Fréttablaðið - 11.03.2004, Blaðsíða 41
FÓTBOLTI Real Madrid vann þýska
liðið Bayern 1-0 í stórslag umferð-
arinnar á Santiago Bernabeu leik-
vanginum í Madrid. Frakkinn
Zinedine Zidane skoraði sigur-
mark heimamanna á 32. mínútu af
stuttu færi eftir darraðadans í
vítateig Bayern. Mikill hasar var
undir lok fyrri hálfleiks og bjarg-
aði Real þá á línu. Hvorugu liðinu
tókst að skora mark í síðari hálf-
leik og komst spænska liðið því
áfram samanlagt 2-1, eftir að
fyrri leiknum lauk með 1-1 jafn-
tefli. Real lék án Ronaldo, sem var
meiddur, og Roberto Carlos.
Framherjinn snjalli, Raul, var aft-
ur á móti í framlínunni eftir að
hafa náð að hrista af sér meiðsli.
Arsenal er einnig komið áfram
í 8-liða úrslit eftir 2-0 sigur á
spænska liðinu Celta Vigo á Hig-
hbury. Thierry Henry var hetja
heimanna. Hann kom Arsenal yfir
eftir fimmtán mínútna leik eftir
góða sendingu frá Hollendingnum
Dennis Bergkamp. Henry bætti
síðan öðru marki sínu við fimmt-
án mínútum síðar eftir að sending
frá Fredrik Ljungberg barst til
hans frá varnarmanni Celta.
Evrópumeistarar AC Milan
unnu Spartak Prag 4-1. Filippo
Inzaghi kom AC Milan yfir undir
lok fyrri hálfleiks með góðu
skallamarki eftir sendingu frá
Cafu. Spartak Prag jafnaði metin í
upphafi síðari hálfleiks með
marki frá varamanninum Tomas
Jun. Andrei Shevchenko kom
heimamönnum aftur yfir aðeins
þremur mínútum síðar með
skallamarki og bætti síðan öðru
marki sínu við, og því þriðja fyrir
Milan, nokkru síðar með hörku-
skoti. Milan bætti síðan fjórða og
síðasta marki sínu við undir lok
leiksins með marki frá Gattuso.
Mónakó vann sigur á
Lokomotiv 1-0. Lokomotiv vann
fyrri leikinn 2-1 en Mónakó kemst
áfram með markinu sem þeir
skoruðu á útivelli. Það var Dado
Prso sem skoraði mark Mónakó í
upphafi seinni hálfleiks en hann
hafði áður klúðrað vítaspyrnu fyr-
ir heimamenn. Lokomotiv Moskva
varð fyrir áfalli þegar um miðjan
fyrri hálfleik þegar Dmitri
Loskov var rekinn út af eftir að
hafa fengið sitt annað gula spjald.
41FIMMTUDAGUR 11. mars 2004
Nú bjóðum við 10 stórar rósir
á 1790 kr.
frá föstudegi til föstudags
MIKIÐ ÚRVAL TIL FERMINGA
„RÓSADAGAR“
Blóm og Gjafir
Hamraborg
sími 564 3032
Árbæjarblóm
Hraunbæ 102
sími 567 3111
FYRIRLIÐINN FÓR FYRIR SÍNUM MÖNNUM
Magnús Agnar Magnússon, fyrirliði Gróttu/KR, spilaði mjög vel gegn Val í gær.
ZINEDINE ZIDANE FAGNAR SIGURMARKI SÍNU
Frakkinn snjalli tryggði Real Madrid 1–0 sigur á Bayern München í gær.
Grótta/KR hleypti spennu í toppslaginn í RE/MAX-deild karla í handbolta:
Toppliðið skoraði ekki í 16 mínútur
HANDBOLTI Grótta/KR-liðið hleypti
spennu aftur í toppbaráttuna í
úrvalsdeild RE/MAX-deildar
karla í handbolta með því að vinna
topplið Valsmanna, 23–20, á
Nesinu í gær. Valsmenn voru 6–9
yfir eftir 17 mínútur en skoruðu
þá ekki í heilar 16 mínútur og
heimamenn komust þá þremur
mörkum yfir og leiddu 12–9 í
hálfleik. Valsmenn náðu að jafna
leikinn en þeir komust aldrei
aftur yfir og Grótta/KR sýndi
styrk á spennandi lokamínútum.
Ágúst Jóhannsson, þjálfari
Gróttu/KR, var ánægður með sína
menn en liðið var búið að tapa
tveimur leikjum í röð. „Við vorum
að spila virkilega góðan
varnarleik, fengum líka góða
markvörslu og leystum okkar sók-
narleik vel á móti þeirra framlig-
gjandi vörn. Við vorum bara
sterkari aðilinn. Hver leikur er
mikilvægur og það þarf að hafa
mikið fyrir hverjum sigri. Það
hefði verið mjög slæmt að tapa
þriðja leiknum í röð en við rifum
okkur upp á heimavelli og
kláruðum þetta,“ sagði Ágúst.
Gísli Guðmundsson átti
frábæran leik í marki Gróttu/KR,
varði 20 skot, þar af 2 víti og 10
skot Valsmanna í röð þegar þeir
skoruðu ekki í 16 mínútur.
Magnús Agnar Magnússon og
Daði Hafþórsson skoruðu fimm
mörk hver og þeir Brynjar Þór
Hreinsson og Konráð Olavson
gerðu fjögur mörk hver. Allir
spiluðu þeir félagar mjög vel.
Hjá Val skoraði Markús Máni
Michaelsson og Heimir Örn Árna-
son fimm mörk hvor og Hjalti
Gylfason var með fjögur.
