þér um að ráðist hefur verið í gerð ritsins
án þess að kostnaðaráætlun liggi fyrir?
3. Hvaða skoðun hefur þú á útgáfudegi bókarinnar?
Rit um forsætisráðherra Íslands verður gefið út á kostnað ríkisins á frá-
farardegi Davíðs Oddssonar úr forsætisráðherrastóli 15. september.
Ekki hefur verið birt kostnaðaráætlun vegna verksins.
Fulltrúar allra flokka segja skoðun sína
á útgáfustarfseminni.
Skiptar skoðanir
um ráðherrabók