Fréttablaðið - 11.03.2004, Blaðsíða 30

Stórleikararnir Ashley Judd,Andy Garcia og Samuel L.
Jackson koma saman í myndinni
Twisted, þar sem Ashley Judd fer
með hlutverk Jessicu Shepard,
nýráðins rannsóknarlögreglu-
manns í leit að raðmorðingja. Sér
til undrunar kemst hún að því að
fórnarlömb morðingjans eru allt
saman karlmenn sem hún hefur ný-
lega átt náið samneyti við.
Rannsóknin á morðmálinu verð-
ur þeim mun snúnari þegar félagi
hennar, leikinn af Andy Garcia, fer
að haga sér undarlega og yfirmað-
ur hennar, Samuel L. Jackson, er
beðinn um að taka hana úr rann-
sókninni þar sem hún er grunuð
um aðild að morðunum. Allar vís-
bendingar leiða til hennar og
Jessicu fer sjálfa að gruna að hún
sé morðinginn sem hún hefur verið
að eltast við. Saga aðalpersónunnar
flækist verulega við að faðir henn-
ar var fjöldamorðingi og því hefur
yfirmaður hennar í lögreglunni
skipað sess í huga Jessicu sem
nokkurs konar föðurímynd.
Þrátt fyrir að vera spennu-
mynd um hugsanlegt óminni
aðalleikkonunnar segir leik-
stjórinn að kynferðislegir undir-
tónar myndarinnar sveipi mynd-
ina óvenjulegri dulúð.
Leikstjóri myndarinnar er
Philip Kaufman, sem áður hefur
leikstýrt myndum eins og Ris-
ing Sun með þeim Sean Connery
og Wesley Snipes, Henry and
June sem skartaði meðal annars
Umu Thurman og The Unbear-
able Lightness of Being sem
byggð var á skáldsögu Milan
Kundera. ■
11. mars 2004 FIMMTUDAGUR
Tell me something, my friend.
You ever dance with the devil by the
pale moonlight?
- Erkióvinur Leðurblökumannsins gerði þessum nýja Ís-
landsvini lífið leitt í Batman eftir Tim Burton. Jókerinn
var alltaf með einhverjar skemmtilegar setningar á
hraðbergi og þessa notaði hann iðulega áður en hann
kálaði fólki og þannig heyrði Bruce Wayne þessi orð
fyrst þegar hann horfði á foreldra sína skotna til bana..
Bíófrasinn
Hvernigfannst þér...
■ Kvikmyndir
■ Kvikmyndir
JÓKERINN
...Lost in Translation?
„Hún var bara ógeðslega flott, ekki síst
vegna þess að það sem maður hélt að
myndi gerast gerðist ekki.
Það er líka svolítið merki-
leg saga á bak við hana
Coppola og hvernig hún
er að meika það núna og
það eykur kannski enn á
hrifninguna. Ég fór samt
ekki með neinar vænting-
ar á myndina og varð ekki
fyrir neinum vonbrigðum, heldur þvert á
móti. Það hafði sitt að segja að plottið kom
á óvart og ég er svekkt yfir því að Bill
Murray hafi ekki fengið Óskarsverðlaunin
og er hissa á Akademíunni, sem er 50+, að
svíkja sinn mann, að ég tali nú ekki um að-
dáendur hans.“
Hulda Bjarna, dagskrárstjóri Létt 96,7.
...Big Fish?
„Ég hef séð alveg fínar myndir í bíó. Síðast
sá ég þá ágætu kvikmynd Lost in
Translation en þar áður sá
ég Something’s Gotta Give
og Big Fish. Allar þessar
myndir hafa verið mér til
ómældrar ánægju. Af þess-
um myndum var Big Fish
sú mynd sem heillaði mig
mest og er þar á ferðinni
mynd sem nýtir sér miðillinn til hins ýtrasta
og bæði saga og mynd fá að njóta sín. Ég
er á leiðinni að fara að sjá Cold Mountain
og hlakka mikið til.“
Jakob Frímann Magnússon, Stuðmaður.
Bræðurnir Bobby og PeterFarrelly hittu beint í mark
með Dumb&Dumber, frumraun
sinni á hvíta tjaldinu árið 1994.
Þar fóru þeir Jim Carrey og Jeff
Daniels á kostum í hlutverkum
æskufélaganna Lloyd Christmas
og Harry Dunne. Þeir félagarnir
voru ekki beinlínis gæfulegir,
grjótheimskir og utangátta, en
samt tókst þeim að snúa á glæpa-
menn og vinna hjarta sætu
stelpunnar.
Farrelly-bræður tefla nú fram
öðru kostulegu tvíeyki í gaman-
myndinni Stuck On You sem verð-
ur frumsýnd á föstudaginn. Að
þessu sinni eru þó ekki hálfbjánar
á ferðinni heldur bræður sem
hafa náð langt í lífinu og allt leik-
ur í höndunum á. Það eina sem
flækir tilveru þeirra er að þeir
eru síamstvíburar og þurfa því að
gera allt saman.