„Þeir voru bara betri, það er
ekki flóknara en það. Við fundum
okkur ekki sóknarlega og
virkuðum þreyttir. Svona er þessi
deild, það eru allir að vinna alla.
Við rífum okkur upp úr þessu og
klárum Haukana á laugardaginn,“
sagði Óskar Bjarni Óskarsson,
þjálfari Vals. ■
Real Madrid sló út
Bæjara í hörkuleik
Síðari fjórum leikjunum í 16-liða úrslitum meistaradeildar Evrópu lauk í gærkvöldi.
Real Madrid, Arsenal, Mónakó og AC Milan komust öll áfram.
Úrvalsdeild RE/MAX-deildar karla í handbolta:
Ung hetja Hauka í gær
HANDBOLTI 17 ára strákur spilaði
stóra rullu í 28–31 sigri Hauka á
HK í Digranesi í gær. Gísli Jón
Þórisson skoraði tvö af fjórum
mörkum sínum í lokin og fiskaði
víti eftir að HK hafði minnkað
muninn í eitt mark, 26–27. Haukar
höfðu annars frumkvæðið allan
leikinn, leiddu 12–14 í hálfleik og
komust síðan í 20–26.
Ásgeir Örn Hallgrímsson og
Vignir Svavarsson gerði sex mörk
fyrir Hauka og Jón Karl Björnsson
var með fimm. Þá skoruðu Gísli,
Þórir Ólafsson og Andri Stefan allir
fjögur. Birkir Ívar Guðmundsson
varði 19 skot, tvö víti.
Andrius Rackauskas skoraði 11
mörk fyrir HK og þeir Elías Már
Halldórsson, Ólafur Víðir Ólafsson
og Alexander Arnarsson gerði allir
þrjú. Hörður Flóki Ólafsson varði
átta skot í fyrri hálfleik en
Björgvin Páll Gústavsson 13 í þeim
seinni.
ÍR aftur á sigurbraut
ÍR vann Fram í hörkuleik í Aust-
urbergi 36-33. Staðan var jöfn í
hálfleik 16-16. Fram komst yfir 20-
17 en ÍR-ingar komust aftur inn í
leikinn eftir það.
Staðan var jöfn 28-28 en þá
komust heimamenn yfir og juku
forskotið jafnt og þétt. Spennan og
harkan var mikil í leiknum allt þar
til um fimm mínútur voru eftir en
þá var sigur ÍR-inga í höfn.
Einar Hólmgeirsson var marka-
hæstur ÍR-inga með átta mörk,
Ingimundur Ingimundarson skor-
aði sjö og Hannes Jónsson sex.
Ólafur Gíslason varði 17 skot í
markinu og var mikilvægur á loka-
sprettinum. Hjá Fram var Héðinn
Gilsson markahæstur með sjö
mörk og þeir Arnar Sæþórsson,
Stefán Baldvin Stefánsson og Valdi-
mar Þórsson skoruðu hver um sig
sex mörk.
Egidijus Petkevicius varði 16
skot í markinu. ■
Úrvalsdeild RE/MAX:
Stelmokas
með tíu
HANDBOLTI KA-menn unnu Stjörn-
una með 32 mörkum gegn 30. KA
var sterkari aðilinn frá upphafi
til enda og náði mest sex marka
forystu. Staðan í hálfleik var 16-
12 heimamönnum í vil. Undir lok-
in náðu Stjörnumenn að klóra í
bakkann og minnkuðu muninn í
aðeins eitt mark þegar 30 sek-
úndur voru til leiksloka. Þá inn-
siglaði Einar Logi Friðjónsson
sigur KA-manna með marki und-
ir lokin. Stjörnumenn urðu fyrir
áfalli þegar þrjár mínútur voru
til leiksloka og tveir leikmenn
þeirra voru reknir út af. Háði það
þeim vitaskuld mikið á loka-
sprettinum.
Andreus Stelmokas var
markahæstur í liði KA með tíu
mörk, þar af skoraði hann tvö úr
vítum. Arnar Atlason skoraði sjö
mörk, þar af tvö úr vítum og þeir
Sævar Árnason og Einar Logi
Friðjónsson settu hvor um sig
fimm bolta. Hans Sveinsson
varði 13 skot í marki KA, þar af
eitt víti. Stefán Guðnason varði
tvö skot og var annað þeirra úr
víti.
Hjá Stjörnunni var Bjarni
Gunnarsson markahæstur með
átta mörk. David Kekelia skoraði
sjö og þeir Arnar Theódórsson og
Gunnar Ingi Jóhannsson skoruðu
fimm mörk. Þar af skoraði Gunn-
ar þrjú úr vítum. Guðmundur
Karl Geirsson varði sjö skot í
markinu, þar af eitt víti og Jacek
Kowalvarði fjögur. ■
STAÐAN Í DEILDINNI
Valur 8 5 1 2 19
Haukar 8 5 2 1 17
ÍR 8 4 1 3 17
KA 8 5 0 3 17
Fram 8 3 0 5 12
Grótta KR 8 4 0 4 11
Stjarnan 8 2 0 6 10
HK 8 2 0 6 9
ÚRSLIT Í DEILDINNI Í GÆR
Grótta/KR–Valur 23–20
HK–Haukar 28–31
KA– Stjarnan 32–30
ÍR–Fram 36–33
ÚRSLIT Í MEISTARADEILDINNI
Arsenal-Celta 2-0 (samanlagt 5-2)
AC Milan-Sparta 4-1 (samanlagt 4-1)
Mónakó-Lokomtiv 1-0 (samanlagt 2-2)
Real M.-Bayern 1-0 (samanlagt 2-1)
FR
ÉT
TA
B
LA
Ð
IÐ
/T
EI
TU
R