Sælir síamstvíburar
Bob og Walt Tenor hafa þó ekki
látið fötlun sína halda aftur af sér
og eru lifandi sönnun þess að tveir
geta verið betri en einn og að fjór-
ar hendur vinna hraðar en tvær.
Þeir eru frábærir íþróttamenn,
reka vinsælan skyndibitastað í
heimabæ sínum og eru frægir
fyrir hamborgarana sína, sem
þeir grilla vitaskuld á mettíma.
Málin flækjast þegar Walt bít-
ur það í sig að hann vilji verða
leikari og langar að freista gæf-
unnar í Hollywood. Þeir deila
sömu lifrinni en Walt eldist mun
hraðar en Bob og finnst hann því
vera á síðasta séns. Þar sem þeir
bræður sóru þess dýran eið í
æsku að víkja aldrei hvor frá öðr-
um verður Bob að fylgja bróður
sínum til Hollywood.
Grýtt framabraut
Í Los Angeles kynnast þeir
bræður nágranna sínum, hinni
vægast sagt kynþokkafullu April,
sem Eva Mendes leikur. Hún er
einnig að brölta á framabrautinni
og kemur bræðrunum í kynni við
subbulegan umboðsmann sem
hefur aðeins áhuga á að koma
Walt í klámmyndir. Málin taka svo
heldur betur kipp í rétta átt þegar
söng- og leikkonan Cher ræður
Walt til sín í nýjan sjónvarpsþátt
sem hún vill endilega að mis-
heppnist. Áætlunin gengur þó
ekki upp, Walt slær í gegn og
bræðurnir verða frægir á auga-
bragði.
Bob finnur ástina í millitíðinni
og bræðurnir standa því að lokum
frammi fyrir erfiðri og afdrifa-
ríkri ákvörðun.
Kostulegt persónugallerí
Farrelly-bræður byggja mynd-
ir sínar á jákvæðum persónum
sem eru þó haldnar ýmsum kvill-
um, andlegum eða líkamlegum, og
gæta þess jafnan að velja trausta
leikara til þess að koma furðu-
fuglunum sínum á hvíta tjaldið.
Þannig fóru Woody Harrelson og
Randy Quaid á kostum í Kingpin,
þar sem Harrelson lék einhentan
keiluspilara og Quaid einfaldan
Amish-mann. Ben Stiller, Camer-
on Diaz og Matt Dillon glönsuðu
síðan í gegnum There’s Some-
thing About Mary og Jack Black
og Gwyneth Paltrow voru litlu
síðri í Shallow Hal þar sem Gwyn-
eth lék offitusjúkling á eftir-
minnilegan hátt. Bræðurnir voru
lengi að vandræðast með hverja
þeir ættu að fá til að leika Bob og
Walt en duttu að lokum niður á
Matt Damon og Greg Kinnear,
sem þeir segja smellpassa saman.
Beittur húmor
Bræðurnir hafa alltaf látið
pólitíska rétthugsun sem vind
um eyru þjóta og gera miskunn-
arlaust grín að fólki óháð kyn-
hneigð, litarhætti, trúarbrögð-
um eða líkamlegri fötlun. Þeir
fengu hugmyndina að Stuck On
You um það leyti sem þeir gerðu
Dumb&Dumber en hugmyndin
fékk litlar undirtektir og fáir
framleiðendur höfðu áhuga á því
að grínast með síamstvíbura.
Bobby Farrelly leggur áherslu á
að það hafi aldrei staðið til að
gera grín að bræðrunum og þess
var vandlega gætt við handrits-
gerðina að þeir væru sigurveg-
arar. Matt Damon leist ekkert of
vel á að leika í grínmynd um
síamstvíbura og óttaðist nei-
kvæð viðbrögð. Hann skipti þó
snarlega um skoðun eftir að
hann las handritið sem honum
fannst sætt, fullt af hlýju og
drepfyndið.
Kinnear er hins vegar góð-
kunningi bræðranna og sló strax
til. Samleikur þeirra Damons
þykir þrælfínn og bræðurnir
hafa greint frá því í viðtölum að
það þurfi sérstaka leikara til að
halda það út að hanga saman á
mjöðmunum í þrjá mánuði. Þess-
ir tveir geðprýðismenn fóru létt
með það og skemmtu sér kon-
unglega á meðan. ■
Tveir eru
betri en einn
EVA MENDES
Aðalgellan úr 2Fast2Furious og Once Upon a Time in Mexico mætti í prufu hjá bræðrun-
um. Þeir heilluðust strax og sendu hinar 50 leikkonurnar heim.
BO OG WALT
Una sáttir við sitt, fastir saman á mjöðmunum, þar til Walt vill fara til Hollywood og reyna
fyrir sér sem leikari. Bróðir hans getur ekki annað en fylgt honum á frægðarbrautinni.
LOST IN TRANSLATION
Þessi rómaða mynd Sofiu Coppola er fun-
heit um þessar mundir og vekur almenna
hrifningu þeirra sem hafa séð hana.
30
ASHLEY JUDD
Leikstjórinn Philip Kaufman segist
ánægður með hve vel Andy Garcia og
Ashley náðu saman á hvíta tjaldinu.
Óminni á rúmstokknum